လံာ်စီၤၡမူၤအ့လးအခီၣ်ထံးတဘ့ၣ် 7:1 - Sgaw Karen Common Bible

¹ မၤသးဒ်န့ၣ်ဒီး, ပှၤဂီၢ်မုၢ်လၢဝ့ၢ်ကံးရယးယဧၤရံၣ်မၤန့ၢ်ယွၤ အတၢ်အၢၣ်လီၤအီလီၤအတလါစီဆှံ ဒီးလဲၤစိာ်ဝဲဆူပှၤတဂၤလၢ အမံၤမ့ၢ်စီၤအဘံနဒာ် အဟံၣ်လၢအအိၣ်လၢကစၢၢ်ကလိတဖျၢၣ်အဖီခိၣ်န့ၣ်လီၤ. အဝဲသ့ၣ်ပာ်စီဆှံထီၣ်စီၤအဘံနဒာ်အဖိခွါစီၤအလၤဧၤစၢ်လၢ အကကဲထီၣ်ပှၤအံးထွဲကွၢ်ထွဲတလါစီဆှံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 13:3

အန့ၣ်ဝံၤဒီးပကလဲၤဒီးဟံးန့ၢ်က့ၤကစၢ်ယွၤအတၢ်အၢၣ်လီၤအီၤ လီၤအတလါလၢတဘၣ်တၢ်ကနၣ်ဃုာ်တ့ၢ်အီၤဖဲစီၤစီလူးကဲစီၤပၤ အကတီၢ်န့ၣ်တက့ၢ်.”

စံးထီၣ်ပတြၢၤ 132:6

လၢဝ့ၢ်ဘ့ၤသလ့ဃ့ၣ်အပူၤန့ၣ် ပနၢ်ဟူဘၣ် တၢ်အၢၣ်လီၤအီလီၤ အတလါစီဆှံအဂ့ၢ်, ဒီးထံၣ်ဘၣ်အီၤလၢယၤရံၣ်အပျီတဖၣ်အပူၤန့ၣ်လီၤ.

လံာ်ယၡါယၤ 52:11

ဟးထီၣ်ကွံာ်သပှၢ်ကတၢၢ်လၢကီၢ်ဘၤဘူၤလိၣ်, သုဝဲလၢအဝံစိာ်တၢ်လုၢ်ဟံၣ်အပီးအလီသ့ၣ်ဧၢ, တၢ်လၢတၢ်တြီအီၤတဖၣ်န့ၣ်ထိးအီၤနီတမံၤတဂ့ၤ. ပာ်စီပာ်ဆှံသုသးဒီးဟးထီၣ်တက့ၢ်.

လံာ်စီၤယိၤၡူ 18:14

ဝံၤဒီးကီၢ်ဆၢန့ၣ်လဲၤဆူအဂၤတကျိၤဒၣ်, စးထီၣ်လၢကစၢၢ်အံၤ အမုၢ်နုာ်တကပၤဒီးလီၤဆူကလံၤထံးဒီးလဲၤဆူ ဝ့ၢ်ကံးရယးဘဧၤလး (မ့တမ့ၢ်ကီၢ်ကံးရယးယဧၤရံၣ်) လၢအဘၣ်ဃးဒီးယူဒၤအဒူၣ်လီၤ. အဝဲအံၤမ့ၢ်မုၢ်နုာ်အကီၢ်ဆၢန့ၣ်လီၤ.

လံာ်စီၤယိၤၡူ 9:17

သတးဒီးအံၣ်စရ့လးဖိတဖၣ်ဟးထီၣ်ဒီးသၢသီတသီ န့ၣ်လဲၤတုၤဝဲလၢအဝဲသ့ၣ်အဝ့ၢ်တဖၣ်လၢအမ့ၢ်ကံးဘိၣ်, ကဖံရၤ, ဘအ့ရိး, ဒီးကံးရယးယဧၤရံၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:21

အဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ် ဆူပှၤဂီၢ်မုၢ်အိၣ်လၢဝ့ၢ်ကံးရယးယဧၤရံၣ်အပူၤလၢအကစံးဝဲ, “ပှၤဖလ့ၡသးဖိတဖၣ်ဆှၢကဒါက့ၤ ယွၤအတၢ်အၢၣ်လီၤအီလီၤအတလါစီဆှံလံ. ဟဲဒီးဟံးန့ၢ်အီၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 7:2

ယွၤအတၢ်အၢၣ်လီၤအီလီၤအတလါစီဆှံအိၣ်ဝဲလၢဝ့ၢ်ကံးရယးယဧၤ ရံၣ်ဖးယံာ်ညါတုၤလၢအနံၣ်ခံဆံန့ၣ်လီၤ. လၢအကတီၢ်ဖဲအံၤအပူၤအတ့ၤန့ၣ်ပှၤအံၣ်စရ့လးဖိတဖၣ် ကိးပသူထီၣ်ဆူယွၤအအိၣ်လၢတၢ်မၤစၢၤအဂီၢ်လီၤ.