လံာ်စီၤၡမူၤအ့လးအခီၣ်ထံးတဘ့ၣ် 7:12 - Sgaw Karen Common Bible

¹² အန့ၣ်တစုစီၤၡမူအ့လးဟံးန့ၢ်လၢၢ်တဖျၢၣ်ဒီးပာ်လီၤအီၤဖဲ ဝ့ၢ်မံးစပၤဒီးဝ့ၢ်ၡ့ၣ်အဘၢၣ်စၢၤဒီးစံးဝဲ, “ယွၤမၤစၢၤတ့ၢ်ပှၤကျဲဒီဘိညါလီၤ.” ဒီးယုၢ်ဝဲအမံၤလၢ “အ့ဘ့ၤန့စၢ်” လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:12 Iomraidhean Croise

လံာ်တၢ်ကဲထီၣ်အခီၣ်ထံး 22:14

စီၤအၤဘြၤဟၣ်ယုၢ်တၢ်လီၢ်န့ၣ်အမံၤလၢ, “ယဟိဝၤယံၤရၤ” အခီပညီ, “ယွၤထံၣ်တၢ်ဟ့ၣ်တၢ်” လီၤ. ဒီးတုၤလီၤလၢမုၢ်မဆါတနံၤအံၤဒၣ်လဲာ်ပှၤဂီၢ်မုၢ်စံး, “လၢယွၤအကစၢၢ်ဒီခိၣ်န့ၣ်ယွၤအိၣ်ဖျါထီၣ်ဝဲလီၤ.”

လံာ်တၢ်ကဲထီၣ်အခီၣ်ထံး 35:14

ဖဲန့ၣ်, ဖဲတၢ်လီၢ်လၢကစၢ်ယွၤကတိၤတ့ၢ်တၢ်ဒီးအီၤန့ၣ်စီၤယၤ ကိာ်ပာ်လီၤတၢ်သ့ၣ်နီၣ်အလၢၢ်တဖျၢၣ်ဒီးပာ်စီဆှံ အီၤခီဖျိလူလီၤစပံးထံဒီးသ့ၣ်စၤယံးအသိလၢအဖီခိၣ်န့ၣ် လီၤ.

စံးထီၣ်ပတြၢၤ 71:17

ကစၢ်ဧၢ, လၢယသးစၢ်လံၤလံၤနသိၣ်လိတ့ၢ်ယၤလံ, ဒီးယဒုးနဲၣ်နမၤတၢ်လီၤလးတဖၣ် တုၤခဲကနံၣ်အံၤလီၤ.

စံးထီၣ်ပတြၢၤ 71:6

ယသန့ၤတ့ၢ်ယသးလၢနၤစးထီၣ်လၢယအိၣ်ဖျဲၣ်, နမ့ၢ်ပှၤလၢအထုးထီၣ်ယၤလၢ ယမိၢ်အဟၢဖၢအပူၤန့ၣ်လီၤ. ယကစံးထီၣ်ပတြၢၤနၤတထံၣ်ဃီလီၤ.

လံာ်တၢ်ဟးထီၣ်ကွံာ် 17:15

စီၤမိၤၡ့ဘှီထီၣ်တၢ်လုၢ်တၢ်ပာ်အလီၢ်တခါဒီးကိးဝဲအမံၤလၢ, “ယွၤစံးနံး” အခီပညီ, “ယွၤမ့ၢ်ယနီၣ်တယၢ်” န့ၣ်လီၤ.

လံာ်ယၡါယၤ 19:19

တုၤတၢ်ဆၢကတီၢ်န့ၣ်ဟဲဝဲဒီး, ကီၢ်အဲၤကူပတူးကအိၣ်ဒီးတၢ်လုၢ်လီၢ်လၢယွၤအဂီၢ်ဒီးလၢၢ် ထူၣ်တထူၣ်ကဘၣ်တၢ်ပာ်စီဆှံအီၤလၢယွၤအဂီၢ်ဖဲကီၢ်အဲၤကူပ တူးအဆၢန့ၣ်လီၤ.

မၤတၢ် 26:22

ဘၣ်ဆၣ်ဒီးတုၤလၢမုၢ်တနံၤညါအံၤကစၢ်ယွၤမၤစၢၤတ့ၢ်ယၤ, ဒီးလၢတၢ်န့ၣ်အဃိယဆၢထၢၣ်ဖဲအံၤဒီးဟ့ၣ်ယတၢ်အုၣ် ယသးဆူပှၤကိးဂၤဒဲး, ဒိၣ်မ့ၢ်ဂ့ၤ, ဆံးမ့ၢ်ဂ့ၤန့ၣ်လီၤ. တၢ်လၢယစံးကတိၤယဲလၢအဂ့ၢ်န့ၣ်, မ့ၢ်တၢ်တမံၤဃီလၢဝံတဖၣ်ဒီးစီၤမိၤၡ့စံးတ့ၢ်ဝဲလၢအကမၤ အသး,

၂ ကရံၣ်သူး 1:10

အဝဲဒၣ်အုၣ်က့ၤခီၣ်က့ၤတ့ၢ်ပှၤလၢတၢ်လီၤပျံၤလီၤဖုးဖး ဒိၣ်တဖၣ်လၢအဘၣ်ဃးဒီးတၢ်သံ, ဒီးကအုၣ်က့ၤခီၣ်က့ၤပှၤ, ဒီးပပာ်လီၤတ့ၢ်ပတၢ်မုၢ်လၢ်လၢအဝဲဒၣ်အပူၤလၢအဝဲဒၣ် ကအုၣ်က့ၤခီၣ်က့ၤကဒီးပှၤ,

လံာ်စီၤယိၤၡူ 4:9

ဒီးစီၤယိၤၡူပာ်လီၤစ့ၢ်ကီးလၢၢ်တဆံ ခံဖျၢၣ်လၢထံကျိယၢ်ဒ့ၣ်အခၢၣ်သးလၢတၢ်လီၢ်ဖဲပှၤလုၢ်တၢ်အ ခိၣ်တဖၣ်လၢအစိာ်တၢ်အၢၣ်လီၤအီလီၤအတလါအိၣ်ဆၢထၢၣ်ဝဲန့ၣ်လီၤ. ဒီးလၢၢ်တဖၣ်န့ၣ်အိၣ်ဒံးဝဲတုၤမုၢ်မဆါတနံၤအံၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:35

စီၤစီလူးဘှီထီၣ်တၢ်လုၢ်လီၢ်တခါဆူယွၤအအိၣ်ဒီးတၢ်န့ၣ်မ့ၢ် တၢ်လုၢ်လီၢ်အခီၣ်ထံးကတၢၢ်တခါလၢအဘှီထီၣ်ဝဲဒၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:1

အကတီၢ်ဝဲန့ၣ်ပှၤဖလ့ၡသးဖိတဖၣ်ပာ်ဖှိၣ်ထီၣ်အသးလၢကဒုးတၢ် ထီဒါကီၢ်အံၣ်စရ့လးန့ၣ်လီၤ. မၤသးဒ်န့ၣ်ဒီး, ပှၤအံၣ်စရ့လးဖိတဖၣ်ကျဲၤအသးလၢကဒုးအဝဲသ့ၣ်န့ၣ်လီၤ. ပှၤအံၣ်စရ့လးဖိတဖၣ်သူၣ်ထီၣ်အဒဲဖဲဝ့ၢ်အ့ဘ့ၣ်န့စၢ်ဒီးပှၤ ဖလ့ၡသးဖိတဖၣ်သူၣ်ထီၣ်အဒဲဖဲဝ့ၢ်အဖ့းအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:1

ပှၤဖလ့ၡသးဖိတဖၣ်မၤန့ၢ်ယွၤအတၢ်အၢၣ်လီၤအီလီၤအတလါစီဆှံ ဝံၤအလီၢ်ခံန့ၣ်အဝဲသ့ၣ်စိာ်ကွံာ်အီၤလၢဝ့ၢ်အ့ဘ့ၣ်န့စၢ်ဆူ ဝ့ၢ်အၤစဒိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:11

ပှၤအံၣ်စရ့လးဖိတဖၣ်ဟးထီၣ်လၢဝ့ၢ်မံးစပၤဒီးလူၤဃီၤပှၤဖလ့ၡသးဖိတဖၣ် တုၤလၢဝ့ၢ်ဘ့ၤသကၢ်ဒီးမၤသံကွံာ်အဝဲသ့ၣ်လၢ ကျဲဒီဘိညါန့ၣ်လီၤ.