လံာ်စီၤၡမူၤအ့လးအခီၣ်ထံးတဘ့ၣ် 7:14 - Sgaw Karen Common Bible

¹⁴ ဝ့ၢ်ကိးဝ့ၢ်ဒဲးလၢပှၤဖလ့ၡသးဖိတဖၣ်ဒုးန့ၢ်တ့ၢ်ဝဲလၢဝ့ၢ် ဧ့ကြိၣ်ဒီးဝ့ၢ်ကၤသးအဘၢၣ်စၢၤတဖၣ်ဘၣ်တၢ်ဟ့ၣ်က့ၤအီၤဆူကီၢ် အံၣ်စရ့လး, ဒီးလၢတၢ်န့ၣ်အဃိကီၢ်အံၣ်စရ့လးမၤန့ၢ်က့ၤကယဲၢ်အထံအကီၢ်အလီၢ်အကျဲလီၤ. ဒီးတၢ်ဃူတၢ်ဖိးအိၣ်ဝဲစ့ၢ်ကီးလၢပှၤ အံၣ်စရ့လးဖိတဖၣ်ဒီးပှၤကနၤဧၣ်ဖိတဖၣ်အဘၢၣ်စၢၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:14 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 18:1

တယံာ်အါအါဘၣ်အလီၢ်ခံန့ၣ်စီၤပၤဒၤဝံးဒုးကဒီးတၢ်ဒီးပှၤ ဖလ့ၡသးဖိတဖၣ်ဒီးမၤနၢၤကွံာ်အဝဲသ့ၣ်န့ၣ်လီၤ. အဝဲဟံးန့ၢ်ကွံာ်ဝ့ၢ်ကၤသးဒီးသဝီအိၣ်ဝးတရံးအီၤတဖၣ်လၢ အဝဲသ့ၣ်အတၢ်ပၢၤဃာ်အပူၤန့ၣ်လီၤ.

စံးထီၣ်ပတြၢၤ 106:34

အဝဲသ့ၣ်တမၤသံကွံာ်ပှၤတဘူၣ်ထီၣ်ဘါထီၣ်ယွၤဒ် ယွၤမၤလိာ်အဝဲသ့ၣ်လၢကမၤဝဲန့ၣ်ဘၣ်.

လံာ်တၢ်ဂံၢ် 13:29

ပှၤဧမၤလ့းဖိတဖၣ်အိၣ်လၢကီၢ်န့ၣ်အကလံၤထံးတခီ, ပှၤဃ့ၤသးဖိ, ပှၤယဘူၣ်ဖိ, ပှၤအမိၢ်ဖိတဖၣ်အိၣ်လၢကီၢ်အတၢ်လူၢ် ဒီခိၣ်ဒီးပှၤကနၤဧၣ်ဖိတဖၣ်အိၣ်လၢပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အဃၢၤဒီးထံကျိယၢ်ဒ့ၣ်အကၢၢ်နံၤဒီတရဲၣ်ညါန့ၣ် လီၤ.”

လံာ်သိၣ်လီၤသီလီၤတၢ် 7:16

မၤဟးဂီၤကွံာ်ကယဲၢ်ပှၤကိးကလုာ်ဒဲးလၢယွၤ, သုကစၢ်ယွၤဟ့ၣ်လီၤအီၤလၢသုစုပူၤဒီးဒုးနဲၣ်ဖျါထီၣ်သု တၢ်သးကညီၤဘၣ်အဝဲသ့ၣ်နီတမံၤတဂ့ၤ. ဘူၣ်ထီၣ်ဘါထီၣ်အဝဲသ့ၣ်အကစၢ်တဖၣ်တဂ့ၤ. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢအမၤသံသုသ့န့ၣ်လီၤ.

လံာ်သိၣ်လီၤသီလီၤတၢ် 7:2

ဖဲယွၤ, သုကစၢ်ယွၤဟ့ၣ်လီၤပှၤဂီၢ်မုၢ်တဖၣ်အံၤလၢသုစုပူၤ ဒီးသုမၤနၢၤကွံာ်အီၤန့ၣ်, သုကဘၣ်မၤသံကွံာ်အီၤခဲလၢာ်န့ၣ်လီၤ. မၤတၢ်ဒီသိၣ်ဒီမှံၤဒီးအဝဲသ့ၣ်မ့ၢ်ဂ့ၤ, ဒုးနဲၣ်အဝဲသ့ၣ်လၢသုတၢ်သးကညီၤမ့ၢ်ဂ့ၤ, န့ၣ်တဂ့ၤ.

လံာ်စီၤယိၤၡူ 10:5

အန့ၣ်ဒီး, ပှၤအမိၢ်ဖိအစီၤပၤယဲၢ်ဂၤလၢအမ့ၢ်ဝဲစီၤပၤတဖၣ်လၢဝ့ၢ် ယရူၤၡလ့ၣ်, ဃ့ဘြိၣ်, ယၢ်မူသး, လၤကံၣ်ဒီးဧ့းကလိၣ်ပာ်ဖှိၣ်အသုးမုၢ်တဖၣ်, ကဝီၤဃာ်ဝ့ၢ်ကံးဘိၣ်ဒီးဒုးအီၤန့ၣ်လီၤ.

လံာ်စီၤယိၤၡူ 15:11

ကီၢ်ဆၢန့ၣ်လဲၤထီၣ်ဆူကစၢၢ်လၢဝ့ၢ်ဧ့ကြိၣ်အကလံၤစိး, တရံးအသးဆူဝ့ၢ်ၡံကြိၣ်ပူၤကွံာ်ကစၢၢ်ဘဧၤလးဒီးဆူညါဆူ ဝ့ၢ်ယးဘန့လးလီၤ. လဲၤကတၢၢ်ဝဲဖဲပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်

လံာ်ပှၤစံၣ်ညီၣ်ကွီၢ် 4:17

စီၤစံစရၤဃ့ၢ်နုၢ်ဆူပှၤက့ၣ်ဖိစီၤဃ့ဘ့ၢ်အမါနီၢ်ယဧ့လး အဒဲပူၤလီၤ. အဂ့ၢ်ဒ်အံၤ, ဝ့ၢ်ဃါစိၢ်အစီၤပၤယၤဘံၣ်မၤတ့ၢ်တၢ်ဃူတၢ်ဖိးဒီးပှၤဃ့ဘ့ၢ်အဒူၣ်ဖိထၢဖိ န့ၣ်လီၤ.