လံာ်စီၤၡမူၤအ့လးအခီၣ်ထံးတဘ့ၣ် 8:7 - Sgaw Karen Common Bible

⁷ ဒီးယွၤစံးဘၣ်အီၤ, “ဒိကနၣ်တၢ်ကိးမံၤဒဲးလၢပှၤဂီၢ်မုၢ် စံးဘၣ်နၤတက့ၢ်. ပှၤတဂၤလၢအဝဲသ့ၣ်သမၢဂ့ၢ်လိာ်အီၤန့ၣ်တမ့ၢ်နၤဘၣ်. ယမ့ၢ်ပှၤတဂၤလၢအဝဲသ့ၣ်သမၢဂ့ၢ်လိာ်အီၤဒ်အစီၤပၤအသိးန့ၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:7 Iomraidhean Croise

လံာ်တၢ်ဟးထီၣ်ကွံာ် 16:8

ဒီးစီၤမိၤၡ့စံးဝဲဒၣ်, “ယွၤမ့ၢ်ပှၤလၢကဟ့ၣ်သုတၢ်ဖံးတၢ် ညၣ်လၢသုကအီၣ်လၢမုၢ်ဟါ, ဒီးကိၣ်ပှဲၤသိးသုအဲၣ်ဒိးအီၣ်လၢမုၢ်ဂီၤအကတီၢ်န့ၣ်လီၤ. အဂ့ၢ်ဒ်အံၤ, အဝဲနၢ်ဟူတ့ၢ်သုတၢ်ကဒူးကဒ့ၣ်ထီဒါအီၤန့ၣ်လီၤ. ဖဲသုကဒူးကဒ့ၣ်ထီဒါပှၤန့ၣ်, မ့ၢ်သပှၢ်ကတၢၢ်သုကဒူးကဒ့ၣ်ထီဒါယွၤန့ၣ်လီၤ.”

လံာ်ယၡါယၤ 66:4

လၢတၢ်န့ၣ်အဃိ, ယကဟဲစိာ်တၢ်တတၢးတနါလၢအဝဲသ့ၣ် အဖီခိၣ်, တၢ်သ့ၣ်တဖၣ်လၢအဝဲသ့ၣ်ပျံၤဘၣ်ဝဲန့ၣ်လီၤ. မ့ၢ်လၢ, ဖဲယကိးထီၣ်န့ၣ်ပှၤတစံးဆၢနီတဂၤဘၣ်မ့ၢ်ဂ့ၤ, ဖဲယကတိၤတၢ်န့ၣ်, ပှၤတဒိကနၣ်နီတဂၤဘၣ်မ့ၢ်ဂ့ၤအဃိလီၤ. အဝဲသ့ၣ်ဃုထၢတ့ၢ်တၢ်တစူၢ်ယၤဒီးမၤတၢ်အၢတၢ်သီလီၤ.”

လံာ်ယံးရမံယၤ 34:14

နွံနံၣ်တဘျီ, နွံနံၣ်တဘျီန့ၣ်, အဝဲသ့ၣ်ကဘၣ်ပျၢ်ဖျဲး ပှၤဧ့ၤဘြံၤဖိ ကုၢ်တဂၤဂ့ၤတဂၤဂ့ၤလၢ အကဲတ့ၢ်အကုၢ်ဃုနံၣ် န့ၣ်လီၤ. ဘၣ်ဆၣ်ဒီး သုမိၢ်ပၢ်ဖံဖုလၢပျၢၤတဖၣ် တကနၣ်ဃုာ်ယၤဒီး ဒိကနၣ်တၢ်လၢ ယစံးဘၣ်တ့ၢ်အဝဲသ့ၣ်န့ၣ်ဘၣ်.

လံာ်ယဃ့းစက့လး 2:3

“ပှၤကညီလၢအသံသ့ဧၢ, ယမၢလီၤနၤဆူကီၢ်အံၣ်စရ့လးအပှၤဂီၢ် မုၢ်အအိၣ်လီၤ. အဝဲသ့ၣ်ပူထီၣ်တၢ်ဒီးဃၣ်ကွံာ်အသးထီဒါယၤ, ဒီးမ့ၢ်ဒံးဒၣ်ပှၤပူထီၣ်တၢ်ဖိတဖၣ်ဒ်သိးဒၣ်အမိၢ်ပၢ်ဖံဖု လၢပျၢၤတဖၣ်မ့ၢ်တ့ၢ်ဝဲန့ၣ်လီၤ.

လံာ်ယဃ့းစက့လး 3:7

ဘၣ်ဆၣ်ဒီး, ကီၢ်အံၣ်စရ့လး အပှၤဂီၢ်မုၢ်တမ့ၢ်ကသးအိၣ်ဒိကနၣ်နၤ နီတဂၤဘၣ်, အဝဲသ့ၣ် တမ့ၢ်ကဒိကနၣ်ယၤဒၣ်လဲာ်န့ၣ်ဘၣ်. အဝဲသ့ၣ်ခဲလၢာ်မ့ၢ် ပှၤအခိၣ်အကိၤဒီး ခီၣ်ဆၢတၢ်န့ၣ်လီၤ.

လံာ်တၢ်ဂံၢ် 22:20

မုၢ်နၤအဝဲန့ၣ်ကစၢ်ယွၤဟဲဆူစီၤဘံးလၣ်အအိၣ်ဒီးစံးဝဲ, “ပှၤတဖုအံၤမ့ၢ်ဟဲဃ့ဝဲလၢနကလဲၤပိာ်အခံန့ၣ်ကတဲာ် ကတီၤထီၣ်နသးလၢနကလဲၤဃုာ်တၢ်ဒီးအဝဲသ့ၣ်တက့ၢ်. ဘၣ်ဆၣ်ဒီးမၤဒၣ်တၢ်ထဲလၢယစံးတ့ၢ်နၤဧိၤန့ၣ်တက့ၢ်.”

လံာ်မးသဲ 10:40

ပှၤတဂၤလၢ်လၢ်လၢအတူၢ်လိာ်သုန့ၣ်တူၢ်လိာ်ယၤလီၤ. ဒီးပှၤတဂၤလၢ်လၢ်လၢအတူၢ်လိာ်ယၤန့ၣ်တူၢ်လိာ်ပှၤလၢ အမၢလီၤယၤတဂၤန့ၣ်လီၤ.

လံာ်လူၤကၣ် 10:16

ယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤလၢ်လၢ်လၢအဒိကနၣ်သုတၢ်ကတိၤန့ၣ်, မ့ၢ်အဒိကနၣ်ယတၢ်ကတိၤလီၤ. ပှၤတဂၤလၢ်လၢ်လၢအညိကွံာ်သုန့ၣ်, မ့ၢ်အညိကွံာ်ယၤ, ဒီးပှၤတဂၤလၢ်လၢ်လၢအညိကွံာ်ယၤန့ၣ်မ့ၢ်အညိကွံာ်ပှၤလၢ အမၢလီၤယၤတဂၤန့ၣ်လီၤ.”

လံာ်လူၤကၣ် 19:14

တၢ်မၤအသးလၢ, အဝဲဒၣ်အထံဖိကီၢ်ဖိတဖၣ်သးဟ့အီၤ, သတးဒီးအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဒ်သိးအကစံးဝဲ, ‘ပတအဲၣ်ဒိးလၢပှၤတဂၤအံၤကကဲပစီၤပၤဘၣ်’ န့ၣ်လီၤ.

လံာ်လူၤကၣ် 19:27

မ့မ့ၢ်, ယဒုၣ်ယဒါတဖၣ်အံၤလၢအတအဲၣ်ဒိးယကဲအစီၤပၤန့ၣ်, ဆှၢအဝဲသ့ၣ်တဖၣ်ဆူအံၤ, ဒီးမၤသံအီၤလၢယမဲာ်ညါတက့ၢ်.’ ”

လံာ်ယိၤဟၣ် 13:16

ယစံးဘၣ်တဲဘၣ်သုတၢ်မ့ၢ်တၢ်တီ, ကုၢ်တဒိၣ်န့ၢ်အကစၢ်နီတဂၤ ဘၣ်. ဒီးပှၤစိာ်တၢ်ကစီၣ်တဒိၣ်န့ၢ်ပှၤလၢအမၢလီၤအီၤနီတဂၤဘၣ်.

လံာ်ပှၤစံၣ်ညီၣ်ကွီၢ် 8:23

စီၤကံးဒဧိၣ်စံးဆၢဝဲဒၣ်, “ယတပၢသုဘၣ်. ယဖိခွါတဖၣ်စ့ၢ်ကီးတပၢသုဘၣ်. ယွၤကပၢသုန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 10:19

ယမ့ၢ်သုကစၢ်ယွၤ, ပှၤတဂၤလၢအအုၣ်က့ၤခီၣ်က့ၤသုလၢကယဲၢ်သုတၢ်ကိၢ်တၢ်ဂီၤဒီး တၢ်ကီတၢ်ခဲတဖၣ်အပူၤန့ၣ်လီၤ. ဘၣ်ဆၣ်တနံၤအံၤသုညိကွံာ်ယၤဒီးဃ့တ့ၢ်ယၤလၢယကဟ့ၣ်သု စီၤပၤတဂၤလီၤ. ဂ့ၤလံ. မ့မ့ၢ်ဒ်န့ၣ်ဒီး, ပာ်ဖှိၣ်ထီၣ်သုသး လၢယွၤအမဲာ်ညါဒ်ဒူၣ်, တဒူၣ်ဘၣ်တဒူၣ်ဒီးဒူၣ်ထၢတဒူၣ်တထၢဘၣ် တဒူၣ်တထၢအသိးတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 12:1

ဒီးစီၤၡမူၤအ့လးစံးဘၣ်ကီၢ်အံၣ်စရ့လးအပှၤဂီၢ်မုၢ်, “တၢ်လၢသုဃ့တ့ၢ်လၢယကမၤအီၤန့ၣ်ယမၤဝံၤလံ. ယဟ့ၣ်သုလၢစီၤပၤတဂၤလၢအကပၢသုလီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:12

ဘၣ်ဆၣ်ဒီးဖဲသုထံၣ်လၢပှၤဧၣ်မိၣ်အစီၤပၤစီၤနၤဃၣ်ဘူးတ့ၢ်က ဟဲဒုးသုန့ၣ်သုညိကွံာ်ယွၤဒ်သုစီၤပၤအသိးဒီးစံးဘၣ်ယၤ, (ပအဲၣ်ဒိးဘၣ်စီၤပၤတဂၤလၢကပၢပှၤလီၤ.)

လံာ်စီၤၡမူၤအ့လးအခီၣ်ထံးတဘ့ၣ် 8:22

ယွၤစံးဆၢဝဲဒၣ်, “မၤဒ်အဝဲသ့ၣ်သးလီဝဲအသိးဒီးဟ့ၣ်အီၤ လၢစီၤပၤတဂၤတက့ၢ်.” တုၤနုၤတစုစီၤၡမူၤအ့လးတဲဘၣ်ပှၤကိးဂၤဒဲးလၢ ကီၢ်အံၣ်စရ့လးအပူၤလၢအကက့ၤဆူအဟံၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:8

စးထီၣ်လၢယထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤလံၤ လံၤန့ၣ်အဝဲသ့ၣ်ဃၣ်ကွံာ်အသးလၢယအိၣ်ဒီးဘူၣ်ထီၣ်ဘါထီၣ်ကစၢ် အဂၤတဖၣ်, ဒီးခဲအံၤအဝဲသ့ၣ်မၤဘၣ်နၤဒ်အမၤတ့ၢ်ယၤထီဘိ အသိးန့ၣ်လီၤ.