လံာ်စီၤၡမူၤအ့လးအခီၣ်ထံးတဘ့ၣ် 7:10 - Sgaw Karen Common Bible

¹⁰ ဖဲစီၤၡမူၤအ့လးလုၢ်ထီၣ်တၢ်လုၢ်မၤဘူၣ်ဆူယွၤအအိၣ်အခါန့ၣ်, ပှၤဖလ့ၡသးဖိတဖၣ်ဟဲထီၣ်ဆူညါလၢကဒုးတၢ်အဂီၢ်လီၤ. ဖဲန့ၣ်တကီၢ်ခါယွၤမၤလီသီၣ်လီသဲထီဒါအဝဲသ့ၣ်လီၤ. အဝဲသ့ၣ်အသးကဒံကဒါကွံာ်ဝဲလၢာ်လၢာ်ဆ့ဆ့ဒီးဃ့ၢ်ကွံာ်လၢ တၢ်ပျံၤတၢ်ဖုးဖးဒိၣ်အပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:10 Iomraidhean Croise

စံးထီၣ်ပတြၢၤ 18:15

ယွၤဧၢ, ဖဲနသိၣ်နသီနဒုၣ်နဒါတဖၣ်, ဒီးနသါသဖှိထီၣ်တၢ်ဆူၣ်ဆူၣ်ကလဲာ် လၢတၢ်သးထီၣ်န့ၣ်, ပီၣ်လဲၣ်အခံဒးဖျါထီၣ်ဝဲ ဒီးဟီၣ်ခိၣ်အခီၣ်ထံးတဖၣ် ဘၣ်တၢ်မၤဖျါထီၣ်အီၤန့ၣ်လီၤ.

စံးထီၣ်ပတြၢၤ 29:3

ယွၤအကလုၢ်ဘၣ်တၢ်နၢ်ဟူအီၤလၢပီၣ်လဲၣ်အဖီခိၣ်, တၢ်လၤကပီၤအကစၢ်မၤသီၣ်ထီၣ်အကလုၢ်ဒ် လီသီၣ်အသိး ဒီးအကလုၢ်သီၣ်ကဒါက့ၤလၢ ပီၣ်လဲၣ်မိၢ်ပှၢ်အဖီခိၣ်န့ၣ်လီၤ.

စံးထီၣ်ပတြၢၤ 29:4

ယွၤအကလုၢ်အံၤအိၣ်ဒီးအစိအကမီၤ, ယွၤအကလုၢ်အံၤပှဲၤဝဲဒီးတၢ်ကဟုကညီၢ်န့ၣ်လီၤ.

စံးထီၣ်ပတြၢၤ 78:66

အဝဲနီၣ်ကဒါက့ၤအဒုၣ်အဒါတဖၣ် လၢတၢ်မဲာ်ဆှးအတၢ်ဃၣ်ကွံာ်လီၤထူလီၤယိာ်န့ၣ်လီၤ.

လံာ်စကၤရယၤ 4:6

ကလူးမၢယတဲဘၣ်စီၤစရူၤဘၤဘ့လးလၢယွၤ အတၢ်ကစီၣ်ဒ်အံၤ, “နကမၤနၢၤတၢ်, ဘၣ်ဆၣ်ဒီးတမ့ၢ်ဘၣ်လၢသုးမုၢ်သံၣ်ဘိအစိ ကမီၤဒီးနဂံၢ်နဘါဒၣ်နဲဘၣ်. မ့မ့ၢ်တခီမ့ၢ်လၢယသးလီၤ.

လံာ်သိၣ်လီၤသီလီၤတၢ် 28:7

ယွၤကမၤနၢၤကွံာ်သုဒုၣ်သုဒါတဖၣ်ဖဲအဝဲသ့ၣ်ဟဲထီၣ်ဒုးသု န့ၣ်လီၤ. အဝဲသ့ၣ်ကဟဲထီၣ်ဒုးသုထဲလၢကျိၤကျဲတကျိၤဧိၤ, ဘၣ်ဆၣ်အဝဲသ့ၣ်ကဃ့ၢ်ကွံာ်လၢသုအိၣ်လၢကျိၤကျဲခဲလၢာ်အပူၤ န့ၣ်လီၤ.

လံာ်စီၤယိၤၡူ 10:10

ဒီးယွၤဒုးလီၤဘၣ်တၢ်ပျံၤတၢ်ဖုးလၢပှၤအမိၢ်ဖိတဖၣ်အလိၤဖဲ အထံၣ်ဘၣ်အံၣ်စရ့လးအသုးမုၢ်န့ၣ်လီၤ. ပှၤအံၣ်စရ့လးဖိ တဖၣ်မၤသံကွံာ်အဝဲသ့ၣ်ဖဲဝ့ၢ်ကံးဘိၣ်ဒီးလူၤလီၤအဝဲသ့ၣ် လၢကျဲလဲၤဆူဝ့ၢ်ဘ့ၤသဃိရိၣ်, ဒီးကျီကွံာ်အီၤပၢၢ်လၢဝ့ၢ်ဧစ့ ကၤဒီးဝ့ၢ်မးက့ဒၤန့ၣ်လီၤ.

လံာ်ပှၤစံၣ်ညီၣ်ကွီၢ် 4:15

ဖဲစီၤဘါရးဒုးတၢ်ဃုာ်ဒီးအသုးမုၢ်န့ၣ်ယွၤမၤသဘံၣ်ဘုၣ်စီၤစံစရၤ အလ့ၣ်ကဟၣ်ဒုးသုးတဖၣ်ဒီးအပှၤသုးဖိတဖၣ်လီၤ. စီၤစံစရၤစံၣ်လီၤလၢအလ့ၣ်ကဟၣ်ဒုးသုးအဖီခိၣ်ဒီးဃ့ၢ်ဝဲလၢအခီၣ်လီၤ.

လံာ်ပှၤစံၣ်ညီၣ်ကွီၢ် 5:20

ဆၣ်ဧိၤဖီဧိၤတဖၣ်ဒုးတၢ်လၢမူကပိာ်လိၤ ဖဲအသုးအသးခီဂာ်မူကပိာ်လိၤန့ၣ်လီၤ. အဝဲသ့ၣ်ဒုးတၢ်ထီဒါစီၤစံစရၤလီၤ.

လံာ်ပှၤစံၣ်ညီၣ်ကွီၢ် 5:8

ဒီးဖဲပှၤအံၣ်စရ့လးဖိဃုထၢကစၢ်အသီတဖၣ်န့ၣ်, တၢ်ဒုးတၢ်ယၤအိၣ်ထီၣ်လၢကီၢ်န့ၣ်အပူၤလီၤ. လၢအံၣ်စရ့လးပိာ်ခွါလွံၢ်ကလးအကျါမ့ၢ်ပှၤစိာ်ကတီၤမ့ၢ်ဂ့ၤ, ဘီမ့ၢ်ဂ့ၤတဂၤဂၤန့ၣ်ဧါ.

လံာ်စီၤၡမူၤအ့လးအခီၣ်ထံးတဘ့ၣ် 12:17

ခဲအံၤမ့ၢ်ဝဲတၢ်ယီၤခါအဆၢကတီၢ်, တမ့ၢ်ဘၣ်ဧါ. ဘၣ်ဆၣ်ဒီးယကဘါထုကဖၣ်တၢ်ဒီးယွၤကဆှၢလီၤလီ သီၣ်လီသဲဒီးတၢ်စူၤလီၤ. တုၤတၢ်အံၤမၤအသးဒီးသုကနၢ်ပၢၢ်လီၤတံၢ်လၢ သုမၤတ့ၢ်တၢ်ဒဲးဘးဖးဒိၣ်တမံၤထီဒါယွၤ ဖဲသုဃ့တ့ၢ်အီၤလၢစီၤပၤတဂၤန့ၣ် လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:15

ကယဲၢ်ပှၤဖလ့ၡသးဖိအိၣ်လၢဝ့ၢ်အဃၢၤန့ၣ်ပျံၤတၢ်ဖုးတၢ်နးနးကလဲာ်လီၤ. ပှၤဂုာ်ဆူၣ်တၢ်တဖၣ်ဒီးပှၤသုးဖိတဖၣ်လၢသူၣ်ဒဲအလီၢ်န့ၣ် ကနိးကစုာ်လၢတၢ်ပျံၤတၢ်ဖုးအပူၤလီၤ. ဟီၣ်ခိၣ်ဟူးဝဲဒီးတၢ်ပျံၤတၢ်ဖုးဖးဒိၣ်အိၣ်ထီၣ်ဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:10

ယွၤအဒုၣ်အဒါတဖၣ်န့ၣ်ကဘၣ်တၢ်မၤ ဟးဂီၤကွံာ်အီၤလီၤ. အဝဲကမၤသီၣ်, လီသီၣ်လီသဲထီဒါအဝဲသ့ၣ်လၢမူခိၣ်လီၤ. ယွၤကစံၣ်ညီၣ်ဟီၣ်ခိၣ်ဒီဘ့ၣ်ညါလီၤ. အဝဲကဟ့ၣ်လီၤတၢ်စိတၢ်ကမီၤလၢအစီၤပၤတဖၣ်လီၤ. အဝဲကမၢအစီၤပၤလၢအဃုထၢဝဲန့ၣ်မၤန့ၢ်မၤနၢၤတၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:11

ပှၤအံၣ်စရ့လးဖိတဖၣ်ဟးထီၣ်လၢဝ့ၢ်မံးစပၤဒီးလူၤဃီၤပှၤဖလ့ၡသးဖိတဖၣ် တုၤလၢဝ့ၢ်ဘ့ၤသကၢ်ဒီးမၤသံကွံာ်အဝဲသ့ၣ်လၢ ကျဲဒီဘိညါန့ၣ်လီၤ.