လံာ်စီၤၡမူၤအ့လးအခီၣ်ထံးတဘ့ၣ် 8:3 - Sgaw Karen Common Bible

³ ဘၣ်ဆၣ်ဒီး, အဝဲသ့ၣ်တမၤထွဲအပၢ်အဒိအတဲာ်ဘၣ်. အဝဲသ့ၣ်အသးစဲဒၣ်ထဲလၢကမၤန့ၢ်တိၢ်ဧိၤစ့ဧိၤန့ၣ်လီၤ. လၢတၢ်န့ၣ်အဃိအဝဲသ့ၣ်တူၢ်လိာ်ခိၣ်ဖးလာ်ဆှိးတဖၣ်ဒီးတစံၣ် ညီၣ်တဲာ်တၢ်ဂ့ၢ်တၢ်ကျိၤတဖၣ်လၢတၢ်သူၣ်တီသးလိၤအပူၤဘၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:4

ဒီးအဝဲတဲအါထီၣ်ဝဲ, “ယဆၢမးလၢယကမ့ၢ်စံၣ်ညီၣ်ကွီၢ်တဂၤ န့ၣ်လီၤ. အန့ၣ်တစု, ပှၤတဂၤလၢ်လၢ်လၢအအိၣ်ဒီးအကွီၢ်တမံၤမ့ၢ်ဂ့ၤ, တၢ်စံၣ်ညီၣ်အလီၢ်တမံၤမ့ၢ်ဂ့ၤန့ၣ်ဟဲဆူ ယအိၣ်သ့ဝဲဒီးယကဟ့ၣ်အီၤလၢတၢ်စံၣ်ညီၣ်တီန့ၣ်လီၤ.”

စံးထီၣ်ပတြၢၤ 15:5

အဝဲသ့ၣ်တဒုးလိၢ်လီၤစ့လၢစ့အအ့ၣ်အဂီၢ်ဘၣ်. ဒီးတဟံးန့ၢ်ခိၣ်ဖးကဘျံးကဘျၣ်ထီဒါ ပှၤလၢအတၢ်ကမၣ်တအိၣ်န့ၣ်ဘၣ်. ပှၤလၢအမၤတၢ်ဒ်အံၤသ့ၣ်တဖၣ် တဟူးတဝးဘၣ်ဝဲနီတဘျီဘၣ်.

စံးထီၣ်ပတြၢၤ 26:10

ပှၤလၢအမၤတၢ်အၢကိးဆၢကတီၢ်ဒဲး ဒီးပှၤလၢအိၣ်ကတဲာ်ကတီၤအသးထီဘိလၢ ကဟံးန့ၢ်ခိၣ်ဖးကဘျံးကဘျၣ်န့ၣ်တဂ့ၤ.

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 23:6

သမၢတၢ်စံၣ်ညီၣ်တီဖဲပှၤဖှီၣ်ဖိယာ်ဖိတဂၤဘၣ်တၢ်လိာ်ဘၢလိာ် ကွီၢ်အီၤအခါန့ၣ်တဂ့ၤ.

လံာ်တၢ်ဟးထီၣ်ကွံာ် 23:8

တူၢ်လိာ်ခိၣ်ဖးလာ်ဆှိးတဂ့ၤ. အဂ့ၢ်ဒ်အံၤ, ခိၣ်ဖးလာ်ဆှိးမၤဘျီၣ်ပှၤအမဲာ်ဒ်သိးအသုတထံၣ်တၢ်အဘၣ်ဒီးမၤ ဟးဂီၤပှၤလၢအတၢ်ကမၣ်တအိၣ်ဘၣ်တဖၣ်အကွီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 2:19

ဒီးအဝဲကမ့ၢ်ပှၤကူၣ်တၢ်သ့မ့တမ့ၢ်ပှၤဟးဂီၤဖိဧါ, မတၤသ့ၣ်ညါကသ့တဂၤလဲၣ်. အန့ၣ်ဒၣ်လဲာ်, တၢ်လၢယမၤတ့ၢ်ခဲလၢာ်, ဒီးတၢ်ခဲလၢာ်လၢယတၢ်ကူၣ်သ့ မၤန့ၢ်တၢ်လၢယဂီၢ်လၢဟီၣ်ခိၣ်အံၤန့ၣ်ကကဲထီၣ်အဝဲအတၢ်ခဲလၢာ် လီၤ. တၢ်ခဲလၢာ်န့ၣ်အဘျုးတအိၣ်ဘၣ်.

လံာ်ယၡါယၤ 1:23

နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယၡါယၤ 33:15

သုမ့ၢ်စံးဒီးမၤတၢ်လၢအဘၣ်န့ၣ်, သုထူၣ်ဖျဲးထီၣ်ကွံာ်သ့လီၤ. သူသုစိကမီၤလၢသုကလီန့ၢ်ပှၤဖှီၣ်ဖိယာ်ဖိဒီးတူၢ်လိာ်ခိၣ်ဖး လာ်ဆှိးတဂ့ၤ. မၤဃုာ်ဒီးပှၤလၢအကူၣ်ကျဲၤတၢ်မၤသံမၤဝီမ့ၢ်ဂ့ၤ, တၢ်အၢတၢ်သီအဂၤတဖၣ်မ့ၢ်ဂ့ၤန့ၣ်တဂ့ၤ.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်သိၣ်လီၤသီလီၤတၢ် 16:19

တၢ်စံၣ်ညီၣ်တတီတဘၣ်အိၣ်ဒီးအဝဲသ့ၣ်မ့ၢ်ဂ့ၤ, အဝဲသ့ၣ်တဘၣ်အိၣ်ဒီးတၢ်ကွၢ်မဲာ်မ့ၢ်ဂ့ၤလၢအတၢ်စံၣ်ညီၣ်တဖၣ် အပူၤဘၣ်. ဒီးအဝဲသ့ၣ်တဘၣ်တူၢ်လိာ်ခိၣ်ဖးလာ်ဆှိးဘၣ်. အဂ့ၢ်ဒ်အံၤ, ခိၣ်ဖးတဖၣ်န့ၣ်မၤဘျီၣ်ပှၤကူၣ်သ့ဒီးပှၤတီပှၤလိၤတဖၣ်အမဲာ်, ဒီးဒုးကဲထီၣ်အဝဲသ့ၣ်လၢပှၤဟ့ၣ်လီၤတၢ် စံၣ်ညီၣ်လၢအတတီတဖၣ်န့ၣ်လီၤ.

၁ တံၤမသ့း 3:3

အဝဲတဘၣ်မ့ၢ်ပှၤအီမူၤသံး, မ့တမ့ၢ်ပှၤလၢအမၤတၢ်လၢတၢ်စုဆူၣ်ခီၣ်တကးအပူၤတဂၤ န့ၣ်ဘၣ်. မ့မ့ၢ်, အဝဲကဘၣ်မ့ၢ်ပှၤလၢအပာ်အသးခုၣ်ခုၣ် မုာ်မုာ်, ဒီးအဲၣ်တၢ်ဃူတၢ်ဖိးတဂၤန့ၣ်လီၤ. အဝဲတဘၣ်အဲၣ်ကျိၣ်အဲၣ်စ့န့ၣ်ဘၣ်.

၁ တံၤမသ့း 6:10

အဂ့ၢ်ဒ်လဲၣ်န့ၣ်, တၢ်အဲၣ်စ့မ့ၢ်တၢ်အၢတၢ်သီခဲလၢာ်အဂံၢ်ထံးလီၤ. ပှၤတနီၤသူၣ်ဆူၣ်သးဂဲၤလၢအကမၤန့ၢ်ဘၣ်အီၤတုၤဒၣ်လဲာ် အဝဲသ့ၣ်ဟးဖးဒီးတၢ်စူၢ်တၢ်နာ်, ဒီးတၢ်သူၣ်အုးသးအုးအါမံၤမၤသဘှံးအဝဲသ့ၣ်အသးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:2

ဒီးခဲအံၤသုအိၣ်ဒီးအီၤလၢကပၢဆှၢသုလီၤ. မ့မ့ၢ်ယဲဒၣ်တခီ, ယသးပှၢ်ခိၣ်ဝါလံဒီးယဖိခွါတဖၣ်အိၣ်ဒီးသုလီၤ. ယမ့ၢ်တ့ၢ်သုခိၣ်သုနၢ်စးထီၣ်လၢယသးစၢ်တုၤခဲကနံၣ်အံၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:35

ယကဃုထၢထီၣ်ပှၤလုၢ်တၢ်အခိၣ်တဂၤလၢအသူၣ်ကတီသးကလိၤဒီးယၤ ဒီးမၤကယဲၢ်တၢ်ကိးမံၤလၢယအဲၣ်ဒိးအကမၤဝဲဒၣ်န့ၣ်လီၤ. ယကဟ့ၣ်အီၤလၢအစၢၤအသွဲၣ်တဖၣ်လၢအကမၤတၢ်လၢ စီၤပၤလၢယဃုထၢထီၣ်အီၤအမဲာ်ညါန့ၣ်လီၤ.