လံာ်စီၤၡမူၤအ့လးအခီၣ်ထံးတဘ့ၣ် 9:9 - Sgaw Karen Common Bible

⁹ စီၤစီလူးစံးဆၢဝဲ, “မ့ၢ်တၢ်ဆိကမိၣ်အဂ့ၤလီၤ. မ်ပလဲၤသကိးတက့ၢ်.” မၤသးဒ်န့ၣ်ဒီး, အဝဲသ့ၣ်လဲၤဆူဝ့ၢ်ဖိလၢပှၤစီဆှံတဂၤအိၣ် ဆိးဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:9 Iomraidhean Croise

လံာ်တၢ်ကဲထီၣ်အခီၣ်ထံး 25:22

နီၢ်ရံးဘကၤကန့ၢ်ဘၣ်အဖိအသဃံာ်ဒီးတချုးအဝဲသ့ၣ်အိၣ်ဖျဲၣ်ထီၣ် ဒံးဘၣ်န့ၣ်အဝဲသ့ၣ်ကနိလိာ်သးလၢအမိၢ်အဟၢဖၢပူၤန့ၣ်လီၤ. ဒီးပိာ်မုၣ်စံးဝဲ, “ဘၣ်မနုၤအဃိတၢ်ဒ်သိးအံၤမၤအသးဒီး ယၤန့ၣ်လဲၣ်.” မၤသးဒ်န့ၣ်ဒီးအဝဲလဲၤသံကွၢ် တၢ်လၢယွၤလၢတၢ်စံးဆၢတမံၤအဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:11

ယွၤစံးဘၣ်စီၤကး, လၢအမ့ၢ်စီၤဒၤဝံးအဝံတဂၤန့ၣ်,

လံာ်စီၤပၤခံဘ့ၣ်တဘ့ၣ် 17:13

ယွၤဆှၢလီၤတ့ၢ်အပှၤစိာ်တၢ်ကစီၣ်တဖၣ်, ဒီးအဝံတဖၣ်လၢကဟ့ၣ် ပလီၢ်ကီၢ်အံၣ်စရ့လးဒီးကီၢ်ယူဒၤဒ်အံၤ, “ပာ်တ့ၢ်ကွံာ်သုကျဲအၢကျဲသီတဖၣ်ဒီးစူၢ်ယတၢ်မၤလိာ်တဖၣ် လၢအအိၣ်လၢယူဒၤတၢ်သိၣ်တၢ်သီ, လၢယဟ့ၣ်လီၤသုမိၢ်ပၢ်ဖံဖုလၢပျၢၤတဖၣ်ဒီးယဟ့ၣ်ခီလီၤအီၤ ဆူသုအိၣ်ခီဖျိယခ့ယပှၤဝံတဖၣ်န့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 21:9

အန့ၣ်ဒီး, ယွၤစံးဘၣ်စီၤဒၤဝံးအဝံ စီၤကး, “လဲၤဒီးတဲဘၣ်စီၤဒၤဝံးလၢယဟ့ၣ်အီၤတၢ်သၢမံၤလၢကဘၣ်ဃု ထၢဝဲထဲတမံၤန့ၣ်လီၤ. တၢ်လၢအဃုထၢဝဲတမံၤန့ၣ်, ယကမၤလီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 26:28

စီၤၡလိမံးဒီးအဘူးအတံၢ်တဖၣ်, မ့ၢ်တ့ၢ်ပှၤဘၣ်ကဲခိၣ်ကဲနၢ် လၢကယဲၢ်တၢ်လၢအဘၣ်တၢ်ပာ်စီဆှံတ့ၢ်အီၤဒ်သိးတၢ်ကသူအီၤလၢ ယွၤအတၢ်လုၢ်ဟံၣ်အပူၤအဂီၢ်, ဃုာ်ဒီးတၢ်ဟ့ၣ်တဖၣ်လၢအဘၣ်တၢ်ဟဲစိာ်အီၤလၢဝံၡမူၤအ့လး, လၢစီၤပၤစီၤစီလူး, လၢစီၤန့ၢ်အဖိခွါစီၤအဘံန့ၢ်ဒီးလၢ နီၢ်စရူၤယၤအဖိခွါစီၤယိၤအာ်သ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:29

တၢ်စံၣ်စိၤတဲစိၤဘၣ်ဃးဒီးစီၤပၤစီၤဒၤဝံးစးထီၣ်လၢအခီၣ် ထံးတုၤလၢအကတၢၢ်န့ၣ်ဘၣ်တၢ်ကွဲးနီၣ်တ့ၢ်အီၤလၢဝံသၢဂၤလၢ အမ့ၢ်, ဝံၡမူၤအ့လး, ဝံနၤသၣ်ဒီးဝံကးတဖၣ်အတၢ်ကွဲးနီၣ်ကွဲးဃါ တဖၣ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:22

ပှၤပိာ်ခွါခဲလၢာ်အိၣ်ဝဲခံကယၤတဆံခံဂၤလၢအဘၣ်တၢ်ဃုထၢ ထီၣ်အီၤဒ်ပှၤပၢၤတၢ်ဖိတဖၣ်အသိးလၢကျဲစၢၤတဖၣ်ဒီးတြဲၤတဖၣ် အဂီၢ်န့ၣ်လီၤ. တၢ်ကွဲးနီၣ်အဝဲသ့ၣ်အမံၤအသၣ်ဒ်သဝီတဖၣ်လၢအဝဲသ့ၣ်အိၣ်ဆိးဝဲ အသိးန့ၣ်လီၤ. ပှၤလၢအပာ်လီၤအဝဲသ့ၣ်အပၢ်ဖးဒိၣ်လၢပျၢၤတဖၣ်လၢမူဒါလီၢ်လၤ တဖၣ်အံၤအဂီၢ်မ့ၢ်စီၤပၤစီၤဒၤဝံးဒီးဝံစီၤၡမူၤအ့လးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:10

တၢ်အံၤမ့ၢ်တၢ်လၢအဒုးသးထီၣ်ဘၣ်စီၤအၤစါလၢဝံဃနၤနံ ဒိၣ်ဒိၣ်မုၢ်မုၢ်အဃိ, အဝဲမၢပှၤတ့ၢ်နုာ်အီၤဆူဃိာ်ပူၤန့ၣ် လီၤ. တၢ်န့ၣ်မ့ၢ်တၢ်ဆၢကတီၢ်တကတီၢ်ဃီဖဲစီၤအၤစါစးထီၣ်မၤအၢမၤ နးပှၤဂီၢ်မုၢ်တနီၤနီၤအၢအၢသီသီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:7

ဖဲအကတီၢ်အဝဲန့ၣ်, ဝံဃနၤနံလဲၤဆူစီၤပၤအၤစါအအိၣ်ဒီးစံး ဘၣ်အီၤ, “လၢနကသန့ၤနသးလၢယွၤ, နကစၢ်ယွၤအလီၢ်န့ၣ်, မ့ၢ်လၢနသန့ၤနသးလၢကီၢ်စူၤရံအစီၤပၤအဃိ စူၤရံအစီၤပၤအသုးမုၢ်ဃ့ၢ်ပူၤဖျဲးကွံာ်လၢနအိၣ်န့ၣ်လီၤ.

လံာ်ယၡါယၤ 29:10

ယွၤမၤဃၢတ့ၢ်သုမဲာ်ဖံးတုၤသုကလီၤဆူတၢ်မံယိာ်အပူၤလီၤ. ဝံတဖၣ်ကြၢးမ့ၢ်ပှၤဂီၢ်မုၢ်အမဲာ်ချံတဖၣ်, ဘၣ်ဆၣ်ကစၢ်ယွၤ ကးဘၢတ့ၢ်အဝဲသ့ၣ်အမဲာ်ချံလီၤ.

လံာ်ယၡါယၤ 30:10

အဝဲသ့ၣ်တဲဘၣ်ဝံတဖၣ်လၢကအိၣ်ဘှ့ၣ် အိၣ်ဘှီၣ်န့ၣ်လီၤ. အဝဲသ့ၣ်စံးဝဲ, “ကတိၤတၢ်ဒီးပှၤဘၣ်ဃးဒီးတၢ်လၢအဘၣ် အဂ့ၢ်တဂ့ၤ. တဲဘၣ်ပှၤတၢ်လၢပသးအိၣ်နၢ်ဟူတက့ၢ်. မ်ပဟံးဃာ်ပတၢ်ထံၣ်တၢ်ဆိကမိၣ်ကမၣ်တဖၣ်တက့ၢ်.

လံာ်ဧၤမိၣ် 7:12

ဒီးစီၤအမၤစယါစံးဘၣ်ဝံဧၤမိၣ်, ဟးထီၣ်ကွံာ်, ပှၤလၢအထံၣ်တၢ်လၢညါခီတဂၤဧၢ, က့ၤဆူကီၢ်ယူဒၤဒီးကတိၤတၢ် လၢဝံအကျိာ်, ဒီးမၤအီၣ်မၤအီဖဲန့ၣ်တက့ၢ်.

1 ကရံၣ်သူး 12:17

နီၢ်ဒီဂၤညါမ့မ့ၢ်ဒၣ်မဲာ်ချံတတိၣ်န့ၣ်ကနၢ်ဟူတၢ်လၢကျဲဒ်လဲၣ်. ဒီးမ့မ့ၢ်ဒၣ်နၢ်တခီန့ၣ်ကနၢဘၣ်တၢ်လၢကျဲဒ်လဲၣ်.

လံာ်ပှၤစံၣ်ညီၣ်ကွီၢ် 1:1

ဖဲစီၤယိၤၡူသံဝံၤအလီၢ်ခံန့ၣ်ပှၤအံၣ်စရ့လးဖိသံကွၢ်တၢ်လၢယွၤ, “မ့ၢ်မတၤလၢပပှၤအဒူၣ်တဖၣ်အကျါကြၢးမ့ၢ်ပှၤအဆိကတၢၢ်တဒူၣ်လၢ ကလဲၤထီၣ်ဒုးပှၤကနၤဧၣ်ဖိတဖၣ်လဲၣ်.”

လံာ်ပှၤစံၣ်ညီၣ်ကွီၢ် 18:5

ဒီးအဝဲသ့ၣ်စံးဘၣ်အီၤ, “သံကွၢ်ကစၢ်ယွၤလၢပတၢ်လဲၤအံၤမ့ၢ် အကကဲထီၣ်လိၣ်ထီၣ်ကစီဒီဧါ, န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 9:10

ဖဲအဝဲသ့ၣ်လဲၤထီၣ်ဆူဝ့ၢ်လၢအအိၣ်လၢတၢ်လူၢ်ခိၣ်န့ၣ်, အဝဲသ့ၣ်ထံၣ်ဘၣ်ပိာ်မုၣ်ဖိတနီၤလၢအဟဲထီၣ်ဒ်သိးအကဒၢၣ်ထံ အဂီၢ်လီၤ.