လံာ်စီၤၡမူၤအ့လးအခီၣ်ထံးတဘ့ၣ် 6:3 - Sgaw Karen Common Bible

³ အဝဲသ့ၣ်စံးဆၢဝဲဒၣ်, “သုမ့ၢ်ဆှၢက့ၤကီၢ်အံၣ်စရ့လးအကစၢ် ယွၤအတလါစီဆှံဒီးအလီၢ်အိၣ်ဝဲလၢသုကဘၣ်ဟ့ၣ်ဃုာ်ဒီး တၢ်ဟ့ၣ်ကနၢၤတမံၤဆူအအိၣ်သပှၢ်ကတၢၢ်လၢ တၢ်လိးက့ၤသုတၢ်ဒဲးဘးအဂီၢ် လီၤ. ယွၤအတၢ်အၢၣ်လီၤအီလီၤအတလါစီဆှံန့ၣ်တၢ်ဟ့ၣ်ကနၢၤမ့ၢ် တအိၣ်နီတမံၤဒီး တဘၣ်က့ၤကဒါက့ၤဝဲဘၣ်. လၢကျဲဒ်အံၤန့ၣ်သု ကဘၣ်တၢ်မၤဘျါက့ၤသုဒီးသုကနၢ်ပၢၢ်လၢဘၣ်မနုၤအဃိအဝဲစံၣ်ညီၣ် သုတဘိယူာ်ဃီလဲၣ်အဂ့ၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 6:3 Iomraidhean Croise

လံာ်စီၤယိၤဘး 10:2

ကစၢ်ယွၤဧၢ, စံၣ်ညီၣ်လၢ်ယၤတဂ့ၤ. စံးဘၣ်ယၤ, တၢ်ကမၣ်လၢအဘၣ်တၢ်ပာ်လီၤထီဒါယၤန့ၣ်မ့ၢ် မနုၤလဲၣ်န့ၣ်တက့ၢ်.

လံာ်တၢ်ဟးထီၣ်ကွံာ် 23:15

လၢလါအၤဘံာ်, လါလၢသုဟးထီၣ်ကွံာ်လၢကီၢ်အဲၤကူပတူးအပူၤ န့ၣ်မၤဘူၣ်ကိၣ်တအိၣ်ဘၣ်ဒီးကိၣ်မံၣ်အမူးဒ်ယမၤလိာ်တ့ၢ်သု အသိးန့ၣ်တက့ၢ်. ဖဲဘူၣ်အံၤအဆၢကတီၢ်နွံသီအတီၢ်ပူၤန့ၣ်သု တဘၣ်အီၣ်ကိၣ်လၢဘၣ်တၢ်မၤအီၤလၢကိၣ်မံၣ်န့ၣ်, နီတစဲးဘၣ်. သုမ့ၢ်တဟဲစိာ်တၢ်မၤဘူၣ်တမံၤဘၣ်ဒီးဟဲဘါထီၣ်ယၤနီတစုတဂ့ၤ.

လံာ်တၢ်ဟးထီၣ်ကွံာ် 34:20

မ့မ့ၢ်ကသ့ၣ်ယီၤအဖါဝဲၢ်ကိကိးဒုဒဲးန့ၣ်သုကဘၣ်ပှ့ၤက့ၤအီၤ ခီဖျိတၢ်လုၢ်ထီၣ်သိဖိတဒုလၢအလီၢ်န့ၣ်လီၤ. သုမ့ၢ်တပှ့ၤက့ၤအီၤဘၣ်ဒီးဘိးကၢ်ကွံာ်အကိာ်တက့ၢ်. ပှ့ၤကဒါက့ၤကယဲၢ်ဖိခွါဝဲၢ်ကိကိးဂၤဒဲးတက့ၢ်. တၢ်လုၢ်တမံၤမ့ၢ်တအိၣ်ဘၣ်ဒီးမ်ပှၤသုတအိၣ်ဖျါလၢယမဲာ်ညါနီတဂၤတဂ့ၤ.

လံာ်တၢ်ဟးထီၣ်ကွံာ် 8:15

ဖဲစီၤပၤထံၣ်ဝဲဒၣ်လၢဒ့ၣ်တဖၣ်သံဝဲန့ၣ်, အသးကိၤထီၣ်ကဒီးဝဲ ဒ်ယွၤစံးတ့ၢ်ဝဲအသိး, ဒီးစီၤပၤတဒိကနၣ်စီၤမိၤၡ့ဒီးစီၤအၤဟရိၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:6

ဒီးကဘၣ်ဟဲစိာ်သိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤ, အမိၢ်တဒု လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဆူယွၤအအိၣ်န့ၣ်လီၤ. ဒီးပှၤလုၢ်တၢ်အခိၣ်ကလုၢ်ထီၣ်တၢ်လုၢ်တၢ်ပျၢ်တၢ်ဒဲးဘးလၢအဝဲ အဂီၢ်ဒီးအတၢ်ဒဲးဘးအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:6

ဒီးကဘၣ်ဟဲစိာ်ဝဲသိဖါတဒုမ့တမ့ၢ်မဲာ်တဲးလဲးဖါတဒုလၢ မဲၣ်သူမဲၣ်ဂီၤတအိၣ်ဘၣ်ဒ်တၢ်လုၢ်တၢ်ပာ်အလုၢ်အပှ့ၤအိၣ်ဝဲအသိး ဆူပှၤလုၢ်တၢ်အခိၣ်အအိၣ်လၢတၢ်ဟ့ၣ်ဆၢက့ၤအတၢ်လုၢ်တၢ်ပျၢ်တၢ် ကမၣ်အဂီၢ်လီၤ.

လံာ်သိၣ်လီၤသီလီၤတၢ် 16:16

ကယဲၢ်ပှၤပိာ်ခွါခဲလၢာ်လၢသုပှၤကလုာ်အကျါကဘၣ်ဟဲ ဘူၣ်ထီၣ်ဘါထီၣ်ယွၤတနံၣ်သၢဘျီဖဲတၢ်ဘူၣ်ထီၣ်ဘါထီၣ်အလီၢ်တတီၤ, ဖဲဘူၣ်လဲၤကပာ်အကတီၢ်, ဘူၣ်တၢ်ကူးက့ၤအကတီၢ်, ဒီးဘူၣ်ဒဲအကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:11

မၤကဒီးတစု, အဝဲသ့ၣ်ကိးန့ၢ်ပှၤဖလ့ၡသးဖိအစီၤပၤတဖၣ်ဒီးစံးဝဲ, “ဆှၢက့ၤကီၢ်အံၣ်စရ့လးအတၢ်အၢၣ်လီၤအီလီၤအတလါစီဆှံဆူ အလီၢ်ဒၣ်ဝဲဒ်သိးအသုတမၤသံပှၤဒီးပဟံၣ်ဖိဃီဖိတဖၣ်တဂ့ၤန့ၣ် တက့ၢ်.” တၢ်လီၤပျံၤလီၤဖုးဖးဒိၣ်အိၣ်ဝဲသကုၤလၢဝ့ၢ်ပူၤလၢ ကစၢ်ယွၤစံၣ်ညီၣ်အဝဲသ့ၣ်နးနးကလဲာ်အဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:7

ဖဲအဝဲသ့ၣ်ထံၣ်လၢတၢ်န့ၣ်မၤအသးဒီးအဝဲသ့ၣ်စံးဝဲ, “ကီၢ်အံၣ်စရ့လးအကစၢ်ယွၤစံၣ်ညီၣ်ပှၤဒီးပကစၢ်ဒၤကိၣ်လီၤ. ပပျဲယွၤအတၢ်အၢၣ်လီၤအီလီၤအတလါအိၣ်ဒီးပှၤယံာ်ယံာ်ဖဲအံၤ တသ့လၢၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 5:9

ဘၣ်ဆၣ်ဒီးဖဲအလဲၤတုၤဃီၤဖဲန့ၣ်န့ၣ်, ယွၤစံၣ်ညီၣ်စ့ၢ်ကီး ဝ့ၢ်အဝဲန့ၣ်, ဒီးဒုးအိၣ်ထီၣ်တၢ်ပျံၤတၢ်ဖုးဖးဒိၣ်လီၤ. အဝဲစံၣ်ညီၣ်အဝဲသ့ၣ်လၢတၢ်ဆါအချံထီၣ်ဒီးညိးတဖၣ်လၢအဘၣ်လၢ ကယဲၢ်ပှၤဝ့ၢ်ဖိခဲလၢာ်သးပှၢ်သးစၢ်ကိးဂၤဒဲးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:8

ဟံးန့ၢ်ယွၤအတၢ်အၢၣ်လီၤအီလီၤအတလါ, ပာ်ထီၣ်အီၤလၢလ့ၣ်ကဟၣ်ဖီခိၣ်ဒီး လၢအကပၤန့ၣ်ပာ်တလါတဖျၢၣ်လၢတၢ်ဒၢနုာ်တၢ်ဂီၤသိအသးလၢထူတဖၣ် လၢနကဆှၢလီၤဒ်တၢ်ဟ့ၣ်ကနၢၤတမံၤအသိးဆူအအိၣ် လၢတၢ်လိးက့ၤသုတၢ်ဒဲးဘးတဖၣ်အဂီၢ်တက့ၢ်. နီၣ်ထီၣ်လ့ၣ်ကဟၣ်န့ၣ်လၢကျဲဖီခိၣ်ဝံၤဒီးပျဲအလဲၤဒၣ်တၢ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 6:9

တုၤနုၤတစုကွၢ်ထွဲအတၢ်လဲၤတက့ၢ်. ဒီးမ့ၢ်လဲၤတၢ်လိၤလိၤဆူ ဝ့ၢ်ဘ့ၤသၡ့မ့ၣ်န့ၣ်, တၢ်အံၤအခီပညီမ့ၢ်ဝဲကီၢ်အံၣ်စရ့လးအကစၢ်ယွၤဆှၢလီၤတၢ်နးတၢ်ဖှီၣ်အၢအၢသီသီလၢပဖီခိၣ်လီၤ. ဘၣ်ဆၣ်ဒီးမ့တမ့ၢ်ဒ်န့ၣ်ဘၣ်န့ၣ်, ပကသ့ၣ်ညါလၢအဝဲတဆှၢလီၤတၢ်သံသတြိာ်ဘၣ်. မ့ၢ်ဒၣ်တၢ်ဘၣ်ဆၢၣ်ဘၣ်တီၤတမံၤန့ၣ်လီၤ.”