၁ သ့းစၤလနံ 5:11 - Sgaw Karen Common Bible

¹¹ မ်ဒ်န့ၣ်ဒီး, ကတိၤဟ့ၣ်ဆူၣ်ထီၣ်လိာ်သုဂံၢ်သုဘါတဂၤဒီး တဂၤ, ဒီးမၤစၢၤလိာ်သုသးဒ်သုမၤတ့ၢ်လံခဲကနံၣ်အံၤအသိး န့ၣ်တက့ၢ်.

၁ သ့းစၤလနံ 5:11 Iomraidhean Croise

ရိမ့ၤ 14:19

မၤသးဒ်န့ၣ်ဒီး, ပကဘၣ်ပညိၣ်ဃီၤပသးထီဘိဒီးမၤတၢ်တဖၣ် လၢအဟဲစိာ်တၢ်ဃူတၢ်ဖိးဒီးကဲထီၣ်တၢ်ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤန့ၣ်လီၤ.

ရိမ့ၤ 15:14

ယဒီပုၢ်ဝဲၢ်သ့ၣ်ဧၢ, ယကစၢ်ဒၣ်ယဲယနာ်လၢသုလၢပှဲၤဒီးတၢ်ဂ့ၤတၢ်ဝါ, ဒီးတၢ်သ့ၣ်ညါအိၣ်ပှဲၤသုပူၤ ဒီးသုသိၣ်လိလိာ်သုသးတဂၤ ဒီးတဂၤသ့ဝဲန့ၣ်လီၤ.

ရိမ့ၤ 15:2

အခိၣ်တလိာ်, လၢပဒီပုၢ်ဝဲၢ်တဖၣ်အတၢ်ဂ့ၤဒၣ်ဝဲအဂီၢ် န့ၣ်ပဝဲတဂၤဒီးတဂၤပကြၢးမၤမုာ်အီၤဒ်သိးအတၢ်စူၢ် တၢ်နာ်ကဘၣ်တၢ်သူၣ်ထီၣ်ဂၢၢ်ကျၢၤအီၤအဂီၢ်လီၤ.

1 ကရံၣ်သူး 10:23

“တၢ်ဟ့ၣ်ပှၤအခွဲးလၢပကမၤတၢ်တမံၤလၢ်လၢ်လီၤ,” အဝဲသ့ၣ်စံးဝဲဒ်န့ၣ်, ဒီးမ့ၢ်ဝဲတီဝဲလီၤ. ဘၣ်ဆၣ်ဒီးတၢ်ခဲလၢာ်ခဲဆ့တမ့ၢ်တၢ်လၢအဂ့ၤဘၣ်. “တၢ်ဟ့ၣ်ပှၤအခွဲးလၢပကမၤတၢ်တမံၤလၢ်လၢ်လီၤ.” ဘၣ်ဆၣ်ဒီးတၢ်ကိးမံၤဒဲးတအိၣ်ဒီးအဘျုးအဖှိၣ်ဘၣ်.

1 ကရံၣ်သူး 14:12

မ့ၢ်လၢသုသးဆူၣ်ဒိးန့ၢ်ဘၣ်သးစီဆှံအတၢ်ဟ့ၣ်အဃိ, သုကဘၣ်ဂုာ်ကျဲးစၢးအါန့ၢ်တၢ်အဂၤ, လၢသုကသူအါထီၣ်တၢ်ဟ့ၣ်သ့ၣ်တဖၣ်လၢအကမၤ စၢၤတၢ်ဒုးဒိၣ်ထီၣ်ထီထီၣ်တၢ်အိၣ်ဖှိၣ်န့ၣ်လီၤ.

1 ကရံၣ်သူး 14:29

ပှၤကတိၤတၢ်လၢဝံအကျိာ်ကဘၣ်အိၣ်ထဲခံဂၤမ့တမ့ၢ်သၢဂၤ, မ့မ့ၢ်ပှၤအဂၤတဖၣ်ကဘၣ်စံၣ်ညီၣ်ကွၢ်ဆိကမိၣ်ဘၣ်ဃးတၢ်လၢ အဝဲသ့ၣ်စံးကတိၤဝဲန့ၣ်လီၤ.

1 ကရံၣ်သူး 14:5

ယအဲၣ်ဒိးလၢသုဝဲကိးဂၤဒဲးသုကကတိၤတၢ်လၢ ပျ့ၤလီၤဆီတဖၣ်လီၤ. ဘၣ်ဆၣ်ဒီးယအဲၣ်ဒိးယဲဒိၣ်ဒၣ်တၢ်တက့ၢ်လၢသုကအိၣ်ဒီးတၢ်ဟ့ၣ် ဘၣ်ဃးတၢ်ကတိၤတၢ်လၢဝံအကျိာ်န့ၣ်လီၤ. အဂ့ၢ်ဒ်အံၤ, ပှၤတဂၤလၢအကတိၤတၢ်လၢပျ့ၤလီၤဆီတဖၣ်န့ၣ် မ့တမ့ၢ်ပှၤအိၣ်ဝဲတဂၤလၢအတဲဖျါထီၣ်အဝဲအတၢ်ကတိၤတဖၣ် အခီပညီသ့ဝဲဒ်သိးအကကဲထီၣ်တၢ်မၤစၢၤလၢတၢ်အိၣ်ဖှိၣ်ဒီဖု အဂီၢ်ဘၣ်ဒီး, ပှၤကတိၤတၢ်လၢဝံအကျိာ်တဂၤအလုၢ် အပှ့ၤဒိၣ်န့ၢ်အီၤတက့ၢ်လီၤ.

၂ ကရံၣ်သူး 12:19

ဘၣ်တဘၣ်သုဆိကမိၣ်သုဝဲလၢဒီဆၢဒီကတီၢ်ညါန့ၣ်, ပဂုာ်ကျဲးစၢးကတိၤဒီဒၣ်လီၤက့ၤပသးလၢသုမဲာ်ညါလီၤ. တမ့ၢ်ဘၣ်. ပစံးကတိၤတၢ်ဒ်ခရံာ်အဲၣ်ဒိးပကတိၤပဝဲအသိး, လၢကစၢ်ယွၤ အမဲာ်ညါ, ဒီးတၢ်တမံၤလၢ်လၢ်လၢပမၤအီၤန့ၣ်, တံၤသကိးသးဘိသ့ၣ်ဧၢ, မ့ၢ်ဒ်သိးအကမၤစၢၤသုလီၤ.

အ့းဖ့းစူး 4:12

အဝဲဒၣ်မၤတၢ်အံၤမ့ၢ်ဒ်သိးအကကတဲာ်ကတီၤကစၢ်ယွၤ အပှၤဂီၢ်မုၢ်လၢအကမၤတၢ်ခ့တၢ်ပှၤအတၢ်မၤဒ်ခရံာ်ဖိတဖၣ် အသိး, ဒီးလၢအကမၤထီၣ်မၤထီခရံာ်အနီၢ်ခိအဂီၢ်,

အ့းဖ့းစူး 4:16

လၢအဝဲဒၣ်အပူၤန့ၣ်, က့ၢ်ဂီၤလၢအလီၤဆီလိာ်အသးခဲလၢာ်ဘၣ်တၢ်ဒုးစဲဘူးအီၤလၢ နီၢ်တဂၤဃီအပူၤလၢတၢ်အဆၢတဖၣ်လၢအမၤစၢၤတၢ်ဒ်က့ၢ်ဂီၤ တမံၤဒီးတမံၤအတၢ်မၤအိၣ်ဝဲအသိးန့ၣ်လီၤ. ဖဲက့ၢ်ဂီၤတဖၣ်အံၤမၤသကိးတၢ်ဒ်အဂ့ၤမၤဝဲန့ၣ်, နီၢ်ဒီဂၤညါဒိၣ်ထီၣ်ထီထီၣ်ဒီးမၤထီၣ်မၤထီလီၤက့ၤအသးခီ ဖျိတၢ်အဲၣ်တၢ်ကွံန့ၣ်လီၤ.

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

၁ သ့းစၤလနံ 4:10

နီၢ်နီၢ်တခီ, သုမၤထွဲတ့ၢ်လံတၢ်အံၤလၢသုဒီပုၢ်ဒီဝဲၢ်အကျါ သကုၤကီၢ်မၤက့းဒနံန့ၣ်လံ. ဘၣ်ဆၣ်ဒီးပဃ့ကညးသုလၢသုကမၤဂ့ၤန့ၢ်ဒံးအန့ၣ်တက့ၢ် လီၤ.

၁ သ့းစၤလနံ 4:18

မ်ဒ်န့ၣ်ဒီး, ကတိၤမုာ်ထီၣ်က့ၤသုသးတဂၤဘၣ်တဂၤ လၢတၢ်စံးတၢ်ကတိၤတဖၣ်အံၤန့ၣ်တက့ၢ်.

၁ တံၤမသ့း 1:4

စံးဘၣ်တဲဘၣ်အဝဲသ့ၣ်လၢအသုတမၤလၢာ်အဆၢကတီၢ် လၢတၢ်စံၣ်ဃဲၤတဲဃဲၤလၢပျၢၤတဖၣ်ဒီးတၢ်ယၢၤထီၣ်ဖးထီ တၢ်ဟဲလီၤစၢၤတဖၣ်န့ၣ်တဂ့ၤ. တၢ်သ့ၣ်တဖၣ်အံၤဒုးအိၣ်ထီၣ်ဒၣ်တၢ်ဂ့ၢ်လိာ်ဘှီလိာ်တဖၣ်ဒီး တမၤထီၣ်မၤထီကစၢ်ယွၤအတၢ်ကူၣ်ထီၣ်ဖးလီၤလၢ တၢ်သ့ၣ်ညါအီၤသ့ဒၣ်ထဲလၢတၢ်စူၢ်တၢ်နာ်န့ၣ်ဘၣ်.

ဧ့ၤဘြံၤ 10:25

မ်ပသုတဟးဆှဲးတၢ်ပာ်ဖှိၣ်ရိဖှိၣ်ထီၣ်ပသးဒ်ပှၤတနီၤမၤဝဲ အသိးန့ၣ်တဂ့ၤ. မ့မ့ၢ်, မ်ပသဆၣ်ထီၣ်လိာ်ပခံဒီးပဒံးထံၣ်လၢကစၢ်အမုၢ်တနံၤဒံးဘူး ထီၣ်ဝဲန့ၣ်မ်ပဟ့ၣ်ဂံၢ်ဟ့ၣ်ဘါလိာ်ပသးဒံးအါထီၣ်တက့ၢ်.

ဧ့ၤဘြံၤ 3:13

မ့မ့ၢ်, ဖဲ “မုၢ်တနံၤအံၤ” ဘၣ်ထွဲဒီးပှၤအဖၢမုၢ်န့ၣ်, ဒ်သိးသုသုတဘၣ်တၢ်လီန့ၢ်သုလၢတၢ်ဒဲးဘးဒီးကဲထီၣ်ပှၤလၢ အခိၣ်ကိၤနီတဂၤတဂ့ၤအဂီၢ်န့ၣ်, သုဘၣ်မၤစၢၤဟ့ၣ်ဂံၢ်ဟ့ၣ်ဘါလိာ်သုသးသကိးသကိး, ကိးနံၤဒဲးလီၤ.

၂ ပ့းတရူး 1:12

လၢတၢ်န့ၣ်အဃိ, သုသ့ၣ်ညါပာ်စၢၤတၢ်သ့ၣ်တဖၣ်အံၤ, ဒီးသုမ့ၢ်အိၣ်ဂၢၢ်ဆိးကျၢၤတ့ၢ်လၢတၢ်မ့ၢ်တၢ်တီလၢသုဒိး န့ၢ်ဘၣ်တ့ၢ်လံအီၤအပူၤဘၣ်ဆၣ်ဒီး, ယကဒုးသ့ၣ်နီၣ်ထီၣ်သုလၢတၢ်ဂ့ၢ်တဖၣ်အံၤထီဘိန့ၣ်လီၤ.

ယူဒၤ 1:20

ဘၣ်ဆၣ်ဒီးယတံၤသကိးသးဘိသ့ၣ်ဧၢ, သူၣ်ထီၣ်ဘှီထီၣ်သုသးလၢသုတၢ်စူၢ်တၢ်နာ်စီဆှံကတၢၢ် အဖီခိၣ်န့ၣ်တက့ၢ်. ဘါထုကဖၣ်လၢသးစီဆှံအစိကမီၤအပူၤ,