လံာ်စီၤၡမူၤအ့လးအခီၣ်ထံးတဘ့ၣ် 8:9 - Sgaw Karen Common Bible

⁹ မၤသးဒ်န့ၣ်ဒီးခဲအံၤ, ဒိကနၣ်အဝဲသ့ၣ်တက့ၢ်. ဘၣ်ဆၣ်ဒီးဟ့ၣ်ပလီၢ်ပဒီအဝဲသ့ၣ်အသးဃံးဃံးဒီး တဲနၢ်ပၢၢ်အဝဲသ့ၣ်လၢအစီၤပၤတဖၣ်ကမၤအီၤဒ်လဲၣ်အဂ့ၢ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 8:9 Iomraidhean Croise

လံာ်ယံးရမံယၤ 11:7

ဖဲယဒုးဟးထီၣ်ကွံာ်အဝဲသ့ၣ်အမိၢ်ပၢ်ဖံဖု လၢပျၢၤတဖၣ်လၢကီၢ်အဲၤကူပတူးအပူၤအခါန့ၣ်, ယဟ့ၣ်ပလီၢ်အဝဲသ့ၣ်လၢတၢ်သမှံၤသပှၢ်အပူၤလၢကစူၢ်ယၤအဂီၢ်, ဒီးတုၤလီၤလၢမုၢ်မဆါတနံၤအံၤဒၣ်လဲာ်န့ၣ် ယဟ့ၣ်ပလီၢ်ဒံးဒၣ်ပှၤဂီၢ်မုၢ်အဖၢမုၢ်န့ၣ်လီၤ.

လံာ်ယဃ့းစက့လး 3:18

ယမ့ၢ်စံးလၢ ပှၤအအၢအသီတဂၤန့ၣ် ကသံဝဲလီၤ, ဘၣ်ဆၣ်ဒီး နမ့ၢ် တဟ့ၣ်ပလီၢ်အီၤလၢ ကလဲလိာ်အကျဲတဖၣ် ဒ်သိးအဝဲကအုၣ်က့ၤ ခီၣ်က့ၤအသးသမူဘၣ်န့ၣ်, အဝဲကသံဝဲဒ် အမ့ၢ်ဒံးဒၣ်ပှၤတၢ်ဒဲးဘးဖိ တဂၤအသိးန့ၣ်လီၤ. ဘၣ်ဆၣ်ဒီး, ယကဟံးဃာ်နၤဒ် ပှၤအိၣ်မူအိၣ်ဒါလၢ အဝဲအတၢ်သံအဂီၢ်န့ၣ်လီၤ.

လံာ်ယဃ့းစက့လး 46:18

စီၤပၤဖိခွါလၢအပၢတၢ်တဘၣ်ဟံးန့ၢ်ကွံာ်အပှၤဂီၢ်မုၢ်အတၢ် စုလီၢ်ခီၣ်ခိၣ်တမံၤမံၤလၢအဝဲသ့ၣ်အအိၣ်ဘၣ်. တၢ်လီၢ်တၢ်ကျဲ တတီၤတီၤလၢအဘၣ်ဟ့ၣ်လီၤအဖိခွါတဖၣ်န့ၣ်ကဘၣ်မ့ၢ်တၢ်လီၢ် လၢတၢ်ဟ့ၣ်နီၤတ့ၢ်ဃာ်ပာ်အီၤအကျါ, ဒ်သိးအဝဲသုတမၤနး ယပှၤဂီၢ်မုၢ်နီတဂၤခီဖျိတၢ်ဟံးန့ၢ်ကွံာ်အဝဲသ့ၣ်အတၢ်လီၢ်တၢ်ကျဲ တဂ့ၤအဂီၢ်န့ၣ်လီၤ.’

လံာ်စီၤၡမူၤအ့လးအခီၣ်ထံးတဘ့ၣ် 10:25

စီၤၡမူၤအ့လးတဲနၢ်ပၢၢ်ပှၤဂီၢ်မုၢ်လၢ စီၤပၤတဂၤအခွဲးအယာ်တဖၣ်ဒီးအမူအဒါတဖၣ်, ဝံၤဒီးကွဲးလီၤအီၤလၢလံာ်တဘ့ၣ်အပူၤ, လံာ်လၢအဘၣ်တၢ်ပာ်အီၤလၢတၢ်လီၢ်စီဆှံတတီၤန့ၣ်လီၤ. အန့ၣ်ဝံၤဒီးအဝဲမၢပှၤကိးဂၤဒဲးက့ၤဆူအဟံၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:1

ဒီးစီၤၡမူၤအ့လးစံးဘၣ်ကီၢ်အံၣ်စရ့လးအပှၤဂီၢ်မုၢ်, “တၢ်လၢသုဃ့တ့ၢ်လၢယကမၤအီၤန့ၣ်ယမၤဝံၤလံ. ယဟ့ၣ်သုလၢစီၤပၤတဂၤလၢအကပၢသုလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:52

စီၤစီလူးဘၣ်ဒုးတၢ်ထီဒါပှၤဖလ့ၡသးဖိတဖၣ်ဆူၣ်ဆူၣ်ကလဲာ်လၢ အသးသမူတစိၤန့ၣ်လီၤ. မၤသးဒ်န့ၣ်ဒီးဖဲအထံၣ်န့ၢ်ကယဲၢ်ပှၤတဂၤလၢ်လၢ်လၢအဒူဒီး အဂံၢ်အဘါဆူၣ်န့ၣ်, အဝဲကိးနုာ်အီၤဆူအသုးမုၢ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:13

တၢ်သိၣ်တၢ်သီဘၣ်ဃးဒီးပှၤလုၢ်တၢ်အခိၣ်တဖၣ်ကဘၣ်ဃ့တၢ်လၢပှၤ ဂီၢ်မုၢ်အအိၣ်မ့ၢ်ဂ့ၤန့ၣ်ဘၣ်. အခိၣ်တလိာ်, ဖဲပှၤတဂၤမၤဘူၣ်တၢ်လုၢ်တၢ်ပာ်န့ၣ်ပှၤလုၢ်တၢ်အခိၣ် အခ့အပှၤတဖၣ်ကဟဲလၢနီၣ်ကွးအကနၣ်အိၣ်သၢဘ့ၣ်ဒီး ဖဲတၢ်ဖံးတၢ်ညၣ်ဘၣ်တၢ်ဖီအီၤအဖၢမုၢ်န့ၣ်,

လံာ်စီၤၡမူၤအ့လးအခီၣ်ထံးတဘ့ၣ် 8:8

စးထီၣ်လၢယထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤလံၤ လံၤန့ၣ်အဝဲသ့ၣ်ဃၣ်ကွံာ်အသးလၢယအိၣ်ဒီးဘူၣ်ထီၣ်ဘါထီၣ်ကစၢ် အဂၤတဖၣ်, ဒီးခဲအံၤအဝဲသ့ၣ်မၤဘၣ်နၤဒ်အမၤတ့ၢ်ယၤထီဘိ အသိးန့ၣ်လီၤ.