လံာ်စီၤၡမူၤအ့လးအခီၣ်ထံးတဘ့ၣ် 8:5 - Sgaw Karen Common Bible

⁵ ဒီးစံးဘၣ်အီၤ, “ကွၢ်ကွၢ်, နသးပှၢ်ထီၣ်လံ. ဒီးနဖိခွါတဖၣ်န့ၣ်တမၤထွဲနဒိနတဲာ်ဘၣ်. လၢတၢ်န့ၣ်အဃိခဲအံၤန့ၣ်, ဃုထၢပာ်လီၤန့ၢ်ပှၤစီၤပၤတဂၤလၢ ကပၢတၢ်လၢပဖီခိၣ်, ဒ်သိးပကအိၣ်ဒီးစီၤပၤတဂၤဒ်ထံကီၢ်အဂၤတဖၣ်အသိးန့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 8:5 Iomraidhean Croise

လံာ်တၢ်ဂံၢ် 23:9

လၢလ့ဖးထီတဖၣ်အဒီခိၣ်န့ၣ်ယထံၣ်ဘၣ်အဝဲသ့ၣ်သ့ဝဲ, ယခိးကွၢ်အဝဲသ့ၣ်လၢတၢ်လူၢ်တဖၣ်အဖီခိၣ်သ့ဝဲလီၤ. အဝဲသ့ၣ်မ့ၢ်ပှၤတကလုာ်လၢအအိၣ်ဒၣ်အတၢ်ဒၣ်ဝဲ, အဝဲသ့ၣ်သ့ၣ်ညါဝဲလၢအဘၣ်ဆိၣ်ဂ့ၤအါန့ၢ်ဒံးပှၤကလုာ်ဂၤ တဖၣ်တက့ၢ်န့ၣ်လီၤ.

မၤတၢ် 13:21

ဒီးဖဲအဝဲသ့ၣ်ဃ့စီၤပၤန့ၣ်, ကစၢ်ယွၤဃုထၢထီၣ်န့ၢ်အီၤစီၤစီလူးလၢ အမ့ၢ်စီၤကံၣ်ဘၣ်ဃးဒီးစီၤဘံၣ်ယၤမံၣ်အဒူၣ်န့ၣ်အဖိခွါ, ဒ်သိးအကမ့ၢ်အဝဲသ့ၣ်အစီၤပၤလၢအနံၣ်လွံၢ်ဆံအတီၢ်ပူၤလီၤ.

လံာ်ပှၤစံၣ်ညီၣ်ကွီၢ် 8:22

တၢ်န့ၣ်အလီၢ်ခံဒီး, ပှၤအံၣ်စရ့လးဖိတဖၣ်စံးဘၣ်စီၤကံးဒဧိၣ်, “ပၢပှၤ, နဲဒၣ်ဒီးနစၢၤနသွဲၣ်တက့ၢ်. နအုၣ်က့ၤခီၣ်က့ၤတ့ၢ်ပှၤလၢပှၤမံးဒယၣ်ဖိတဖၣ်အစုပူၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 10:19

ယမ့ၢ်သုကစၢ်ယွၤ, ပှၤတဂၤလၢအအုၣ်က့ၤခီၣ်က့ၤသုလၢကယဲၢ်သုတၢ်ကိၢ်တၢ်ဂီၤဒီး တၢ်ကီတၢ်ခဲတဖၣ်အပူၤန့ၣ်လီၤ. ဘၣ်ဆၣ်တနံၤအံၤသုညိကွံာ်ယၤဒီးဃ့တ့ၢ်ယၤလၢယကဟ့ၣ်သု စီၤပၤတဂၤလီၤ. ဂ့ၤလံ. မ့မ့ၢ်ဒ်န့ၣ်ဒီး, ပာ်ဖှိၣ်ထီၣ်သုသး လၢယွၤအမဲာ်ညါဒ်ဒူၣ်, တဒူၣ်ဘၣ်တဒူၣ်ဒီးဒူၣ်ထၢတဒူၣ်တထၢဘၣ် တဒူၣ်တထၢအသိးတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 12:13

ခဲအံၤ, အဝဲအံၤမ့ၢ်စီၤပၤလၢသုဃုထၢအီၤ, သုဃ့န့ၢ်အီၤ, ဒီးခဲအံၤယွၤဟ့ၣ်လီၤအီၤဆူသုအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:17

ခဲအံၤမ့ၢ်ဝဲတၢ်ယီၤခါအဆၢကတီၢ်, တမ့ၢ်ဘၣ်ဧါ. ဘၣ်ဆၣ်ဒီးယကဘါထုကဖၣ်တၢ်ဒီးယွၤကဆှၢလီၤလီ သီၣ်လီသဲဒီးတၢ်စူၤလီၤ. တုၤတၢ်အံၤမၤအသးဒီးသုကနၢ်ပၢၢ်လီၤတံၢ်လၢ သုမၤတ့ၢ်တၢ်ဒဲးဘးဖးဒိၣ်တမံၤထီဒါယွၤ ဖဲသုဃ့တ့ၢ်အီၤလၢစီၤပၤတဂၤန့ၣ် လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:2

ဒီးခဲအံၤသုအိၣ်ဒီးအီၤလၢကပၢဆှၢသုလီၤ. မ့မ့ၢ်ယဲဒၣ်တခီ, ယသးပှၢ်ခိၣ်ဝါလံဒီးယဖိခွါတဖၣ်အိၣ်ဒီးသုလီၤ. ယမ့ၢ်တ့ၢ်သုခိၣ်သုနၢ်စးထီၣ်လၢယသးစၢ်တုၤခဲကနံၣ်အံၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:20

မ့မ့ၢ်လၢကသ့ၣ်ယီၤတဖၣ်လၢအဟါမၢ်တ့ၢ်ဝဲလၢအပူၤကွံာ်သၢသီ အဂီၢ်န့ၣ်, ဘၣ်ကိၢ်ဘၣ်ဂီၤလၢအဂ့ၢ်တဂ့ၤ. အဝဲသ့ၣ်ဘၣ်တၢ်ထံၣ်န့ၢ်က့ၤအီၤလံ. ဘၣ်ဆၣ်ဒီးပှၤတဂၤလၢကီၢ်အံၣ်စရ့လးအပှၤဂီၢ်မုၢ်လိၣ်ဘၣ်အီၤ အါအါကလဲာ်န့ၣ်မ့ၢ်မတၤလဲၣ်. အဝဲန့ၣ်မ့ၢ်နၤ, နၤဒီးနပၢ်အပှၤဟံၣ်ဖိလီၤ.”