၁ သ့းစၤလနံ 2:6 - Sgaw Karen Common Bible

⁶ ပတဂုာ်ကျဲးစၢးဒိးန့ၢ်တၢ်စံးထီၣ်ပတြၢၤလၢသုအိၣ်မ့ၢ်ဂ့ၤ, လၢပှၤဂၤအအိၣ်မ့ၢ်ဂ့ၤန့ၣ်ဘၣ်.

၁ သ့းစၤလနံ 2:6 Iomraidhean Croise

လံာ်နီၢ်အ့ၤစတၢ် 1:4

ဒီးမၤတၢ်ဒုးနဲၣ်တမံၤလၢအပာ်ဖျါထီၣ်အဘီအမုၢ် အလၤကပီၤအတၢ်ထူးတၢ်တီၤဒီးအကဟုကညီၢ်လၢအယံာ်ဝဲဃု လါန့ၣ်လီၤ.

လံာ်နီၢ်အ့ၤစတၢ် 5:11

အဝဲကတိၤဒိၣ်လီၤအသးလၢအဝဲသ့ၣ်အမဲာ်ညါဘၣ်ထွဲဒီးအဝဲ ထူးဝဲတီၤဝဲထဲလဲၣ်အဂ့ၢ်, အဖိခွါအိၣ်ပှံၤဂၤအဂ့ၢ်, စီၤပၤသုးထီထီၣ်အလီၢ်ဒ်လဲၣ်အဂ့ၢ် ဒီးအဝဲအကါဒိၣ်န့ၢ်ဒံးစီၤပၤအပဒိၣ်ပပှၢ်အဂၤထဲလဲၣ်အဂ့ၢ်န့ၣ်လီၤ.

တၢ်ကတိၤဒိ. 25:27

ကနဲစီအါကဲၣ်ဆိးန့ၣ်အၢလၢနဂီၢ်လီၤ. ဒ်န့ၣ်အသိး, တၢ်ကျဲးစၢးမၤန့ၢ်တၢ်စံးထီၣ်ပတြၢၤအါကဲၣ်ဆိးန့ၣ်မ့ၢ်တၢ် တမံၤဃီလီၤ.

လံာ်ဒၤနံးယ့လး 4:30

ဒီးစံးဝဲဒၣ်, “ဘၤဘူၤလိၣ်ဒိၣ်ဝဲဆံးဒိၣ်ဆံးဒိၣ်လဲၣ်န့ၣ်ကွၢ်တက့ၢ်. ယသူၣ်ထီၣ်အီၤဒ်ယဝ့ၢ်ခိၣ်အသိးလၢကလီၣ်ဖျါ ထီၣ်ယစိကမီၤဒီးယဂံၢ်ယဘါယလၤကပီၤယကဟုကညီၢ်လီၤ.”

လံာ်ယိၤဟၣ် 12:43

အဝဲသ့ၣ်အဲၣ်ဒိးပှၤကညီအတၢ်စံးထီၣ်ပတြၢၤဒိၣ်န့ၢ် ကစၢ်ယွၤအတၢ်စံးထီၣ်ပတြၢၤတက့ၢ်လီၤ.

လံာ်ယိၤဟၣ် 5:41

ယတဃုမၤန့ၢ်ပှၤဟီၣ်ခိၣ်ဖိအတၢ်စံးပတြၢၤယၤဘၣ်.

လံာ်ယိၤဟၣ် 5:44

သုသးအိၣ်ဒိးန့ၢ်တၢ်စံးပတြၢၤလိာ်သးကဒဲကဒဲန့ၣ်လီၤ. မ့မ့ၢ် သုတဂုာ်ကျဲးစၢးမၤန့ၢ်တၢ်စံးပတြၢၤထဲလၢကစၢ်ယွၤတဂၤဧိၤ အအိၣ်အဃိ, သုနာ်ယၤကသ့ဒ်လဲၣ်.

လံာ်ယိၤဟၣ် 7:18

ပှၤတဂၤလၢအကတိၤတၢ်လၢအစိကမီၤဒၣ်ဝဲန့ၣ်, မ့ၢ်အဃုမၤန့ၢ်အလၤအကပီၤဒၣ်ဝဲလီၤ. မ့မ့ၢ်ပှၤလၢအဃုပှၤလၢအမၢလီၤအီၤတဂၤအလၤ ကပီၤန့ၣ်, မ့ၢ်ပှၤအတီတဂၤဒီးတၢ်လီတၢ်ဝ့ၤတအိၣ်လၢ အပူၤနီတမံၤဘၣ်.

1 ကရံၣ်သူး 11:9

ဒ်န့ၣ်အသိး, ပိာ်ခွါတဘၣ်တၢ်တ့လီၤအီၤလၢပိာ်မုၣ်အဂီၢ် ဘၣ်. မ့မ့ၢ်ပိာ်မုၣ်ဘၣ်တၢ်တ့လီၤအီၤလၢပိာ်ခွါအဂီၢ်လီၤ.

၂ ကရံၣ်သူး 13:10

လၢတၢ်န့ၣ်အဃိယကွဲးတၢ်အဝဲအံၤဖဲယအိၣ်လီၤဖးဒီး သုလီၤ. အဝဲအံၤန့ၣ်မ့ၢ်ဒ်သိးဖဲယဟဲတုၤန့ၣ်, အလီၢ်သုတအိၣ်လၢယကမၤသုဆူၣ်ဆူၣ်လၢတၢ်သူ တၢ်စိတၢ်ကမီၤလၢကစၢ်ယွၤဟ့ၣ်တ့ၢ်ယၤ (တၢ်စိတၢ်ကမီၤလၢတၢ်ကမၤထီၣ်မၤထီသု အဂီၢ်, တမ့ၢ်တၢ်ကမၤဟးဂီၤသုအဂီၢ်ဘၣ်) အပူၤ တဂ့ၤအဂီၢ်န့ၣ်လီၤ.

၂ ကရံၣ်သူး 4:5

အဂ့ၢ်ဒ်အံၤ, တမ့ၢ်ပစံၣ်တဲၤတဲလီၤပနီၢ်ကစၢ်ဒၣ်ဝဲအဂ့ၢ် ဘၣ်. မ့ၢ်ပစံၣ်တဲၤတဲလီၤယ့ၣ်ၡူးခရံာ်ဒ်ကစၢ်, ဒီးပနီၢ်ကစၢ်ဒၣ်ပဝဲဒ်သုခ့သုပှၤတဖၣ်လၢယ့ၣ်ၡူးအဃိ အသိးန့ၣ်လီၤ.

ကလၤတံ 1:10

တၢ်အဝဲအံၤ, မ့ၢ်အသီၣ်မၤအသးဒ်သိးယဂုာ်ကျဲးစၢးမၤန့ၢ် ပှၤကညီအတၢ်ဘၣ်သူၣ်ဘၣ်သးဧါ. တမ့ၢ်လ့ၤတက့ၤဘၣ်. တၢ်လၢယအဲၣ်ဒိးန့ၣ်, မ့ၢ်ကစၢ်ယွၤအတၢ်ဘၣ်သူၣ်ဘၣ်သး န့ၣ်လီၤ. မ့ၢ်ယဂုာ်ကျဲးစၢးဒိးန့ၢ်ပှၤကညီအတၢ်ဘၣ်သူၣ်ဘၣ် သးယၤဧါ. ယမ့ၢ်မၤဒံးဒၣ်ဒ်န့ၣ်ဒီး, ယတမ့ၢ်ခရံာ်အခ့အပှၤ တဂၤဘၣ်.

ကလၤတံ 5:26

ပတဘၣ်ပာ်ထီၣ်ထီပသး, မ့တမ့ၢ်မၤအ့န့လိာ်ပသးတဂၤဒီး တဂၤ, မ့တမ့ၢ်သူၣ်က့ၣ်သးကါလိာ်ပသးတဂၤဒီးတဂၤန့ၣ်ဘၣ်.

ကလၤတံ 6:13

ပှၤသ့ၣ်တဖၣ်လၢအဒိးတၢ်ကူးတရံးဒၣ်လဲာ်န့ၣ်, တမ့ၢ်အစူၢ် တၢ်သိၣ်တၢ်သီဘၣ်. အဝဲသ့ၣ်အဲၣ်ဒိးလၢသုကဒိးတၢ်ကူးတရံးဒ်သိးအကပာ် ကဖၢလၢအသးလၢသုပျဲအဝဲသ့ၣ်ကူးတရံးသုအဃိန့ၣ်လီၤ.

၁ သ့းစၤလနံ 2:9

ပမၤတ့ၢ်တၢ်ဆူၣ်ဆံးအါလဲၣ်န့ၣ်သုကသ့ၣ်နီၣ်ထီၣ်လီၤ. ယဒီပုၢ်ဝဲၢ်သ့ၣ်ဧၢ, ပမၤတ့ၢ်တၢ်မုၢ်ဆါဆဲးလၢမုၢ်နၤဒ်သိးဖဲပစံၣ် တဲၤတဲလီၤန့ၢ်သုတၢ်သးခုကစီၣ်ဟဲလၢကစၢ်ယွၤအအိၣ် အဖၢမုၢ်, သုသုတဘၣ်လၢာ်ဘူၣ်လၢာ်စ့ၤလၢပဂီၢ်တဂ့ၤအဂီၢ် န့ၣ်လီၤ.

၁ တံၤမသ့း 5:17

ပှၤသူၣ်က့သးပှၢ်လၢအမၤတၢ်ဂ့ၤဂ့ၤဒ်ခိၣ်နၢ်အသိးတဖၣ်န့ၣ်, တၢ်ကြၢးကွၢ်ဆိကမိၣ်တၢ်လၢအဝဲသ့ၣ်အဂီၢ်ဒီးဟ့ၣ်အီၤဘူးလဲခံစး, လီၤဆီဒၣ်တၢ်ပှၤတဖၣ်လၢအမၤတၢ်ဆူၣ်ဆူၣ်လၢတၢ်စံၣ် တဲၤတဲလီၤဒီးတၢ်သိၣ်လိသီလိတၢ်အပူၤန့ၣ်လီၤ.