လံာ်စီၤၡမူၤအ့လးအခီၣ်ထံးတဘ့ၣ် 7:16 - Sgaw Karen Common Bible

¹⁶ ကိးနံၣ်ဒဲးန့ၣ်အဝဲလဲၤဟးတရံးဝဲဆူဝ့ၢ်ဘ့ၤသ့လး, ဝ့ၢ်ကံးလကၤလးဒီးဝ့ၢ်မံၣ်စပၤလီၤ. ဒီးလၢတၢ်လီၢ်ကိးပူၤဒဲးအံၤန့ၣ် စီၤၡမူၤအ့လးမၤလိၤမၤဘၣ်တၢ်ဂ့ၢ်လိာ်ဘှီလိာ် တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:16 Iomraidhean Croise

လံာ်တၢ်ကဲထီၣ်အခီၣ်ထံး 28:19

ဒီးကိးဝဲတၢ်လီၢ်အံၤလၢဝ့ၢ်ဘ့ၤသ့လးန့ၣ်လီၤ. (ဝ့ၢ်လၢအအိၣ်ဖဲအံၤန့ၣ်တဘျီဘၣ်တၢ်သ့ၣ်ညါတ့ၢ်အီၤဒ်ဝ့ၢ်လူး စးအသိးန့ၣ်လီၤ.)

လံာ်တၢ်ကဲထီၣ်အခီၣ်ထံး 35:6

စီၤယၤကိာ်ဟဲဃီၤဝဲဒီးအပှၤဂီၢ်မုၢ်ခဲလၢာ်ဆူဝ့ၢ်လူးစးလၢ ခဲအံၤဘၣ်တၢ်သ့ၣ်ညါအီၤဒ်ဝ့ၢ်ဘ့ၤသ့လး, လၢအအိၣ်လၢကီၢ်ကနၤဧၣ်အပူၤန့ၣ်လီၤ.

စံးထီၣ်ပတြၢၤ 75:2

ကစၢ်ယွၤစံးဝဲဒၣ်, “ယပာ်လီၤတၢ်ဆၢကတီၢ်လၢယကစံၣ်ညီၣ်တၢ် ဒီးယကစံၣ်ညီၣ်တၢ်လၢ တၢ်တီတၢ်လိၤအပူၤလီၤ.”

လံာ်ဟိၤၡ့ 5:1

ကနၣ်တၢ်အံၤတက့ၢ်. သုဝဲပှၤလုၢ်တၢ်အခိၣ်တဖၣ်ဧၢ, ပာ်ကဲတၢ်တက့ၢ်. ကီၢ်အံၣ်စရ့လးအပှၤဂီၢ်မုၢ်ဧၢ, ဒိကနၣ်တက့ၢ်. သုဝဲသ့ၣ်လၢအမ့ၢ်စီၤပၤအပှၤဟံၣ်ဖိဧၢ, သုကြၢးစံၣ်ညီၣ်တၢ်အိၣ်ဒီးတၢ်စံၣ်ညီၣ်တီလီၤ. လၢတၢ်န့ၣ်အဃိတၢ်စံၣ်ညီၣ်ကလီၤဘၣ်လၢသုလိၤလီၤ. သုကဲထီၣ်တ့ၢ်ပျံၤသကွီၤဖဲကီၢ်မံးစပၤ, ပှာ်တဘ့ၣ်လၢအသလၣ်လီၤအသးလၢကစၢၢ်တၤဘိၣ်အလိၤ,

လံာ်ဧၤမိၣ် 5:5

လဲၤဆူဝ့ၢ်ဘ့ၢ်ၡဘၤလၢတၢ်ဘူၣ်ထီၣ်ဘါထီၣ်အဂီၢ်တဂ့ၤ. ဂုာ်ကျဲးစၢးထံၣ်ယၤလၢဝ့ၢ်ဘ့ၤသ့လးတဂ့ၤ. ဝ့ၢ်ဘ့ၤသ့လးကကဲထီၣ်တၢ်ကလီကလီလီၤ. လဲၤဆူဝ့ၢ်ကံးလကၤလးတဂ့ၤ. အပှၤကလုာ်တဖၣ်ကဘၣ်တၢ်စံၣ်ညီၣ်ဃၣ်ကွံာ်ဆူတၢ်စိာ်မၢကဲကုၢ်အပူၤ န့ၣ်လီၤ.

လံာ်စီၤယိၤၡူ 5:10

ဖဲပှၤအံၣ်စရ့လးဖိတဖၣ်သူၣ်ဒံးဒဲဖဲကံးလကၤလး, လၢပျီလၢအဘူးဒီးဝ့ၢ်ယရံၤဃိအခါန့ၣ်, အဝဲသ့ၣ်မၤဘူၣ်လဲၤကပာ်လၢလါထီၣ်တဆံလွံၢ်သီဖဲမုၢ်ဟါလီၤ အကတီၢ်န့ၣ်လီၤ.

လံာ်စီၤယိၤၡူ 5:9

ယွၤစံးဘၣ်စီၤယိၤၡူ, “မုၢ်မဆါတနံၤအံၤယသုးကွံာ်သု တၢ်မဲာ်တြီၢ်မဲာ်ဆှးဘၣ်ဃးဒီးသုတၢ်ကဲကုၢ်လၢကီၢ်အဲၤကူ ပတူးန့ၣ်လံ.” လၢတၢ်န့ၣ်အဃိတၢ်လီၢ်ဝဲန့ၣ်တၢ်ကိးအမံၤလၢကံးလကၤလး, မံၤလၢအအိၣ်တုၤမုၢ်မဆါတနံၤအံၤလီၤ.

လံာ်ပှၤစံၣ်ညီၣ်ကွီၢ် 10:4

အဝဲအိၣ်ဒီးအဖိခွါအဂၤသၢဆံလၢအဒိးကသ့ၣ်ယီၤအဒုသၢဆံလီၤ. အဝဲသ့ၣ်အိၣ်ဒီးဝ့ၢ်အဖျၢၣ်သၢဆံလၢကီၢ်ကံးလဧး, လၢအဘၣ်တၢ်ကိးဒံးအီၤလၢစီၤယၤအံၢ်အသဝီတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 12:14

အဝဲဒၣ်အိၣ်ဒီးအဖိခွါအဂၤလွံၢ်ဆံဒီးအလံၤခွါအဂၤသၢဆံလၢ အဒိးကသ့ၣ်ယီၤအဒုနွံဆံန့ၣ်လီၤ. စီၤဧၤဘဒိၣ်ပၢဆှၢကီၢ်အံၣ်စရ့လးဃိးနံၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:10

တဲတၢ်ဂ့ၢ်န့ၣ်, သုဝဲလၢအဒိးကသ့ၣ်ယီၤဝါတဖၣ်, သုဝဲလၢအဆ့ၣ်နီၤလၢကသ့ၣ်အဂီၤကၢ်အလိၤတဖၣ်, ဒီးသုဝဲလၢအလဲၤတၢ်တပူၤလၢ်လၢ်သ့ၣ်ဧၢ.

လံာ်စီၤၡမူၤအ့လးအခီၣ်ထံးတဘ့ၣ် 10:17

စီၤၡမူၤအ့လးကိးပှၤဂီၢ်မုၢ်လၢကပာ်ဖှိၣ်ထီၣ်အသးလၢတၢ်ဘူၣ် တၢ်ဘါအတၢ်ရ့လိာ်မုာ်လိာ်တမံၤအဂီၢ်ဖဲဝ့ၢ်မံးစပၤ,

လံာ်စီၤၡမူၤအ့လးအခီၣ်ထံးတဘ့ၣ် 11:14

ဒီးစီၤၡမူၤအ့လးစံးဘၣ်အဝဲသ့ၣ်, “မ်ပဝဲခဲလၢာ်ပလဲၤသကိးကဒီးတဘျီဆူဝ့ၢ်ကံးလကၤလး ဒီးဘိးဘၣ်သ့ၣ်ညါတၢ်လၢစီၤစီလူးမ့ၢ်ပစီၤပၤန့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 7:5

တုၤနုၤတစုစီၤၡမူၤအ့လးမၤလိာ်ကယဲၢ်ပှၤအံၣ်စရ့လးဖိတဖၣ် လၢကထံၣ်လိာ်သးဖဲဝ့ၢ်မံးစပၤန့ၣ်, ဒီးစံးဘၣ်အဝဲသ့ၣ်, “ယကဘါထုကဖၣ်တၢ်ဆူယွၤအအိၣ်လၢသုဂီၢ်ဖဲန့ၣ်လီၤ.”