၁ သ့းစၤလနံ 3:1 - Sgaw Karen Common Bible

¹ လၢခံကတၢၢ်န့ၣ်, ပအိၣ်လီၤဖးဒီးသုတကဲလၢၤဘၣ်အဃိ, ပဝဲပပာ်လီၤပသးလၢပကအိၣ်တ့ၢ်ဖဲဝ့ၢ်အၤသ့ၣ်,

၁ သ့းစၤလနံ 3:1 Iomraidhean Croise

လံာ်ယံးရမံယၤ 20:9

ဘၣ်ဆၣ်ဒီးဖဲယစံး, “ယကသးပ့ၤနီၣ်ကွံာ်ယွၤဒီးယတကတိၤလၢၤ တၢ်လၢအမံၤအပူၤလၢၤဘၣ်” န့ၣ်ဒီး, နတၢ်ကစီၣ်န့ၣ်လီၤဂာ်ဒ်မ့ၣ်အူ လၢအအီၣ်တၢ်လၢယသးကံၢ်ပူၤအသိးန့ၣ်လီၤ. ယကျဲးစၢးကီၤယသးအဂ့ၤကတၢၢ်လၢ ယသုတကတိၤဘၣ်အီၤ ဘၣ်ဆၣ်ယပၢၤတံၢ်ဃာ်အီၤတန့ၢ်လၢၤဘၣ်.

လံာ်ယံးရမံယၤ 44:22

အအံၤတနံၤအံၤဒၣ်လဲာ်, သုထံသုကီၢ်အိၣ်လီၤ တဲာ်လၢ တၢ်ဟးဂူာ်ဟးဂီၤအပူၤ, ဒီးပှၤတအိၣ်ဆိးလၢ အပူၤနီတဂၤလၢၤဘၣ်. တၢ်န့ၣ်ကဲထီၣ်တၢ်ထံၣ်အလီၢ်တတီၤလၢ အလီၤပျံၤလီၤဖုးဒီၤ ပှၤဂီၢ်မုၢ်သူအမံၤဒ်တၢ်ဆိၣ်အၢတမံၤအသိး, မ့ၢ်လၢယွၤတူၢ်သု တၢ်မၤအအၢအသီဒီး တၢ်မၤလၢ အလီၤသးဘၣ်အၢတဖၣ် တကဲလၢၤဘၣ်အဃိန့ၣ်လီၤ.

မၤတၢ် 17:15

ပှၤလၢအဆှၢစီၤပီလူးတဖၣ်လဲၤဃုာ်ဒီးအီၤတုၤလၢဝ့ၢ် အၤသ့ၣ်လီၤ. ဖဲန့ၣ်စီၤပီလူးမၤလိာ်ထွဲအခံဒ်သိးအကတဲ ဘၣ်စီၤစံလၤဒီးစီၤတံၤမသ့းလၢအကဟဲဆူအအိၣ်ချ့ချ့ တသ့ဖဲအသ့ဝံၤ, ဒီးအဝဲသ့ၣ်က့ၤကဒါက့ၤဆူဝ့ၢ်ဘ့းရံၤန့ၣ်လီၤ.

မၤတၢ် 17:16

ဖဲစီၤပီလူးအိၣ်ခိးစီၤစံလၤဒီးစီၤတံၤမသ့းဖဲဝ့ၢ်အၤသ့ၣ်အဖၢ မုၢ်န့ၣ်, ထံၣ်ဘၣ်ဝဲလၢတၢ်ဂီၤတၢ်ဖီၣ်အိၣ်ပှဲၤလၢဝ့ၢ်တဖျၢၣ်န့ၣ် အပူၤအဃိအသးဘၣ်တံာ်တာ်ဝဲဒၣ်အဒိၣ်အအါလီၤ.

၂ ကရံၣ်သူး 2:13

ဘၣ်ဆၣ်ဒီး, ယသူၣ်အုးသးအုးယဲအဒိၣ်အအါ မ့ၢ်လၢယတထံၣ်ပဒီပုၢ်ဝဲၢ်စီၤတံတူးဘၣ်အဃိလီၤ. လၢတၢ်န့ၣ် အဃိ, ယဆၢဂ့ၤဆၢဝါပှၤဝ့ၢ်ဖိတဖၣ်ဒီးပာ်တီၢ်အဝဲသ့ၣ်, ဒီးလဲၤကဒီးယဲဆူကီၢ်မၤက့းဒနံန့ၣ်လီၤ.

၁ သ့းစၤလနံ 2:17

ဒီပုၢ်ဝဲၢ်သ့ၣ်ဧၢ, မ့မ့ၢ်ပဝဲသ့ၣ်တဖၣ်အံၤ, ဖဲပဘၣ်အိၣ်လီၤဖးဒီးသုတစိၢ်တလီၢ်လၢနီၢ်ခိနီၢ်ခီဒီး တမ့ၢ်ဘၣ်လၢတၢ်ဆိကမိၣ်အပူၤန့ၣ်, ပသးသယုၢ်ဘၣ်သုအဒိၣ်အအါဒီးပဂုာ်ကျဲးစၢးပဝဲသပှၢ် ပှၢ်ဒ်သိးပကထံၣ်ဘၣ်က့ၤကဒီးသုန့ၣ်လီၤ.

၁ သ့းစၤလနံ 3:5

လၢတၢ်န့ၣ်အဃိ, ယဘၣ်ဆှၢလီၤစီၤတံၤမသ့းလီၤ. ယအိၣ်တကဲလၢၤအဃိယဆှၢလီၤအဝဲဒၣ်ဒ်သိးအကဃု သ့ၣ်ညါတၢ်ဘၣ်ဃးသုတၢ်စူၢ်တၢ်နာ်အဂ့ၢ်န့ၣ်လီၤ. ယဘၣ်ယိၣ်လၢမုၣ်ကီၤလံၢ်ကလ့ပစီန့ၢ်သု, ဒီးပတၢ်ဖံးတၢ်မၤခဲလၢာ်ကကဲထီၣ်တၢ်ကလီကလီန့ၣ်လီၤ.