လံာ်စီၤၡမူၤအ့လးအခီၣ်ထံးတဘ့ၣ် 9:13 - Sgaw Karen Common Bible

¹³ သုမ့ၢ်လဲၤနုာ်ဆူဝ့ၢ်ပူၤတဘျီဃီဒီးသုကထံၣ်အီၤလီၤ. အဝဲဟဲတုၤလၢဝ့ၢ်ပူၤတနံၤအံၤန့ၣ်လီၤ. အဂ့ၢ်ဒ်အံၤပှၤဂီၢ်မုၢ်ကလုၢ်ထီၣ်တၢ်လုၢ်တၢ်ပာ်တမံၤလၢတၢ်လုၢ် လီၢ်အဖီခိၣ်လၢအအိၣ်လၢတၢ်လူၢ်ဒီခိၣ်န့ၣ်လီၤ. တချုးဒံးလၢအဝဲဟဲတုၤဒံးဖဲန့ၣ်ဘၣ်ဒီးပှၤဂီၢ်မုၢ်လၢတၢ် ကွဲမုာ်အီၤတဖၣ်တစးထီၣ်အီၣ်တၢ်ဘၣ်. မ့ၢ်လၢအဝဲကဘၣ်ဆိၣ်ဂ့ၤတၢ်လုၢ်တၢ်ပာ်လၢအဆိအဃိန့ၣ်လီၤ. သုမ့ၢ်လဲၤခဲအံၤဒီးသုကထံၣ်အီၤတချုးဒံးဘၣ်လၢ အဝဲလဲၤထီၣ်ဆူကစၢၢ်ဒီခိၣ်ဒ်သိးကအီၣ်တၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 9:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:11

ပှၤအိၣ်ဝဲဒၣ်အဂၤခံကယၤ, လၢဒ်စီၤအးဘၡါလိၣ်ကွဲမုာ်အီၤအသိးန့ၣ်, ဟးထီၣ်လၢဝ့ၢ်ယရူၤၡလ့ၣ်ဒီးအီၤန့ၣ်လီၤ. အဝဲသ့ၣ်တသ့ၣ်ညါတၢ်ကူၣ်ကျဲၤအအၢအဂ့ၢ်နီတမံၤဘၣ်ဒီး လဲၤဝဲလၢတၢ်သးလိၤသးဘျၢအပူၤန့ၣ်လီၤ.

လံာ်မးသဲ 14:19

ဒီးမၢပှၤဂီၢ်မုၢ်တဖၣ်ဆ့ၣ်နီၤလၢတပံၢ်အဖီခိၣ်လီၤ. အဝဲဟံးထီၣ်ကိၣ်ယဲၢ်ဖျၢၣ်ဒီးညၣ်ခံဘ့ၣ်, ဝံၤကွၢ်ထီၣ်တၢ်ဆူမူခိၣ်, ဒီးစံးထီၣ်ပတြၢၤယွၤလီၤ. အဝဲစိၢ်ဘျဲးဝဲကိၣ်တဖၣ်, ဒီးဟ့ၣ်လီၤဝဲအပျဲၢ်အဘီၣ်ဒီးအပျဲၢ်အဘီၣ်တဖၣ်ဟ့ၣ်ပှၤဂီၢ်မုၢ် တဖၣ်လီၤ.

လံာ်မးသဲ 26:26

ဖဲအဝဲသ့ၣ်အီၣ်တၢ်အဖၢမုၢ်န့ၣ်, ယ့ၣ်ၡူးဟံးန့ၢ်ကိၣ်, စံးထီၣ်ပတြၢၤယွၤအဘျုး, ဒီးစိၢ်ဘျဲးဝဲ, ဒီးဟ့ၣ်လီၤဝဲအပျဲၢ်အဘီၣ်တဖၣ်ဒီးစံး, “ဟံးန့ၢ်ဒီးအီၣ်တက့ၢ်. တၢ်အံၤမ့ၢ်ယနီၢ်ခိလီၤ.”

လံာ်မၢ်ကူး 6:41

အန့ၣ်ဝံၤယ့ၣ်ၡူးဟံးထီၣ်ကိၣ်ယဲၢ်ဖျၢၣ်ဒီးညၣ်ခံဘ့ၣ်န့ၣ်, ကွၢ်ထီၣ်တၢ်ဆူမူခိၣ်ဒီးစံးထီၣ်ပတြၢၤကစၢ်ယွၤအဘျုး အဖှိၣ်လီၤ. အဝဲဒၣ်စိၢ်ဘျဲးကိၣ်ဝံၤဟ့ၣ်လီၤဝဲအပျဲၢ်အဘီၣ်တဖၣ် လၢအကဟ့ၣ်နီၤလီၤပှၤဂီၢ်မုၢ်တဖၣ်အဂီၢ်လီၤ. ဟ့ၣ်နီၤလီၤစ့ၢ်ကီးဝဲညၣ်ခံဘ့ၣ်န့ၣ်လၢပှၤခဲလၢာ်အဂီၢ်လီၤ.

လံာ်လူၤကၣ် 24:30

အဝဲဒၣ်ဆ့ၣ်နီၤလၢစီၢ်နီၤခိၣ်တပူၤဃီဒီးအဝဲသ့ၣ်, ဟံးန့ၢ်ကိၣ်ဒီးဆိၣ်ဂ့ၤတၢ်အီၣ်လီၤ. အန့ၣ်ဝံၤဒီး, အဝဲဒၣ်စိၢ်ဘျဲးကိၣ်ဒီးဟ့ၣ်လီၤအဝဲသ့ၣ်လီၤ.

လံာ်လူၤကၣ် 9:16

ယ့ၣ်ၡူးဟံးန့ၢ်ကိၣ်ယဲၢ်ဖျၢၣ်ဒီးညၣ်ခံဘ့ၣ်န့ၣ်, ဒီးကွၢ်ထီၣ်တၢ်ဆူမူခိၣ်, စံးဘျုးကစၢ်ယွၤလၢအဃိ, စိၢ်ဘျဲးအီၤဒီးဟ့ၣ်လီၤအီၤလၢအပျဲၢ်အဘီၣ် တဖၣ်, ဒ်သိးအကဟ့ၣ်နီၤလီၤဝဲဆူပှၤဂီၢ်မုၢ်တဖၣ်အအိၣ်အဂီၢ်န့ၣ်လီၤ.

လံာ်ယိၤဟၣ် 6:11

ယ့ၣ်ၡူးဟံးန့ၢ်ကိၣ်, စံးထီၣ်ပတြၢၤကစၢ်ယွၤအဘျုးအဖှိၣ်ဝံၤဒီး ဟ့ၣ်နီၤလီၤဝဲပှၤလၢအဆ့ၣ်နီၤဖဲန့ၣ်တဖၣ်လီၤ. ဟံးန့ၢ်စ့ၢ်ကီးညၣ်ဒီးမၤဝဲဒ်န့ၣ်အသိး, ဒီးပှၤခဲလၢာ်အီၣ်ဘၣ်ဝဲ လၢအီၣ်လၢအီန့ၣ်လီၤ.

လံာ်ယိၤဟၣ် 6:23

ချံအဂၤတဖၣ်ဟဲလၢဝ့ၢ်တံၤဘ့ၤရံဒီးဟဲတိၢ်ထီၣ်အသးဘူး ဒီးတၢ်လီၢ်ဖဲယ့ၣ်ၡူးစံးဘျုးယွၤဝံၤအလီၢ်ခံပှၤဂီၢ်မုၢ်အီၣ် တ့ၢ်ကိၣ်န့ၣ်လီၤ.

1 ကရံၣ်သူး 10:30

ယမ့ၢ်စံးဘျုးကစၢ်ယွၤလၢယတၢ်အီၣ်အဃိဒီး, ဘၣ်မနုၤအဃိပှၤတဂၤဂၤကဘၣ်ပာ်တၢ်ကမၣ်လၢယလိၤ ဘၣ်ဃးဒီးတၢ်အီၣ်လၢယဟ့ၣ်တၢ်စံးဘျုးစံးဖှိၣ်လၢ အဃိန့ၣ်လဲၣ်.”

၁ တံၤမသ့း 4:4

တၢ်ကိးမံၤဒဲးလၢကစၢ်ယွၤတ့လီၤပာ်လီၤန့ၣ်ဂ့ၤဝဲဒၣ်လီၤ. တၢ်တဂ့ၤညိကွံာ်အီၤနီတမံၤဘၣ်. တၢ်ကိးမံၤဒဲးန့ၣ်ကြၢးဘၣ်တၢ်တူၢ်လိာ်အီၤလၢတၢ် စံးထီၣ်ပတြၢၤတၢ်အဘျုးအဖှိၣ်အပူၤ,

လံာ်စီၤၡမူၤအ့လးအခီၣ်ထံးတဘ့ၣ် 2:35

ယကဃုထၢထီၣ်ပှၤလုၢ်တၢ်အခိၣ်တဂၤလၢအသူၣ်ကတီသးကလိၤဒီးယၤ ဒီးမၤကယဲၢ်တၢ်ကိးမံၤလၢယအဲၣ်ဒိးအကမၤဝဲဒၣ်န့ၣ်လီၤ. ယကဟ့ၣ်အီၤလၢအစၢၤအသွဲၣ်တဖၣ်လၢအကမၤတၢ်လၢ စီၤပၤလၢယဃုထၢထီၣ်အီၤအမဲာ်ညါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:14

မၤသးဒ်န့ၣ်ဒီး, စီၤစီလူးဒီးအကုၢ်န့ၣ်လဲၤဆူညါဆူဝ့ၢ်ပူၤ န့ၣ်လီၤ. ဒီးဖဲအဝဲသ့ၣ်လဲၤနုာ်ဝဲန့ၣ်, အဝဲသ့ၣ်ထံၣ်စီၤၡမူၤအ့လးဟဲ ထီၣ်လိၤလိၤဆူအဝဲသ့ၣ်အအိၣ်လၢအတၢ်လဲၤကျဲ, ဆူတၢ်ဘူၣ်ထီၣ်ဘါထီၣ်အလီၢ်န့ၣ်လီၤ.