လံာ်စီၤၡမူၤအ့လးအခီၣ်ထံးတဘ့ၣ် 9:22 - Sgaw Karen Common Bible

²² အန့ၣ်ဝံၤဒီး, စီၤၡမူၤအ့လးဆှၢစီၤစီလူးဒီးအကုၢ်ဆူဒၢးတဒၢးဖးဒိၣ်အပူၤဒီး ဟ့ၣ်အီၤတၢ်လီၢ်တတီၤလၢစီၢ်နီၤခိၣ်အခိၣ်ထိး ဖဲပှၤသမှံၤကအိၣ်ဝဲခဲလၢာ်အဂၤသၢဆံဃၣ်ဃၣ်ဆ့ၣ်နီၤဝဲအလီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:22 Iomraidhean Croise

လံာ်တၢ်ကဲထီၣ်အခီၣ်ထံး 43:32

စီၤယိၤသးဘၣ်တၢ်ကတဲာ်ကတီၤန့ၢ်အီၤတၢ်အီၣ်လၢစီၢ်နီၤခိၣ် တဖျၢၣ်ဒီးအဒီပုၢ်ဝဲၢ်ခွါတဖၣ်တခီလၢစီၢ်နီၤခိၣ်အဂၤတဖျၢၣ် န့ၣ်လီၤ. ဒီးပှၤအဲၤကူပတူးဖိတဖၣ်အီၣ်စ့ၢ်ကီးတၢ်လၢစီၢ်နီၤခိၣ်အဂၤ တဖျၢၣ်, မ့ၢ်လၢအဝဲသ့ၣ်ဆိကမိၣ်ဝဲလၢတၢ်အီၣ်သကိးတၢ်ဒီးပှၤဧ့ၤဘြံၤ ဖိတဖၣ်န့ၣ်မၤဆံးလီၤစှၤလီၤအဝဲသ့ၣ်အသူးအသ့ၣ်အဃိလီၤ.

လံာ်လူၤကၣ် 14:10

မ့မ့ၢ်ဖဲတၢ်ကွဲနၤန့ၣ်, လဲၤဒီးဆ့ၣ်နီၤလၢတၢ်လီၢ်လၢအဖုၣ်ကတၢၢ်, ဒ်သိးဟံၣ်ကစၢ်လၢအကွဲနၤတဂၤန့ၣ်ကဟဲဆူနအိၣ်ဒီးစံးဝဲ, ‘တံၤသကိးဧၢ, ဟဲထီၣ်ဆ့ၣ်နီၤလၢတၢ်လီၢ်အဂ့ၤတက့ၢ်.’ တုၤနုၤတစုနကဒိးန့ၢ်တၢ်လၤတၢ်ကပီၤလၢပှၤသမှံၤအဂၤခဲလၢာ် အမဲာ်ညါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:21

စီၤစီလူးစံးဆၢဝဲဒၣ်, “ယဘၣ်ဃးဒီးစီၤဘံၣ်ယၤမံၣ်အဒူၣ် လၢအမ့ၢ်ပှၤအဒူၣ်အဆံးကတၢၢ်လၢကီၢ်အံၣ်စရ့လးအပူၤဒီးယဟံၣ်ဖိဃီဖိန့ၣ် မ့ၢ်ပှၤတၢ်အကါဒိၣ်အစှၤကတၢၢ်လၢဒူၣ်တဒူၣ်အပူၤလီၤ. ဘၣ်မနုၤအဃိနကတိၤတၢ်ဒီးယၤဒ်သိးအံၤန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 9:23

စီၤၡမူၤအ့လးစံးဘၣ်ပှၤဖီတၢ်အီၣ်တၢ်အီ, “ဟဲစိာ်တၢ်ဖံးတၢ်ညၣ်တလိၣ်လၢယဟ့ၣ်နၤဒ်သိးနကပာ်လီၤဆီ အီၤန့ၣ်တက့ၢ်.”