လံာ်စီၤၡမူၤအ့လးအခီၣ်ထံးတဘ့ၣ် 9:20 - Sgaw Karen Common Bible

²⁰ မ့မ့ၢ်လၢကသ့ၣ်ယီၤတဖၣ်လၢအဟါမၢ်တ့ၢ်ဝဲလၢအပူၤကွံာ်သၢသီ အဂီၢ်န့ၣ်, ဘၣ်ကိၢ်ဘၣ်ဂီၤလၢအဂ့ၢ်တဂ့ၤ. အဝဲသ့ၣ်ဘၣ်တၢ်ထံၣ်န့ၢ်က့ၤအီၤလံ. ဘၣ်ဆၣ်ဒီးပှၤတဂၤလၢကီၢ်အံၣ်စရ့လးအပှၤဂီၢ်မုၢ်လိၣ်ဘၣ်အီၤ အါအါကလဲာ်န့ၣ်မ့ၢ်မတၤလဲၣ်. အဝဲန့ၣ်မ့ၢ်နၤ, နၤဒီးနပၢ်အပှၤဟံၣ်ဖိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 9:20 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:3

ဒိၣ်န့ၢ်အါန့ၢ်ကယဲၢ်တၢ်အံၤခဲလၢာ်လၢယမၤတ့ၢ်န့ၣ်, ယဟ့ၣ်လီၤစ့ၢ်ကီး, စ့ဒီးထူလၢယကစၢ်ဒၣ်ယဲအတၢ်စုလီၢ်ခီၣ်ခိၣ် အကျါ, မ့ၢ်လၢယတၢ်အဲၣ်အိၣ်ဝဲလၢကစၢ်ယွၤအတၢ်လုၢ်ဟံၣ်အဂီၢ်အဃိန့ၣ် လီၤ.

စံးထီၣ်ပတြၢၤ 62:10

သန့ၤသုသးလၢတၢ်မၤအၢတၢ်တဂ့ၤ. မုၢ်လၢ်ဒိးန့ၢ်တၢ်တမံၤမံၤလၢတၢ်မၤန့ၢ်ဆူၣ်ပှၤဂၤ အတၢ်န့ၣ်တဂ့ၤ. သုတၢ်စုလီၢ်ခီၣ်ခိၣ်န့ၣ်မ့ၢ်အါထီၣ်ဒၣ်လဲာ် ပာ်သုသးလၢအီၤန့ၣ်တဂ့ၤ.

ကလီးစဲ 3:2

သးစၢၢ်ဆၢလၢတၢ်ဘၣ်ဃးဒီးမူခိၣ်, ဒီးတဘၣ်သးစၢၢ်ဆၢလၢတၢ်ဘၣ်ဃးဒီးဟီၣ်ခိၣ်တဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 10:16

စီၤစီလူးစံးဆၢဝဲ, “အဝဲတဲပှၤလၢဆၣ်ဖိကီၢ်ဖိတဖၣ်န့ၣ် ဘၣ်တၢ်ထံၣ်က့ၤအီၤလံန့ၣ်လီၤ.” ဘၣ်ဆၣ်ဒီးအဝဲတတဲဘၣ်အဖါတံၢ်လၢစီၤၡမူၤအ့လးတဲ တၢ်ဘၣ်ဃးအဝဲကကဲထီၣ်စီၤပၤအဂ့ၢ်န့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 12:13

ခဲအံၤ, အဝဲအံၤမ့ၢ်စီၤပၤလၢသုဃုထၢအီၤ, သုဃ့န့ၢ်အီၤ, ဒီးခဲအံၤယွၤဟ့ၣ်လီၤအီၤဆူသုအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:15

ဘၣ်ဆၣ်ဒီးသုမ့ၢ်တဒိကနၣ်ယွၤဒီး, သုမ့ၢ်တစူၢ်ဘၣ်အတၢ်မၤလိာ် တဖၣ်န့ၣ်အဝဲကထီဒါသုဒီးသုစီၤပၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:20

ဘူးလၢအကသံန့ၣ်ပိာ်မုၣ်လၢအမၤစၢၤအီၤန့ၣ်စံးဘၣ်အီၤ, “အိၣ်ဒီးတၢ်သးဒူတက့ၢ်. နမၤန့ၢ်ဖိခွါတဂၤလီၤ.” ဘၣ်ဆၣ်ဒီးတကနာ်ဃုာ်ဝဲဘၣ်ဒီးတစံးဆၢအီၤတၢ်နီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 8:19

ပှၤဂီၢ်မုၢ်တကနၣ်ဃုာ်စီၤၡမူၤအ့လးနီတစဲးဘၣ်. မ့မ့ၢ်အဝဲသ့ၣ်စံးဝဲ, “အတွးတအိၣ်ဘၣ်. ပသးလီစီၤပၤတဂၤ,

လံာ်စီၤၡမူၤအ့လးအခီၣ်ထံးတဘ့ၣ် 8:5

ဒီးစံးဘၣ်အီၤ, “ကွၢ်ကွၢ်, နသးပှၢ်ထီၣ်လံ. ဒီးနဖိခွါတဖၣ်န့ၣ်တမၤထွဲနဒိနတဲာ်ဘၣ်. လၢတၢ်န့ၣ်အဃိခဲအံၤန့ၣ်, ဃုထၢပာ်လီၤန့ၢ်ပှၤစီၤပၤတဂၤလၢ ကပၢတၢ်လၢပဖီခိၣ်, ဒ်သိးပကအိၣ်ဒီးစီၤပၤတဂၤဒ်ထံကီၢ်အဂၤတဖၣ်အသိးန့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 9:19

စီၤၡမူၤအ့လးစံးဆၢအီၤ, “ယမ့ၢ်ပှၤထံၣ်တၢ်န့ၣ်လီၤ. လဲၤဆိပာ်လၢယမဲာ်ညါဆူတၢ်ဘူၣ်တၢ်ဘါအလီၢ်တက့ၢ်. သုဝဲခံဂၤလိာ်သုကဘၣ်အိၣ်ဒီးယၤလၢတနံၤညါအံၤန့ၣ်လီၤ. ခဲမုၢ်ဆ့ၣ်ဂီၤခီန့ၣ်ယကစံးဆၢကယဲၢ်သုတၢ်သံကွၢ်တဖၣ်ဒီးဆှၢ သုဆူသုကျဲအဖီခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:3

စီၤကံၣ်အကသ့ၣ်ယီၤတနီၤဟးဖျိးကျဲအဃိအဝဲစံးဘၣ်စီၤစီလူး, “ကိးန့ၣ်ကုၢ်တဖၣ်အကျါတဂၤဃုာ်ဒီးနၤဒီးလဲၤဃုထံၣ်က့ၤ ကသ့ၣ်ယီၤတဖၣ်တက့ၢ်.”