၁ သ့းစၤလနံ 2:17 - Sgaw Karen Common Bible

¹⁷ ဒီပုၢ်ဝဲၢ်သ့ၣ်ဧၢ, မ့မ့ၢ်ပဝဲသ့ၣ်တဖၣ်အံၤ, ဖဲပဘၣ်အိၣ်လီၤဖးဒီးသုတစိၢ်တလီၢ်လၢနီၢ်ခိနီၢ်ခီဒီး တမ့ၢ်ဘၣ်လၢတၢ်ဆိကမိၣ်အပူၤန့ၣ်, ပသးသယုၢ်ဘၣ်သုအဒိၣ်အအါဒီးပဂုာ်ကျဲးစၢးပဝဲသပှၢ် ပှၢ်ဒ်သိးပကထံၣ်ဘၣ်က့ၤကဒီးသုန့ၣ်လီၤ.

၁ သ့းစၤလနံ 2:17 Iomraidhean Croise

လံာ်တၢ်ကဲထီၣ်အခီၣ်ထံး 31:30

ယသ့ၣ်ညါလၢနအဲၣ်ဒိးက့ၤဆူနဟံၣ်ဒိၣ်မးလီၤ. ဘၣ်ဆၣ်ဒီးဘၣ်မနုၤလၢနဟုၣ်န့ၢ်ယပှၤဟံၣ်ဖိဃီဖိအကစၢ်တဖၣ်န့ၣ် လဲၣ်.”

လံာ်တၢ်ကဲထီၣ်အခီၣ်ထံး 45:28

အဝဲစံးဝဲ, “ယဖိခွါစီၤယိၤသးမူဒံးဝဲလီၤ. တၢ်အံၤမ့ၢ်တၢ်လၢယမုၢ်လၢ်အဒိၣ်ကတၢၢ်လီၤ. ယကဘၣ်လဲၤဒီးထံၣ်ဘၣ်အီၤတချုးယသံဒံးဘၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 48:11

စီၤယၤကိာ်စံးဘၣ်စီၤယိၤသး, “ယတမုၢ်လၢ်တ့ၢ်လၢယကထံၣ်ဘၣ် ကဒီးနၤနီတစုလၢၤဘၣ်. ဘၣ်ဆၣ်ခဲအံၤ, ကစၢ်ယွၤပျဲယထံၣ်ဘၣ်ဒၣ်လဲာ်နဖိတဖၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 13:39

ဘၣ်ဆၣ်ဒီးဖဲအဝဲအသးမုာ်ထီၣ်က့ၤလၢစီၤအၤမနိၣ်အတၢ်သံဝံၤန့ၣ်, အဝဲအသးပူၤပှဲၤဒီးတၢ်သးသယုၢ်ဘၣ်အဖိခွါစီၤအးဘၡါလိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 5:26

ဘၣ်ဆၣ်စီၤအလံၤၡါစံးဝဲ, “ဖဲပှၤတဂၤန့ၣ်စံၣ်လီၤလၢအလ့ၣ် ကဟၣ်အလိၤလၢကသဂၢၢ်နၤအဂီၢ်န့ၣ်, မ့ၢ်ယတအိၣ်ဖဲန့ၣ်လၢသူၣ်လၢသးဘၣ်ဧါ. အကတီၢ်အံၤတမ့ၢ်ဘၣ်တၢ် အကတီၢ်လၢပကတူၢ်လိာ်စ့ဒီးတၢ်ကူတၢ်သိး, သ့ၣ်စၤယံးအလီၢ်ဒီးစပံးမုၢ်အလီၢ်, ဒီးဂီၤဘုၣ်ဂီၤဖံးမ့တမ့ၢ်တၢ်ခ့တၢ်ပှၤတဖၣ်န့ၣ်ဘၣ်.

စံးထီၣ်ပတြၢၤ 63:1

ကစၢ်ယွၤဧၢ, နမ့ၢ်ယကစၢ်ယွၤ ဒီးယသးသယုၢ်ဘၣ်နၤလီၤ. ယနီၢ်ဒီတဂၤညါဆၢန့ၢ်ဘၣ်နၤ ဒ်ကီၢ်လၢအဃ့စိၢ်ဃ့ထီဒီး ထံတအိၣ်ဘၣ်အသိးန့ၣ်လီၤ. ယသးအံၤသူအသးလၢနၤလီၤ.

လံာ်လူၤကၣ် 12:58

ပှၤတဂၤမ့ၢ်လိာ်ဘၢလိာ်ကွီၢ်ထီဒါနၤဒီးဆှၢနၤဆူကွီၢ်ဘျီၣ်န့ၣ်, ဂုာ်ကျဲးစၢးနဲတသ့ဖဲအသ့ဒ်သိးနကမၤဘၣ်လိာ်က့ၤနသးဒီးအီၤ, ဖဲသုလဲၤလၢကျဲဒ်သိးအဝဲသုတတွံၢ်နၤဆူပှၤစံၣ်ညီၣ်ကွီၢ်အမဲာ်ညါ, ဒီးပှၤစံၣ်ညီၣ်ကွီၢ်သုတဟ့ၣ်လီၤနၤဆူပၢၤကီၢ်အစုပူၤ, ဒီးပၢၤကီၢ်သုတဒၢနုာ်နၤလၢဃိာ်ပူၤတဂ့ၤအဂီၢ်န့ၣ်တက့ၢ်.

လံာ်လူၤကၣ် 22:15

အဝဲဒၣ်စံးဘၣ်အဝဲသ့ၣ်, “ယသးအိၣ်တ့ၢ်ယဲအဒိၣ်အအါလၢယကအီၣ်ဘၣ် ဘူၣ်လဲၤကပာ်အတၢ်အီၣ်တဘျီညါအံၤတပူၤဃီဒီးသု, တချုးယတူၢ်ဘၣ်တၢ်ဒံးဘၣ်န့ၣ်လီၤ.

မၤတၢ် 17:10

ဖဲမုၢ်နၤတုၤဃီၤန့ၣ်, တဘျီဃီအပျဲၢ်အဘီၣ်တဖၣ်ဆှၢစီၤပီလူးဒီး စီၤစံလၤဆူဝ့ၢ်ဘ့းရံၤ, ဒီးဖဲအဝဲသ့ၣ်လဲၤတုၤန့ၣ်လဲၤနုာ်ဝဲဆူဘူၣ်ဘျီၣ်လၢအမ့ၢ် တၢ်ဘါအလီၢ်န့ၣ်လီၤ.

ရိမ့ၤ 1:13

ယဒီပုၢ်ဝဲၢ်သ့ၣ်ဧၢ, သုကဘၣ်သ့ၣ်နီၣ်ထီၣ်လၢအါစုအါဘျီ ယတိာ်ပာ်လၢယကလဲၤဆူသုအိၣ်, ဘၣ်ဆၣ်တၢ်မၤတံာ်တာ်ယကျဲအိၣ်ထီၣ်ဝဲထီဘိလီၤ. ယသးအိၣ်မၤန့ၢ်စ့ၢ်ကီးသးသမူတဖၣ်လၢသုကျါ, ဒ်ယမၤန့ၢ်လၢပှၤကလုာ်ဂၤတဖၣ်အကျါအသိးန့ၣ်လီၤ.

ရိမ့ၤ 15:23

ဘၣ်ဆၣ်ခဲအံၤယတၢ်မၤဖဲတၢ်လီၢ်ကဝီၤတဖၣ်အံၤဝံၤလံဝဲ အဃိ, ဒီးဒ်ယသးအိၣ်တ့ၢ်လၢယကလဲၤထံၣ်ဘၣ်သုအိၣ်လံ တဘျုးနံၣ်အသိးန့ၣ်,

1 ကရံၣ်သူး 5:3

ဒီးယမ့ၢ်အိၣ်ယံၤဒီးသုလၢနီၢ်ခိနီၢ်ခီသနာ်က့, ယအိၣ်ဒံးဒၣ်လဲာ်ဒီးသုဖဲန့ၣ်လၢသူၣ်လၢသး, ဒီးလၢပကစၢ်ယ့ၣ်ၡူးအမံၤန့ၣ်ယဟ့ၣ်ထီၣ်တ့ၢ်လံတၢ်စံၣ်ညီၣ်, ဒ်ယအိၣ်ဒီးသုဖဲန့ၣ်အသိး, လၢပှၤမၤတ့ၢ်တၢ်မၤလီၤပျံၤလီၤဖုး တဂၤအံၤန့ၣ်လီၤ. ဖဲသုအိၣ်ဖှိၣ်သကိးတပူၤဃီ, ဒီးယထံၣ်လိာ်ယသးဒီးသုလၢယနီၢ်သးအပူၤ, ခီဖျိပကစၢ်ယ့ၣ်ၡူးအစိကမီၤလၢအအိၣ်ဒီးသုန့ၣ်,

ကလီးစဲ 2:5

အဂ့ၢ်ဒ်အံၤယမ့ၢ်တအိၣ်ဒီးသုလၢနီၢ်ခိနီၢ်ခီသနာ်က့, ယအိၣ်ဒီးသုလၢသူၣ်လၢသးဒီးယသးခုလၢယထံၣ်ဘၣ် သုဟံးဃာ်လိာ်သုသးဒီးဆၢထၢၣ်သကိးလၢတၢ်စူၢ် တၢ်နာ်အဂၢၢ်အကျၢၤလၢခရံာ်အပူၤအဃိန့ၣ်လီၤ.

၁ သ့းစၤလနံ 3:6

မ့မ့ၢ်ခဲကနံၣ်အံၤ, စီၤတံၤမသ့းဟဲက့ၤတုၤလံ, ဒီးအဝဲဒၣ်ဟဲက့ၤစိာ်တၢ်ကစီၣ်အမုာ်ဘၣ်ဃးသုတၢ်စူၢ် တၢ်နာ်ဒီးသုတၢ်အဲၣ်တၢ်ကွံအဂ့ၢ်န့ၣ်လီၤ. အဝဲဒၣ်စံးဘၣ်ပှၤလၢသုသ့ၣ်နီၣ်ထီၣ်ပှၤထီဘိလၢတၢ်သူၣ်မုာ် သးမုာ်အပူၤဒီးလၢသုဆၢထံၣ်ဘၣ်ပှၤထဲသိးဒီးပဆၢ ထံၣ်ဘၣ်သုန့ၣ်လီၤ.