၁ သ့းစၤလနံ 2:8 - Sgaw Karen Common Bible

⁸ မ့ၢ်လၢပအဲၣ်ဘၣ်သုအဃိပအိၣ်ကတဲာ်ကတီၤပသးတမ့ၢ်ထဲလၢ ပကဒုးသ့ၣ်ညါသုလၢတၢ်သးခုကစီၣ်အဂ့ၢ်န့ၣ်ဘၣ်. မ့မ့ၢ်ပအိၣ်ကတဲာ်ကတီၤဒၣ်လဲာ်ပသးလၢပကဟ့ၣ်လီၤ ပသးသမူလၢသုဂီၢ်လီၤ. သုလုၢ်ဒိၣ်ပှ့ၤဒိၣ်ဒိၣ်မးလၢပဂီၢ်လီၤ.

၁ သ့းစၤလနံ 2:8 Iomraidhean Croise

လံာ်လူၤကၣ် 7:2

ပှၤရိမ့ၤသုးဖိတကယၤအခိၣ်ဖဲဝ့ၢ်အဝဲန့ၣ်အပူၤတဂၤအိၣ် ဒီးတၢ်ခ့တၢ်ပှၤလၢအအဲၣ်ဝဲဒိၣ်မးတဂၤလီၤ. တၢ်ခ့တၢ်ပှၤပိာ်ခွါတဂၤန့ၣ်, အိၣ်တဆူၣ်နးမးတုၤဒၣ်လဲာ်ဘူးတ့ၢ်လၢအကသံလီၤ.

ရိမ့ၤ 1:1

လၢစီၤပီလူး, ယ့ၣ်ၡူးခရံာ်အခ့အပှၤဒီးတၢ်မၢဖိတဂၤ လၢအဘၣ်တၢ်ဃုထၢဒီးကိးထီၣ်အီၤလၢကစၢ်ယွၤဒ်သိး ကစံၣ်တဲၤတဲလီၤတၢ်သးခုကစီၣ်အဂီၢ်အအိၣ်န့ၣ်လီၤ.

ရိမ့ၤ 10:1

ယဒီပုၢ်ဝဲၢ်သ့ၣ်ဧၢ, ယသးအတၢ်ဆၢန့ၢ်ဘၣ်လၢယသးဒီဖျၢၣ်ညါဒီး ယတၢ်ဃ့ထုကဖၣ်ကစၢ်ယွၤလၢယပှၤကလုာ်ဒၣ်ယဲအဂီၢ်, မ့ၢ်ဒၣ်ဒ်သိးအဝဲသ့ၣ်ကတုၤလၢတၢ်အုၣ်က့ၤခီၣ်က့ၤအဂီၢ်န့ၣ်လီၤ.

ရိမ့ၤ 15:29

တုၤယလဲၤဆူသုအိၣ်ဒီး, ယသ့ၣ်ညါလၢယကလဲၤလၢခရံာ် အတၢ်ဆိၣ်ဂ့ၤဆိၣ်ဝါအလၢအပှဲၤအပူၤန့ၣ်လီၤ.

၂ ကရံၣ်သူး 12:15

တၢ်လၢအအိၣ်ဒီးယၤခဲလၢာ်, ဒီးယနီၢ်ကစၢ်ဒၣ်ယဲစ့ၢ်ကီးန့ၣ်ယကသးခုသူအီၤဒ်သိး အကကဲတၢ်မၤစၢၤလၢသုဂီၢ်လီၤ. ယအဲၣ်သုဒိၣ်မးအဃိ ဒီး, မ့ၢ်သုကအဲၣ်ယၤစှၤန့ၢ်တၢ်န့ၣ်ဧါ.

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.

ကလၤတံ 4:19

ယဖိဆံးသးဘိသ့ၣ်ဧၢ, ဒ်မိၢ်တဂၤလၢအဆံးစၢ်ထီၣ်အဖိအသိး န့ၣ်, ယတူၢ်ဘၣ်တၢ်ဆါတမံၤဃီလၢသုဂီၢ်တုၤခရံာ်အက့ၢ်အဂီၤ ကဲထီၣ်လိၣ်ထီၣ်လၢသုပူၤန့ၣ်လီၤ.

ဖံလံးပံၤ 1:8

ကစၢ်ယွၤမ့ၢ်ပှၤအုၣ်အသးလၢယကတိၤတၢ်မ့ၢ်တၢ်တီ, ဖဲယစံးယဲလၢယတၢ်အဲၣ်ဘၣ်သုခဲလၢာ်န့ၣ်ဟဲထီၣ်ဝဲဒၣ်လၢ ယ့ၣ်ၡူးခရံာ်အကစၢ်ဒၣ်ဝဲအသးပူၤန့ၣ်လီၤ.

ဖံလံးပံၤ 2:17

ဘၣ်တဘၣ်, ယသးသမူအသွံၣ်ကဘၣ်တၢ်လူလီၤအီၤဒ် တၢ်လုၢ်တၢ်ပာ်လၢသုတၢ်စူၢ်တၢ်နာ်ဒၣ်ဝဲလုၢ်ထီၣ်တၢ်မၤဘူၣ် တမံၤအသိးဆူကစၢ်ယွၤအအိၣ်အဖီခိၣ်န့ၣ်လီၤ. တၢ်မ့ၢ်မၤအသးဒ်န့ၣ်ဒီးယသးခုယဲဒီးဟ့ၣ်နီၤလီၤယတၢ်သးခု ဒီးသုဝဲကိးဒံကိးဂၤဒဲးန့ၣ်လီၤ.

ဖံလံးပံၤ 2:20

အဝဲဒၣ်မ့ၢ်ပှၤထဲတဂၤဧိၤလၢအတၢ်ဆိကမိၣ်လီၤပလိာ်ဒီးယၤဒီး သူၣ်အိၣ်သးအိၣ်သုနီၢ်နီၢ်န့ၣ်လီၤ.

ဖံလံးပံၤ 4:1

မ်ဒ်န့ၣ်ဒီး, ယဒီပုၢ်ဝဲၢ်သ့ၣ်ဧၢ, ယအဲၣ်ဘၣ်သုဒီးသးသယုၢ်ဘၣ်သုဒိၣ်မးလီၤ. သုဒုးသးခုယၤဒိၣ်မး, ဒီးယပာ်ကဖၢလၢယသးလၢ သုဃိဒိၣ်မးလီၤ. ဒီပုၢ်ဝဲၢ်သးဘိသ့ၣ်ဧၢ, အဝဲအံၤ မ့ၢ်ကျဲလၢသုကဆၢထၢၣ်ဂၢၢ်ကျၢၤလၢသုတၢ်အိၣ်မူလၢ ကစၢ်အပူၤန့ၣ်လီၤ.

ကလီးစဲ 1:28

ပစံၣ်တဲၤတဲလီၤခရံာ်ဒီးတဲပလီၢ်ပှၤကိးဂၤဒီးသိၣ်လိသီ လိပှၤကိးကလုာ်ဒဲးလၢတၢ်ကူၣ်သ့ခဲလၢာ်အပူၤ, ဒ်သိးပကဆှၢက့ၤပှၤတဂၤစုာ်စုာ်ဒ်ပှၤဒိၣ်တုာ်ခိၣ်ပှဲၤလၢခရံာ် အပူၤအသိးဆူကစၢ်ယွၤအအိၣ်အဂီၢ်န့ၣ်လီၤ.

ကလီးစဲ 1:7

ခီဖျိပှၤလၢတၢ်အဲၣ်အီၤဒီးယွၤအခ့အပှၤသကိးဒီးပှၤစီၤ အ့းပၤဖြါန့ၣ်လီၤ. အဝဲမ့ၢ်ပခၢၣ်စး, ခရံာ်အခ့အပှၤလၢ အကလုၢ်တီတဂၤ,

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

ဖံၤလ့မိၣ် 1:1

လၢစီၤပီလူး, ပှၤလီၤဘၣ်ဃိာ်လၢယ့ၣ်ၡူးခရံာ်အဃိ, ဒီးပဒီပုၢ်ဝဲၢ်စီၤတံၤမသ့း, ဆူ, ပတံၤသကိး, ပှၤမၤသကိးတၢ်ဒီးပှၤစီၤဖံၤလ့မိၣ်,

ဧ့ၤဘြံၤ 13:17

စူၢ်သုခိၣ်သုနၢ်တဖၣ်အကလုၢ်ဒီးဆီၣ်လီၤသုသးလၢ အဝဲသ့ၣ်အဖီလာ်တက့ၢ်. အဂ့ၢ်ဒ်အံၤ, ဒ်ပှၤလၢအကဘၣ်ဟ့ၣ်ထီၣ်တၢ်စံးဆၢအသိး န့ၣ်အဝဲသ့ၣ်ဆိးသီဝဲလၢသုသးသမူအဂီၢ်လီၤ. သုမ့ၢ်စူၢ်အဝဲသ့ၣ်အကလုၢ်ဒီး, ကမၤဝဲအတၢ်မၤလၢတၢ်သူၣ်ခု သးခုအပူၤလီၤ. မ့တမ့ၢ်ဘၣ်ဒီးကမၤဝဲလၢတၢ်သူၣ်အုးသးအုး အပူၤ, ဒီးတၢ်န့ၣ်တကဲထီၣ်တၢ်မၤစၢၤလၢသုဂီၢ်ဘၣ်လီၤ.

၁ ယိၤဟၣ် 3:16

ခရံာ်ဟ့ၣ်လီၤကွံာ်အသးသမူလၢပဂီၢ်, ဒီးလၢကျဲဒ်အံၤန့ၣ်, ပသ့ၣ်ညါဘၣ်တၢ်အဲၣ်တၢ်ကွံမ့ၢ်တၢ်မနုၤလဲၣ်န့ၣ်လီၤ. အဃိ, ပဝဲဒၣ်စ့ၢ်ကီးပကြၢးဟ့ၣ်လီၤကွံာ်ပသးသမူတဖၣ်လၢ ပဒီပုၢ်ဝဲၢ်တဖၣ်အဂီၢ်လီၤ.