၁ သ့းစၤလနံ 3:6 - Sgaw Karen Common Bible

⁶ မ့မ့ၢ်ခဲကနံၣ်အံၤ, စီၤတံၤမသ့းဟဲက့ၤတုၤလံ, ဒီးအဝဲဒၣ်ဟဲက့ၤစိာ်တၢ်ကစီၣ်အမုာ်ဘၣ်ဃးသုတၢ်စူၢ် တၢ်နာ်ဒီးသုတၢ်အဲၣ်တၢ်ကွံအဂ့ၢ်န့ၣ်လီၤ. အဝဲဒၣ်စံးဘၣ်ပှၤလၢသုသ့ၣ်နီၣ်ထီၣ်ပှၤထီဘိလၢတၢ်သူၣ်မုာ် သးမုာ်အပူၤဒီးလၢသုဆၢထံၣ်ဘၣ်ပှၤထဲသိးဒီးပဆၢ ထံၣ်ဘၣ်သုန့ၣ်လီၤ.

၁ သ့းစၤလနံ 3:6 Iomraidhean Croise

တၢ်ကတိၤဒိ. 25:25

တၢ်နၢ်ဟူဘၣ်တၢ်ကစီၣ်အမုာ်ဟဲလၢထံယံၤကီၢ်ယံၤန့ၣ်လီၤဂာ်ဒီး တၢ်အီဘၣ်ထံခုၣ်ဖဲပသးဃ့ထီဒီးတၢ်သူပသးလၢထံအဆၢကတီၢ် န့ၣ်လီၤ.

လံာ်ယၡါယၤ 52:7

တၢ်ထံၣ်ဘၣ်ပှၤစိာ်တၢ်ကစီၣ်တဂၤဟဲခီဂာ်ကစၢၢ်ကလိတဖၣ်, ဟဲစိာ်ဃုာ်ဝဲတၢ်သးခုဒီးတၢ်ဃူတၢ်ဖိးအကစီၣ်န့ၣ်, မ့ၢ်မးတၢ်လီၤလးဆံးဒိၣ်လဲၣ်. အဝဲဘိးဘၣ်သ့ၣ်ညါတၢ်မၤနၢၤဒီးစံးဘၣ်ဝ့ၢ်စံယိၣ်, နကစၢ်ယွၤမ့ၢ်စီၤပၤလီၤ.

မၤတၢ် 16:1

စီၤပီလူးလဲၤဆူညါဆူဝ့ၢ်ဒ့ၢ်ဘ့ၤဒီးဝ့ၢ်လူစတြၤလီၤ. ဖဲဝ့ၢ်လူစတြၤန့ၣ်အပျဲၢ်အဘီၣ်အိၣ်ဝဲတဂၤလၢအမံၤမ့ၢ်စီၤတံၤမသ့း, ဒီးအဝဲဒၣ်အမိၢ်လၢအမ့ၢ်စ့ၢ်ကီးပှၤစူၢ်က့ၤနာ်က့ၤတၢ်တဂၤ န့ၣ်မ့ၢ်ဝဲပှၤယူဒၤမုၣ်, ဘၣ်ဆၣ်အပၢ်မ့ၢ်ပှၤကြံးခ်ဖိတဂၤန့ၣ်လီၤ.

မၤတၢ် 18:1

အန့ၣ်ဝံၤအလီၢ်ခံ, စီၤပီလူးဟးထီၣ်လၢဝ့ၢ်အၤသ့ၣ်, ဒီးလဲၤဆူဝ့ၢ်ကရံၣ်သူးလီၤ.

မၤတၢ် 18:5

ဖဲစီၤစံလၤဒီးစီၤတံၤမသ့းလၢအဟးထီၣ်လၢကီၢ်မၤက့းဒနံ ဟဲတုၤဝဲန့ၣ်, စီၤပီလူးဟ့ၣ်လီၤအဆၢကတီၢ်လၢာ်လၢာ်ဆ့ဆ့ လၢတၢ်စံၣ်တဲၤတဲလီၤတၢ်သးခုအကစီၣ်အဂီၢ်, ဒီးအုၣ်အသးလၢပှၤယူဒၤဖိတဖၣ်အမဲာ်ညါလၢယ့ၣ်ၡူးမ့ၢ်ခရံာ် န့ၣ်လီၤ.

1 ကရံၣ်သူး 11:2

ယစံးထီၣ်ပတြၢၤသုလီၤ. အဂ့ၢ်ဒ်အံၤ, ထီဘိန့ၣ်သုသ့ၣ်နီၣ် ထီၣ်ယၤဒီးပိာ်ထွဲတၢ်သိၣ်လီၤသီလီၤလၢယဟ့ၣ်လီၤတ့ၢ်ယဲဆူ သုအိၣ်တဖၣ်လီၤ.

1 ကရံၣ်သူး 13:13

မ့မ့ၢ်, ဖဲဆၢကတီၢ်ခဲကနံၣ်အံၤန့ၣ်, တၢ်သၢမံၤအံၤလၢအမ့ၢ်ဝဲတၢ်နာ်, တၢ်မုၢ်လၢ်, ဒီးတၢ်အဲၣ်တၢ်ကွံတဖၣ်အိၣ်ဒံးဒၣ်တၢ်, ဒီးအဒိၣ်ကတၢၢ်လၢအကျါန့ၣ်မ့ၢ်ဝဲတၢ်အဲၣ်တၢ်ကွံလီၤ.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

ဖံလံးပံၤ 1:8

ကစၢ်ယွၤမ့ၢ်ပှၤအုၣ်အသးလၢယကတိၤတၢ်မ့ၢ်တၢ်တီ, ဖဲယစံးယဲလၢယတၢ်အဲၣ်ဘၣ်သုခဲလၢာ်န့ၣ်ဟဲထီၣ်ဝဲဒၣ်လၢ ယ့ၣ်ၡူးခရံာ်အကစၢ်ဒၣ်ဝဲအသးပူၤန့ၣ်လီၤ.

ကလီးစဲ 1:4

အဂ့ၢ်ဒ်အံၤ, ပနၢ်ဟူဘၣ်တ့ၢ်လံဘၣ်ဃးဒီးသုတၢ်စူၢ်တၢ်နာ်လၢ ယ့ၣ်ၡူးခရံာ်အပူၤဒီးသုတၢ်အဲၣ်ဘၣ်ပှၤစီဆှံခဲလၢာ်,

ကလီးစဲ 4:18

လၢယစုလီၢ်ဒၣ်ယဲယကွဲးတၢ်အံၤလီၤ. တၢ်ဆၢဂ့ၤဆၢဝါလၢယၤ စီၤပီလူးအအိၣ်, သ့ၣ်နီၣ်ထီၣ်ယတၢ်ဘၣ်စၢဃာ်တက့ၢ်. မ်ကစၢ်ယွၤအဘျုးအဖှိၣ်လီၤဘၣ်လၢသုလိၤတက့ၢ်.

၁ သ့းစၤလနံ 1:3

တဘျီလၢ်လၢ်ဖဲပဃ့ဘါထုကဖၣ်တၢ်ဆူပကစၢ်ယွၤဒီးပပၢ် အအိၣ်န့ၣ်, ပသ့ၣ်နီၣ်ထီၣ်သုအိၣ်မူမၤထွဲသုတၢ်စူၢ်တၢ်နာ် အခံဒ်လဲၣ်, သုဖံးသုမၤတၢ်ဆူၣ်ဆူၣ်လၢတၢ်အဲၣ်အဃိဒ်လဲၣ်, ဒီးသုတၢ်မုၢ်လၢ်လၢပကစၢ်ယ့ၣ်ၡူးခရံာ်အပူၤဂၢၢ်ကျၢၤဒ်လဲၣ် အဂ့ၢ်န့ၣ်လီၤ.

၁ သ့းစၤလနံ 2:17

ဒီပုၢ်ဝဲၢ်သ့ၣ်ဧၢ, မ့မ့ၢ်ပဝဲသ့ၣ်တဖၣ်အံၤ, ဖဲပဘၣ်အိၣ်လီၤဖးဒီးသုတစိၢ်တလီၢ်လၢနီၢ်ခိနီၢ်ခီဒီး တမ့ၢ်ဘၣ်လၢတၢ်ဆိကမိၣ်အပူၤန့ၣ်, ပသးသယုၢ်ဘၣ်သုအဒိၣ်အအါဒီးပဂုာ်ကျဲးစၢးပဝဲသပှၢ် ပှၢ်ဒ်သိးပကထံၣ်ဘၣ်က့ၤကဒီးသုန့ၣ်လီၤ.

၁ သ့းစၤလနံ 2:9

ပမၤတ့ၢ်တၢ်ဆူၣ်ဆံးအါလဲၣ်န့ၣ်သုကသ့ၣ်နီၣ်ထီၣ်လီၤ. ယဒီပုၢ်ဝဲၢ်သ့ၣ်ဧၢ, ပမၤတ့ၢ်တၢ်မုၢ်ဆါဆဲးလၢမုၢ်နၤဒ်သိးဖဲပစံၣ် တဲၤတဲလီၤန့ၢ်သုတၢ်သးခုကစီၣ်ဟဲလၢကစၢ်ယွၤအအိၣ် အဖၢမုၢ်, သုသုတဘၣ်လၢာ်ဘူၣ်လၢာ်စ့ၤလၢပဂီၢ်တဂ့ၤအဂီၢ် န့ၣ်လီၤ.

၁ သ့းစၤလနံ 3:7

လၢတၢ်န့ၣ်အဃိ, ဒီပုၢ်ဝဲၢ်သ့ၣ်ဧၢ, လၢပတၢ်နးတၢ်ဖှီၣ်ဒီးတၢ်တူၢ်ဘၣ်တၢ်ခဲလၢာ်ခဲဆ့အဆၢ ကတီၢ်န့ၣ်, ပဘၣ်တၢ်ဟ့ၣ်ဆူၣ်ထီၣ်ပဂံၢ်ပဘါလၢသုဃိလီၤ. သုတၢ်စူၢ်တၢ်နာ်ခရံာ်မ့ၢ်တၢ်လၢအဟ့ၣ်ဆူၣ်ထီၣ်ပဂံၢ် ပဘါလီၤ.

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.

၁ တံၤမသ့း 1:5

တၢ်ဟ့ၣ်လီၤကလုၢ်အံၤ, အတၢ်တိာ်မ့ၢ်ဒ်သိးအကထိၣ်ဟူးထိၣ် ဂဲၤတၢ်အဲၣ်တၢ်ကွံလၢအဟဲထီၣ်ဝဲလၢသးလၢအကဆှီတဖျၢၣ် အပူၤ, သးလၢအသ့ၣ်ညါဒၣ်တၢ်ဆှံဆှံ, ဒီးတၢ်စူၢ်တၢ်နာ်နီၢ်နီၢ် အပူၤန့ၣ်လီၤ.

၂ တံၤမသ့း 1:3

ယစံးဘျုးကစၢ်ယွၤလၢယမၤအတၢ်လၢသးလၢအသ့ၣ်ညါ ဒၣ်တၢ်အဂ့ၤတီတီအပူၤ, ဒ်ယမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲ အသိးန့ၣ်လီၤ. ယစံးဘျုးအီၤဖဲယသ့ၣ်နီၣ်ထီၣ်နၤထီဘိလၢ ယတၢ်ထုကဖၣ်အပူၤ, လၢမုၢ်ဆါဆဲးလၢမုၢ်နၤန့ၣ်လီၤ.

ဖံၤလ့မိၣ် 1:5

အဂ့ၢ်မ့ၢ်လၢယနၢ်ဟူဘၣ်တၢ်အဲၣ်တၢ်ကွံဒီးတၢ်စူၢ်တၢ်နာ်လၢ အအိၣ်ဒီးနၤလၢကစၢ်ယ့ၣ်ၡူးဒီးပှၤစီဆှံခဲလၢာ်တဖၣ်အဂီၢ် အဃိန့ၣ်လီၤ.

ဧ့ၤဘြံၤ 13:3

သ့ၣ်နီၣ်ထီၣ်ပှၤလၢအအိၣ်လၢဃိာ်ပူၤတဖၣ်တုၤဒၣ်လဲာ်တၢ် ကမၤအသးဒီးသုဒ်သုလီၤဘၣ်ဃိာ်ဒီးအဝဲသ့ၣ်အသိးန့ၣ် တက့ၢ်. သ့ၣ်နီၣ်ထီၣ်ပှၤလၢအဘၣ်တၢ်မၤအၢမၤနးအီၤတဖၣ် ဒ်သုတူၢ်ဘၣ်တၢ်ဒ်သိးအဝဲသ့ၣ်န့ၣ်တက့ၢ်.

ဧ့ၤဘြံၤ 13:7

သ့ၣ်နီၣ်ထီၣ်သုခိၣ်သုနၢ်လၢအစံးဘၣ်တဲဘၣ်သုလၢကစၢ်ယွၤ အကလုၢ်ကထါန့ၣ်တက့ၢ်. ကွၢ်ထံအဝဲသ့ၣ်အတၢ်ကျဲးစၢးအကတၢၢ်ဒီးမၤထွဲအတၢ်နာ် အခံန့ၣ်တက့ၢ်.

၁ ယိၤဟၣ် 3:23

တၢ်လၢအဝဲမၤလိာ်မ့ၢ်အအံၤ, လၢပစူၢ်က့ၤနာ်က့ၤတၢ်လၢအဖိခွါယ့ၣ်ၡူးခရံာ်အမံၤအပူၤ, ဒီးအဲၣ်လိာ်ကွံလိာ်ပသးတဂၤဒီးတဂၤဒ်ခရံာ်မၤလိာ်တ့ၢ်ဝဲအသိးန့ၣ်လီၤ.