လံာ်စီၤၡမူၤအ့လးအခီၣ်ထံးတဘ့ၣ် 9:16 - Sgaw Karen Common Bible

¹⁶ “ခဲမုၢ်ဆ့ၣ်လၢအဆၢကတီၢ်ဒ်အံၤန့ၣ်, ယကဆှၢလီၤပှၤတဂၤလၢစီၤ ဘံၣ်ယၤမံၣ်အဒူၣ်ဆူနအိၣ်လီၤ. ဖှူအီၤဒ်ယပှၤဂီၢ်မုၢ်အံၣ်စရ့လးအပှၤပၢတၢ်တက့ၢ်. ဒီးအဝဲဒၣ်ကအုၣ်က့ၤခီၣ်က့ၤအဝဲသ့ၣ်လၢပှၤဖလ့ၡသးဖိတဖၣ်အစု ပူၤလီၤ. ယထံၣ်ဘၣ်တ့ၢ်ယပှၤဂီၢ်မုၢ်အတၢ်နးတၢ်ဖှီၣ်ဒီးနၢ်ဟူ တ့ၢ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 9:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:18

ခဲကနံၣ်အံၤမ့ၢ်တၢ်အခွဲးအယာ်လၢသုဂီၢ်လီၤ. သ့ၣ်နီၣ်ထီၣ်လၢယွၤစံးတ့ၢ်ဝဲ, “ယကသူယခ့ယပှၤစီၤဒၤဝံးဒ် သိးကအုၣ်က့ၤခီၣ်က့ၤယပှၤဂီၢ်မုၢ်အံၣ်စရ့လးလၢပှၤဖလ့ ၡသးဖိတဖၣ်အစုပူၤဒီးလၢကယဲၢ်အဒုၣ်အဒါအဂၤခဲလၢာ်အစုပူၤလီၤ.”

လံာ်စီၤပၤခံဘ့ၣ်တဘ့ၣ် 20:5

ကက့ၤကဒါက့ၤဆူယွၤအပှၤဂီၢ်မုၢ်အပှၤပၢတၢ်စီၤဃံးစကံယၤ အအိၣ်ဒီးစံးဘၣ်အီၤ, “ယၤ, ကစၢ်, နပၢ်ဖးဒိၣ်လၢပျၢၤစီၤဒၤဝံးကစၢ်အယွၤ, နၢ်ဟူလံနတၢ်ထုကဖၣ်ဒီးထံၣ်လံ နမဲာ်ထံတဖၣ်လံ. ယကမၤဘျါက့ၤနၤဒီး, ဒီးလၢသၢသီ အတီၢ်ပူၤန့ၣ်နကလဲၤဆူယွၤအတၢ်လုၢ်ဟံၣ်န့ၣ်လီၤ.

စံးထီၣ်ပတြၢၤ 102:1

ယွၤဧၢ, ဒိကနၣ်ယတၢ်ထုကဖၣ်, ဒီးမ်ယတၢ်ကိးထီၣ်လၢတၢ်မၤစၢၤအဂီၢ် ဟဲထီၣ်ဆူနအိၣ်တက့ၢ်.

စံးထီၣ်ပတြၢၤ 106:44

အန့ၣ်ဒၣ်လဲာ်, ဖဲအဝဲသ့ၣ်ကိးထီၣ်န့ၣ် ယွၤနၢ်ဟူအဝဲသ့ၣ်ဒီး အဝဲပာ်သူၣ်ပာ်သးလၢ အဝဲသ့ၣ်အတၢ်ကိၢ်တၢ်ဂီၤန့ၣ်လီၤ.

စံးထီၣ်ပတြၢၤ 25:18

ကွၢ်ဆိကမိၣ်ယတၢ်ကီတၢ်ခဲဒီးယတၢ်နးတၢ်ဖှီၣ် ဒီးပျၢ်လၢ်ဘၣ်ယတၢ်ဒဲးဘးခဲလၢာ်န့ၣ်တက့ၢ်.

တၢ်ကတိၤဒိ. 16:9

နမၤနတၢ်ကူၣ်တၢ်ကျဲၤဒၣ်နဲသ့လီၤ. ဘၣ်ဆၣ်ဒီးယွၤနဲၣ်နတၢ်ဖံး တၢ်မၤတဖၣ်လီၤ.

လံာ်ယံးရမံယၤ 32:8

အန့ၣ်ဝံၤဒီး, ဒ်ယွၤစံးတ့ၢ်ဝဲအသိး, စီၤဃနၤန့လးဟဲဆူ ယအိၣ်ဖဲ ဃိာ်အဂၢၤပူၤဒီး မၢယပှ့ၤစံာ်ပျီန့ၣ်လီၤ. သတးဒီးယသ့ၣ်ညါ ယဲလၢယွၤကတိၤတ့ၢ်လံ တၢ်ဒီးယၤနီၢ်နီၢ်လံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:1

တုၤနုၤတစုစီၤၡမူၤအ့လးဟံးန့ၢ်သ့ၣ်စၤယံးအသိတကိဒီးလူ လီၤအီၤလၢစီၤစီလူးအခိၣ်လိၤဒီးနၢမူအီၤလီၤ. ဒီးစံးဝဲဒၣ်, “ယွၤဖှူနၤဒ်အပှၤဂီၢ်မုၢ်ကီၢ်အံၣ်စရ့လးအပှၤပၢတၢ်တဂၤ အသိးန့ၣ်လီၤ. နကဘၣ်ပၢအဝဲအပှၤဂီၢ်မုၢ်ဒီးဒီဒၣ်အိၣ်ပှိၤအီၤလၢ ကယဲၢ်အဒုၣ်အဒါတဖၣ်ခဲလၢာ်လီၤ. ဒီးအဝဲအံၤမ့ၢ်တၢ်အုၣ်အသးတမံၤလၢယွၤဃုထၢတ့ၢ်နၤ, လၢနကကဲထီၣ်ပှၤပၢဘၣ်အပှၤဂီၢ်မုၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:20

အန့ၣ်တစုစီၤစီလူးဒီးအပှၤတဖၣ်လဲၤထီၣ်ဆူတၢ်ဒုးဒီးထီဒါ ပှၤဖလ့ၡသးဖိတဖၣ်လၢအဒုးလိာ်ယၤလိာ်အသးလၢတၢ်သဘံၣ်ဘုၣ်နး နးကလဲာ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:23

အဝဲသ့ၣ်ဒုးတၢ်ကျဲဒီဘိဖျိကွံာ်ဝ့ၢ်ဘ့ၤသအၤဝ့ၣ်လီၤ. ယွၤအုၣ်က့ၤခီၣ်က့ၤကီၢ်အံၣ်စရ့လးလၢမုၢ်နံၤအဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:1

စီၤၡမူၤအ့လးစံးဘၣ်စီၤစီလူး, “ယမ့ၢ်ပှၤတဂၤလၢယွၤဆှၢ လီၤအီၤဒ်သိးကဖှူနၤဒ်စီၤပၤတဂၤလၢအပှၤဂီၢ်မုၢ်ပှၤအံၣ်စရ့ လးဖိအဂီၢ်လီၤ. ခဲအံၤကနၣ်တၢ်လၢသ့တၢ်လၢာ်ယွၤစံးဝဲန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:3

ကွဲမုာ်စီၤယံးၡဲဆူတၢ်လုၢ်တၢ်ပာ်န့ၣ်ဒီးယကတဲနၤတၢ်လၢ နကဘၣ်မၤနဲလီၤ. ပှၤတဂၤလၢယကတဲနၤန့ၣ်နကဘၣ်ဖှူအီၤဒ်စီၤပၤတဂၤအသိးလီၤ.”