၁ သ့းစၤလနံ 3:13 - Sgaw Karen Common Bible

¹³ လၢကျဲဒ်အံၤအပူၤန့ၣ်, အဝဲဒၣ်ကဒုးဆူၣ်ထီၣ်သုဂံၢ်သုဘါ, ဒီးသုကလၢပှဲၤဒီးစီဆှံဝဲလၢပကစၢ်ယွၤဒီးပပၢ်အမဲာ်ညါ ဖဲပကစၢ်ယ့ၣ်ၡူးဟဲဝဲအိၣ်ဒီးပှၤလၢအဘၣ်ဃးဒီး အီၤခဲလၢာ်အကတီၢ်န့ၣ်လီၤ.

၁ သ့းစၤလနံ 3:13 Iomraidhean Croise

လံာ်စကၤရယၤ 14:5

သုကပူၤဖျဲးထီၣ်ခီဖျိတၢ်တြီၤဖးဒိၣ်အံၤလၢအနီၤဖးကစၢၢ်ခံခီန့ၣ်လီၤ. သုကဃ့ၢ်ထီၣ်ကွံာ်ဒ်သုမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲအသိး ဖဲဟီၣ်ခိၣ်ဟူးဝးမၤအသးလၢကီၢ်ယူဒၤအစီၤပၤဧူးစံယါအမုၢ်နံၤန့ၣ်လီၤ. ယွၤ, ကစၢ်ယွၤကဟဲဝဲ, ဒီးကဟဲကိးဃုာ်အကလူးတဖၣ်ခဲလၢာ်ဃုာ် ဒီးအီၤန့ၣ်လီၤ.

လံာ်မးသဲ 25:31

တုၤပှၤကညီဖိခွါဟဲဝဲအိၣ်ဒီးအလၤကပီၤဒ်စီၤပၤတဂၤအသိး ဃုာ်ဒီးအကလူးခဲလၢာ်န့ၣ်, ကဆ့ၣ်နီၤဝဲလၢအလီၢ်ပစိာ်ကဟုကညီၢ်တဖျၢၣ်အဖီခိၣ်,

လံာ်မၢ်ကူး 8:38

ပှၤတဂၤဂၤမ့ၢ်မဲာ်ဆှးယၤဒီးယတၢ်သိၣ်လိသီလိလၢစိၤလၢ အပှဲၤဒီးတၢ်တစူၢ်တနာ်ယွၤဒီးတၢ်အၢတၢ်သီအံၤန့ၣ်, ပှၤကညီဖိခွါကမဲာ်ဆှးအီၤဖဲအဝဲဟဲသကိးဒီးမူခိၣ်ကလူး စီဆှံတဖၣ်ပှဲၤဒီးပၢ်အလၤကပီၤအဆၢကတီၢ်န့ၣ်လီၤ.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

ရိမ့ၤ 14:4

နမ့ၢ်မတၤတဂၤလၢအကစံၣ်ညီၣ်ပှၤအဂၤတဂၤအခ့အပှၤန့ၣ်လဲၣ်. အတၢ်မၤကဲထီၣ်မ့ၢ်ဂ့ၤ, တကဲထီၣ်မ့ၢ်ဂ့ၤန့ၣ် အကစၢ်လၢအမ့ၢ်ယွၤကစံၣ်ညီၣ်ဒၣ်ဝဲလီၤ. ဒီးအတၢ်မၤကကဲထီၣ်လိၣ်ထီၣ်ဝဲ, မ့ၢ်လၢယွၤဒုးကဲထီၣ်လိၣ်ထီၣ်အီၤသ့ဝဲဒၣ်အဃိန့ၣ်လီၤ.

ရိမ့ၤ 16:25

မ်ပဟ့ၣ်ကစၢ်ယွၤတၢ်လၤကပီၤတက့ၢ်. အဝဲဒၣ်ဒုးဆၢထၢၣ်ဂၢၢ်ကျၢၤသုလၢသုတၢ်စူၢ်တၢ်နာ်အပူၤ သ့ဝဲ, ဒ်တၢ်သးခုကစီၣ်လၢယစံၣ်တဲၤတဲလီၤန့ၢ်သုအသိး, တၢ်သးခုကစီၣ်ဘၣ်ဃးဒီးယ့ၣ်ၡူးဒီးဒ်တၢ်မ့ၢ်တၢ်တီခူသူၣ်လၢ အအိၣ်ဘံၣ်အိၣ်ဘၢဝဲအစိၤစိၤအဃၣ်ဃၣ်လၢပျၢၤအတၢ်လီၣ်ဖျါထီၣ် အသးအသိးန့ၣ်လီၤ.

1 ကရံၣ်သူး 15:23

ဘၣ်ဆၣ်ဒီးပှၤတဂၤဘၣ်တဂၤကဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤလၢအဂ့ၢ်အဝီဘၣ်ဘျီးဘၣ်ဒါန့ၣ်လီၤ. အဆိကတၢၢ်န့ၣ်, ခရံာ်, အန့ၣ်ဝံၤအလီၢ်ခံ, ဖဲအဝဲဒၣ်ဟဲ အဆၢကတီၢ်န့ၣ်, ပှၤတဖၣ်လၢအဘၣ်ထွဲဒီးအီၤန့ၣ်လီၤ.

ကလၤတံ 1:4

ခရံာ်ဟ့ၣ်လီၤကွံာ်အသးလၢပတၢ်ဒဲးဘးတဖၣ်အဂီၢ်ဒ်သိး ကဒုးထူၣ်ဖျဲးထီၣ်ကွံာ်ပှၤလၢဆၢကတီၢ်အအၢအသီတကတီၢ် အံၤန့ၣ်လီၤ. မၤဝဲလၢတၢ်ဒိကနၣ်ပပၢ်ယွၤအတၢ်ဘၣ်အသး အပူၤန့ၣ်လီၤ.

အ့းဖ့းစူး 5:27

ဒ်သိးဒီးအကဒိးန့ၢ်ဘၣ်လၢအဂီၢ်ဒၣ်ဝဲတၢ်အိၣ်ဖှိၣ်အိၣ်ဒီး အဃံအလၤ, ဒီးအမဲၣ်သူမဲၣ်ဂီၤမ့ၢ်ဂ့ၤ, အဖံးသွံးမ့ၢ်ဂ့ၤ, တၢ်ဒ်န့ၣ်သိးတဖၣ်မ့ၢ်ဂ့ၤတအိၣ်ဘၣ်, မ့ၢ်ဒ်သိးအကစီကဆှံ, ဒီးပူၤဖျဲးဒီးတၢ်ကမူၤကမၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

ဖံလံးပံၤ 1:10

ဒ်သိးသုကသ့ဃုထၢတၢ်အဂ့ၤကတၢၢ်န့ၣ်လီၤ. အန့ၣ်တစုသုကပူၤဖျဲးဒီးတၢ်တစီတဆှံခဲလၢာ်, ဒီးတၢ်ပာ်တၢ်ကမၣ်လၢသုလိၤဖဲခရံာ်အမုၢ်တနံၤ န့ၣ်လီၤ.

ကလီးစဲ 1:22

ဘၣ်ဆၣ်အခဲအံၤ, ခီဖျိခရံာ်အတၢ်ဒိးသံအသးလၢနီၢ်ခိနီၢ်ခီ န့ၣ်, ကစၢ်ယွၤဒုးကဲထီၣ်သုလၢအတံၤအသကိးတဖၣ်ဒ်သိး အကကိးက့ၤသုဆူအအိၣ်ဒီးလၢအဝဲအမဲာ်ညါန့ၣ်သုကစီဆှံ, တအိၣ်ဘၣ်ဒီးတၢ်ကမၣ်ဘၣ်ဒီးတၢ်ပာ်ဒ့ၣ်ပာ်ကမၣ်တသ့ဘၣ် အဂီၢ်န့ၣ်လီၤ.

၁ သ့းစၤလနံ 2:19

သုဆိကမိၣ်လၢပတၢ်ပာ်ကဖၢလၢပသးအလီၢ်ဒီးပတၢ်သးခု ကမ့ၢ်တၢ်မနုၤလဲၣ်. မ့ၢ်ဒၣ်သုလီၤ. ဒီးသုကမ့ၢ်ပတၢ်မၤနၢၤအပနီၣ်လၢပကပာ်ကဖၢလၢပသးအဒိၣ် ကတၢၢ်လၢပကစၢ်ယ့ၣ်ၡူးအမဲာ်ညါဖဲအဟဲဝဲန့ၣ်လီၤ.

၁ သ့းစၤလနံ 3:11

မ်ပကစၢ်ယွၤဒီးပပၢ်အနီၢ်ကစၢ်ဒၣ်ဝဲ, ဒီးပကစၢ်ယ့ၣ်ၡူးန့ၣ်ကတဲာ်ကတီၤကျဲလၢပဂီၢ်, ဒ်သိးပကဟဲဆူသုအိၣ်အဂီၢ်န့ၣ်တက့ၢ်.

၁ သ့းစၤလနံ 3:2

ဖဲပဆှၢလီၤစီၤတံၤမသ့း, ပဒီပုၢ်ဝဲၢ်လၢအမၤဃုာ်တၢ်ဒီးပှၤလၢ ကစၢ်ယွၤအဂီၢ်, လၢတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီး ခရံာ်အခါန့ၣ်လီၤ. ပဆှၢလီၤအဝဲဒၣ်ဒ်သိးအကဟ့ၣ်ဂံၢ်ဟ့ၣ်ဘါသုဒီးမၤစၢၤသုတၢ် စူၢ်တၢ်နာ်အဂီၢ်,

၁ သ့းစၤလနံ 4:15

တၢ်လၢပစံးဘၣ်တဲဘၣ်သုအံၤန့ၣ်, မ့ၢ်ဝဲတၢ်တမံၤဃီလၢ ကစၢ်သိၣ်လိဝဲန့ၣ်လီၤ. ပဝဲလၢအအိၣ်မူဒံးဖဲကစၢ်ဟဲအဆၢ ကတီၢ်တဖၣ်န့ၣ်, ပတလဲၤဆိလၢပှၤသံတ့ၢ်တဖၣ်အမဲာ်ညါန့ၣ်ဘၣ်.

၁ သ့းစၤလနံ 4:17

တုၤနုၤတစု, ပဝဲလၢအအိၣ်မူလီၤတဲာ်တ့ၢ်ဖဲဆၢကတီၢ်အဝဲန့ၣ် တဖၣ်ပကဘၣ်တၢ်စိာ်ထီၣ်ပှၤတပူၤဃီဒီးအဝဲသ့ၣ်လၢတၢ်အၢၣ် အပူၤဒ်သိးပကထံၣ်လိာ်ပသးဒီးကစၢ်လၢမူဖးဖီန့ၣ်လီၤ. ဒီး လၢတၢ်န့ၣ်အဃိ, ပကအိၣ်ပဝဲတပူၤဃီဒီးကစၢ်ထီဘိန့ၣ်လီၤ.

၁ သ့းစၤလနံ 5:23

မ်ကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်မၤစီထီၣ်ဆှံ ထီၣ်သုလၢလၢပှဲၤပှဲၤဒီးဒုးပူၤဖျဲးသုနီၢ်ဒီဂၤညါသး, သးသမူဒီးနီၢ်ခိ, လၢတၢ်ကမူၤကမၣ်ကိးမံၤဒဲး, ဖဲပကစၢ်ယ့ၣ်ၡူးခရံာ်ဟဲက့ၤန့ၣ်တက့ၢ်.

၂ သ့းစၤလနံ 1:10

တၢ်သ့ၣ်တဖၣ်အံၤခဲလၢာ်ကမၤအသးဖဲနံၤအဝဲန့ၣ် ဖဲအဝဲဒၣ်ဟဲဝဲဒ်သိးအကဒိးန့ၢ်တၢ်လၤကပီၤလၢအပှၤ ဂီၢ်မုၢ်ခဲလၢာ်အအိၣ်, ဒီးတၢ်မၤလၤမၤကပီၤလၢပှၤလၢအစူၢ်က့ၤနာ်က့ၤအီၤခဲလၢာ် အအိၣ်န့ၣ်လီၤ. သုဝဲသ့ၣ်စ့ၢ်ကီးသုကအိၣ်လၢအဝဲသ့ၣ်အသိး အကျါအဂ့ၢ်မ့ၢ်လၢသုနာ်တၢ်ကစီၣ်လၢပစံးဘၣ်တဲဘၣ်သု အဃိန့ၣ်လီၤ.

၂ သ့းစၤလနံ 1:7

အဝဲဒၣ်ကမၤမုာ်ထီၣ်က့ၤသုဝဲလၢအတူၢ်ဘၣ်တၢ်နး တၢ်ဖှီၣ်, ဒီးပဝဲဒၣ်စ့ၢ်ကီးလီၤ. အဝဲဒၣ်ကမၤတၢ်အံၤဖဲကစၢ်ယ့ၣ်ၡူးအိၣ်ဖျါထီၣ်လၢမူခိၣ်ဃုာ် ဒီးအကလူးလၢအအိၣ်ဒီးအစိအကမီၤတဖၣ်,

၂ သ့းစၤလနံ 2:1

ဘၣ်ဃးဒီးတၢ်ဂ့ၢ်လၢပကစၢ်ယ့ၣ်ၡူးခရံာ်ကဟဲက့ၤ, ဒီးပကဘၣ်တၢ်ပာ်ဖှိၣ်ဃုာ်ပှၤဒီးအီၤန့ၣ်, ယဃ့ကညးသု, ယဒီပုၢ်ဝဲၢ်သ့ၣ်ဧၢ,

ယၤကိာ် 5:8

သုဝဲစ့ၢ်ကီးသုကဘၣ်အိၣ်ဒီးတၢ်ဝံသးစူၤလီၤ. ပာ်သုသးဂၢၢ်ဂၢၢ်ကျၢၤကျၢၤတက့ၢ်. အဂ့ၢ်ဒ်အံၤ, ကစၢ်ကဟဲအမုၢ်တနံၤဘူးထီၣ်လံ.

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.

ယူဒၤ 1:14

စီၤဃနိာ်လၢအဟဲလီၤစၢၤလိၤလိၤလၢစီၤအၤဒၣ်နွံစိၤတစိၤ တဂၤကတိၤဆိပာ်တၢ်အံၤလၢအဝဲသ့ၣ်အဂ့ၢ်ယံာ်တ့ၢ်လံ ဒီးစံးဝဲ, “ကစၢ်ကဟဲဒီးအကလူးစီဆှံလၢအကထိတဖၣ် အကထိ,

ယူဒၤ 1:24

ပှၤလၢအဟံးဃာ်ပၢၤဃာ်သုသ့ဒ်သိးသုသုတလီၤဃံၤတဂ့ၤ, ဒီးပာ်သုလၢအလၤကပီၤအမဲာ်ညါတအိၣ်ဘၣ်ဒီးမဲၣ်သူမဲၣ်ဂီၤဘၣ် လၢတၢ်သူၣ်ခုသးခုဒိၣ်ဒိၣ်ကလဲာ်အပူၤ,