လံာ်စီၤၡမူၤအ့လးအခီၣ်ထံးတဘ့ၣ် 9:21 - Sgaw Karen Common Bible

²¹ စီၤစီလူးစံးဆၢဝဲဒၣ်, “ယဘၣ်ဃးဒီးစီၤဘံၣ်ယၤမံၣ်အဒူၣ် လၢအမ့ၢ်ပှၤအဒူၣ်အဆံးကတၢၢ်လၢကီၢ်အံၣ်စရ့လးအပူၤဒီးယဟံၣ်ဖိဃီဖိန့ၣ် မ့ၢ်ပှၤတၢ်အကါဒိၣ်အစှၤကတၢၢ်လၢဒူၣ်တဒူၣ်အပူၤလီၤ. ဘၣ်မနုၤအဃိနကတိၤတၢ်ဒီးယၤဒ်သိးအံၤန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 9:21 Iomraidhean Croise

စံးထီၣ်ပတြၢၤ 68:27

ဒူၣ်အဆံးကတၢၢ်, ဘံၣ်ယၤမံၣ်ဟဲလၢညါ, ဝံၤဒီးယူဒၤအခိၣ်အနၢ်တဖၣ်ဒီး အဝဲသ့ၣ်အကရူၢ်လၢ စဘူလိၣ်ဒီးနးသၤလံ အပှၤခိၣ်ပှၤနၢ်တဖၣ် ပိာ်ထွဲထီၣ်အခံန့ၣ်လီၤ.

စံးထီၣ်ပတြၢၤ 68:28

ကစၢ်ယွၤဧၢ, နဲၣ်ဖျါထီၣ်နစိနကမီၤ, နစိနကမီၤလၢနသူအီၤလၢပဂီၢ်,

လံာ်ဟိၤၡ့ 13:1

လၢအပူၤကွံာ်, ဖဲအ့ဖရဲၣ်အဒူၣ်ကတိၤတၢ်န့ၣ်, အံၣ်စရ့လးအဒူၣ်အဂၤတဖၣ်ပျံၤတၢ်ဖုးတၢ်လီၤ. အဝဲသ့ၣ်ကွၢ်ထီၣ်တၢ်ဆူအ့ဖရဲၣ်အအိၣ်လီၤ. ဘၣ်ဆၣ်ပှၤဂီၢ်မုၢ်မၤတ့ၢ်တၢ်ဒဲးဘးခီဖျိဘါထီၣ်ဘဧၤလး, ဒီးလၢတၢ်အံၤအဃိအဝဲသ့ၣ်ကသံဝဲဒၣ်လီၤ.

လံာ်လူၤကၣ် 14:11

အဂ့ၢ်ဒ်အံၤပှၤတဂၤလၢ်လၢ်လၢအပာ်ထီၣ်ထီအသးန့ၣ်ကဘၣ် တၢ်ဆီၣ်လီၤအီၤ, ဒီးပှၤတဂၤလၢ်လၢ်လၢအဆီၣ်လီၤအသးန့ၣ် ကဘၣ်တၢ်ပာ်ထီၣ်ထီအီၤလီၤ.”

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

လံာ်စီၤၡမူၤအ့လးအခီၣ်ထံးတဘ့ၣ် 10:27

ဘၣ်ဆၣ်ဒီးပှၤကလီကလီတနီၤစံးဝဲဒၣ်, ပှၤတဂၤအံၤမၤတၢ်ဂ့ၤလၢ ပဂီၢ်တမံၤမံၤကသ့ဝဲမနုၤလဲၣ်. အဝဲသ့ၣ်တကနၣ်ဃုာ်စီၤစီလူးဒီးတဟဲစိာ်န့ၢ်အီၤလၢ တၢ်ဟ့ၣ်ကနၢၤနီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 14:51

စီၤစီလူးအပၢ်စီၤကံၣ်ဒီးစီၤအဘံန့ၢ်အပၢ်စီၤန့ၢ်တဖၣ်န့ၣ် မ့ၢ်စီၤအဘံၤအ့လးအဖိခွါတဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:17

စီၤၡမူအ့လးစံးဆၢဝဲ, “နမ့ၢ်ဆိကမိၣ်လီၤနသးလၢနတမ့ၢ်တၢ် အကါဒိးနီတမံၤဒၣ်လဲာ်န့ၣ်, နမ့ၢ်ပှၤအံၣ်စရ့လးဖိအဒူၣ်တဖၣ်အခိၣ်လီၤ. ယွၤဖှူနၤဒ်ကီၢ်အံၣ်စရ့လးအစီၤပၤတဂၤအသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:18

စီၤဒၤဝံးစံးဆၢဝဲဒၣ်, “ယမ့ၢ်မတၤတဂၤဒီးယဟံၣ်ဖိဃီဖိ မ့ၢ်မတၤလၢယကဘၣ်ကဲထီၣ်စီၤပၤအမာ်တဂၤန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 18:23

မၤသးဒ်န့ၣ်ဒီး, အဝဲသ့ၣ်တဲဘၣ်စီၤဒၤဝံးလၢတၢ်ဂ့ၢ်အံၤဒီးအဝဲ စံးဆၢဝဲဒၣ်, “တၢ်ကဲထီၣ်ဘၣ်စီၤပၤအမာ်န့ၣ်မ့ၢ်တၢ်လၤကပီၤ ဖးဒိၣ်တမံၤ, မ့ၢ်တၢ်ဒိၣ်ကဲာ်ဆိးလၢပှၤဒ်သိးယၤတဂၤလၢအဖှီၣ်ဒီးတလီၤပာ် ဒိၣ်ပာ်ကဲဘၣ်အဂီၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 9:22

အန့ၣ်ဝံၤဒီး, စီၤၡမူၤအ့လးဆှၢစီၤစီလူးဒီးအကုၢ်ဆူဒၢးတဒၢးဖးဒိၣ်အပူၤဒီး ဟ့ၣ်အီၤတၢ်လီၢ်တတီၤလၢစီၢ်နီၤခိၣ်အခိၣ်ထိး ဖဲပှၤသမှံၤကအိၣ်ဝဲခဲလၢာ်အဂၤသၢဆံဃၣ်ဃၣ်ဆ့ၣ်နီၤဝဲအလီၢ်န့ၣ်လီၤ.