၁ သ့းစၤလနံ 3:10 - Sgaw Karen Common Bible

¹⁰ မုၢ်ဆါဒီးမုၢ်နၤန့ၣ်ပဃ့အီၤလၢပသးဒီဖျၢၣ်ညါ, ဒ်သိးအကပျဲပထံၣ်လိာ်ဘၣ်ပသးမဲာ်သကိးမဲာ်, ဒီးဟ့ၣ်သုတၢ်လၢသုလိၣ်ဘၣ်ဒံးလၢသုတၢ်စူၢ်တၢ်နာ်အပူၤ န့ၣ်လီၤ.

၁ သ့းစၤလနံ 3:10 Iomraidhean Croise

လံာ်လူၤကၣ် 2:37

ဒီးခဲကနံၣ်အံၤအဝဲဒၣ်အသးအိၣ်ဝဲဃိးဆံလွံၢ်နံၣ်လီၤ. အဝဲတဟးဖးဒီးတၢ်လုၢ်ဟံၣ်နီတစုဘၣ်. အဝဲဘူၣ်ယွၤဘါယွၤ, အိၣ်ဒီးတၢ်ဒုၣ်တၢ်အီၣ်တၢ်အီဒီးတၢ်ဃ့ဘါထုကဖၣ်တၢ်လၢ မုၢ်ဆါဆဲးလၢမုၢ်နၤလီၤ.

မၤတၢ် 26:7

မ့ၢ်တၢ်စံးပာ်တမံၤဃီလၢပပှၤကလုာ်တဆံခံဒူၣ်လၢာ်, လၢအဘူၣ်ထီၣ်ဘါထီၣ်ကစၢ်ယွၤလၢမုၢ်ဆါဒီးမုၢ်နၤ, မုၢ်လၢ်ဝဲန့ၣ်လီၤ. ကစၢ်စီၤပၤဧၢ, ပှၤယူဒၤဖိတဖၣ်ပာ် တၢ်ကမၣ်လၢယလိၤန့ၣ်, မ့ၢ်ဒၣ်လၢတၢ်မုၢ်လၢ်တမံၤအံၤအဃိလီၤ.

၂ ကရံၣ်သူး 1:15

ဘၣ်ဃးဒီးတၢ်သ့ၣ်တဖၣ်အံၤခဲလၢာ်န့ၣ်, ယနာ်ယဲဒၣ်လီၤတံၢ်လီၤဆဲးတုၤဒၣ်လဲာ်ဖဲအသီခါန့ၣ်, ယပာ်လီၤတ့ၢ်ယသးလၢယကလဲၤအိၣ်သကိးသုဒ်သိးသု ကဘၣ်တၢ်ဆိၣ်ဂ့ၤသုခံဘျီအဂီၢ်န့ၣ်လီၤ.

၂ ကရံၣ်သူး 1:24

ပတဂုာ်ကျဲးစၢးနဲၣ်သုလၢသုကဘၣ်စူၢ်တၢ်နာ်တၢ်ဒ်အံၤဒ် နုၤဘၣ်. ပသ့ၣ်ညါလၢသုအိၣ်ဆၢထၢၣ်သုဝဲကျၢၤကျၢၤလၢ တၢ်စူၢ်တၢ်နာ်အပူၤလီၤ. အခိၣ်တလိာ်ပမၤသကိးတၢ်ဒီးသု, လၢသုတၢ်သူၣ်ဖှံသးညီဒၣ်ဝဲအဂီၢ်န့ၣ်လီၤ.

၂ ကရံၣ်သူး 13:11

ဒီးခဲကနံၣ်အံၤဒီပုၢ်ဝဲၢ်သ့ၣ်ဧၢ, ပလီၤဖးမုာ်မုာ်လီၤ. ဂဲၤပျုၢ်ဂဲၤဆှးလၢ တၢ်လၢတၢ်ပှဲၤအဂီၢ်တက့ၢ်. ဒိကနၣ်ယတၢ်သကွံၢ်ကညးတဖၣ်အိၣ်ဒီးတၢ်သူၣ်လီၤ ပလိာ်သးလီၤပလိာ်လၢတဂၤဒီးတဂၤအဘၢၣ်စၢၤဒီး အိၣ်မူလၢတၢ်ဃူတၢ်ဖိးအပူၤတက့ၢ်. ဒီးကစၢ်ယွၤလၢအဘၣ်ဃးဒီးတၢ်အဲၣ်တၢ်ကွံဒီး တၢ်ဃူတၢ်ဖိးတဂၤန့ၣ်ကအိၣ်ဒီးသုလီၤ.

၂ ကရံၣ်သူး 13:9

ပသးခုပဝဲဖဲပဂံၢ်စၢ်ဘါစၢ်အခါန့ၣ်သုဂံၢ်ဆူၣ်ဘါဆူၣ်န့ၣ်လီၤ. ဒီးလၢတၢ်န့ၣ်အဃိ, ပဃ့ဘါထုကဖၣ်ပဝဲဒ်သိးသုကကဲထီၣ် ပှၤလၢပှၤပှဲၤန့ၣ်လီၤ.

ဖံလံးပံၤ 1:25

ယသးတဒ့ဒီလၢတၢ်ဂ့ၢ်အံၤဘၣ်. ဒီးလၢတၢ်န့ၣ်အဃိယသ့ၣ်ညါလၢယကအိၣ်မူဒံးလီၤ. ယကအိၣ်မူဒံးဒီးသုခဲလၢာ်ဒ်သိးကမၤအါထီၣ်သုတၢ်လဲၤထီၣ် လဲၤထီဒီးသုတၢ်သးခုလၢတၢ်စူၢ်တၢ်နာ်အပူၤန့ၣ်လီၤ.

ကလီးစဲ 1:28

ပစံၣ်တဲၤတဲလီၤခရံာ်ဒီးတဲပလီၢ်ပှၤကိးဂၤဒီးသိၣ်လိသီ လိပှၤကိးကလုာ်ဒဲးလၢတၢ်ကူၣ်သ့ခဲလၢာ်အပူၤ, ဒ်သိးပကဆှၢက့ၤပှၤတဂၤစုာ်စုာ်ဒ်ပှၤဒိၣ်တုာ်ခိၣ်ပှဲၤလၢခရံာ် အပူၤအသိးဆူကစၢ်ယွၤအအိၣ်အဂီၢ်န့ၣ်လီၤ.

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

၁ သ့းစၤလနံ 3:11

မ်ပကစၢ်ယွၤဒီးပပၢ်အနီၢ်ကစၢ်ဒၣ်ဝဲ, ဒီးပကစၢ်ယ့ၣ်ၡူးန့ၣ်ကတဲာ်ကတီၤကျဲလၢပဂီၢ်, ဒ်သိးပကဟဲဆူသုအိၣ်အဂီၢ်န့ၣ်တက့ၢ်.

၂ သ့းစၤလနံ 1:11

လၢတၢ်န့ၣ်အဃိ, ထီဘိန့ၣ်ပဃ့ဘါထုကဖၣ်တၢ်လၢသုဂီၢ်ဒ်သိးပကစၢ် ယွၤကဒုးကြၢးဒုးဘၣ်သုဒီးတၢ်အိၣ်မူလၢအဝဲဒၣ်ကိးဃီၤ သုလၢသုကအိၣ်မူအီၤန့ၣ်လီၤ. ဒီးခီဖျိအစိအကမီၤန့ၣ်, မ်ကစၢ်ယွၤမၤစၢၤသုလၢသုကမၤတၢ်အဂ့ၤတမံၤလၢ်လၢ်လၢ သုသးအိၣ်မၤအီၤ, ဒီးမၤလၢမၤပှဲၤတၢ်ဖံးတၢ်မၤလၢ သုမၤတ့ၢ်လံအီၤခီဖျိတၢ်စူၢ်တၢ်နာ်န့ၣ်တက့ၢ်.

၂ တံၤမသ့း 1:3

ယစံးဘျုးကစၢ်ယွၤလၢယမၤအတၢ်လၢသးလၢအသ့ၣ်ညါ ဒၣ်တၢ်အဂ့ၤတီတီအပူၤ, ဒ်ယမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲ အသိးန့ၣ်လီၤ. ယစံးဘျုးအီၤဖဲယသ့ၣ်နီၣ်ထီၣ်နၤထီဘိလၢ ယတၢ်ထုကဖၣ်အပူၤ, လၢမုၢ်ဆါဆဲးလၢမုၢ်နၤန့ၣ်လီၤ.

ဖံၤလ့မိၣ် 1:22

တဘျီဃီဝံသးစူၤကတဲာ်ကတီၤဆိပာ်စၢၤဒၢးတဖျၢၣ်လၢ ယဂီၢ်, အဂ့ၢ်ဒ်အံၤယမုၢ်လၢ်လၢကစၢ်ယွၤကစံးဆၢသုခဲလၢာ် အတၢ်ထုကဖၣ်ဒီးဆှၢက့ၤယၤဆူသုအိၣ်န့ၣ်လီၤ.

လံာ်လီၣ်ဖျါ 4:8

တၢ်အိၣ်ဒီးအသးသမူလွံၢ်ဒုအံၤ, တဒုဒီးတဒုအိၣ်ဒီးအဒံး ဆ့ဃုဘ့ၣ်, ဒီးအဝဲသ့ၣ်အိၣ်ပှဲၤဒီးမဲာ်ချံတဖၣ်လၢအအိပူၤဒီး လၢအချၢတကပၤန့ၣ်လီၤ. ဒီနံၤဒီနၤ, အဝဲသ့ၣ်တဆိကတီၢ် ဘၣ်ဒီးသးဝံၣ်ဝဲဒ်အံၤ, “ကစၢ်ယွၤလၢအသ့တၢ်လၢာ်, လၢအအိၣ်တ့ၢ်လံလၢပျၢၤလံၤလံၤ, အိၣ်ဝဲခဲကနံၣ်အံၤ, ဒီးအကဟဲဝဲတဂၤန့ၣ်, စီဆှံ, စီဆှံ, စီဆှံဝဲလီၤ.”

လံာ်လီၣ်ဖျါ 7:15

လၢတၢ်န့ၣ်အဃိ, အဝဲသ့ၣ်အိၣ်ဆၢထၢၣ်ဝဲလၢကစၢ်ယွၤ အလီၢ်ပစိာ်အမဲာ်ညါဒီးမၤအဝဲဒၣ်အတၢ်မၤမုၢ်ဆါမုၢ်နၤလၢ အဝဲဒၣ်အတၢ်လုၢ်ဟံၣ်အပူၤလီၤ. ပှၤလၢအဆ့ၣ်နီၤဝဲလၢလီၢ် ပစိာ်အလိၤတဂၤန့ၣ်, ကကဟုကယာ်အဝဲသ့ၣ်ခီဖျိအဝဲဒၣ်အတၢ်အိၣ်ဒီးအဝဲသ့ၣ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.