လံာ်စီၤၡမူၤအ့လးအခီၣ်ထံးတဘ့ၣ် 7:5 - Sgaw Karen Common Bible

⁵ တုၤနုၤတစုစီၤၡမူၤအ့လးမၤလိာ်ကယဲၢ်ပှၤအံၣ်စရ့လးဖိတဖၣ် လၢကထံၣ်လိာ်သးဖဲဝ့ၢ်မံးစပၤန့ၣ်, ဒီးစံးဘၣ်အဝဲသ့ၣ်, “ယကဘါထုကဖၣ်တၢ်ဆူယွၤအအိၣ်လၢသုဂီၢ်ဖဲန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 7:5 Iomraidhean Croise

လံာ်တၢ်ကဲထီၣ်အခီၣ်ထံး 20:7

မ့မ့ၢ်, ခဲကနံၣ်အံၤဟ့ၣ်လီၤက့ၤပိာ်မုၣ်ဆူအဝၤအအိၣ်န့ၣ်တ က့ၢ်. အဝဲမ့ၢ်ဝံတဂၤဒီးကဘါထုကဖၣ်န့ၢ်တၢ်လၢနဂီၢ်ဒ်သိးနသုတသံ တဂ့ၤလီၤ. ဘၣ်ဆၣ်နမ့ၢ်တဟ့ၣ်က့ၤအီၤဘၣ်န့ၣ်ဒီးယဟ့ၣ်ပလီၢ်နၤလၢ နကသံ, နၤ, ဒီးနပှၤဂီၢ်မုၢ်ခဲလၢာ်ကသံဝဲဒၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 31:49

စီၤလၤဘၣ်စံးစ့ၢ်ကီးဝဲ, “မ်ယွၤအမဲာ်ကွၢ်လီၤပှၤဖဲပအိၣ် လီၤဖးလိာ်ပသးတဂၤဒီးတဂၤန့ၣ်တက့ၢ်.” လၢတၢ်န့ၣ်အဃိတၢ်လီၢ်အံၤဘၣ်တၢ်ကိးစ့ၢ်ကီးအီၤလၢမံးစပၤ လီၤ.

လံာ်စီၤပၤခံဘ့ၣ်တဘ့ၣ် 25:23

တုၤပှၤယူဒၤဖိအသုးခိၣ်တဖၣ်ဒီးအပှၤသုးဖိတဖၣ်လၢအတဟ့ၣ်လီၤ ကွံာ်အသးနၢ်ဟူတၢ်ဂ့ၢ်အံၤန့ၣ်, အဝဲသ့ၣ်ပာ်ဖှိၣ်ထီၣ်အသးဒီးစီၤကဒါလယၤဖဲဝ့ၢ်မံးစပၤန့ၣ် လီၤ. သုးခိၣ်တဖၣ်အံၤန့ၣ်မ့ၢ်ဝဲ, စီၤနသၤနံယၤအဖိခွါစီၤယံး ၡမၤဧ့လး, စီၤကၤရ့ၤအဖိခွါစီၤယိဃၤနၣ်, ပှၤဝ့ၢ်နတိဖးဖိ စီၤတ့ၣ်ဃူမ့းအဖိခွါစီၤစရါယၤ, ဒီးပှၤဝ့ၢ်မၤကၤသးဖိ စီၤယၤစၤနယၤန့ၣ်လီၤ.

လံာ်စီၤနဃ့မယၤ 9:1

လၢလါတလါဃီအံၤထီၣ်ခံဆံလွံၢ်သီတသီန့ၣ်ကီၢ်အံၣ်စရ့လး အပှၤဂီၢ်မုၢ်အိၣ်ဖှိၣ်ရိဖှိၣ်ဒီးဒုၣ်တၢ်အီၣ်ဒ်သိးကပာ်ဖျါ အတၢ်သူၣ်အုးသးအုးလၢအတၢ်ဒဲးဘးတဖၣ်အဃိန့ၣ်လီၤ.

လံာ်ယံးရမံယၤ 40:6

ယလဲၤဒီးအိၣ်လၢစီၤကဒါလယၤအသကိးလၢဝ့ၢ်မံးစပၤအပူၤဒီး အိၣ်လၢပှၤဂီၢ်မုၢ်လၢအအိၣ်လီၤတဲာ်လၢကီၢ်ပူၤအကျါန့ၣ်လီၤ.

လံာ်ဟိၤၡ့ 5:1

ကနၣ်တၢ်အံၤတက့ၢ်. သုဝဲပှၤလုၢ်တၢ်အခိၣ်တဖၣ်ဧၢ, ပာ်ကဲတၢ်တက့ၢ်. ကီၢ်အံၣ်စရ့လးအပှၤဂီၢ်မုၢ်ဧၢ, ဒိကနၣ်တက့ၢ်. သုဝဲသ့ၣ်လၢအမ့ၢ်စီၤပၤအပှၤဟံၣ်ဖိဧၢ, သုကြၢးစံၣ်ညီၣ်တၢ်အိၣ်ဒီးတၢ်စံၣ်ညီၣ်တီလီၤ. လၢတၢ်န့ၣ်အဃိတၢ်စံၣ်ညီၣ်ကလီၤဘၣ်လၢသုလိၤလီၤ. သုကဲထီၣ်တ့ၢ်ပျံၤသကွီၤဖဲကီၢ်မံးစပၤ, ပှာ်တဘ့ၣ်လၢအသလၣ်လီၤအသးလၢကစၢၢ်တၤဘိၣ်အလိၤ,

လံာ်ယိၤအ့လး 2:16

ကိးဖှိၣ်ပှၤဂီၢ်မုၢ်တပူၤဃီ ဒီးကတဲာ်ကတီၤအဝဲသ့ၣ်လၢတၢ်အိၣ်ဖှိၣ်စီဆှံ တဘျီအဂီၢ်တက့ၢ်. ကိးဖှိၣ်ပှၤဂီၢ်မုၢ်သးပှၢ်, ပှၤဖိသၣ်ဒီး ဖိသၣ်အီနူၢ်ထံတဖၣ်တက့ၢ်. ပှၤဒိးတ့ဒိးဖျီအသးဝံၤသီသီတဖၣ်ဒၣ်လဲာ် ကဘၣ်ပာ်တ့ၢ်အဟံၣ်အဃီဒီးဟဲဝဲလီၤ.

လံာ်စီၤယိၤၡူ 15:38

ဒံလၣ်, မံးစပၤ, ယိးကသ့လး,

လံာ်ပှၤစံၣ်ညီၣ်ကွီၢ် 10:17

တုၤနုၤတစု, ပှၤဧၣ်မိၣ်ဖိအသုးမုၢ်အိၣ်ကတဲာ်ကတီၤအသးလၢတၢ် ဒုးတၢ်ယၤအဂီၢ်ဒီးသူၣ်အဒဲလၢကီၢ်ကံးလဧးအပူၤလီၤ. ဒီးပှၤအံၣ်စရ့လးဖိတဖၣ်သူၣ်အဒဲလၢဝ့ၢ်မံးစပၤလၢကီၢ်ကံးလဧးအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 20:1

ဒီးအံၣ်စရ့လးအပှၤဂီၢ်မုၢ်လၢအအိၣ်လၢဒၣ်လၢကလံၤစိးတုၤလၢ ဘ့ၤၡဘၤလၢကလံၤထံး, ဒီးလၢကံးလဧးလၢမုၢ်ထီၣ်ခဲလၢာ်ပာ်ဖှိၣ်ထီၣ်အသးတဖုဃီလၢ ယွၤအမဲာ်ညါဖဲမံးစပၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:17

စီၤၡမူၤအ့လးကိးပှၤဂီၢ်မုၢ်လၢကပာ်ဖှိၣ်ထီၣ်အသးလၢတၢ်ဘူၣ် တၢ်ဘါအတၢ်ရ့လိာ်မုာ်လိာ်တမံၤအဂီၢ်ဖဲဝ့ၢ်မံးစပၤ,

လံာ်စီၤၡမူၤအ့လးအခီၣ်ထံးတဘ့ၣ် 12:17

ခဲအံၤမ့ၢ်ဝဲတၢ်ယီၤခါအဆၢကတီၢ်, တမ့ၢ်ဘၣ်ဧါ. ဘၣ်ဆၣ်ဒီးယကဘါထုကဖၣ်တၢ်ဒီးယွၤကဆှၢလီၤလီ သီၣ်လီသဲဒီးတၢ်စူၤလီၤ. တုၤတၢ်အံၤမၤအသးဒီးသုကနၢ်ပၢၢ်လီၤတံၢ်လၢ သုမၤတ့ၢ်တၢ်ဒဲးဘးဖးဒိၣ်တမံၤထီဒါယွၤ ဖဲသုဃ့တ့ၢ်အီၤလၢစီၤပၤတဂၤန့ၣ် လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:12

အန့ၣ်တစုစီၤၡမူအ့လးဟံးန့ၢ်လၢၢ်တဖျၢၣ်ဒီးပာ်လီၤအီၤဖဲ ဝ့ၢ်မံးစပၤဒီးဝ့ၢ်ၡ့ၣ်အဘၢၣ်စၢၤဒီးစံးဝဲ, “ယွၤမၤစၢၤတ့ၢ်ပှၤကျဲဒီဘိညါလီၤ.” ဒီးယုၢ်ဝဲအမံၤလၢ “အ့ဘ့ၤန့စၢ်” လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:16

ကိးနံၣ်ဒဲးန့ၣ်အဝဲလဲၤဟးတရံးဝဲဆူဝ့ၢ်ဘ့ၤသ့လး, ဝ့ၢ်ကံးလကၤလးဒီးဝ့ၢ်မံၣ်စပၤလီၤ. ဒီးလၢတၢ်လီၢ်ကိးပူၤဒဲးအံၤန့ၣ် စီၤၡမူၤအ့လးမၤလိၤမၤဘၣ်တၢ်ဂ့ၢ်လိာ်ဘှီလိာ် တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:4

မၤသးဒ်န့ၣ်ဒီး, ပှၤအံၣ်စရ့လးဖိတဖၣ်တၢၤကွံာ်ဘဧၤလးဒီးဧၤၡတြိးအတၢ်ဂီၤတၢ်ဖီၣ်စိးပျၤအသးတဖၣ်ဒီးဘူၣ်ထီၣ်ဘါထီၣ်ထဲ ယွၤတဂၤဧိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:6

စီၤၡမူၤအ့လးတဘၣ်သူၣ်ဘၣ်သးလၢအဝဲသ့ၣ်အတၢ်ဃ့န့ၢ်စီၤပၤ တဂၤအဂီၢ်န့ၣ်ဘၣ်. အဃိဒီး, အဝဲဘါထုကဖၣ်တၢ်ဆူ ယွၤအအိၣ်လီၤ.