၁ သ့းစၤလနံ 2:11 - Sgaw Karen Common Bible

¹¹ သုသ့ၣ်ညါလၢပမၤစၢၤသုဝဲတဂၤဘၣ်တဂၤဒ်ပၢ်တဂၤမၤစၢၤ အဖိဒၣ်ဝဲတဖၣ်အသိးန့ၣ်လီၤ.

၁ သ့းစၤလနံ 2:11 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:20

စီၤပၤစီၤဒၤဝံးစံးဘၣ်အဖိခွါစီၤၡလိၤမိၤ, “နာ်န့ၢ်လီၤနသးဒီးပာ်နသးကျၢၤမုဆှုတက့ၢ်. စးထီၣ်နတၢ်မၤဒီးပျဲတၢ်နီတမံၤဒုးဆိကတီၢ်နၤတဂ့ၤ. ယွၤ, ကစၢ်ယွၤလၢယမၤအတၢ်ကအိၣ်ဒီးနၤလီၤ. အဝဲတပာ်လီၤတဲာ်နၤဘၣ်. မ့မ့ၢ်အဝဲကအိၣ်ဒီးနၤတုၤနသူၣ်ထီၣ်ယွၤအတၢ်လုၢ်ဟံၣ်ဝံၤဝဲ တစုန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

စံးထီၣ်ပတြၢၤ 34:11

ဟဲ, ဖိသ့ၣ်လံၤသ့ၣ်ဧၢ, ဒိကနၣ်ယကလုၢ်တက့ၢ်. ယကသိၣ်လိသုလၢတၢ်ပျံၤယွၤန့ၣ်လီၤ.

တၢ်ကတိၤဒိ. 1:10

ယဖိခွါဧၢ, ဖဲပှၤတၢ်ဒဲးဘးဖိလ့ပစီနၤဒီးဟ့ၣ်လီၤနသးတဂ့ၤ.

တၢ်ကတိၤဒိ. 1:15

လဲၤဃုာ်တၢ်ဒီးပှၤဒ်န့ၣ်အသိးတဖၣ်တဂ့ၤ. ယဖိခွါဧၢ, အိၣ်ယံၤဒီးအဝဲသ့ၣ်တက့ၢ်.

တၢ်ကတိၤဒိ. 2:1

ယဖိခွါဧၢ, မၤလိတၢ်လၢယသိၣ်လိနၤ, ဒီးတၢ်လၢယမၤလိာ်နၤဒ်သိး နကမၤန့ၣ်, သးပ့ၤနီၣ်အီၤနီတစုတဂ့ၤ.

တၢ်ကတိၤဒိ. 3:1

ယဖိခွါဧၢ, သးပ့ၤနီၣ်ယသိၣ်က့ၤသီက့ၤတၢ်တဂ့ၤ. တၢ်လၢယမၤလိာ်နၤဒ်သိးနကမၤအီၤန့ၣ်ဟံးဃာ်အီၤထီဘိ တက့ၢ်.

တၢ်ကတိၤဒိ. 6:1

ယဖိခွါဧၢ, မ့ၢ်နအၢၣ်လီၤအီလီၤတ့ၢ်နသးလၢနကဟံးန့ၢ်မူဒါ လၢပှၤအဂၤတဂၤအဒ့ၣ်ကမၣ်တဖၣ်အဂီၢ်ဧါ.

တၢ်ကတိၤဒိ. 7:1

ယဖိခွါဧၢ, သ့ၣ်နီၣ်ထီၣ်က့ၤတၢ်လၢယစံးဒီးတၢ်လၢ ယမၢနမၤန့ၣ်သးပ့ၤနီၣ်နီတစုတဂ့ၤ.

တၢ်ကတိၤဒိ. 7:24

ဒီးခဲကနံၣ်အံၤယဖိခွါသ့ၣ်ဧၢ, ဒိကနၣ်ယၤတက့ၢ်. ပာ်သူၣ်ပာ်သးသပှၢ်ပှၢ်လၢတၢ်လၢယစံးဘၣ်သုန့ၣ်တက့ၢ်.

လံာ်တၢ်ဂံၢ် 27:19

ဒုးဆၢထၢၣ်အီၤလၢပှၤလုၢ်တၢ်အခိၣ်စီၤအလၤဧစၢ်ဒီးကမျၢၢ်ဒီဖု ညါအမဲာ်ညါ, ဒီးဖဲန့ၣ်လၢအဝဲသ့ၣ်ခဲလၢာ်အမဲာ်ညါ န့ၣ်ဘိးဘၣ်သ့ၣ်ညါထီၣ်အီၤဒ်ပှၤလၢကထီၣ်က့ၤနလီၢ်န့ၣ်တက့ၢ်.

လံာ်လူၤကၣ် 16:28

ဖဲယဒီပုၢ်ဝဲၢ်ပိာ်ခွါအိၣ်ဝဲယဲၢ်ဂၤန့ၣ်တက့ၢ်. ပျဲအဝဲဒၣ်လဲၤဒီးဟ့ၣ်ပလီၢ်အဝဲသ့ၣ်, ဒ်သိးအဝဲသ့ၣ်အသုတဟဲဘၣ်စ့ၢ်ကီးဖဲတၢ်ဘၣ်တူၢ်တၢ်အလီၢ်တတီၤ အံၤတဂ့ၤန့ၣ်တက့ၢ်.’

မၤတၢ် 20:2

အဝဲဒၣ်လဲၤခီဂာ်တၢ်လီၢ်တၢ်ကျဲဖဲန့ၣ်တဖၣ်ဒီးကတိၤဟ့ၣ် ဂံၢ်ဟ့ၣ်ဘါပှၤလၢတၢ်ကစီၣ်အါထံၣ်အါဘီန့ၣ်လီၤ. အန့ၣ်ဝံၤအလီၢ်ခံအဝဲဒၣ်လဲၤဆူကီၢ်အဃါယၤလီၤ.

အ့းဖ့းစူး 4:17

မ့ၢ်လၢတၢ်အံၤအဃိ, လၢကစၢ်အမံၤအပူၤန့ၣ်, ယမၢန့ၢ်ဆီၣ်ခံသုလၢသုသုတအိၣ်မူလၢၤဒ်ပှၤတစူၢ်တနာ်ယွၤလၢ အတၢ်ဆိကမိၣ်ဆိကမးအဘျုးတအိၣ်ဘၣ်တဖၣ်အသိးန့ၣ်တဂ့ၤ.

လံာ်သိၣ်လီၤသီလီၤတၢ် 3:28

မၤလိာ်ဒီးဟ့ၣ်စိၤဟ့ၣ်ကမီၤစီၤယိၤၡူ, တက့ၢ်. ဒုးဆူၣ်ထီၣ်အဂံၢ်အဘါဒီးဒုးတံးသဟီၣ်ထီၣ်အဂံၢ်အဘါတက့ၢ်. အဂ့ၢ်ဒ်အံၤ, အဝဲကဆှၢပှၤဂီၢ်မုၢ်ဆူဘးခီလၢနထံၣ်ဘၣ်အီၤန့ၣ်လီၤ.

လံာ်သိၣ်လီၤသီလီၤတၢ် 31:14

အန့ၣ်ဝံၤဒီးယွၤစံးဘၣ်စီၤမိၤၡ့, “နတအိၣ်မူဘၣ်ယံာ်ယံာ်လၢၤဘၣ်. ဟဲကိးစီၤယိၤၡူဆူယွၤအဒဲစီဆှံ, လၢယကဟ့ၣ်လီၤအီၤအတၢ် သိၣ်လိနဲၣ်ယုၤတဖၣ်အဂီၢ်တက့ၢ်.” စီၤမိၤၡ့ဒီးစီၤယိၤၡူလဲၤဃီၤဆူဒဲစီဆှံ,

၁ သ့းစၤလနံ 2:7

ဒ်ခရံာ်အပှၤတၢ်မၢဖိတဖၣ်အသိးန့ၣ်, ပမ့ၢ်ဃ့ဆူၣ်တၢ်လၢ သုအိၣ်န့ၣ်, ကြၢးဝဲဘၣ်ဝဲကစီဒီသနာ်က့ပတမၤဘၣ်. မ့မ့ၢ်ဖဲပအိၣ်ဒီးသုအဆၢကတီၢ်န့ၣ်ပဘၣ်ထွဲဒီးသုခုၣ်ခုၣ် မုာ်မုာ်, ဒ်မိၢ်တဂၤအံးထွဲကွၢ်ထွဲအဖိတဖၣ်အသိးန့ၣ်လီၤ.

၁ သ့းစၤလနံ 4:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သုမၤလိတ့ၢ်လၢပအိၣ် လၢသုကဘၣ်အိၣ်မူမၤဘၣ်ကစၢ်ယွၤအသးဒ်လဲၣ်အဂ့ၢ်န့ၣ်လီၤ. သုအိၣ်မူတ့ၢ်လံသုဝဲလၢကျဲဒ်အံၤအပူၤန့ၣ်လီၤ. ဒီးခဲကနံၣ်အံၤပဃ့ကညးဒီးသဆၣ်ထီၣ်သုခံသပှၢ်ပှၢ်လၢ ကစၢ်ယ့ၣ်ၡူးအမံၤအပူၤ, လၢသုကအိၣ်မူဂ့ၤန့ၢ်ဒံးအလီၢ်လီၤ.

၁ သ့းစၤလနံ 4:6

ဖဲလၢအဘၣ်ဃးဒီးတၢ်ဂ့ၢ်အံၤန့ၣ်, ပှၤတဘၣ်မၤကမၣ်ဒီးဃုအဘျုးဒၣ်ဝဲလၢအဒီပုၢ်ဝဲၢ် ပှၤစူၢ်က့ၤနာ်က့ၤတၢ်အဖီခိၣ်နီတဂၤဘၣ်. ပစံးဘၣ်တဲဘၣ်တ့ၢ်လံသုလၢအပူၤကွံာ်, ဒီးပဟ့ၣ်ပလီၢ်သုဆူၣ်ဆူၣ်ကလဲာ်လၢကစၢ်ကစံၣ်ညီၣ်ပှၤလၢ အမၤတၢ်န့ၣ်တဖၣ်လီၤ.

၁ သ့းစၤလနံ 5:11

မ်ဒ်န့ၣ်ဒီး, ကတိၤဟ့ၣ်ဆူၣ်ထီၣ်လိာ်သုဂံၢ်သုဘါတဂၤဒီး တဂၤ, ဒီးမၤစၢၤလိာ်သုသးဒ်သုမၤတ့ၢ်လံခဲကနံၣ်အံၤအသိး န့ၣ်တက့ၢ်.

၁ သ့းစၤလနံ 5:14

ပဒီပုၢ်ဝဲၢ်သ့ၣ်ဧၢ, ပမၢန့ၢ်ဆီၣ်ခံသုလၢသုကဟ့ၣ်ပလီၢ်ပဒီ ပှၤကၢၣ်ပှၤကျူတဖၣ်, သုကဟ့ၣ်ဆူၣ်ထီၣ်ပှၤအိၣ်ဒီးတၢ်သူၣ်ပျံၤသးဖုးတဖၣ်အဂံၢ်အဘါ, သုကမၤစၢၤပှၤဂံၢ်စၢ်ဘါစၢ်, ဒီးသုကသူၣ်စူၤသးစူၤလၢပှၤကိးဂၤဒဲးအဖီခိၣ်န့ၣ်လီၤ.

၂ သ့းစၤလနံ 2:5

သုကသ့ၣ်နီၣ်ထီၣ်ကစီဒီလီၤ. ယစံးဘၣ်တဲဘၣ်သုတၢ်သ့ၣ်တဖၣ် အံၤခဲလၢာ်, ဖဲယအိၣ်ဒံးဒီးသုအဖၢမုၢ်န့ၣ်လီၤ.

၂ သ့းစၤလနံ 3:12

လၢကစၢ်ယ့ၣ်ၡူးခရံာ်အမံၤအပူၤ, ပမၤလိာ်ဒီးဟ့ၣ်ပလီၢ်ပှၤသ့ၣ် တဖၣ်အံၤဒ်သိးအကအိၣ်မူတၢ်အိၣ်မူလၢအဘၣ်ဘျီးဘၣ်ဒါဒီး တၢ်မၤတၢ်လၢအကလုၢ်အီၣ်အသးသမူဒၣ်ဝဲအဂီၢ်န့ၣ်လီၤ.

၁ တံၤမသ့း 5:21

လၢကစၢ်ယွၤ, ဒီးယ့ၣ်ၡူးခရံာ်, ဒီးကလူးစီဆှံတဖၣ်အမဲာ်ညါ န့ၣ်, ယမၤလိာ်နၤလၢတၢ်သညူးသပှၢ်အပူၤလၢနကစူၢ်တၢ်သိၣ် တၢ်သီတဖၣ်အံၤ, တအိၣ်ဘၣ်ဒီးတၢ်အဲၣ်ဒိၣ်ဆံးအါစှၤတၢ်ဒီး တၢ်ကွၢ်မဲာ်တၢ်လၢနမၤတၢ်တမံၤဂ့ၤတမံၤဂ့ၤအပူၤန့ၣ် ဘၣ်လီၤ.

၁ တံၤမသ့း 5:7

မၤလိာ်အဝဲသ့ၣ်လၢတၢ်သိၣ်လိသီလိတဖၣ်အံၤ, ဒ်သိးပှၤသုတပာ်တၢ်ကမၣ်လၢအဝဲသ့ၣ်အလိၤနီတဂၤတဂ့ၤ အဂီၢ်န့ၣ်တက့ၢ်.

၁ တံၤမသ့း 6:13

လၢကစၢ်ယွၤလၢအဒုးမူတၢ်ခဲလၢာ်တဂၤအမဲာ်ညါ, ဒီးပှၤလၢအအၢၣ်လီၤဒီးမၤဂၢၢ်မၤကျၢၤအတၢ်စူၢ်တၢ်နာ်လၢ စီၤပီၢ်တံၤပံၤလးအမဲာ်ညါ, လၢအမ့ၢ်ယ့ၣ်ၡူးခရံာ်တဂၤန့ၣ် အမဲာ်ညါ, ယမၤလိာ်နၤ,

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

၁ တံၤမသ့း 6:2

ကုၢ်လၢအဘၣ်ဃးဒီးကစၢ်တဖၣ်လၢအစူၢ်က့ၤနာ်က့ၤတၢ်န့ၣ်, တဘၣ်မၤဆံးလီၤစှၤလီၤတၢ်ယူးယီၣ်ပာ်ကဲအဝဲသ့ၣ်မ့ၢ်လၢ အမ့ၢ်အဒီပုၢ်ဝဲၢ်တဖၣ်အဃိန့ၣ်တဂ့ၤ. မ့မ့ၢ်, အဝဲသ့ၣ်ကဘၣ်မၤတၢ်ဂ့ၤဒိၣ်ဒၣ်တၢ်တက့ၢ်, မ့ၢ်လၢပှၤတဖၣ်လၢအဘၣ်ဘျုးလၢအဝဲသ့ၣ်အတၢ်မၤန့ၣ်, မ့ၢ်ပှၤစူၢ်က့ၤနာ်က့ၤတၢ်တဖၣ်လၢအဝဲသ့ၣ်အဲၣ်ဘၣ်အီၤ အဃိန့ၣ်လီၤ. နဘၣ်သိၣ်လိသီလိဒီးသဆၣ်ထီၣ်အဝဲသ့ၣ်အခံဒ်သိးအကမၤ တၢ်သ့ၣ်တဖၣ်အံၤလီၤ.

တံတူး 2:15

သိၣ်လိတၢ်တဖၣ်အံၤဒီးသူနတၢ်စိကမီၤလၢလၢပှဲၤပှဲၤဖဲ နဟ့ၣ်ဂံၢ်ဟ့ၣ်ဘါဒီးသိၣ်ဃီၣ်တၢ်အဆၢကတီၢ်န့ၣ်တက့ၢ်. တဘၣ်ပျဲအဝဲသ့ၣ်ကွၢ်တလီၤနၤနီတဂၤတဂ့ၤ.

တံတူး 2:6

ဒ်န့ၣ်အသိးသဆၣ်ထီၣ်ပှၤပိာ်ခွါသးစၢ်တဖၣ်အခံလၢ အကပၢၤသူၣ်ပၢၤသးအဂီၢ်န့ၣ်တက့ၢ်.

တံတူး 2:9

ကုၢ်တဖၣ်ကဘၣ်ဒိးပၢအသးလၢအကစၢ်ဒီးမၤဘၣ်အဝဲသ့ၣ် အသးလၢတၢ်ခဲလၢာ်အပူၤလီၤ. အဝဲသ့ၣ်တဘၣ်ကတိၤဆၢက့ၤအကစၢ်တဖၣ်ဘၣ်,

ဧ့ၤဘြံၤ 13:22

ဒီပုၢ်ဝဲၢ်သ့ၣ်ဧၢ, ယဃ့ကညးသုလၢသုကဒိကနၣ်တၢ်ဟ့ၣ်ဂံၢ်ဟ့ၣ်ဘါသု အတၢ်ကတိၤအံၤလၢတၢ်သးစူၤအပူၤ, အဂ့ၢ်မ့ၢ်လၢအတထီကဲၣ်ဆိးဘၣ်အဃိန့ၣ်လီၤ.

၃ ယိၤဟၣ် 1:4

တၢ်လၢကမၤသးခုယၤဒိၣ်န့ၢ်ယနၢ်ဟူဘၣ်ယဖိယလံၤ တဖၣ်အိၣ်မူလၢတၢ်မ့ၢ်တၢ်တီအပူၤန့ၣ်, တအိၣ်ဘၣ်နီတမံၤဘၣ်.