၁ သ့းစၤလနံ 2:4 - Sgaw Karen Common Bible

⁴ မ့မ့ၢ်ထီဘိန့ၣ်ပစံးကတိၤတၢ်လၢကစၢ်ယွၤသးအိၣ်လၢ ပကကတိၤန့ၣ်လီၤ. အဂ့ၢ်ဒ်အံၤ, အဝဲဒၣ်ပာ်ပှၤဒ်ပှၤလၢအကြၢးဝဲဘၣ်ဝဲလၢတၢ်ကဟ့ၣ်လီၤတၢ်သး ခုကစီၣ်ဆူအစုပူၤလီၤ. ပတဂုာ်ကျဲးစၢးမၤတၢ်ဘၣ်ပှၤကညီအသး ဘၣ်. မ့မ့ၢ်ပဂုာ်ကျဲးစၢးမၤကစၢ်ယွၤလၢအထံၣ်နုာ်တၢ်လၢပသူၣ်ကံၢ် သးလဲပူၤတဂၤအတၢ်ဘၣ်အသးလီၤ.

၁ သ့းစၤလနံ 2:4 Iomraidhean Croise

လံာ်စီၤပၤအခီၣ်ထံးတဘ့ၣ် 8:39

ဒိကနၣ်လၢ်အဝဲသ့ၣ်အတၢ်ထုကဖၣ်န့ၣ်တက့ၢ်. ဒိကနၣ်လၢ်အဝဲသ့ၣ်လၢနဟံၣ်အိၣ်လၢမူခိၣ်, ပျၢ်လၢ်အဝဲသ့ၣ်အတၢ်ကမၣ်, ဒီးမၤစၢၤလၢ်အဝဲသ့ၣ်တက့ၢ်. နမ့ၢ်ပှၤထဲတဂၤဧိၤလၢအသ့ၣ်ညါပှၤကညီအသးအတၢ်ဆိကမိၣ်တဖၣ်န့ၣ် လီၤ. မၤဘၣ်ပှၤတဂၤဘၣ်တဂၤဒ်ကြၢးဝဲဘၣ်ဝဲဒီးအီၤအသိး,

လံာ်စီၤပၤခံဘ့ၣ်တဘ့ၣ် 16:16

စီၤအူၤရံယၤမၤတၢ်ဒ်စီၤပၤမၤလိာ်အီၤအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

စံးထီၣ်ပတြၢၤ 139:23

ကစၢ်ယွၤဧၢ, ဃုကွၢ်ယၤ, ဒီးသ့ၣ်ညါယသးတက့ၢ်. မၤကွၢ်ယၤ, ဒီးသ့ၣ်ညါ ယတၢ်ဆိကမိၣ်တဖၣ်န့ၣ်တက့ၢ်.

စံးထီၣ်ပတြၢၤ 17:3

နသ့ၣ်ညါယသးလီၤ. နဟဲတ့ၢ်ဆူယအိၣ်လၢမုၢ်နၤ, နမၤကွၢ်တ့ၢ်ယၤလၢာ်လၢာ်ဆ့ဆ့ ဒီးတထံၣ်န့ၢ် တၢ်ဆၢမၤတၢ်အၢတၢ်သီလၢယပူၤဘၣ်.

စံးထီၣ်ပတြၢၤ 44:21

နကထံၣ်တ့ၢ်လံတၢ်အံၤသပှၢ်တၢၢ်, မ့ၢ်လၢနသ့ၣ်ညါပတၢ်ဆိကမိၣ်ခူသူၣ် သ့ၣ်တဖၣ်အဃိန့ၣ်လီၤ.

စံးထီၣ်ပတြၢၤ 7:9

ကစၢ်ယွၤလၢအတီအလိၤ ဒီးမၤကွၢ် ပှၤကညီအသးအတၢ်ဆိကမိၣ်နၤဧၢ, ဒုးကတၢၢ်ကွံာ်ပှၤတတီတလိၤအတၢ်အၢတၢ်သီ, ဘၣ်ဆၣ်ပှၤတီပှၤလိၤန့ၣ် ဒုးအိၣ်ဂၢၢ်ဆိးကျၢၤအီၤတက့ၢ်.

တၢ်ကတိၤဒိ. 17:3

ထူဒီးစ့ဘၣ်တၢ်မၤကွၢ်အီၤလၢမ့ၣ်အူဒီးပှၤကညီတဂၤအသးန့ၣ် ဘၣ်တၢ်မၤကွၢ်အီၤလၢယွၤလီၤ.

လံာ်ယံးရမံယၤ 17:10

ယၤ, ယွၤအံၤ, ယဃုသ့ၣ်ညါပှၤကညီအတၢ်ဆိကမိၣ်တဖၣ် ဒီးမၤကွၢ်ပှၤကညီတဖၣ်အသးန့ၣ်လီၤ. ယမၤဘၣ်အဝဲသ့ၣ်တဂၤစုာ်စုာ်ဒ်အအိၣ်မူဝဲ အကျဲအသိး, ဒီးဒ်တၢ်လၢအဝဲမၤဝဲအသိးန့ၣ်လီၤ.”

လံာ်ယံးရမံယၤ 32:19

နမၤတၢ်ကူၣ်သ့အတၢ်ရဲၣ်တၢ်ကျဲၤတဖၣ်ဒီး မၤတၢ်လၢ အလီၤဘီလီၤမုၢ်တဖၣ်န့ၣ်လီၤ. နထံၣ်တၢ်ခဲလၢာ်လၢ ပှၤဂီၢ်မုၢ်မၤဝဲ, ဒီးနဟ့ၣ်ဘျုးအဝဲသ့ၣ်ဒ် အမၤတၢ်တဖၣ် အသိးန့ၣ်လီၤ.

လံာ်လူၤကၣ် 12:42

ကစၢ်စံးဆၢဝဲ, “မ့မ့ၢ်ဒ်န့ၣ်ဒီး, မ့ၢ်မတၤမ့ၢ်တၢ်ခ့တၢ်ပှၤလၢအသးတီဒီး အကူၣ်ဘၣ်ကူၣ်သ့တဂၤလဲၣ်. အဝဲဒၣ်မ့ၢ်ပှၤတဂၤလၢအကစၢ်ကဟ့ၣ်စိဟ့ၣ်ကမီၤအီၤလၢ အကကွၢ်ထွဲဟံၣ်ဃီဒီးဒုးအီၣ်ဒုးအီတၢ်ခ့တၢ်ပှၤအဂၤတဖၣ် ဖဲအဆၢကတီၢ်ဘၣ်တဘျီဘၣ်တဘျီန့ၣ်လီၤ.

လံာ်လူၤကၣ် 16:11

မ့မ့ၢ်ဒ်န့ၣ်ဒီး, လၢတၢ်ကွၢ်ထွဲပၢဆှၢဟီၣ်ခိၣ်အတၢ်ထူးတၢ်တီၤအပူၤ န့ၣ်သုမ့ၢ်တတီတ့ၢ်သုဝဲဒီး, တၢ်နာ်န့ၢ်သုလၢတၢ်ထူးတၢ်တီၤနီၢ်နီၢ် အဂီၢ်န့ၣ်, ကသ့ဝဲလၢကျဲဒ်လဲၣ်.

လံာ်ယိၤဟၣ် 21:17

ယ့ၣ်ၡူးစံးဘၣ်အီၤပှဲၤထီၣ်သၢဘျီတဘျီ, “စီၤယိၤနါအဖိခွါ စီၤၡံမိၣ်ဧၢ, မ့ၢ်နအဲၣ်ယၤဧါ.” ယ့ၣ်ၡူးသံကွၢ်အီၤ, မ့ၢ်နအဲၣ် ယၤဧါ. ပှဲၤထီၣ်သၢဘျီတဘျီအဃိဒီး, စီၤပ့းတရူးအသးတမုာ်ဝဲဘၣ်ဒီးစံးဘၣ်ယ့ၣ်ၡူး, “ကစၢ်ဧၢ, နသ့ၣ်ညါတၢ်ခဲလၢာ်လီၤ. နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “လုၢ်အီၣ်လုၢ်အီယသိတက့ၢ်.

ရိမ့ၤ 8:27

ဒီးကစၢ်ယွၤလၢအထံၣ်တုာ်ကွၢ်ဖျါပှၤကညီအသးကံၢ်ပူၤ န့ၣ်, သ့ၣ်ညါယွၤအသးအတၢ်ဆိကမိၣ်မ့ၢ်တၢ်မနုၤလဲၣ် န့ၣ်လီၤ. အဂ့ၢ်ဒ်အံၤ, ကစၢ်ယွၤအသးဃ့သကွံၢ်ကညးတၢ်ဒီး ကစၢ်ယွၤလၢအပှၤဂီၢ်မုၢ်တဖၣ်အဂီၢ်, ဒီးဒ်အတၢ်ဘၣ် အသးအသိးန့ၣ်လီၤ.

1 ကရံၣ်သူး 7:25

ခဲကနံၣ်အံၤ, ဘၣ်ဃးဒီးတၢ်ဂ့ၢ်လၢသုကွဲးတ့ၢ်သုဝဲဘၣ်ဃး ပှၤလၢအတန့ၢ်မါန့ၢ်ဝၤတဖၣ်န့ၣ်, ယတအိၣ်ဒီးတၢ်အကလုၢ်လၢယွၤဟ့ၣ်လီၤယၤဘၣ်. ဘၣ်ဆၣ်ဒီး, ယဟ့ၣ်ထီၣ်ယတၢ်ဆိကမိၣ်ဒ်ပှၤတဂၤလၢ, ခီဖျိကစၢ်အတၢ်သး ကညီၤန့ၣ်, ကြၢးဝဲဘၣ်ဝဲဒီးတၢ်နာ်န့ၢ်အီၤန့ၣ်လီၤ.

1 ကရံၣ်သူး 9:17

ယမ့ၢ်မၤယတၢ်မၤဒ်ယတၢ်ဃုထၢဒၣ်ယဲအသိးန့ၣ်, ယမုၢ်လၢ်လၢတၢ်ကဟ့ၣ်ဘူးဟ့ၣ်လဲယၤသ့ဝဲလီၤ. ဘၣ်ဆၣ်ဒီးယမၤအီၤဒ်မူဒါအသိး, အဂ့ၢ်မ့ၢ်လၢကစၢ်ယွၤဟ့ၣ်လီၤယၤတၢ်မၤတမံၤအံၤအဃိန့ၣ်လီၤ.

၂ ကရံၣ်သူး 2:17

ပတလီၤဂာ်ပဝဲဒီးပှၤအဂၤအါဒံအါဂၤလၢအဟံးဃာ် ကစၢ်ယွၤအတၢ်ကစီၣ်, လီၤဂာ်မးဒ်အမ့ၢ်တၢ်ပနံာ်တၢ်ကၤလၢအပှ့ၤဘၣ်တကလုာ် အသိးန့ၣ်ဘၣ်. မ့မ့ၢ်, ကစၢ်ယွၤဆှၢလီၤပှၤအဃိပစံးကတိၤ တၢ်လၢအဝဲဒၣ်အမဲာ်ညါအိၣ်ဒီးတၢ်ပာ်ပသးသပှၢ်ပှၢ်ဒ်ခရံာ် အခ့အပှၤတဖၣ်အသိးန့ၣ်လီၤ.

၂ ကရံၣ်သူး 4:2

ပညိကွံာ်တၢ်ဖံးတၢ်မၤခူသူၣ်ဒီးတၢ်ဖံးတၢ်မၤလၢအလီၤမဲာ် ဆှးတဖၣ်ခဲလၢာ်ခဲဆ့လီၤ. ပတမၤတၢ်လၢတၢ်ကဘျံးကဘျၣ် အပူၤဘၣ်. ပတဒုးနၢ်ပၢၢ်ကမၣ်ပှၤလၢကစၢ်ယွၤအကလုၢ် ကထါအဂ့ၢ်အကျိၤစ့ၢ်ကီးဘၣ်. လၢတၢ်မ့ၢ်တၢ်တီအတၢ်ကပီၤလၢလၢပှဲၤပှဲၤအပူၤန့ၣ်, ပအိၣ်မူလၢကစၢ်ယွၤအမဲာ်ညါ, ဒီးဂုာ်ကျဲးစၢးပာ်ဖျါပနီၢ်ကစၢ် ဒၣ်ဝဲအတၢ်အုၣ်အသးလၢအဂ့ၤဆူပှၤဂၤအသးလၢအသ့ၣ်ညါ ဒၣ်တၢ်အဂ့ၤအဝါအမဲာ်ညါန့ၣ်လီၤ.

၂ ကရံၣ်သူး 5:11

တၢ်ပျံၤယွၤအခီပညီမ့ၢ်တၢ်ဒ်လဲၣ်န့ၣ်ပသ့ၣ်ညါ ပဝဲဒီးလၢတၢ်န့ၣ်အဃိ, ပဂုာ်ကျဲးစၢးသဆၣ်ထီၣ်ပှၤအဂၤ တဖၣ်အခံန့ၣ်လီၤ. ကစၢ်ယွၤသ့ၣ်ညါပှၤလၢာ်လၢာ်ဆ့ဆ့ဒီးယဆၢမုၢ်လၢ် လၢသုသးပူၤန့ၣ်, သုကသ့ၣ်ညါယၤဂ့ၤဂ့ၤဒ်န့ၣ်အသိး စ့ၢ်ကီးလီၤ.

၂ ကရံၣ်သူး 5:16

လၢတၢ်န့ၣ်အဃိ, ပတစံၣ်ညီၣ်လၢၤပှၤတဂၤဂၤလၢပှၤဟီၣ်ခိၣ်ဖိ အနီၣ်ထိၣ်ဘၣ်. တဘျီန့ၣ်ပမ့ၢ်စံၣ်ညီၣ်တ့ၢ်လံခရံာ်လၢပှၤဟီၣ်ခိၣ်ဖိ အနီၣ်ထိၣ်သနာ်က့, ပတမၤလၢၤပဝဲဒ်န့ၣ်ဘၣ်.

ကလၤတံ 1:10

တၢ်အဝဲအံၤ, မ့ၢ်အသီၣ်မၤအသးဒ်သိးယဂုာ်ကျဲးစၢးမၤန့ၢ် ပှၤကညီအတၢ်ဘၣ်သူၣ်ဘၣ်သးဧါ. တမ့ၢ်လ့ၤတက့ၤဘၣ်. တၢ်လၢယအဲၣ်ဒိးန့ၣ်, မ့ၢ်ကစၢ်ယွၤအတၢ်ဘၣ်သူၣ်ဘၣ်သး န့ၣ်လီၤ. မ့ၢ်ယဂုာ်ကျဲးစၢးဒိးန့ၢ်ပှၤကညီအတၢ်ဘၣ်သူၣ်ဘၣ် သးယၤဧါ. ယမ့ၢ်မၤဒံးဒၣ်ဒ်န့ၣ်ဒီး, ယတမ့ၢ်ခရံာ်အခ့အပှၤ တဂၤဘၣ်.

ကလၤတံ 2:7

မ့မ့ၢ် အဝဲသ့ၣ်ထံၣ်ဘၣ်ဝဲလၢကစၢ်ယွၤဟ့ၣ်တ့ၢ်ယၤတၢ်မၤလၢ အမ့ၢ်တၢ်စံၣ်တဲၤတဲလီၤတၢ်သးခုကစီၣ်ဆူပှၤကလုာ်ဂၤတဖၣ် အအိၣ်, ဒ်အဝဲဟ့ၣ်တ့ၢ်စီၤပ့းတရူးတၢ်မၤဘၣ်ဃးဒီးတၢ်စံၣ် တဲၤတဲလီၤတၢ်သးခုကစီၣ်ဆူပှၤယူဒၤဖိတဖၣ်အအိၣ်အသိး န့ၣ်လီၤ.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

အ့းဖ့းစူး 6:6

တမ့ၢ်ဘၣ်ဒ်ပှၤလၢအမၤတၢ်လၢပှၤကညီကထံၣ်, ဒီးဘၣ်သူၣ်ဘၣ်သးအီၤအဂီၢ်အသိးန့ၣ်ဘၣ်. မ့မ့ၢ်လၢသုသးဒီဖျၢၣ်ညါန့ၣ်မၤတၢ်ဘၣ်ကစၢ်ယွၤအသးဒ်ခရံာ် အကုၢ်တဖၣ်အသိးန့ၣ်တက့ၢ်.

ကလီးစဲ 3:22

ကုၢ်သ့ၣ်ဧၢ, စူၢ်သုကစၢ်တဖၣ်လၢတၢ်ခဲလၢာ်အပူၤ, တမ့ၢ်ဘၣ်ထဲလၢအဝဲသ့ၣ်အမဲာ်ညါလၢအကထံၣ်ဝဲဒီးဘၣ် သူၣ်ဘၣ်သးဝဲအဂီၢ်န့ၣ်ဧိၤဘၣ်. မ့မ့ၢ်မၤသုဝဲလၢတၢ်သူၣ်တီသးရၤဒီးတၢ်ယူးယီၣ်ကစၢ် အပူၤတက့ၢ်.

၁ တံၤမသ့း 6:20

စီၤတံၤမသ့းဧၢ, ပၢၤဃာ်တၢ်လၢအဘၣ်တၢ်ဟ့ၣ်လီၤနၤ လၢနကအံးက့ၤကွၢ်က့ၤအီၤတဖၣ်ဂ့ၤဂ့ၤတက့ၢ်. ပဒ့ၣ်ဟးဆှဲးတၢ်ကတိၤတရီတပါတၢ်စီတၢ်ဆှံ ဒီးတၢ်ဂ့ၢ်လိာ်ဘှီလိာ်ကလီကလီတဖၣ်လၢပှၤတနီၤနီၤကိး ကမၣ်ဝဲလၢ “တၢ်သ့ၣ်ညါ” န့ၣ်တက့ၢ်.

၂ တံၤမသ့း 1:14

ခီဖျိသးစီဆှံအစိကမီၤလၢအအိၣ်မူလၢပပူၤန့ၣ်, ဟံးဃာ်တၢ်လုၢ်ဒိၣ်ပှ့ၤဒိၣ်တဖၣ်လၢအဘၣ်တၢ်ဟ့ၣ်လီၤအး လီၤတ့ၢ်လၢနစုပူၤန့ၣ်တက့ၢ်.

၂ တံၤမသ့း 2:2

ဟံးန့ၢ်တၢ်သိၣ်လိတဖၣ်လၢနနၢ်ဟူယတဲဖျါထီၣ်လၢပှၤအုၣ် အသးအါဂၤအမဲာ်ညါ, ဒီးဟ့ၣ်လီၤအးလီၤတၢ်တဖၣ်အံၤဆူပှၤလၢပနာ်န့ၢ်အီၤသ့ တဖၣ်အစုပူၤဒ်သိးအဝဲသ့ၣ်စ့ၢ်ကီးသိၣ်လိပှၤအဂၤကသ့ အဂီၢ်န့ၣ်တက့ၢ်.

တံတူး 1:3

ဒီးတုၤတၢ်ဆၢကတီၢ်ဘၣ်ဒီးအဝဲလီၣ်ဖျါထီၣ်အီၤလၢအတၢ်ကစီၣ် အပူၤလီၤ. တၢ်အံၤဘၣ်တၢ်ဟ့ၣ်လီၤယၤ, ဒီးယတဲဖျါထီၣ်အီၤဒ်ကစၢ်ယွၤလၢအအုၣ်က့ၤခီၣ်က့ၤပှၤ အတၢ်ဟ့ၣ်လီၤခါလီၤအကလုၢ်အသိးန့ၣ်လီၤ.

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.