လံာ်စီၤၡမူၤအ့လးအခီၣ်ထံးတဘ့ၣ် 6:6 - Sgaw Karen Common Bible

⁶ သုဘၣ်မၤကိၤသုခိၣ်ဒ်ကီၢ်အဲၤကူပတူးအစီၤပၤဒီးပှၤအဲၤကူပတူးဖိတဖၣ်အသိးန့ၣ် ဘၣ်မနုၤလဲၣ်. ကစၢ်ယွၤမၤပျုၢ်တ့ၢ်အဝဲ သ့ၣ်တုၤဒၣ်လဲာ်အဝဲသ့ၣ်ပျဲပှၤအံၣ်စရ့လးဖိတဖၣ်ဟးထီၣ်ကွံာ် လၢကီၢ်အဲၤကူပတူးဒ်လဲၣ်န့ၣ်သးပ့ၤနီၣ်တဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 6:6 Iomraidhean Croise

လံာ်စီၤယိၤဘး 9:4

ကစၢ်ယွၤန့ၣ်ကူၣ်ဘၣ်ကူၣ်သ့ဒီးအစိအကမီၤဒိၣ်နီၢ်မးန့ၣ်လီၤ. ပှၤထီဒါအီၤတန့ၢ်နီတဂၤဘၣ်.

စံးထီၣ်ပတြၢၤ 95:8

“မၤကိၤထီၣ်သုသးတဖၣ်ဒ်သိး သုမိၢ်ပၢ်ဖံဖုလၢပျၢၤဖဲမရံၤဘါ, ဒ်မုၢ်တနံၤဖဲအဝဲသ့ၣ်အိၣ်လၢ ပှၢ်မုၢ်ကနၢမၤစၤအခါအသိးန့ၣ်တဂ့ၤ.

လံာ်တၢ်ဟးထီၣ်ကွံာ် 10:3

လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးစံးဘၣ်အီၤ, “ယွၤ, ပှၤဧ့ၤဘြံၤဖိအကစၢ်ယွၤစံးဒ်အံၤ, ဒ်သိးနသုတဆီၣ်လီၤနသးလၢယဖီလာ်တဂ့ၤဒီးနကဂ့ၢ်လိာ်ဆံးယံာ် ဒံးလဲၣ်. ပျၢ်ယပှၤဂီၢ်မုၢ်ဒ်သိးကလဲၤဘူၣ်ထီၣ်ဘါထီၣ်ယၤတက့ၢ်.

လံာ်တၢ်ဟးထီၣ်ကွံာ် 14:17

ယကမၤကိၤထီၣ်ပှၤအဲၤကူပတူးဖိတဖၣ်အသးတုၤအဝဲသ့ၣ်ကလူၤပိာ် ထွဲသုခံ, ဒီးယကဒိးန့ၢ်ဘၣ်တၢ်လၤကပီၤခီဖျိယတၢ်မၤနၢၤလၢစီၤပၤ, အဝဲအသုးမုၢ်, အဝဲအလ့ၣ်ကဟၣ်ဒုးသုးဒီးအပှၤနီၣ်တၢ်တဖၣ်အဖိခိၣ်န့ၣ်လီၤ.

လံာ်တၢ်ဟးထီၣ်ကွံာ် 14:23

ပှၤအဲၤကူပတူးဖိတဖၣ်လူၤပိာ်ထွဲအဝဲသ့ၣ်အခံဆူပီၣ်လဲၣ်ပူၤ ဃုာ်ဒီးကယဲၢ်အကသ့ၣ်တဖၣ်, လ့ၣ်ကဟၣ်ဒုးသုးတဖၣ်ဒီးပှၤနီၣ်တၢ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 4:21

ဒီးယွၤစံးဘၣ်စီၤမိၤၡ့, “တုၤနက့ၤကဒါက့ၤဆူကီၢ်အဲၤကူပတူး န့ၣ်မၤတၢ်လီၤလးတဖၣ်လၢယဟ့ၣ်စိဟ့ၣ်ကမီၤနၤလၢနကမၤအီၤ လၢစီၤပၤဖၤရိၤအမဲာ်ညါတက့ၢ်. ယကမၤကိၤထီၣ်အသးဒ်သိးအသုတပျဲပှၤဂီၢ်မုၢ်တဖၣ်ဟးထီၣ်တဂ့ၤ န့ၣ်လီၤ.

လံာ်တၢ်ဟးထီၣ်ကွံာ် 7:13

ဘၣ်ဆၣ်စီၤပၤအသးကိၤဒံးဝဲဒီးတဒိကနၣ်ဘၣ်စီၤမိၤၡ့ဒီး စီၤအၤဟရိၣ်ဘၣ်, ဒ်ယွၤစံးဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 7:14

တုၤနုၤတစုယွၤစံးဘၣ်စီၤမိၤၡ့, “စီၤပၤအံၤအသးကိၤဒိၣ် မးဒီးဂ့ၢ်လိာ်ဝဲလၢကပျၢ်ကွံာ်ပှၤဂီၢ်မုၢ်န့ၣ်လီၤ.

လံာ်တၢ်ဟးထီၣ်ကွံာ် 8:15

ဖဲစီၤပၤထံၣ်ဝဲဒၣ်လၢဒ့ၣ်တဖၣ်သံဝဲန့ၣ်, အသးကိၤထီၣ်ကဒီးဝဲ ဒ်ယွၤစံးတ့ၢ်ဝဲအသိး, ဒီးစီၤပၤတဒိကနၣ်စီၤမိၤၡ့ဒီးစီၤအၤဟရိၣ်ဘၣ်န့ၣ်လီၤ.

လံာ်တၢ်ဟးထီၣ်ကွံာ် 8:32

ဘၣ်ဆၣ်တုၤလၢအအံၤတစုဒၣ်လဲာ်စီၤပၤမၤကိၤအသးဒီးတပျၢ်ဘၣ် ပှၤဂီၢ်မုၢ်ဘၣ်.

လံာ်တၢ်ဟးထီၣ်ကွံာ် 9:16

ဘၣ်ဆၣ်ယပာ်မူနၤဒ်သိးယကဒုးနဲၣ်နၤလၢယစိယကမီၤဒ်သိးယမံၤ ကဘၣ်တၢ်စံၣ်တဲၤတဲလီၤအီၤလၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်တၢ်ဟးထီၣ်ကွံာ် 9:34

ဒီးတုၤစီၤပၤထံၣ်တၢ်မၤအသးအံၤဒီးအဝဲမၤကဒီးတၢ်ဒဲးဘးလီၤ. အဝဲဒီးအပဒိၣ်ပပှၢ်တဖၣ်အသးကိၤဒံးဝဲဒ်လၢညါအသိးန့ၣ်လီၤ.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

ဧ့ၤဘြံၤ 3:13

မ့မ့ၢ်, ဖဲ “မုၢ်တနံၤအံၤ” ဘၣ်ထွဲဒီးပှၤအဖၢမုၢ်န့ၣ်, ဒ်သိးသုသုတဘၣ်တၢ်လီန့ၢ်သုလၢတၢ်ဒဲးဘးဒီးကဲထီၣ်ပှၤလၢ အခိၣ်ကိၤနီတဂၤတဂ့ၤအဂီၢ်န့ၣ်, သုဘၣ်မၤစၢၤဟ့ၣ်ဂံၢ်ဟ့ၣ်ဘါလိာ်သုသးသကိးသကိး, ကိးနံၤဒဲးလီၤ.