၁ သ့းစၤလနံ 4:11 - Sgaw Karen Common Bible

¹¹ ပာ်လီၤသုသးလၢသုကအိၣ်မူကစုဒု, တမၤဘၣ်ထွဲသုသးဒီးပှၤဂၤအတၢ်ဖံးတၢ်မၤလၢအတဘၣ် ဃးသုဘၣ်, ဒီးဖံးမၤလုၢ်အီၣ်လုၢ်အီလီၤက့ၤသုသးဒၣ်သုဝဲ, ဒ်ပစံးဘၣ်တဲဘၣ်တ့ၢ်သုလၢအပူၤကွံာ်အသိးန့ၣ်တက့ၢ်.

၁ သ့းစၤလနံ 4:11 Iomraidhean Croise

တၢ်ကတိၤဒိ. 17:1

တၢ်အီၣ်ကိၣ်အဃ့တမီလၢအတၢ်ဃူတၢ်ဖိးအပူၤန့ၣ်ဂ့ၤန့ၢ်တၢ်အီၣ် အမူးဖးဒိၣ်လၢဟံၣ်လၢအပှဲၤဒီးတၢ်ကီတၢ်ခဲန့ၣ်လီၤ.

တၢ်ကတိၤဒိ. 17:14

တၢ်စးထီၣ်တၢ်ဂ့ၢ်လိာ်ဘှီလိာ်တမံၤန့ၣ်လီၤဂာ်ဒ်ထံတမၢၣ်တဘိ အတၢ်စးထီၣ်ကၢ်အသိးလီၤ. ဆိကတီၢ်အီၤတချုးလၢအလဲၤ ဆူညါန့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 4:6

ဘၣ်သ့ၣ်သ့ၣ်ကမ့ၢ်ဒ်န့ၣ်လီၤ. ဘၣ်ဆၣ်တၢ်အိၣ်ဒီးတၢ်တဆံးတက့ၢ်ဃုာ်ဒီးသးအတၢ်ဃူတၢ်ဖိးန့ၣ်, ဂ့ၤဒိၣ်န့ၢ်ဒံးတၢ်ဖံးအါမၤအါတထံၣ်ဃီလၢစုခံခီလၢာ်ဒီး တၢ်ကျဲးစၢးဖီၣ်ကလံၤတက့ၢ်န့ၣ်လီၤ.

လံာ်သးသယုၢ်တၢ် 3:26

မၤသးဒ်န့ၣ်ဒီး, တၢ်အိၣ်ခိးယွၤလၢတၢ်သးစူၤအပူၤ, တၢ်အိၣ်ခိးအီၤလၢကအုၣ်က့ၤခီၣ်က့ၤပှၤအဂီၢ်န့ၣ်မ့ၢ်တၢ်အဂ့ၤ ကတၢၢ်လၢပဂီၢ်လီၤ.

လံာ်မၢ်ကူး 13:34

တၢ်မၤအသးအံၤလီၤဂာ်ဒီးပှၤတဂၤလၢအဟးထီၣ်လၢ အဟံၣ်ဒီးလဲၤတၢ်န့ၣ်လီၤ. ပာ်တ့ၢ်တၢ်ခဲလၢာ်လၢအခ့အပှၤတဖၣ် အစုပူၤ, ဒီးတဂၤစုာ်စုာ်ဟ့ၣ်ဝဲမူဒါလၢကဘၣ်မၤဝဲအဂီၢ်, ဒီးမၤလိာ်တ့ၢ်ပှၤပၢၤကျဲစၢၤတဂၤန့ၣ်ဒ်သိးအကဆိးသီဝဲ အဂီၢ်န့ၣ်လီၤ.

မၤတၢ် 18:3

ဒီးအိၣ်ဝဲဆိးဝဲဒီးမၤသကိးတၢ်ဒီးအဝဲသ့ၣ်, မ့ၢ်လၢအဝဲဒၣ်လုၢ်အီၣ်အသးသမူခီဖျိအဆးဒဲဒ်အဝဲသ့ၣ် အသိးအဃိလီၤ.

မၤတၢ် 20:35

လၢတၢ်ကိးမံၤဒဲးအပူၤန့ၣ်, ယဒုးနဲၣ်တ့ၢ်သုလၢပကဘၣ်မၤတၢ်ဆူၣ်ဆူၣ်လၢတၢ်မၤစၢၤ ပှၤဂံၢ်စၢ်ဘါစၢ်တဖၣ်အဂီၢ်ဒီးတဘျီဃီသ့ၣ်နီၣ်ထီၣ်ကစၢ် ယ့ၣ်ၡူးအတၢ်ကတိၤလၢအစံးဝဲ, ‘ဟ့ၣ်တၢ်န့ၣ်ဘၣ်ဆိၣ်ဂ့ၤအါန့ၢ်ဒံးဒိးန့ၢ်တၢ်တက့ၢ်လီၤ.’

ရိမ့ၤ 12:11

မၤတၢ်ဆူၣ်ဆူၣ်ဒီးတဘၣ်ကၢၣ်တဂ့ၤ. မၤကစၢ်အတၢ်မၤလၢသးလၢအပှဲၤဒီးတၢ်အဲၣ်တၢ်ကွံ ဒီးတၢ်ဟ့ၣ်လီၤသးန့ၣ်တက့ၢ်.

ရိမ့ၤ 15:20

ယတၢ်သးစၢၢ်ဆၢထဲတမံၤဧိၤမ့ၢ်ဒၣ်တၢ်စံၣ်တဲၤတဲလီၤတၢ်သးခုကစီၣ် ဖဲတၢ်လီၢ်တဖၣ်လၢပှၤတနၢ်ဟူဘၣ်ဒံးခရံာ်အမံၤ, ဒ်သိးယသုတသူၣ်ထီၣ်ဘှီထီၣ်ဘၣ်တၢ်လၢတၢ်အခီၣ်ထံးလၢ ပှၤဂၤပာ်လီၤတ့ၢ်လံဝဲအဖီခိၣ်တဂ့ၤအဂီၢ်န့ၣ်လီၤ.

1 ကရံၣ်သူး 4:12

ပလီၤဘှံးလီၤတီၤလၢပဖံးတၢ်မၤတၢ်ဆူၣ်အဃိလီၤ. ဖဲပဘၣ်တၢ်ဆိၣ်အၢပှၤန့ၣ်, ပဆိၣ်ဂ့ၤတၢ်, ဖဲပဘၣ်တၢ်မၤအၢမၤနးပှၤန့ၣ်, ပအိၣ်ဒီးတၢ်ဝံသးစူၤ,

၂ ကရံၣ်သူး 5:9

ဘၣ်ဆၣ်ဒီး, ဒိၣ်န့ၢ်အါန့ၢ်တၢ်အံၤခဲလၢာ်န့ၣ်, ပသးအိၣ်မၤတၢ်ဘၣ်အသးလၢပဟံၣ်ဖဲအံၤတဖျၢၣ်အပူၤ မ့ၢ်ဂ့ၤ, ပဟံၣ်ဖဲန့ၣ်တဖျၢၣ်အပူၤမ့ၢ်ဂ့ၤန့ၣ်လီၤ.

အ့းဖ့းစူး 4:28

ပှၤလၢအဟုၣ်တ့ၢ်တၢ်တဖၣ်ကဘၣ်ဆိကတီၢ်အတၢ်ဟုၣ် တၢ်, ဒီးစးထီၣ်ဖံးအီၣ်မၤအီၣ်တၢ်ဒ်သိးအကလုၢ်အီၣ်အသး သမူလၢတၢ်တီတၢ်လိၤအပူၤ, ဒီးဒ်သိးအဟ့ၣ်မၤစၢၤပှၤဖှီၣ်ဖိယာ်ဖိကသ့ဝဲအဂီၢ်န့ၣ်လီၤ.

၁ တံၤမသ့း 2:2

လၢစီၤပၤတဖၣ်အဂီၢ်ဒီးပဒိၣ်ပပှၢ်ခဲလၢာ်အဂီၢ်, ဒ်သိးပကအိၣ်မူဘၣ်ခုၣ်ခုၣ်မုာ်မုာ်လၢတၢ်ယူးယီၣ် ကစၢ်ယွၤဒီးလၢတၢ်လီၤယူးယီၣ်ပာ်ကဲလၢကျဲကိးဘိ ဒဲးအပူၤအဂီၢ်န့ၣ်တက့ၢ်.

၁ တံၤမသ့း 5:13

အဝဲသ့ၣ်မၤန့ၢ်ပှၤကၢၣ်ပှၤကျူအလုၢ်အလၢ်, ဒီးဟးဝ့ၤဝီၤဝဲ တဟံၣ်စဲတဟံၣ်, ဒီးအၢန့ၢ်အန့ၣ်, အဝဲသ့ၣ်သီၣ်ဝံသဲကလၤလၢပှၤအဂ့ၢ်ဒီးနုာ်လီၤမၤသဘံၣ်ဘုၣ် အသးလၢပှၤဂၤအတၢ်ဂ့ၢ်အပူၤ, ဒီးကတိၤတၢ်လၢအတဂ့ၤ ကတိၤဝဲတဖၣ်န့ၣ်လီၤ.

တံတူး 3:14

ပပှၤတဖၣ်ကဘၣ်မၤလိသူအဆၢကတီၢ်လၢတၢ်မၤဂ့ၤတၢ်အဂီၢ်, ဒ်သိးဒီးကဟ့ၣ်မၤစၢၤဘၣ်တၢ်လၢအလိၣ်နီၢ်နီၢ်တဖၣ် အဂီၢ်လီၤ. အဝဲသ့ၣ်တကြၢးအိၣ်မူတၢ်အိၣ်မူလၢအဘျုး တအိၣ်န့ၣ်ဘၣ်.

၁ ပ့းတရူး 3:4

မ့မ့ၢ်, သုတၢ်ဃံတၢ်လၤကြၢးမ့ၢ်တၢ်လၢအအိၣ်လၢ သုသူၣ်ကံၢ်သးလဲပူၤနီၢ်နီၢ်, သးလၢအဂ့ၤအဝါဒီးတၢ်ပာ်သးကစုဒုအတၢ်ဃံတၢ်လၤလၢ အပှၢ်ထီၣ်တသ့ဘၣ်, လၢအမ့ၢ်တၢ်လုၢ်ဒိၣ်ပှ့ၤဒိၣ်ကတၢၢ်လၢ ကစၢ်ယွၤအမဲာ်အတၢ်ထံၣ်အပူၤန့ၣ်လီၤ.

၁ ပ့းတရူး 4:15

သုမ့ၢ်တူၢ်ဘၣ်တၢ်တဂၤဂၤဒီး, တကြၢးမ့ၢ်ဒ်ပှၤမၤသံပှၤကညီ တဂၤ, မ့တမ့ၢ်တၢ်ဘျၣ်တဂၤ, မ့တမ့ၢ်ပှၤမၤအၢမၤသီတၢ် တဂၤ, မ့တမ့ၢ်ပှၤဂိာ်စုဂိာ်ခီၣ်လၢပှၤဂၤအတၢ်ဂ့ၢ်တဂၤအသိး န့ၣ်ဘၣ်.