၁ သ့းစၤလနံ 4:17 - Sgaw Karen Common Bible

¹⁷ တုၤနုၤတစု, ပဝဲလၢအအိၣ်မူလီၤတဲာ်တ့ၢ်ဖဲဆၢကတီၢ်အဝဲန့ၣ် တဖၣ်ပကဘၣ်တၢ်စိာ်ထီၣ်ပှၤတပူၤဃီဒီးအဝဲသ့ၣ်လၢတၢ်အၢၣ် အပူၤဒ်သိးပကထံၣ်လိာ်ပသးဒီးကစၢ်လၢမူဖးဖီန့ၣ်လီၤ. ဒီး လၢတၢ်န့ၣ်အဃိ, ပကအိၣ်ပဝဲတပူၤဃီဒီးကစၢ်ထီဘိန့ၣ်လီၤ.

၁ သ့းစၤလနံ 4:17 Iomraidhean Croise

လံာ်စီၤပၤအခီၣ်ထံးတဘ့ၣ် 18:12

တုၤယဟးထီၣ်တဘျီဃီဒီးယွၤအသးမ့ၢ်စိာ်ကွံာ်နၤဆူတၢ်လီၢ်လၢ ယတသ့ၣ်ညါဘၣ်တပူၤပူၤဒီးတၢ်ကမၤအသးဒ်လဲၣ်. ဒီးတုၤယတဲဘၣ်စီၤအၤဃာ်လၢနအိၣ်ဖဲအံၤ, ဒီးအဝဲဃုနၤမ့ၢ်တဘၣ်န့ၣ်ဒီးအဝဲကမၤသံယၤလီၤ. သ့ၣ်နီၣ်ထီၣ်က့ၤလၢယမ့ၢ်တ့ၢ်ပှၤတဂၤလၢအအဲၣ်ထူအဲၣ်ယွၤစးထီၣ် လၢယဖိသၣ်လံၤလံၤန့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 2:11

အဝဲသ့ၣ်လဲၤတၢ်တခီခီကတိၤသကိးတၢ်တခီခီန့ၣ်လီၤ. သတူၢ်ကလာ်, လ့ၣ်ကဟၣ်မ့ၣ်အူလၢအဘၣ်တၢ်ထုးအီၤလၢကသ့ၣ်မ့ၣ်အူ တဖၣ်ဟဲလီၤသတူၢ်ကလာ်လၢအဝဲသ့ၣ်အဘၢၣ်စၢၤ, ဒီးစီၤအ့ၤလံယၤဘၣ်တၢ်စိာ်ထီၣ်ကွံာ်အီၤဆူမူခိၣ်လၢကလံၤ သဝံးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:16

ဒီးစံးဝဲဒၣ်, “ဖဲအံၤပအိၣ်ပဝဲပှၤအဂၤယဲၢ်ဆံ, ခဲလၢာ်ထဲပှၤအဂံၢ်ဆူၣ်ဘါဆူၣ်တဖၣ်န့ၣ်လီၤ. မ်ပလဲၤဒီးဃုထံၣ်န့ၢ်က့ၤနကစၢ်တက့ၢ်. ဘၣ်သ့ၣ်သ့ၣ်ယွၤအသး စိာ်ထီၣ်အီၤဒီးကပာ်တီၢ်အီၤလၢကစၢၢ်ကလိအဒီခိၣ်တတီၤတီၤမ့ တမ့ၢ်တပူၤပူၤလၢတြီၤလာ်န့ၣ်လီၤ.” စီၤအလံၤၡါစံးဆၢဝဲဒၣ်, “တမ့ၢ်ဘၣ်. သုတဘၣ်လဲၤဘၣ်.”

စံးထီၣ်ပတြၢၤ 16:11

နကဒုးနဲၣ်ယၤလၢတၢ်မူအကျဲ, နတၢ်အိၣ်ဒီးယၤမၤလၢပှဲၤယတၢ်သးခု ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.

စံးထီၣ်ပတြၢၤ 17:15

မ့မ့ၢ်ယဲဒၣ်အံၤယကထံၣ်ဘၣ်နၤ, မ့ၢ်လၢယတမၤကမၣ်တ့ၢ်တၢ်အဃိ, ဒီးဖဲယပၢၢ်ထီၣ်န့ၣ်ယကပှဲၤဒီးတၢ်သးခု မ့ၢ်လၢနအိၣ်ဒီးယၤအဃိလီၤ.

စံးထီၣ်ပတြၢၤ 49:15

ဘၣ်ဆၣ်ကစၢ်ယွၤကပှ့ၤက့ၤယသးလၢ တၢ်သံအစိကမီၤအပူၤလီၤ. အဂ့ၢ်ဒ်အံၤကတူၢ်လိာ်ယၤလီၤ. စ့လၤ

စံးထီၣ်ပတြၢၤ 73:24

နဆှၢယၤလၢနတၢ်ကူၣ်ထီၣ်ဖးလီၤ ဒီးလၢခံက့ၤနကတူၢ်လိာ်ယၤလၢ တၢ်လၤတၢ်ကပီၤန့ၣ်လီၤ.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ဒၤနံးယ့လး 7:13

အကတီၢ်လၢတၢ်ထံၣ်လၢညါခီအံၤလၢမုၢ်နၤန့ၣ်ယထံၣ်ဘၣ်တ့ၢ် တၢ်လီၤဂာ်ဒီးပှၤကညီဖိခွါတဂၤလီၤ. ဘၣ်တၢ်ကဝီၤဃးအီၤ လၢတၢ်အၢၣ်ဒီးသုးဘူးအသးဆူယအိၣ်ဒီးလဲၤဝဲဒၣ်ဆူပှၤ တဂၤလၢအအိၣ်မူတ့ၢ်ဝဲဒၣ်အထူအယိာ်အအိၣ်ဒီးဘၣ် တၢ်ဆှၢထီၣ်အီၤဆူအမဲာ်ညါန့ၣ်လီၤ.

လံာ်မးသဲ 26:64

ယ့ၣ်ၡူးစံးဆၢအီၤ, “နစံးတ့ၢ်လံနဲလံ. မ့မ့ၢ်ယတဲဘၣ်သုခဲလၢာ် လၢစးထီၣ်ခဲအံၤဒီးဆူညါသုကထံၣ်ပှၤကညီဖိခွါဆ့ၣ်နီၤလၢတၢ် သ့တၢ်လၢာ်တဂၤအစုထွဲဒီးဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်မၢ်ကူး 14:62

ယ့ၣ်ၡူးစံးဆၢက့ၤအီၤ, “ယမ့ၢ်အဝဲလီၤ. ဒီးသုကထံၣ်ဘၣ်ပှၤကညီဖိခွါအံၤအိၣ်ဆ့ၣ်နီၤလၢတၢ်သ့တၢ်လၢာ် တဂၤအစုထွဲဒီးသုကထံၣ်အဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်ယိၤဟၣ် 14:3

ယကလဲၤကတဲာ်ကတီၤတၢ်လီၢ်လၢသုဂီၢ်ဝံၤအလီၢ်ခံ, ယကဟဲက့ၤကဒါက့ၤဒီးက့ၤကိးသုဆူယအိၣ်, ဒ်သိးဖဲယအိၣ်အလီၢ်န့ၣ်သုကအိၣ်စ့ၢ်ကီးသုဝဲအဂီၢ်န့ၣ်လီၤ.

လံာ်ယိၤဟၣ် 17:24

ပၢ်ဧၢ, နဟ့ၣ်လီၤယၤလၢအဝဲသ့ၣ်ဒီးယသးအိၣ်လၢအဝဲသ့ၣ် ကအိၣ်ဒီးယၤဖဲယအိၣ်တပူၤလၢ်လၢ်, ဒ်သိးအဝဲသ့ၣ်ကထံၣ်ဘၣ် ယလၤကပီၤ, တၢ်လၤကပီၤလၢနဟ့ၣ်လီၤယၤန့ၣ်လီၤ. အဂ့ၢ်ဒ်အံၤ, နအဲၣ်တ့ၢ်ယၤတချုးလၢဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်လီၤ.

မၤတၢ် 1:9

အဝဲဒၣ်စံးတၢ်အံၤဝံၤဒီးတၢ်ဟံးထီၣ်အီၤဆူမူခိၣ်, ဒီးဖဲအပျဲၢ်အဘီၣ်တဖၣ်ကွၢ်စူၣ်အီၤအဖၢမုၢ်န့ၣ်, တၢ်အၢၣ်တလိၣ်မၤဘၢကွံာ်အီၤဒီးအဝဲသ့ၣ်တထံၣ်အီၤလၢၤဘၣ်.

မၤတၢ် 8:39

တုၤအဝဲသ့ၣ်ဟဲက့ၤထီၣ်လၢထံကျါန့ၣ်ဒီး, ကစၢ်ယွၤအသးဟံးထီၣ်ကွံာ်စီၤဖံလံးပူးန့ၣ်လီၤ. ပဒိၣ်န့ၣ်တထံၣ်လၢၤအီၤနီတဘျီဘၣ်. ဘၣ်ဆၣ်ဒီးက့ၤက့ၤဝဲပှဲၤဒီးတၢ်သူၣ်ခုသးခုန့ၣ်လီၤ.

၂ ကရံၣ်သူး 5:8

ပလၢပှဲၤဒီးတၢ်သးဒူဒီးဘၣ်ပသးဒိၣ်တက့ၢ်လၢပကပာ်တီၢ် ကွံာ်ပဟံၣ်လၢနီၢ်ခိအပူၤဒီးအိၣ်လၢဟံၣ်ပူၤဒီးကစၢ်န့ၣ်လီၤ.

ဖံလံးပံၤ 1:23

ယဘၣ်တၢ်ဆီၣ်သနံးယၤလၢတၢ်ခံမံၤအဘၢၣ်စၢၤလီၤ. ယသးအိၣ်ဒိၣ်မးလၢယကပာ်တီၢ်တၢ်အိၣ်မူအံၤဒီးက့ၤအိၣ်မူဘၣ် ဒီးခရံာ်လီၤ. အန့ၣ်မ့ၢ်တၢ်လၢအဂ့ၤဒိၣ်ဒၣ်တၢ်တက့ၢ်လီၤ.

၁ သ့းစၤလနံ 3:13

လၢကျဲဒ်အံၤအပူၤန့ၣ်, အဝဲဒၣ်ကဒုးဆူၣ်ထီၣ်သုဂံၢ်သုဘါ, ဒီးသုကလၢပှဲၤဒီးစီဆှံဝဲလၢပကစၢ်ယွၤဒီးပပၢ်အမဲာ်ညါ ဖဲပကစၢ်ယ့ၣ်ၡူးဟဲဝဲအိၣ်ဒီးပှၤလၢအဘၣ်ဃးဒီး အီၤခဲလၢာ်အကတီၢ်န့ၣ်လီၤ.

၁ သ့းစၤလနံ 4:15

တၢ်လၢပစံးဘၣ်တဲဘၣ်သုအံၤန့ၣ်, မ့ၢ်ဝဲတၢ်တမံၤဃီလၢ ကစၢ်သိၣ်လိဝဲန့ၣ်လီၤ. ပဝဲလၢအအိၣ်မူဒံးဖဲကစၢ်ဟဲအဆၢ ကတီၢ်တဖၣ်န့ၣ်, ပတလဲၤဆိလၢပှၤသံတ့ၢ်တဖၣ်အမဲာ်ညါန့ၣ်ဘၣ်.

၁ သ့းစၤလနံ 4:18

မ်ဒ်န့ၣ်ဒီး, ကတိၤမုာ်ထီၣ်က့ၤသုသးတဂၤဘၣ်တဂၤ လၢတၢ်စံးတၢ်ကတိၤတဖၣ်အံၤန့ၣ်တက့ၢ်.

၁ သ့းစၤလနံ 5:10

လၢအသံလၢပဂီၢ်ဒ်သိးဖဲအဝဲဒၣ်ဟဲက့ၤအခါန့ၣ်ပမူမ့ၢ်ဂ့ၤ, ပသံမ့ၢ်ဂ့ၤ, ပကအိၣ်ဘၣ်ဒီးအီၤတပူၤဃီအဂီၢ်န့ၣ်လီၤ.

၂ ပ့းတရူး 3:13

ဘၣ်ဆၣ်ဒီး, ပအိၣ်ခိးကွၢ်လၢ်တၢ်လၢကစၢ်ယွၤစံးပာ်တ့ၢ်လံဝဲလၢ အမ့ၢ်မူခိၣ်အသီဒီးဟီၣ်ခိၣ်အသီဖဲတၢ်တီတၢ်လိၤကအိၣ်ဝဲ ဆိးဝဲန့ၣ်လီၤ.

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.

လံာ်လီၣ်ဖျါ 11:12

အန့ၣ်ဝံၤအလီၢ်ခံ, ဝံခံဂၤနၢ်ဟူတၢ်ကလုၢ်ဖးဒိၣ်လၢမူခိၣ်, ကတိၤတၢ်ဒီးအဝဲသ့ၣ်, “ဟဲထီၣ်ဖဲအံၤတက့ၢ်.” ဒီးဖဲအဝဲသ့ၣ်အဒုၣ်အဒါတဖၣ်ကွၢ်ဝဲအဖၢမုၢ်န့ၣ်, အဝဲသ့ၣ်က့ၤထီၣ်ဆူမူခိၣ်လၢတၢ်အၢၣ်တလိၣ်အပူၤ လီၤ.

လံာ်လီၣ်ဖျါ 12:5

တုၤနုၤတစုပိာ်မုၣ်အဝဲန့ၣ်ဆံးစၢ်ထီၣ်အဖိခွါတဂၤ, လၢအကပၢထံကီၢ်ကိးဘ့ၣ်ဒဲးလၢနီၣ်တီၢ်ထးတဘိ န့ၣ်လီၤ. ဘၣ်ဆၣ်ဒီးဖိသၣ်တဂၤန့ၣ်ဘၣ်တၢ်ဖီၣ်ထုးကွံာ် အီၤဒီးတၢ်စိာ်အီၤဆူကစၢ်ယွၤဒီးအလီၢ်ပစိာ်အအိၣ်န့ၣ်လီၤ.