လံာ်စီၤၡမူၤအ့လးအခီၣ်ထံးတဘ့ၣ် 9:4 - Sgaw Karen Common Bible

⁴ အဝဲသ့ၣ်လဲၤသကုၤအကစၢၢ်ကလိကီၢ်အ့ဖရဲၣ်ဒီဘ့ၣ်ဒီးဆူကီၢ်ၡၤ လံၡၤအလီၢ်ကဝီၤဘၣ်ဆၣ်ဒီးတထံၣ်က့ၤဝဲဘၣ်. မၤသးဒ်န့ၣ်ဒီးလဲၤဆူညါဆူကီၢ်ၡၤလံၣ်လီၤ. ဘၣ်ဆၣ်ဒီးကသ့ၣ်ယီၤတဖၣ်တအိၣ်ဖဲန့ၣ်ဘၣ်. အန့ၣ်ဝံၤဒီးအဝဲသ့ၣ်လဲၤခီဂာ်ဘံၣ်ယၤမံၣ်အလီၢ်ကဝီၤဘၣ်ဆၣ် တထံၣ်ဒံးအဝဲသ့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 9:4 Iomraidhean Croise

လံာ်တၢ်ကဲထီၣ်အခီၣ်ထံး 33:18

လၢအတၢ်ဟဲက့ၤကဒါက့ၤလၢကီၢ်မ့းစပတၤမံန့ၣ်စီၤယၤကိာ်ဟဲ တုၤဘၣ်ဝဲဂ့ၤဂ့ၤဘၣ်ဘၣ်ဆူဝ့ၢ်ၡက့ၣ်အိၣ်လၢကီၢ်ကနၤဧၣ်အပူၤ ဒီးပာ်လီၤအသူၣ်ဒဲအလီၢ်လၢပျီတဘ့ၣ်အပူၤဘူးဒီးဝ့ၢ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 4:42

မၤကဒီးအဂၤတဘျီန့ၣ်, ပှၤတဂၤဟဲဝဲလၢဘဧၤလးၡလံၡၤ, ဟဲစိာ်န့ၢ်စီၤအလံၤၡါလၢကိၣ်အလိၣ်ခံဆံ, လၢအဘၣ်တၢ်မၤအီၤလၢဘုမုယီၤလၢတၢ်ကူးအီၤအဆိကတၢၢ်ဖဲနံၣ် အဝဲန့ၣ်ဒီးဘုစဲၤလၢတၢ်ကူးအီၤသီသီတနီၤန့ၣ်လီၤ. စီၤအလံၤၡါတဲဘၣ်အခ့အပှၤလၢကဒုးအီၣ်ဝံတဖုအံၤလၢတၢ်သ့ၣ် တဖၣ်န့ၣ်လီၤ.

လံာ်ယိၤဟၣ် 3:23

စီၤယိၤဟၣ်စ့ၢ်ကီးဘျၢတၢ်ဖဲအဲၤနိၣ်လၢအတယံၤဒီးၡၤလ့ၣ် မ့ၢ်လၢထံအိၣ်အါဝဲဖဲတၢ်လီၢ်န့ၣ်, ဒီးပှၤလဲၤဆူအအိၣ်ဒီး အဝဲဒၣ်ဘျၢပှၤတဖၣ်န့ၣ်လၢထံလီၤ.

လံာ်စီၤယိၤၡူ 19:42

ၡၤလးဘံၣ်, အးယးလိၣ်, ယံးသလၤ,

လံာ်စီၤယိၤၡူ 24:33

စီၤအၤဟရိၣ်အဖိခွါစီၤအလၤဧစၢ်သံဝဲဒီးဘၣ်တၢ်ခူၣ်လီၤအီၤဖဲ ဝ့ၢ်ကံဘဧၤလၢအအိၣ်လၢအ့ဖရဲၣ်အကစၢၢ်အလိၤလၢအဘၣ် တၢ်ဟ့ၣ်လီၤတ့ၢ်ဝဲလၢအဖိခွါစီၤဖံၤနဃၣ်အအိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 17:1

တဘျီပှၤအိၣ်ဝဲတဂၤအမံၤလၢစီၤမံၤကါ, ဒီးအိၣ်ဝဲဒၣ်လၢအ့ဖရဲၣ်အကစၢၢ်ကလိန့ၣ်လီၤ.

လံာ်ပှၤစံၣ်ညီၣ်ကွီၢ် 19:1

တချုးလၢအံၣ်စရ့လးအိၣ်ဒီးအစီၤပၤဒံးဘၣ်အမုၢ်နံၤတဖၣ်န့ၣ် ပှၤလ့ၤဝံဖိတဂၤအိၣ်ဝဲလၢတၢ်လီၢ်ဖးယံၤဖဲအ့ဖရဲၣ်အကစၢၢ် ကလိန့ၣ်လီၤ. အဝဲဟံးန့ၢ်ပိာ်မုၣ်ဖိတဂၤလၢဝ့ၢ်ဘ့ၤသလ့ဃ့ၣ်, ကီၢ်ယူဒၤအပူၤဒ်အသံၣ်မါအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:1

ပှၤအိၣ်ဝဲတဂၤအမံၤလၢစီၤအ့လကါနၤလီၤ. အဝဲမ့ၢ်ပှၤအ့ဖရဲၣ်အဒူၣ် ဒီးအိၣ်ဝဲလၢဝ့ၢ်ရၤမါလၢကစၢၢ်ကလိအဝ့ၢ်အ့ဖရဲၣ်န့ၣ်လီၤ. အဝဲမ့ၢ်စီၤအလံဟူၤအလံၤခွါဒီးစီၤယဟိရၣ်အဖိခွါဒီးဘၣ် ဃးလၢစီၤတိဟူၤအဟံၣ်ဖိဃီဖိဒီးမ့ၢ်ပှၤလၢစီၤစူာ်အဒူၣ်ထၢ တဒူၣ်အပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:3

စီၤကံၣ်အကသ့ၣ်ယီၤတနီၤဟးဖျိးကျဲအဃိအဝဲစံးဘၣ်စီၤစီလူး, “ကိးန့ၣ်ကုၢ်တဖၣ်အကျါတဂၤဃုာ်ဒီးနၤဒီးလဲၤဃုထံၣ်က့ၤ ကသ့ၣ်ယီၤတဖၣ်တက့ၢ်.”