၁ သ့းစၤလနံ 1:7 - Sgaw Karen Common Bible

⁷ လၢတၢ်န့ၣ်အဃိ, သုကဲထီၣ်တၢ်ဒိတၢ်တဲာ်လၢပှၤစူၢ်က့ၤနာ်က့ၤ ခရံာ်ခဲလၢာ်ဖဲကီၢ်မၤက့းဒနံဒီးကီၢ်အဃါယၤတဖၣ်အဂီၢ်န့ၣ်လီၤ.

၁ သ့းစၤလနံ 1:7 Iomraidhean Croise

မၤတၢ် 1:13

တုၤအက့ၤတုၤလၢဝ့ၢ်ယရူၤရှလ့ၣ်န့ၣ်ဒီး, အဝဲသ့ၣ်လဲၤထီၣ်ဝဲဆူဒၢးတဖျၢၣ်အပူၤလၢဟံၣ်ထးခီတဆီ, ဒၢးတဖျၢၣ်ဃီလၢအဝဲသ့ၣ်အိၣ်ဆိးဝဲတစိၢ်တလီၢ်လၢအပူၤ န့ၣ်လီၤ. ပှၤအိၣ်ဖဲန့ၣ်တဖၣ်မ့ၢ်ဝဲစီၤပ့းတရူး, စီၤယိၤဟၣ်, စီၤယၤကိာ်, စီၤအၣ်ဒရ့း, စီၤဖံလံးပူး, စီၤသိၤမါ, စီၤဘၢ်သလီးမဲ, စီၤမးသဲ, စီၤအၤလဖဲအဖိခွါစီၤယၤကိာ်, ပှၤအဲၣ်အထံအကီၢ်စီၤၡံမိၣ်, ဒီးစီၤယၤကိာ်အဖိခွါ စီၤယူဒၤတဖၣ်လီၤ.

မၤတၢ် 16:12

စးထီၣ်ဖဲန့ၣ်ပလဲၤတၢ်လၢခိအကျဲဆူဝ့ၢ်ဖံလံးပံၤ, လၢအမ့ၢ်ဝ့ၢ်တဝ့ၢ်လၢအဘၣ်ဃးဒီးကီၢ်မၤက့းဒနံအကီၢ်ဆၣ်အဆိကတၢၢ်တဘ့ၣ်, လၢအအိၣ်လၢရိမ့ၤအတၢ်ပၢအဖီလာ်န့ၣ်လီၤ. ပအိၣ်ပဝဲစှၤနံၤစှၤသီဖဲန့ၣ်လီၤ.

မၤတၢ် 18:1

အန့ၣ်ဝံၤအလီၢ်ခံ, စီၤပီလူးဟးထီၣ်လၢဝ့ၢ်အၤသ့ၣ်, ဒီးလဲၤဆူဝ့ၢ်ကရံၣ်သူးလီၤ.

မၤတၢ် 18:12

ဖဲစီၤကးလံၤအိၣ် ဘၣ်တၢ်ဒုးကဲထီၣ်အီၤလၢရိမ့ၤအပဒိၣ် ဖးဒိၣ်လၢအပၢကီၢ်အဃါယၤန့ၣ်, ပှၤယူဒၤဖိတဖၣ်ပာ်ဖှိၣ်ထီၣ် အသး, ဖီၣ်စီၤပီလူးဒီးဆှၢအီၤဆူကွီၢ်ဘျီၣ်လီၤ.

မၤတၢ် 19:21

တၢ်သ့ၣ်တဖၣ်အံၤမၤအသးဝံၤအလီၢ်ခံ, စီၤပီလူးပာ်လီၤအသးလၢအကလဲၤခီဂာ်ကီၢ်မၤက့းဒနံဒီးကီၢ် အဃါယၤဆူဝ့ၢ်ယရူၤၡလ့ၣ်န့ၣ်လီၤ. အဝဲစံးဝဲ, “ယလဲၤဖဲန့ၣ်ဝံၤ အလီၢ်ခံန့ၣ်, ယကဘၣ်လဲၤဆူဝ့ၢ်ရိမ့ၤစ့ၢ်ကီးလီၤ.”

ရိမ့ၤ 15:26

အဂ့ၢ်ဒ်လဲၣ်န့ၣ်, တၢ်အိၣ်ဖှိၣ်လၢကီၢ်မၤက့းဒနံဒီးကီၢ်အဃါယၤတဖၣ် အသးအိၣ်ထီၣ်ဒၣ်ဝဲလၢအကဟ့ၣ်မၤဘူၣ်ဝ့ၢ်ယရူၤၡလ့ၣ်အပှၤစီဆှံ လၢအဖှီၣ်အယာ်တဖၣ်န့ၣ်လီၤ.

၂ ကရံၣ်သူး 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိတဂၤခီဖျိ ကစၢ်ယွၤအတၢ်ဘၣ်အသး, ဒီးလၢပဒီပုၢ်ဝဲၢ်စီၤတံၤမသ့း, ဆူကစၢ်ယွၤအတၢ်အိၣ်ဖှိၣ်လၢဝ့ၢ်ကရံၣ်သူး, ဒီးဆူကစၢ်ယွၤအပှၤဂီၢ်မုၢ်ခဲလၢာ်လၢအအိၣ်ဝဲသကုၤဆးဒးကီၢ် အဃါယၤ,

၂ ကရံၣ်သူး 9:2

ယသ့ၣ်ညါလၢသုသးဆူၣ်မၤစၢၤသုဝဲ, ဒီးယကတိၤပာ်ကဖၢလၢလံယသးလၢသုဂ့ၢ်လၢ ပှၤမၤက့းဒနံဖိတဖၣ်အမဲာ်ညါန့ၣ်လီၤ. ယစံးယဲ, “ဒီပုၢ်ဝဲၢ်လၢကီၢ်အဃါယၤတဖၣ်အသးဆူၣ် ဟ့ၣ်တ့ၢ်လံတၢ်မၤစၢၤလၢအပူၤကွံာ်တနံၣ်လံၤလံၤလီၤ” သုတၢ်သးဆူၣ်န့ၣ်ထိၣ်ဟူးထိၣ်ဂဲၤလံအဝဲသ့ၣ်အါဒံ အါဂၤအသးလံန့ၣ်လီၤ.

၁ သ့းစၤလနံ 1:8

အဂ့ၢ်ဒ်အံၤ, တမ့ၢ်ထဲလၢတၢ်ကစီၣ်လၢသုရၤလီၤအီၤဘၣ်ဃးဒီး ကစၢ်န့ၣ်လဲၤတုၤကီၢ်မၤက့းဒနံဒီးကီၢ်အဃါယၤဒီကီၢ်န့ၣ်ဘၣ်. မ့မ့ၢ်, တၢ်ကစီၣ်ဘၣ်ဃးဒီးသုတၢ်စူၢ်တၢ်နာ်ကစၢ်ယွၤန့ၣ်လဲၤတုၤ လၢတၢ်လီၢ်ကိးပူၤဒဲးလီၤ. လၢတၢ်န့ၣ်အဃိ, ပစံးတၢ်အလီၢ် တအိၣ်နီတမံၤဘၣ်.

၁ သ့းစၤလနံ 4:10

နီၢ်နီၢ်တခီ, သုမၤထွဲတ့ၢ်လံတၢ်အံၤလၢသုဒီပုၢ်ဒီဝဲၢ်အကျါ သကုၤကီၢ်မၤက့းဒနံန့ၣ်လံ. ဘၣ်ဆၣ်ဒီးပဃ့ကညးသုလၢသုကမၤဂ့ၤန့ၢ်ဒံးအန့ၣ်တက့ၢ် လီၤ.

၁ တံၤမသ့း 4:12

တဘၣ်ပျဲပှၤနီတဂၤကွၢ်တလီၤနၤမ့ၢ်လၢနမ့ၢ်ပှၤသးစၢ်အဃိ တဂ့ၤ. မ့မ့ၢ်ကဲထီၣ်တၢ်ဒိဂ့ၤတဲာ်ဘၣ်လၢပှၤစူၢ်က့ၤနာ်က့ၤတၢ် တဖၣ်အဂီၢ်လၢနတၢ်ကတိၤ, လၢနတၢ်မၤ, လၢနတၢ်အဲၣ်တၢ်ကွံ, လၢတၢ်စူၢ်တၢ်နာ်, ဒီးတၢ်စီတၢ်ဆှံအပူၤန့ၣ်တက့ၢ်.

တံတူး 2:7

လၢတၢ်ခဲလၢာ်အပူၤန့ၣ်, နကစၢ်ဒၣ်နဲနကဘၣ်ကဲထီၣ် တၢ်ဒိတၢ်တဲာ်လၢတၢ်သကဲာ်ဂ့ၤပဝးဝါအဂီၢ်န့ၣ်လီၤ. အိၣ်ဒီးတၢ်သူၣ်တီသးလိၤဒီးပာ်နသးသညူးသပှၢ် လၢနတၢ်သိၣ်လိသီလိအပူၤန့ၣ်တက့ၢ်.

၁ ပ့းတရူး 5:3

တဘၣ်ကျဲးစၢးဒိၣ်စိလၢပှၤလၢတၢ်ဟ့ၣ်လီၤလၢသုစုပူၤတဖၣ် အဖီခိၣ်တဂ့ၤ. မ့မ့ၢ်တခီကဲထီၣ်တၢ်ဒိတၢ်တဲာ်လၢသိတဖုန့ၣ် အဂီၢ်တက့ၢ်.