၁ သ့းစၤလနံ 2:13 - Sgaw Karen Common Bible

¹³ ဒီးတၢ်ဂ့ၢ်အိၣ်ဒံးဝဲအဂၤတမံၤလၢဘၣ်မနုၤအဃိပစံးဘျုးစံး ဖှိၣ်ကစၢ်ယွၤထီဘိတဘိယူာ်ဃီလဲၣ်န့ၣ်လီၤ. ဖဲပဟဲဆှၢန့ၢ်သုကစၢ်ယွၤအတၢ်ကစီၣ်န့ၣ်, သုနၢ်ဟူဒီးတူၢ်လိာ်အီၤဒ်တၢ်ကစီၣ်ဟဲလၢကစၢ်ယွၤအအိၣ်အသိး, ဒီးတမ့ၢ်ဝဲဒ်တၢ်ကစီၣ်ဟဲလၢပှၤကညီအအိၣ်အသိးဘၣ်လီၤ. သပှၢ်ကတၢၢ်, တၢ်ကစီၣ်အဝဲအံၤဟဲလၢကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, ကစၢ်ယွၤမၤတၢ်လၢသုဝဲလၢအစူၢ်က့ၤနာ်က့ၤတၢ် တဖၣ်အပူၤန့ၣ်လီၤ.

၁ သ့းစၤလနံ 2:13 Iomraidhean Croise

လံာ်ယံးရမံယၤ 44:16

“ပဂ့ၢ်လိာ်လၢ ပကဒိကနၣ်တၢ်လၢ နစံးဘၣ်တဲဘၣ် တ့ၢ်ပှၤလၢ ယွၤအမံၤအပူၤန့ၣ်လီၤ.

လံာ်ဃးကဲ 1:12

တုၤနုၤတစု, စီၤစရူၤဘၤဘ့လးဒီးစီၤယိၤရူဒီးပှၤဂီၢ်မုၢ်ခဲလၢာ်လၢ အဟဲက့ၤကဒါက့ၤတ့ၢ်လၢတၢ်စိာ်မၢကဲကုၢ်အပူၤလၢကီၢ်ဘၤဘူၤ လိၣ်န့ၣ်, မၤတ့ၢ်တၢ်လၢယွၤ, အဝဲသ့ၣ်အကစၢ်ယွၤစံးဘၣ်တ့ၢ်အီၤလၢကဘၣ်မၤဝဲန့ၣ်လီၤ. အဝဲသ့ၣ်ပျံၤဘၣ်ဒီးစူၢ်တ့ၢ်ဝံဃးကဲလၢအမ့ၢ်ယွၤအပှၤစိာ်တၢ် ကစီၣ်အကလုၢ်လီၤ.

လံာ်မးသဲ 10:20

အဂ့ၢ်ဒ်အံၤ, တၢ်ကတိၤလၢသုကကတိၤန့ၣ်တမ့ၢ်သုတၢ်ကတိၤဒၣ်သုဝဲ ဘၣ်. မ့မ့ၢ်တၢ်ကတိၤတဖၣ်အံၤကမ့ၢ်သုပၢ်အသးစီဆှံကတိၤတၢ်ခီဖျိ သုလီၤ.

လံာ်မးသဲ 10:40

ပှၤတဂၤလၢ်လၢ်လၢအတူၢ်လိာ်သုန့ၣ်တူၢ်လိာ်ယၤလီၤ. ဒီးပှၤတဂၤလၢ်လၢ်လၢအတူၢ်လိာ်ယၤန့ၣ်တူၢ်လိာ်ပှၤလၢ အမၢလီၤယၤတဂၤန့ၣ်လီၤ.

လံာ်လူၤကၣ် 11:28

ဘၣ်ဆၣ်ဒီးယ့ၣ်ၡူးစံးဆၢဝဲ, “ပှၤလၢအဘၣ်ဆိၣ်ဂ့ၤဝဲတဖၣ်န့ၣ်, အနီၢ်နီၢ်, မ့ၢ်ပှၤလၢအနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်လူၤကၣ် 5:1

ဘၣ်တနံၤဖဲယ့ၣ်ၡူးအိၣ်ဆၢထၢၣ်လၢနိၣ်ကံးန့ရ့ၤသးအကၢၢ်ခိၣ်န့ၣ်, ပှၤဂီၢ်မုၢ်တဖၣ်သနံးလိာ်အသးဒ်သိးအကနၢ်ဟူဘၣ်ကစၢ်ယွၤ အကလုၢ်ကထါအဂီၢ်လီၤ.

လံာ်လူၤကၣ် 8:11

တၢ်ကတိၤဒိတထံၣ်အံၤအခီပညီမ့ၢ်ဝဲဒ်အံၤ, တၢ်ချံမ့ၢ်ဝဲကစၢ်ယွၤအကလုၢ်ကထါလီၤ.

လံာ်လူၤကၣ် 8:21

ယ့ၣ်ၡူးစံးဘၣ်အဝဲသ့ၣ်ကိးဂၤဒဲး, “ယမိၢ်ဒီးယဒီပုၢ်ဝဲၢ်ခွါတဖၣ်မ့ၢ်ဝဲပှၤသ့ၣ်တဖၣ်လၢ အနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်ယိၤဟၣ် 15:3

သုဘၣ်တၢ်မၤကဆှီထီၣ်တ့ၢ်လံသုလၢယကလုၢ် ကထါလၢယဟ့ၣ်လီၤတ့ၢ်သုန့ၣ်လီၤ.

လံာ်ယိၤဟၣ် 17:17

မၤစီဆှံထီၣ်အဝဲသ့ၣ်လၢနဂီၢ်ဒၣ်နဲခီဖျိတၢ်မ့ၢ်တၢ်တီ တက့ၢ်. နကလုၢ်နကထါန့ၣ်, မ့ၢ်တၢ်မ့ၢ်တၢ်တီလီၤ.

လံာ်ယိၤဟၣ် 17:19

ယပာ်စီဆှံယသးလၢအဝဲသ့ၣ်အဂီၢ်, ဒ်သိးအဝဲသ့ၣ်စ့ၢ်ကီးကပာ်စီဆှံအသးနီၢ်နီၢ်အဂီၢ်န့ၣ်လီၤ.

မၤတၢ် 10:33

လၢတၢ်န့ၣ်အဃိယမၢလီၤပှၤလၢအကလဲၤကိးနၤတဘျီဃီ, ဒီးမ့ၢ်မးတၢ်အဂ့ၤလၢနဟဲအဃိလီၤ. ခဲကနံၣ်အံၤ, ပဝဲကိးဂၤဒဲးပအိၣ်လၢကစၢ်ယွၤအမဲာ်ညါ, ဒီးအိၣ်ခိးဒ်သိးပကနၢ်ဟူဘၣ်တၢ်တမံၤလၢ်လၢ်လၢကစၢ်မၤလိာ်တ့ၢ် နၤလၢနကကတိၤအီၤန့ၣ်လီၤ.

မၤတၢ် 13:48

ဖဲပှၤကလုာ်ဂၤတဖၣ်နၢ်ဟူဘၣ်တၢ်တမံၤအံၤန့ၣ်, အဝဲသ့ၣ်အသးခုဒီးစံးထီၣ်ပတြၢၤကစၢ်ယွၤလၢအတၢ်ကစီၣ် အဃိန့ၣ်လီၤ. ဒီးပှၤလၢယွၤဃုထၢအီၤဒ်သိးအကဒိးန့ၢ် တၢ်မူအထူအယိာ်တဖၣ်န့ၣ်, စူၢ်က့ၤနာ်က့ၤတၢ်လီၤ.

မၤတၢ် 16:14

ပိာ်မုၣ်လၢအဒိကနၣ်ပတၢ်စံးတၢ်ကတိၤအကျါတဂၤမ့ၢ်ဝဲနီၢ် လူၤဒံဘၣ်ဃးဒီးဝ့ၢ်သူၤအတံရၤ, လၢအဆါတၢ်ကံးယာ်လုးတကုာ်လုၢ်ဒိၣ်ပှ့ၤဒိၣ်တဖၣ်န့ၣ်လီၤ. အဝဲဒၣ်မ့ၢ်ပှၤလၢအဘူၣ်ထူဘါယွၤ, ဒီးကစၢ်ယွၤအိးထီၣ်အသးဒ်သိးအကတူၢ်လိာ်တၢ်လၢစီၤ ပီလူးစံးကတိၤဝဲန့ၣ်လီၤ.

မၤတၢ် 17:11

ပှၤဖဲန့ၣ်တဖၣ်ပာ်အသးလဲၢ်ဒိၣ်န့ၢ်ဒံးပှၤဝ့ၢ်သ့းစၤလနံဖိ တဖၣ်လီၤ. အဝဲသ့ၣ်ဒိကနၣ်တၢ်ကစီၣ်လၢတၢ်သူၣ်ဆူၣ်သးဂဲၤ အပူၤ, ဒီးဃုသ့ၣ်ညါနၢ်ပၢၢ်တၢ်ကွဲးအသးစီဆှံကိးနံၤဒဲးဒ်သိး အကသ့ၣ်ညါဘၣ်ဝဲတၢ်လၢစီၤပီလူးစံးကတိၤလၢအဂ့ၢ်တဖၣ်မ့ၢ်, တမ့ၢ်လဲၣ်န့ၣ်လီၤ.

မၤတၢ် 17:32

ဘၣ်ဆၣ်ဒီး, ဖဲအဝဲသ့ၣ်နၢ်ဟူစီၤပီလူးကတိၤတၢ်ဘၣ်ဃးတၢ် ဒုးဂဲၤဆၢထၢၣ်က့ၤပှၤလၢတၢ်သံန့ၣ်, အဝဲသ့ၣ်တနီၤနံၤဘၣ်ဖၣ်လဲအီၤ, မ့မ့ၢ်အဂၤတဖၣ်စံးဝဲ, “ပသးအိၣ်နၢ်ဟူဘၣ်ကဒီးနကတိၤတၢ်ဂ့ၢ် တမံၤအံၤလီၤ.”

မၤတၢ် 2:41

အဝဲသ့ၣ်အါဒံအါဂၤနာ်တၢ်လၢစီၤပ့းတရူးစံးဝဲ, ဒီးဘၣ်တၢ်ဘျၢအီၤလၢထံ ဒီးနံၤအဝဲန့ၣ်ပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ပှၤသၢကထိဂၤ ဃၣ်ဃၣ်လီၤ.

မၤတၢ် 8:14

တုၤပှၤတၢ်မၢဖိလၢဝ့ၢ်ယရူၤၡလ့ၣ်အပူၤတဖၣ်နၢ်ဟူဘၣ်ဝဲ လၢပှၤၡၤမရံဖိတဖၣ်တူၢ်လိာ်တ့ၢ်လံကစၢ်ယွၤကလုၢ်ကထါန့ၣ်ဒီး, ဆှၢလီၤစီၤပ့းတရူးဒီးစီၤယိၤဟၣ်လၢအကလဲၤဆူအဝဲသ့ၣ်အအိၣ်လီၤ.

ရိမ့ၤ 10:17

သတးဒီး, တၢ်စူၢ်တၢ်နာ်အိၣ်ထီၣ်ဝဲလၢတၢ်နၢ်ဟူဘၣ်တၢ် ကစီၣ်အဃိ, ဒီးတၢ်ကစီၣ်အံၤဟဲခီဖျိတၢ်စံၣ်တဲၤတဲလီၤခရံာ် န့ၣ်လီၤ.

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.

ကလၤတံ 4:14

ဘၣ်ဆၣ်ဒီး, ယနီၢ်ခိအတၢ်ဆူးအတၢ်ဆါမ့ၢ်ကဲထီၣ်တၢ်ကီ တၢ်ခဲဖးဒိၣ်လၢသုဂီၢ်သနာ်က့သုတကွၢ်တလီၤယၤမ့ၢ်ဂ့ၤညိ ကွံာ်ယၤမ့ၢ်ဂ့ၤန့ၣ်ဘၣ်. မ့မ့ၢ်သုတူၢ်လိာ်ယၤဒ်သုကတူၢ်လိာ်ကလူးလၢမူခိၣ် အသိး, ဒီးသုတူၢ်လိာ်ယၤဒ်သုကတူၢ်လိာ်ယ့ၣ်ၡူးခရံာ် အသိးလီၤ.

ကလီးစဲ 1:6

တၢ်သးခုအကစီၣ်အံၤဟဲစိာ်ဃုာ်ဒီးတၢ်ဆိၣ်ဂ့ၤ, ရၤလီၤအသးသကုၤဟီၣ်ခိၣ်ဒီဘ့ၣ်ညါ, ဒ်အမၤတ့ၢ်လံ အသးလၢသုကျါစးထီၣ်မုၢ်တနံၤဖဲသုနၢ်ဟူတၢ်ဘၣ်ဃး ယွၤအဘျုးအဖှိၣ်အဆိကတၢၢ်တဘျီ, ဒီးသ့ၣ်ညါထံအီၤဒ် အမ့ၢ်တၢ်နီၢ်နီၢ်အသိး,

ဧ့ၤဘြံၤ 4:12

အဂ့ၢ်ဒ်အံၤယွၤအကလုၢ်ကထါန့ၣ်မူဝဲဒီးမၤတၢ်သ့ဒီး အကနၣ်အ့ၣ်န့ၢ်ဒံးနးလၢအကနၣ်အိၣ်ခံကပၤလၢာ်တက့ၢ် လီၤ. အဝဲဆဲးဖျိတၢ်ပၢၢ်တုၤတၢ်အကံၢ်အလဲဒီးနီၤဖးသး သမူဒီးနီၢ်သး, တၢ်အဆၢဒီးတၢ်အနူာ်ကံၢ်န့ၣ်လီၤ. အဝဲစံၣ်ညီၣ်ပဲာ်ဖးနီၤဖးပှၤကညီအသးအတၢ်ဆိကမိၣ်ဒီး အတၢ်ဆၢမိၣ်န့ၢ်သးလီတဖၣ်န့ၣ်လီၤ.

ဧ့ၤဘြံၤ 4:2

အဂ့ၢ်ဒ်အံၤပဒိးန့ၢ်လံတၢ်သးခုကစီၣ်ဒ်အဝဲသ့ၣ်အသိးလီၤ. ဘၣ်ဆၣ်ဒီးတၢ်အကစီၣ်လၢအဝဲသ့ၣ်နၢ်ဟူဝဲန့ၣ်တကဲဘျုးလၢ အဝဲသ့ၣ်အဂီၢ်ဘၣ်. အဂ့ၢ်မ့ၢ်လၢအဝဲသ့ၣ်တတူၢ်လိာ်ဘၣ်ဝဲလၢတၢ်နာ်အပူၤ အဃိန့ၣ်လီၤ.

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.

၁ ပ့းတရူး 1:23

အဂ့ၢ်ဒ်လဲၣ်န့ၣ်, ခီဖျိကစၢ်ယွၤအကလုၢ်ကထါလၢအမူဝဲအထူ အယိာ်အဃိန့ၣ်, သုအိၣ်ဖျဲၣ်ထီၣ်ကဒီးတစုဒ်ဖိတဖၣ်လၢအအိၣ်ဒီးမိၢ်ပၢ်လၢ အသံတသ့ဘၣ်, ဒီးတမ့ၢ်မိၢ်ပၢ်လၢအသံသ့ဝဲအသိးန့ၣ်ဘၣ်.

၁ ပ့းတရူး 1:25

မ့မ့ၢ်, ကစၢ်ယွၤအကလုၢ်ကထါအိၣ်ဝဲဆိးဝဲ လီၤထူလီၤယိာ်လီၤ” (ၡါ ၄၀:၆-၈). ဒီးတၢ်ကလုၢ်အံၤမ့ၢ်တၢ်သးခုကစီၣ်လၢအဘၣ်တၢ်စံၣ်တဲၤတဲလီၤ န့ၢ်သုန့ၣ်လီၤ.

၁ ပ့းတရူး 2:2

မၤသုသးဒ်ဖိသၣ်လၢအအိၣ်ဖျဲၣ်ထီၣ်သီတဖၣ်အသိးလၢ အဆၢန့ၢ်ဘၣ်တၢ်နုၢ်ထံနီၢ်နီၢ်ဘၣ်ဃးဒီးသူၣ်ဒီးသး, ဒ်သိးခီဖျိသုအီအီၤန့ၣ်, သုကဒိၣ်ထီၣ်ဒီးဘၣ်တၢ်အုၣ်က့ၤခီၣ်က့ၤသုအဂီၢ်တက့ၢ်.

၂ ပ့းတရူး 3:2

ယသးအိၣ်လၢသုကသ့ၣ်နီၣ်ထီၣ်တၢ်ကတိၤတဖၣ်လၢဝံ စီဆှံတဖၣ်ကတိၤတ့ၢ်ဝဲလၢပျၢၤ, ဒီးကစၢ်ဒီးပှၤအုၣ်က့ၤခီၣ်က့ၤတၢ်အတၢ်မၤလိာ်လၢ အဘၣ်တၢ်ဟ့ၣ်လီၤသုခီဖျိသုတၢ်မၢဖိတဖၣ်လီၤ.

၁ ယိၤဟၣ် 3:3

ပှၤတဂၤဂ့ၤတဂၤဂ့ၤလၢအအိၣ်ဒီးတၢ်မုၢ်လၢ်ဒ်အံၤလၢ ခရံာ်အပူၤန့ၣ်, အိၣ်စီအိၣ်ဆှံအသးဒ်ခရံာ်စီဝဲဆှံဝဲ အသိးန့ၣ်လီၤ.