၁ သ့းစၤလနံ 2:10 - Sgaw Karen Common Bible

¹⁰ သုဝဲဒီးကစၢ်ယွၤစ့ၢ်ကီးမ့ၢ်ပှၤအုၣ်အသးလၢပဂီၢ်လၢပတၢ် မၤဘၣ်သုဝဲပှၤစူၢ်က့ၤနာ်က့ၤခရံာ်တဖၣ်, မ့ၢ်တၢ်လၢအကဆှီ, တီဝဲလိၤဝဲ, ဒီးပူၤဖျဲးဒီးတၢ်ကမူၤကမၣ်န့ၣ်လီၤ.

၁ သ့းစၤလနံ 2:10 Iomraidhean Croise

လံာ်ယံးရမံယၤ 18:20

တၢ်အဂ့ၤန့ၣ်ကြၢးတၢ်ဟ့ၣ်ဆၢက့ၤလၢတၢ်အၢန့ၣ်ဧါ. အန့ၣ်ဒၣ်လဲာ်အ ဝဲသ့ၣ်ခူၣ်တ့ၢ်တၢ်ပူၤတပူၤလၢယကလီၤတဲာ်နုာ်အဂီၢ်လီၤ. သ့ၣ်နီၣ်ထီၣ်က့ၤလၢယဟဲဆူနအိၣ်ဒီးကတိၤတၢ်လၢ အဝဲသ့ၣ်အခၢၣ်စးဒ်လဲၣ်, ဒ်သိးဒီးနသုတမၤအဝဲ သ့ၣ်လၢတၢ်သူၣ်ဒိၣ်သးဖျိးအပူၤတဂ့ၤအဂီၢ်န့ၣ်တက့ၢ်.

လံာ်တၢ်ဂံၢ် 16:15

စီၤမိၤၡ့အသးဒိၣ်ထီၣ်ဝဲဒီးစံးဘၣ်ယွၤ, “တူၢ်လိာ်ပှၤသ့ၣ်တဖၣ်အံၤအတၢ်လုၢ်တၢ်ပာ်တဖၣ်လၢအဟဲ စိာ်ဝဲန့ၣ်နီတမံၤတဂ့ၤ. ယတမၤကမၣ်တ့ၢ်အဝဲသ့ၣ်နီတဂၤဘၣ်. ယတဟံးန့ၢ်ဒၣ်လဲာ်အကသ့ၣ်ယီၤတဖၣ်အကျါတဒုဘၣ်.”

လံာ်လူၤကၣ် 23:41

ဘၣ်ဆၣ်ဒီး, ပဝဲပတၢ်တူၢ်ဘၣ်တၢ်န့ၣ်, မ့ၢ်ဒၣ်တၢ်လၢအကြၢးဝဲဘၣ်ဝဲဒီးပှၤလီၤ. အဂ့ၢ်ဒ်အံၤ, ပဒိးန့ၢ်ဘၣ်တၢ်စံၣ်ညီၣ်လၢတၢ်လၢပမၤတ့ၢ်ပဝဲတဖၣ် အဃိလီၤ. မ့မ့ၢ်အဝဲဒၣ်န့ၣ်တမၤကမၣ်တ့ၢ်တၢ်နီတမံၤဘၣ်.”

မၤတၢ် 20:18

ဖဲအဝဲသ့ၣ်ဟဲတုၤန့ၣ်, အဝဲဒၣ်စံးဘၣ်အီၤ, “စးထီၣ်မုၢ်တနံၤဖဲယဟဲတုၤကီၢ်အၤစံန့ၣ်, ယအိၣ်ဆိးဖံးမၤတပူၤဃီဒီးသုဒ်လဲၣ်ဒ်လဲၣ်န့ၣ်သုသ့ၣ်ညါသုဝဲလီၤ.

မၤတၢ် 20:26

လၢတၢ်န့ၣ်အဃိ, မုၢ်တနံၤဃီအံၤယဘိးဘၣ်သ့ၣ်ညါသုသပှၢ်ကတၢၢ်လၢသုဝဲ တဂၤဂၤသုမ့ၢ်လီၤမၢ်ကွံာ်ဒီးတမ့ၢ်ယမူယဒါဘၣ်လီၤ.

မၤတၢ် 24:16

လၢတၢ်န့ၣ်အဃိယဂုာ်ကျဲးစၢးယဲဒၣ်အဂ့ၤကတၢၢ်ထီဘိဒ်သိး ယကအိၣ်ဒီးသးလၢအသ့ၣ်ညါဒၣ်တၢ်လၢအဂ့ၤအပူၤလၢကစၢ်ယွၤဒီး ပှၤကညီအမဲာ်ညါန့ၣ်လီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

၂ ကရံၣ်သူး 11:11

ယစံးတၢ်အံၤ, မ့ၢ်လၢယတအဲၣ်သုအဃိဧါ. ကစၢ်ယွၤသ့ၣ်ညါဝဲလၢယအဲၣ်သုလီၤ.

၂ ကရံၣ်သူး 11:31

ကစၢ်ယ့ၣ်ၡူးအယွၤဒီးအပၢ်လၢအဘၣ်တၢ်စံးပတြၢၤအီၤ လီၤထူလီၤယိာ်တဂၤသ့ၣ်ညါလၢယတလီတၢ်ဘၣ်လီၤ.

၂ ကရံၣ်သူး 4:2

ပညိကွံာ်တၢ်ဖံးတၢ်မၤခူသူၣ်ဒီးတၢ်ဖံးတၢ်မၤလၢအလီၤမဲာ် ဆှးတဖၣ်ခဲလၢာ်ခဲဆ့လီၤ. ပတမၤတၢ်လၢတၢ်ကဘျံးကဘျၣ် အပူၤဘၣ်. ပတဒုးနၢ်ပၢၢ်ကမၣ်ပှၤလၢကစၢ်ယွၤအကလုၢ် ကထါအဂ့ၢ်အကျိၤစ့ၢ်ကီးဘၣ်. လၢတၢ်မ့ၢ်တၢ်တီအတၢ်ကပီၤလၢလၢပှဲၤပှဲၤအပူၤန့ၣ်, ပအိၣ်မူလၢကစၢ်ယွၤအမဲာ်ညါ, ဒီးဂုာ်ကျဲးစၢးပာ်ဖျါပနီၢ်ကစၢ် ဒၣ်ဝဲအတၢ်အုၣ်အသးလၢအဂ့ၤဆူပှၤဂၤအသးလၢအသ့ၣ်ညါ ဒၣ်တၢ်အဂ့ၤအဝါအမဲာ်ညါန့ၣ်လီၤ.

၂ ကရံၣ်သူး 5:11

တၢ်ပျံၤယွၤအခီပညီမ့ၢ်တၢ်ဒ်လဲၣ်န့ၣ်ပသ့ၣ်ညါ ပဝဲဒီးလၢတၢ်န့ၣ်အဃိ, ပဂုာ်ကျဲးစၢးသဆၣ်ထီၣ်ပှၤအဂၤ တဖၣ်အခံန့ၣ်လီၤ. ကစၢ်ယွၤသ့ၣ်ညါပှၤလၢာ်လၢာ်ဆ့ဆ့ဒီးယဆၢမုၢ်လၢ် လၢသုသးပူၤန့ၣ်, သုကသ့ၣ်ညါယၤဂ့ၤဂ့ၤဒ်န့ၣ်အသိး စ့ၢ်ကီးလီၤ.

၂ ကရံၣ်သူး 7:2

ပာ်န့ၢ်ပှၤတၢ်လီၢ်တၢ်ကျဲလၢသုသးအပူၤတက့ၢ်. ပတမၤ ကမၣ်ပှၤနီတဂၤဘၣ်. ပတမၤဟးဂီၤပှၤနီတဂၤ, ဒီးပတဂုာ်ကျဲးစၢးဟံးန့ၢ်စ့ၢ်ကီးတၢ်အခွဲးအယာ် လၢပှၤအဖီခိၣ်နီတဂၤဘၣ်.

၁ သ့းစၤလနံ 1:5

အဂ့ၢ်ဒ်အံၤ, ပဟဲစိာ်န့ၢ်သုတၢ်သးခုကစီၣ်တမ့ၢ်ထဲလၢတၢ် ကတိၤဧိၤန့ၣ်ဘၣ်. မ့မ့ၢ်အိၣ်စ့ၢ်ကီးဒီးတၢ်စိတၢ်ကမီၤ, သးစီဆှံ, ဒီးတၢ်စူၢ်ဂၢၢ်နာ်ကျၢၤလၢတၢ်သးခုကစီၣ်အံၤမ့ၢ်ဝဲတီဝဲအဂ့ၢ်န့ၣ်လီၤ. ဖဲပအိၣ်ဒီးသုအဖၢမုၢ်ပအိၣ်မူဒ်လဲၣ်န့ၣ်သုသ့ၣ်ညါသုဝဲလီၤ. တၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဒၣ်လၢသုဂီၢ်လီၤ.

၁ သ့းစၤလနံ 2:5

သုသ့ၣ်ညါသုဝဲဂ့ၤဂ့ၤလၢပတဟဲဆူသုအိၣ်, အိၣ်ဒီးတၢ်စံးပတြၢၤထးခိၣ်ဖံးလာ်သုဘၣ်. တၢ်ကတိၤလၢပစံးကတိၤအီၤန့ၣ်, တမ့ၢ်စ့ၢ်ကီးလၢအကကးဘၢတၢ်သူၣ်လီသးကွံအဂီၢ်န့ၣ်ဘၣ်. ကစၢ်ယွၤမ့ၢ်ပှၤအုၣ်အသးလၢပဂီၢ်လီၤ.

၂ သ့းစၤလနံ 3:7

သုနီၢ်ကစၢ်ဒၣ်သုဝဲသုသ့ၣ်ညါဂ့ၤဂ့ၤဘၣ်ဘၣ်လၢသုကြၢး ကွၢ်လိမၤဒိးပှၤန့ၣ်လီၤ. ဖဲပအိၣ်ဒီးသုအဆၢကတီၢ်န့ၣ် ပတအိၣ်ကၢၣ်အိၣ်ကျူဘၣ်.

၁ တံၤမသ့း 4:12

တဘၣ်ပျဲပှၤနီတဂၤကွၢ်တလီၤနၤမ့ၢ်လၢနမ့ၢ်ပှၤသးစၢ်အဃိ တဂ့ၤ. မ့မ့ၢ်ကဲထီၣ်တၢ်ဒိဂ့ၤတဲာ်ဘၣ်လၢပှၤစူၢ်က့ၤနာ်က့ၤတၢ် တဖၣ်အဂီၢ်လၢနတၢ်ကတိၤ, လၢနတၢ်မၤ, လၢနတၢ်အဲၣ်တၢ်ကွံ, လၢတၢ်စူၢ်တၢ်နာ်, ဒီးတၢ်စီတၢ်ဆှံအပူၤန့ၣ်တက့ၢ်.

၂ တံၤမသ့း 3:10

မ့မ့ၢ်နဲဒၣ်အံၤနပိာ်ထွဲယတၢ်သိၣ်လိသီလိအခံ, ယတၢ်အိၣ်မူအကျဲဒီးယတၢ်တိာ်လၢတၢ်အိၣ်မူအပူၤန့ၣ်လီၤ. နထံၣ်ဘၣ်တ့ၢ်ယတၢ်စူၢ်တၢ်နာ်, ယတၢ်ဝံသးစူၤ, ယတၢ်အဲၣ်တၢ်ကွံ, ယတၢ်သ့တူၢ်တၢ်,

၁ ပ့းတရူး 5:3

တဘၣ်ကျဲးစၢးဒိၣ်စိလၢပှၤလၢတၢ်ဟ့ၣ်လီၤလၢသုစုပူၤတဖၣ် အဖီခိၣ်တဂ့ၤ. မ့မ့ၢ်တခီကဲထီၣ်တၢ်ဒိတၢ်တဲာ်လၢသိတဖုန့ၣ် အဂီၢ်တက့ၢ်.