လံာ်စီၤၡမူၤအ့လးအခီၣ်ထံးတဘ့ၣ် 9:11 - Sgaw Karen Common Bible

¹¹ အဝဲသ့ၣ်သံကွၢ်ပိာ်မုၣ်ဖိတဖၣ်န့ၣ်, “မ့ၢ်ပှၤထံၣ်တၢ်တဂၤန့ၣ်အိၣ်လၢဝ့ၢ်ပူၤဧါ.” (အကတီၢ်ဖဲန့ၣ်တၢ်လၢဝံတဂၤန့ၣ်ဘၣ်တၢ်ကိးအီၤလၢပှၤထံၣ်တၢ်, ဒီးလၢတၢ်န့ၣ်အဃိဖဲပှၤတဂၤဂၤသးအိၣ်သံကွၢ်ကစၢ်ယွၤတၢ်သံ ကွၢ်တထံၣ်ဒီးအဝဲကစံးဝဲ, “မ်ပလဲၤဆူပှၤထံၣ်တၢ်အအိၣ်တက့ၢ်.” န့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 9:11 Iomraidhean Croise

လံာ်တၢ်ကဲထီၣ်အခီၣ်ထံး 24:11

ဒီးဖဲအလဲၤတုၤဝဲအခါန့ၣ်, အဝဲဒုးကိာ်လီၤကီၤလၤအူးတဖၣ် ဖဲ ထံပူၤအိၣ်လၢဝ့ၢ်အချၢန့ၣ်လီၤ. တၢ်အကတီၢ်အံၤန့ၣ်မ့ၢ်ဝဲ ဘူးမုၢ်ကဟါလီၤအကတီၢ်ဖဲပှၤပိာ်မုၣ်သ့ၣ်တဖၣ်ဟဲထီၣ်ဒ်သိး ကဒၢၣ်ထံန့ၣ်လီၤ.

လံာ်တၢ်ကဲထီၣ်အခီၣ်ထံး 24:15

တချုးလၢအဘါထုကဖၣ်တၢ်ဝံၤဒံးဘၣ်န့ၣ်နီၢ်ရံးဘကၤဟဲ တုၤလၢထံပူၤဃုာ်ဒီးအသပၢၤထံလၢအဖံဘၣ်ခိၣ်လီၤ. နီၢ်ရံးဘကၤမ့ၢ်စီၤဘသူၤအ့လးအဖိမုၣ်န့ၣ်လီၤ. ဒီးစီၤဘသူၤအ့လးမ့ၢ်ဝဲစီၤအၤဘြၤဟၣ်အဒီပုၢ်ဝဲၢ်ခွါစီၤ နၤဃိၢ်ဒီးနီၢ်မံးလကၤအဖိခွါန့ၣ်လီၤ.

လံာ်တၢ်ကဲထီၣ်အခီၣ်ထံး 29:8

ဒီးအဝဲသ့ၣ်စံးဆၢဝဲ, “တချုးလၢကယဲၢ်သိအဖုအဂီၢ်တဖၣ်ဟဲတုၤဖှိၣ် ဖဲအံၤဒီးတချုးပှၤတလ့ၣ်ကွံာ်လၢၢ်လၢထံပူၤအခိၣ်ထိး ဘၣ်န့ၣ်ပမၤတသ့ဘၣ်. သိအဖုအဂီၢ်မ့ၢ်ဟဲတုၤဖှိၣ်ဒီး, ပကဒုးအီအဝဲသ့ၣ်လၢထံလီၤ.”

လံာ်တၢ်ကဲထီၣ်အခီၣ်ထံး 29:9

ဖဲစီၤယၤကိာ်ကတိၤဒံးတၢ်ဒီးအဝဲသ့ၣ်အဖၢမုၢ်န့ၣ်နီၢ်ရၤဃ့လး ဟဲတုၤဒီးအသိအဖုအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 2:16

ကီၢ်မံးဒယၣ်အပှၤလုၢ်တၢ်အခိၣ်အဖိမုၣ်နွံဂၤဟဲဝဲဒ်သိးကဒၢၣ် ထံဒီးမၤပှဲၤထံကျိးတဖၣ်လၢအပၢ်အသိဒီးမဲာ်တဲးလဲးတဖၣ် အဂီၢ်န့ၣ်လီၤ.

တၢ်ကတိၤဒိ. 24:15

လီၤဂာ်ဒီးပှၤတတီတလိၤလၢအကူၣ်ထီၣ်တၢ်လၢကဂုာ်န့ၢ်ပှၤတီ ပှၤလိၤအတၢ်, မ့တမ့ၢ်, ကဟံးန့ၢ်ကွံာ်အဟံၣ်န့ၣ်တဂ့ၤ.

လံာ်ပှၤစံၣ်ညီၣ်ကွီၢ် 5:11

ဒိကနၣ်တက့ၢ်. ပှၤဂီၢ်မုၢ်လၢအသီၣ်အသဲဝးတရံးထံပူၤတဖၣ်န့ၣ် စံၣ်ဃဲၤတဲဃဲၤယွၤအတၢ်မၤနၢၤတဖၣ်, အံၣ်စရ့လးအပှၤဂီၢ်မုၢ်အတၢ်မၤနၢၤတဖၣ်န့ၣ်လီၤ. အန့ၣ်ဝံၤဒီးယွၤအပှၤဂီၢ်မုၢ်ဟးထီၣ်ဝဲလၢအဝ့ၢ်တဖၣ်ဒီးလဲၤတၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:10

ဖဲအဝဲသ့ၣ်လဲၤထီၣ်ဆူဝ့ၢ်လၢအအိၣ်လၢတၢ်လူၢ်ခိၣ်န့ၣ်, အဝဲသ့ၣ်ထံၣ်ဘၣ်ပိာ်မုၣ်ဖိတနီၤလၢအဟဲထီၣ်ဒ်သိးအကဒၢၣ်ထံ အဂီၢ်လီၤ.