၁ သ့းစၤလနံ 2:1 - Sgaw Karen Common Bible

¹ ပဒီပုၢ်ဝဲၢ်သ့ၣ်ဧၢ, သုနီၢ်ကစၢ်ဒၣ်သုဝဲသုသ့ၣ်ညါလၢ ပတၢ်လဲၤအိၣ်သကိးသုအိၣ်ဒီးအဘျုးအဖှိၣ်ကစီဒီန့ၣ်လီၤ.

၁ သ့းစၤလနံ 2:1 Iomraidhean Croise

လံာ်စီၤယိၤဘး 39:16

အဝဲမၤအသးဒ်အဒံၣ်တဖၣ်တမ့ၢ်တၢ်အသိး, ဒီးအတၢ်ထဲးဂံၢ် ထဲးဘါတဖၣ်ကဲထီၣ်တ့ၢ်တၢ်ကလီကလီဒၣ်လဲာ်တကိၢ်ဝဲဒၣ်ဘၣ်.

စံးထီၣ်ပတြၢၤ 127:1

ယွၤမ့ၢ်တမၤဟံၣ်ဘၣ်ဒီး, ပှၤလၢအမၤဝဲတဖၣ်န့ၣ်မၤဝဲကလီကလီလီၤ. ယွၤမ့ၢ်တကွၢ်ဝ့ၢ်ဘၣ်ဒီး, ပှၤပၢၤတၢ်တဖၣ်န့ၣ်ဆိးသီဝဲကလီကလီလီၤ.

စံးထီၣ်ပတြၢၤ 73:13

ယမၤကဆှီယသး, ဒီးသ့စီကွံာ်ယစုလၢ တၢ်ဒဲးဘးတအိၣ်ဘၣ်အပူၤန့ၣ် မ့ၢ်ဒၣ်တၢ်ကလီကလီခဲလၢာ်န့ၣ်လီၤ.

လံာ်ယၡါယၤ 49:4

ဒီဲးယစံးတ့ၢ်, “ယမၤတ့ၢ်တၢ်, ဘၣ်ဆၣ်ဒီးတၢ်မုၢ်လၢ်တအိၣ်မးလဲၣ်. ယသူယဂံၢ်ယဘါအလၢာ်လံ. ဘၣ်ဆၣ်တၢ်ကဲထီၣ်လိၣ်ထီၣ်တအိၣ်နီတမံၤဘၣ်.” သနာ်က့, ယနာ်ယွၤ, လၢကဒီဒၣ်ခီၣ်ဆၢ ယတၢ်ဂ့ၢ်န့ၣ်သ့ဝဲလီၤ. အဝဲကဒုးဘၣ်ဘျုးယၤလၢတၢ်လၢ ယမၤအီၤအဃိလီၤ.

လံာ်ယၡါယၤ 65:23

တၢ်မၤလၢအမၤဝဲန့ၣ်ကကဲထီၣ်လိၣ်ထီၣ်ဝဲဒီးအဝဲသ့ၣ်အဖိတဖၣ် တကွၢ်ဆၢၣ်မဲာ်ဘၣ်တၢ်တတၢးတနါဘၣ်. ယကဆိၣ်ဂ့ၤအဝဲသ့ၣ်ဒီး အစၢၤအသွဲၣ်တဖၣ်လၢတၢ်ဆၢကတီၢ်လၢကဟဲဝဲကိးအကတီၢ် ဒဲးန့ၣ်လီၤ.

လံာ်ဃဘးကူာ် 2:13

ပှၤကလုာ်တဖၣ်လၢသုမၤနၢၤတ့ၢ်အီၤန့ၣ်မၤလီၤ ဘှံးလီၤဘှါအသးလၢတၢ်မၤတဂိာ်တသီၣ်ဘၣ်အပူၤ, ဒီးကယဲၢ်တၢ်လၢအသူၣ်ထီၣ်ဝဲတဖၣ်န့ၣ်လၢာ်ကွံာ်လၢမ့ၣ်အူ အပူၤလီၤ. ယွၤသ့တၢ်လၢာ်မၤတ့ၢ်လံတၢ်အံၤလံ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

1 ကရံၣ်သူး 15:2

အဝဲန့ၣ်မ့ၢ်တၢ်သးခုကစီၣ်, တၢ်ကစီၣ်လၢယစံၣ်တဲၤတဲလီၤ ယဲဆူသုအိၣ်န့ၣ်လီၤ. မ့တမ့ၢ်လၢသုစူၢ်သုနာ်ကလီကလီ တၢ်ဘၣ်ဒီးသုမ့ၢ်ဟံးဃာ်တၢ်သးခုကစီၣ်အံၤကျၢၤကျၢၤန့ၣ်, သုဒိးန့ၢ်ဘၣ်တၢ်အုၣ်က့ၤခီၣ်က့ၤလၢအီၤလီၤ.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.

ကလၤတံ 2:2

ယလဲၤဖဲန့ၣ်န့ၣ်, မ့ၢ်လၢကစၢ်ယွၤလီၣ်ဖျါထီၣ်န့ၢ်ယၤလၢယကြၢးလဲၤယဲ အဃိလီၤ. ပထံၣ်လိာ်ပသးကစုဒုဒီးပှၤခိၣ်ပှၤနၢ်တဖၣ်ဒီးယတဲဖျါ ဘၣ်ဃးတၢ်သးခုကစီၣ်လၢယစံၣ်တဲၤတဲလီၤယဲလၢပှၤ ကလုာ်ဂၤတဖၣ်အသိးအကျါလီၤ. ယတသးအိၣ်လၢယတၢ်ဖံးတၢ်မၤလၢအပူၤကွံာ်မ့ၢ်ဂ့ၤ, အခဲအံၤမ့ၢ်ဂ့ၤကကဲထီၣ်တၢ်ကလီကလီန့ၣ်ဘၣ်.

ကလၤတံ 4:11

ယသူၣ်ကိၢ်သးဂီၤလၢသုဂီၢ်လီၤ. မ့ၢ်ကယဲၢ်တၢ်လၢယမၤ တ့ၢ်အီၤလၢသုဂီၢ်ကဲထီၣ်တၢ်ကလီကလီလံဧါ.

ဖံလံးပံၤ 2:16

ဖဲသုဟ့ၣ်အဝဲသ့ၣ်တၢ်ကစီၣ်ဘၣ်ဃးတၢ်မူအဂ့ၢ်န့ၣ်လီၤ. သုမ့ၢ်မၤဒ်န့ၣ်ဒီးဖဲခရံာ်အမုၢ်နံၤန့ၣ်ယကအိၣ်ဒီးတၢ်အဂ့ၢ်အခၢးလၢ ယကပာ်ကဖၢလၢယသးလၢသုဃိ, မ့ၢ်လၢတၢ်လၢသုမၤန့ၣ်ကဒုးနဲၣ်အဝဲဒၣ်လၢယတၢ်ကျဲးစၢးဒီး တၢ်မၤတကဲထီၣ်တၢ်ကလီကလီဘၣ်အဃိန့ၣ်လီၤ.

၁ သ့းစၤလနံ 2:13

ဒီးတၢ်ဂ့ၢ်အိၣ်ဒံးဝဲအဂၤတမံၤလၢဘၣ်မနုၤအဃိပစံးဘျုးစံး ဖှိၣ်ကစၢ်ယွၤထီဘိတဘိယူာ်ဃီလဲၣ်န့ၣ်လီၤ. ဖဲပဟဲဆှၢန့ၢ်သုကစၢ်ယွၤအတၢ်ကစီၣ်န့ၣ်, သုနၢ်ဟူဒီးတူၢ်လိာ်အီၤဒ်တၢ်ကစီၣ်ဟဲလၢကစၢ်ယွၤအအိၣ်အသိး, ဒီးတမ့ၢ်ဝဲဒ်တၢ်ကစီၣ်ဟဲလၢပှၤကညီအအိၣ်အသိးဘၣ်လီၤ. သပှၢ်ကတၢၢ်, တၢ်ကစီၣ်အဝဲအံၤဟဲလၢကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, ကစၢ်ယွၤမၤတၢ်လၢသုဝဲလၢအစူၢ်က့ၤနာ်က့ၤတၢ် တဖၣ်အပူၤန့ၣ်လီၤ.

၁ သ့းစၤလနံ 3:5

လၢတၢ်န့ၣ်အဃိ, ယဘၣ်ဆှၢလီၤစီၤတံၤမသ့းလီၤ. ယအိၣ်တကဲလၢၤအဃိယဆှၢလီၤအဝဲဒၣ်ဒ်သိးအကဃု သ့ၣ်ညါတၢ်ဘၣ်ဃးသုတၢ်စူၢ်တၢ်နာ်အဂ့ၢ်န့ၣ်လီၤ. ယဘၣ်ယိၣ်လၢမုၣ်ကီၤလံၢ်ကလ့ပစီန့ၢ်သု, ဒီးပတၢ်ဖံးတၢ်မၤခဲလၢာ်ကကဲထီၣ်တၢ်ကလီကလီန့ၣ်လီၤ.

၂ သ့းစၤလနံ 1:10

တၢ်သ့ၣ်တဖၣ်အံၤခဲလၢာ်ကမၤအသးဖဲနံၤအဝဲန့ၣ် ဖဲအဝဲဒၣ်ဟဲဝဲဒ်သိးအကဒိးန့ၢ်တၢ်လၤကပီၤလၢအပှၤ ဂီၢ်မုၢ်ခဲလၢာ်အအိၣ်, ဒီးတၢ်မၤလၤမၤကပီၤလၢပှၤလၢအစူၢ်က့ၤနာ်က့ၤအီၤခဲလၢာ် အအိၣ်န့ၣ်လီၤ. သုဝဲသ့ၣ်စ့ၢ်ကီးသုကအိၣ်လၢအဝဲသ့ၣ်အသိး အကျါအဂ့ၢ်မ့ၢ်လၢသုနာ်တၢ်ကစီၣ်လၢပစံးဘၣ်တဲဘၣ်သု အဃိန့ၣ်လီၤ.

၂ သ့းစၤလနံ 3:1

လၢခံကတၢၢ်န့ၣ်, ပဒီပုၢ်ဝဲၢ်သ့ၣ်ဧၢ, ဃ့ဘါထုကဖၣ်တၢ်လၢပဂီၢ်, ဒ်သိးကစၢ်အတၢ်ကစီၣ်ကရၤလီၤအသးချ့ချ့ကလဲာ်, ဒီးဖဲတၢ်လီၢ်ကိးပူၤဒဲးန့ၣ်, ကဘၣ်တၢ်တူၢ်လိာ်မၤလၤကပီၤအီၤ, ဒ်အမၤအသးလၢသုသိးသုကျါန့ၣ်တက့ၢ်.