လံာ်စီၤၡမူၤအ့လးအခီၣ်ထံးတဘ့ၣ် 7:17 - Sgaw Karen Common Bible

¹⁷ အန့ၣ်ဝံၤဒီးအဝဲက့ၤကဒါက့ၤဝဲဆူအဟံၣ်လၢဝ့ၢ်ရၤမါအပူၤ, ဖဲအဝဲမၤစ့ၢ်ကီးတၢ်ဒ်ပှၤစံၣ်ညီၣ်ကွီၢ်အသိးန့ၣ်လီၤ. လၢဝ့ၢ်ရၤမါအပူၤန့ၣ်အဝဲသူၣ်ထီၣ်တၢ်လုၢ်လီၢ်တခါဆူယွၤအအိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:17 Iomraidhean Croise

လံာ်တၢ်ကဲထီၣ်အခီၣ်ထံး 33:20

ဒီးဖဲန့ၣ်မၤထီၣ်ဝဲတၢ်လုၢ်လီၢ်တခါဒီးကိးဝဲအမံၤလၢ “အ့ၤလံ,” ဒ်ပစံးတၢ်အသိး, “အံၣ်စရ့လးအကစၢ်ယွၤ” န့ၣ်လီၤ.

လံာ်တၢ်ကဲထီၣ်အခီၣ်ထံး 35:7

အဝဲဘှီထီၣ်တၢ်လုၢ်လီၢ်တခါဖဲန့ၣ်ဒီးကိးထွဲတၢ်လီၢ်န့ၣ် အမံၤဒ်ဝ့ၢ်ဘ့ၤသ့လးအကစၢ်ယွၤ, မ့ၢ်လၢကစၢ်ယွၤလီၣ်ဖျါတ့ၢ်အသးဒီးအီၤဖဲန့ၣ်, ဖဲအဝဲဃ့ၢ်ထီၣ်ကွံာ်လၢအဝဲၢ်အအိၣ်အခါအဃိ န့ၣ်လီၤ.

လံာ်ယၡါယၤ 10:29

အဝဲသ့ၣ်လဲၤခီဖျိတ့ၢ်လံတၢ်ကဆူးဒီးမံဝဲဖဲဝ့ၢ်က့ဘၤလီၤ. ပှၤတဖၣ်လၢဝ့ၢ်ရၤမါအပူၤပျံၤတၢ်ဖုးတၢ်ဒီးပှၤလၢစီၤပၤစီၤ စီလူးအဝ့ၢ်ကံးဘဧၤအပူၤတဖၣ်ထွးထီၣ်ဃ့ၢ်တ့ၢ်လံဝဲလီၤ.

လံာ်ပှၤစံၣ်ညီၣ်ကွီၢ် 4:5

အဝဲညီနုၢ်ဆ့ၣ်နီၤလၢသ့ၣ်စူၣ်ပလိၣ်တထံးအဖီလာ်ဖဲဝ့ၢ်ရၤမါ ဒီးဝ့ၢ်ဘ့ၤသ့လးအဘၢၣ်စၢၤလၢအ့ဖရဲၣ်ကစၢၢ်ကလိ, ဒီးအံၣ်စရ့လးအပှၤဂီၢ်မုၢ်ဘၣ်လဲၤဖဲန့ၣ် လၢအဝဲတၢ်စံၣ်ညီၣ်နီၤဖးအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:24

စီၤကံးဒဧိၣ်ဘှီထီၣ်တၢ်လုၢ်လီၢ်တဖျၢၣ်ဖဲန့ၣ်လၢယွၤအဂီၢ်, ဒီးကိးဝဲအမံၤလၢ, “ယွၤၡၤလိၣ်” အခီပညီ, “ယွၤမ့ၢ်တၢ်ဃူတၢ်ဖိး” န့ၣ်လီၤ. (တၢ်လုၢ်လီၢ်န့ၣ်အိၣ်ဒံးဝဲဖဲဧိးဖြၤလၢအဘၣ်ဃး ဒီးအဘံၤဧ့စ့ၢ်အဒူၣ်အထၢန့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 1:1

ပှၤအိၣ်ဝဲတဂၤအမံၤလၢစီၤအ့လကါနၤလီၤ. အဝဲမ့ၢ်ပှၤအ့ဖရဲၣ်အဒူၣ် ဒီးအိၣ်ဝဲလၢဝ့ၢ်ရၤမါလၢကစၢၢ်ကလိအဝ့ၢ်အ့ဖရဲၣ်န့ၣ်လီၤ. အဝဲမ့ၢ်စီၤအလံဟူၤအလံၤခွါဒီးစီၤယဟိရၣ်အဖိခွါဒီးဘၣ် ဃးလၢစီၤတိဟူၤအဟံၣ်ဖိဃီဖိဒီးမ့ၢ်ပှၤလၢစီၤစူာ်အဒူၣ်ထၢ တဒူၣ်အပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:19

မုၢ်ဆ့ၣ်ထီၣ်တနံၤန့ၣ်, စီၤအ့လကါနၤဒီးအဟံၣ်ဖိဃီဖိပၢၢ်ထီၣ်ဂီၤဂီၤဒီးဘူၣ်ထီၣ်ဘါထီၣ်ယွၤဝံၤ, အဝဲသ့ၣ်က့ၤကဒါက့ၤဆူဝ့ၢ်ရၤမါလီၤ. စီၤအ့လကါနၤမံဃုာ်ဒီးအမါနီၢ်ဃးနၤဒီး ယွၤစံးဆၢပိာ်မုၣ်န့ၣ်အတၢ်ထုကဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:15

မၤသးဒ်န့ၣ်ဒီး, အဝဲသ့ၣ်ခဲလၢာ်လဲၤဆူဝ့ၢ်ကံလကၤလးဒီးဖဲ တၢ်လီၢ်စီဆှံန့ၣ်, အဝဲသ့ၣ်ဘိးဘၣ်သ့ၣ်ညါထီၣ်လၢစီၤစီလူး မ့ၢ်စီၤပၤန့ၣ်လီၤ. အဝဲသ့ၣ်လုၢ်ထီၣ်တၢ်လုၢ်မၤဃူမၤဖိးအတၢ်လုၢ်တၢ်ပာ်တဖၣ်ဒီး စီၤစီလူးဒီးကယဲၢ်ကီၢ်အံၣ်စရ့လးအပှၤဂီၢ်မုၢ် မၤတၢ်သူၣ်ခုသးခုအမူးဘၣ်ဃးဒီးတၢ်မၤအသးဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:35

စီၤစီလူးဘှီထီၣ်တၢ်လုၢ်လီၢ်တခါဆူယွၤအအိၣ်ဒီးတၢ်န့ၣ်မ့ၢ် တၢ်လုၢ်လီၢ်အခီၣ်ထံးကတၢၢ်တခါလၢအဘှီထီၣ်ဝဲဒၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:34

အန့ၣ်ဝံၤဒီးစီၤၡမူၤအ့လးလဲၤဆူဝ့ၢ်ရၤမါဒီးစီၤပၤစီၤစီလူး က့ၤဆူအဟံၣ်အိၣ်လၢဝ့ၢ်ကံးဘဧၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:11

ဒီးစီၤအ့လကါနၤက့ၤကဒါက့ၤဆူအဟံၣ်လၢဝ့ၢ်ရၤမါလီၤ. မ့မ့ၢ်စီၤၡမူၤအ့လးအိၣ်တ့ၢ်ဝဲလၢဝ့ၢ်ၡံလိၤဒီးမၤယွၤ အတၢ်မၤလၢစီၤဧ့လံၤအဖီလာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:3

ခဲအံၤ, စီၤၡမူၤအ့လးသံဝဲလံ. ဒီးကယဲၢ်ပှၤအံၣ်စရ့လးဖိ ခဲလၢာ်ဟီၣ်တၢ်ယၢၤတၢ်လၢအဂီၢ်ဒီးခူၣ်လီၤကွံာ်အီၤလၢအဟံၣ် အိၣ်အလီၢ်လၢဝ့ၢ်ရၤမါအပူၤလီၤ. စီၤစီလူးမၢဆူၣ်ပှၤဖးတၢ်ဟဲဝံဟဲစိာ်ဒီးပှၤကိးတၢ်အကလၤတဖၣ် လၢကဟးထီၣ်ကွံာ်လၢကီၢ်အံၣ်စရ့လးအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:4

တုၤနုၤတစုကယဲၢ်ကီၢ်အံၣ်စရ့လးဖိအခိၣ်အနၢ်တဖၣ်ထံၣ်လိာ်ပာ်ဖှိၣ်ထီၣ်သး ဒီးလဲၤဆူစီၤၡမူၤအ့လးအအိၣ်လၢဝ့ၢ်ရၤမါအ ပူၤ,

လံာ်စီၤၡမူၤအ့လးအခီၣ်ထံးတဘ့ၣ် 9:12

ပိာ်မုၣ်ဖိတဖၣ်စံးဝဲ, “မ့ၢ်, အိၣ်ဝဲဒၣ်လီၤ. နီၢ်နီၢ်န့ၣ်အဝဲအိၣ်ဒၣ်ဖဲသုမဲာ်ညါတစဲးန့ၣ်လီၤ. သုမ့ၢ်လဲၤချ့ချ့ဒီးသုကချုးန့ၢ်အီၤန့ၣ်လီၤ.