၁ သ့းစၤလနံ 5:10 - Sgaw Karen Common Bible

¹⁰ လၢအသံလၢပဂီၢ်ဒ်သိးဖဲအဝဲဒၣ်ဟဲက့ၤအခါန့ၣ်ပမူမ့ၢ်ဂ့ၤ, ပသံမ့ၢ်ဂ့ၤ, ပကအိၣ်ဘၣ်ဒီးအီၤတပူၤဃီအဂီၢ်န့ၣ်လီၤ.

၁ သ့းစၤလနံ 5:10 Iomraidhean Croise

လံာ်မးသဲ 20:28

ဒ်ပှၤကညီဖိခွါအသိး, လၢအဟဲဝဲတမ့ၢ်ဘၣ်လၢပှၤကမၤန့ၢ်တၢ်အခ့အပှၤ အတၢ်မၤလၢအဂီၢ်ဘၣ်. မ့ၢ်ဒ်သိးကမၤတၢ်အခ့အပှၤအတၢ်မၤလၢပှၤဂၤ အဂီၢ်, ဒီးကဟ့ၣ်လီၤအသးသမူလၢကအုၣ်က့ၤခီၣ်က့ၤပှၤအါဂၤအသးသမူ အဂီၢ်လီၤ.”

လံာ်ယိၤဟၣ် 10:11

ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလၢအဟ့ၣ်လီၤကွံာ် အသးသမူလၢအသိအဂီၢ်လီၤ.

လံာ်ယိၤဟၣ် 10:15

ဒီးယဟ့ၣ်လီၤကွံာ်ယသးသမူလၢယသိအဂီၢ်လီၤ.

လံာ်ယိၤဟၣ် 10:17

လၢတၢ်ဂ့ၢ်အံၤအဃိ, ယပၢ်အဲၣ်ယၤမ့ၢ်လၢယဟ့ၣ်လီၤကွံာ် ယသးသမူဒ်သိးယကဒိးန့ၢ်က့ၤကဒီးအီၤအဂီၢ်လီၤ.

လံာ်ယိၤဟၣ် 15:13

တၢ်အဲၣ်တၢ်ကွံအဒိၣ်ကတၢၢ်လၢပှၤတဂၤဟ့ၣ်အတံၤသကိး တဖၣ်သ့န့ၣ်, မ့ၢ်တၢ်တူၢ်သံအသးလၢအဝဲသ့ၣ်အဂီၢ်န့ၣ်လီၤ.

ရိမ့ၤ 8:34

မ့မ့ၢ်ဒ်န့ၣ်ဒီး, မ့ၢ်မတၤကစံၣ်ညီၣ်ဃၣ်အဝဲသ့ၣ်တဂၤဂၤန့ၣ်လဲၣ်. တမ့ၢ်ယ့ၣ်ၡူးခရံာ်လၢအသံတ့ၢ်, ဘၣ်ဆၣ်တၢ်ဒုးဂဲၤဆၢထၢၣ် သမူထီၣ်က့ၤအီၤဒီးခဲအံၤအိၣ်ဝဲဒၣ်လၢယွၤအစုထွဲတခီ တဂၤန့ၣ်ဘၣ်ဧါ. အဝဲဒၣ်ဃ့သကွံၢ်ကညးတၢ်ဒီးယွၤလၢ ပဂီၢ်န့ၣ်လီၤ.

1 ကရံၣ်သူး 15:3

တၢ်လၢယဒိးန့ၢ်ဘၣ်တ့ၢ်ယဲန့ၣ်, ယဟ့ၣ်လီၤကဒီးယဲဆူသုအိၣ် တဆီလၢအမ့ၢ်တၢ်အကါဒိၣ်ကတၢၢ်တမံၤ, လၢခရံာ်သံလၢ ပတၢ်ဒဲးဘးအဃိဒ်အအိၣ်ကွဲးအသးလၢတၢ်ကွဲးအသးစီဆှံ အပူၤအသိး,

၂ ကရံၣ်သူး 5:15

အဝဲဒၣ်သံလၢပှၤကိးဂၤဒဲးအဂီၢ်, ဒ်သိးပှၤလၢအမူတဖၣ် သုတအိၣ်မူလၢၤလၢအနီၢ်ကစၢ်ဒၣ်ဝဲအဂီၢ်တဂ့ၤ. မ့မ့ၢ်ကအိၣ်မူ ဒၣ်ထဲလၢ လၢပှၤလၢအသံတ့ၢ်ဒီးဘၣ်တၢ်ဒုးဂဲၤဆၢထၢၣ်သမူ ထီၣ်က့ၤအီၤလၢအဝဲသ့ၣ်အဃိတဂၤအဂီၢ်ဧိၤန့ၣ်လီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

၁ သ့းစၤလနံ 4:13

ပဒီပုၢ်ဝဲၢ်သ့ၣ်ဧၢ, ပအဲၣ်ဒိးလၢသုကသ့ၣ်ညါလီၤတံၢ်တၢ်မ့ၢ် တၢ်တီဘၣ်ဃးပှၤလၢအသံတ့ၢ်လံတဖၣ်အဂ့ၢ်, ဒ်သိးသုသုတသူၣ်အုးသးအုးဒ်ပှၤလၢအတၢ်မုၢ်လၢ်တအိၣ်ဘၣ် တဖၣ်အသိးတဂ့ၤအဂီၢ်န့ၣ်လီၤ.

၁ သ့းစၤလနံ 4:15

တၢ်လၢပစံးဘၣ်တဲဘၣ်သုအံၤန့ၣ်, မ့ၢ်ဝဲတၢ်တမံၤဃီလၢ ကစၢ်သိၣ်လိဝဲန့ၣ်လီၤ. ပဝဲလၢအအိၣ်မူဒံးဖဲကစၢ်ဟဲအဆၢ ကတီၢ်တဖၣ်န့ၣ်, ပတလဲၤဆိလၢပှၤသံတ့ၢ်တဖၣ်အမဲာ်ညါန့ၣ်ဘၣ်.

၁ သ့းစၤလနံ 4:17

တုၤနုၤတစု, ပဝဲလၢအအိၣ်မူလီၤတဲာ်တ့ၢ်ဖဲဆၢကတီၢ်အဝဲန့ၣ် တဖၣ်ပကဘၣ်တၢ်စိာ်ထီၣ်ပှၤတပူၤဃီဒီးအဝဲသ့ၣ်လၢတၢ်အၢၣ် အပူၤဒ်သိးပကထံၣ်လိာ်ပသးဒီးကစၢ်လၢမူဖးဖီန့ၣ်လီၤ. ဒီး လၢတၢ်န့ၣ်အဃိ, ပကအိၣ်ပဝဲတပူၤဃီဒီးကစၢ်ထီဘိန့ၣ်လီၤ.

၁ သ့းစၤလနံ 5:6

လၢတၢ်န့ၣ်အဃိ, ပတကြၢးမံပဝဲ, ဒ်ပှၤအဂၤတဖၣ်မၤဝဲ အသိးန့ၣ်ဘၣ်. ပကြၢးအိၣ်ဆိးသီဒီးတမူၤတဘှီးဘၣ်န့ၣ်လီၤ.

၁ တံၤမသ့း 2:6

လၢအဟ့ၣ်လီၤအသးလၢတၢ်ပှ့ၤက့ၤပှၤဟီၣ်ခိၣ်ဖိခဲလၢာ် အဂီၢ်န့ၣ်လီၤ. တၢ်အဝဲအံၤမ့ၢ်တၢ်အုၣ်အသးဘၣ်ဆၢဘၣ် ကတီၢ်လၢကစၢ်ယွၤသးအိၣ်လၢပှၤခဲလၢာ်ကတုၤလၢတၢ် အုၣ်က့ၤခီၣ်က့ၤအဂ့ၢ်န့ၣ်လီၤ.

၂ တံၤမသ့း 2:11

တၢ်အံၤမ့ၢ်တၢ်ကတိၤအမ့ၢ်အတီလီၤ. “ပမ့ၢ်သံဃုာ်လံဒီးအီၤဒီး, ပကမူဃုာ်ဒီးအီၤစ့ၢ်ကီးလီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.