လံာ်စီၤၡမူၤအ့လးအခီၣ်ထံးတဘ့ၣ် 6:20 - Sgaw Karen Common Bible

²⁰ မၤသးဒ်န့ၣ်ဒီး, ပှၤဝ့ၢ်ဘ့ၤသၡ့မ့ၣ်ဖိတဖၣ်စံးဝဲ, “မ့ၢ်မတၤဆၢထၢၣ်လၢယွၤ, ကစၢ်ယွၤလၢအစီဆှံ တဂၤအံၤအမဲာ်ညါသ့ဝဲန့ၣ်လဲၣ်. လၢတၢ်သုးကွံာ်အီၤလၢပအိၣ်အဂီၢ် မ့ၢ်ပကဆှၢအီၤဆူတၢ်လီၢ်မတၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 6:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:7

တဘျီဃီန့ၣ်ယွၤ, ကစၢ်ယွၤအသးဒိၣ်ထီၣ်ဘၣ်စီၤဧူးစၤဒီးမၤသံကွံာ်အီၤ လၢအတယူးယီၣ်တၢ်အဃိန့ၣ်လီၤ. စီၤဧူးစၤသံဖဲန့ၣ်လၢယွၤအတၢ်အၢၣ်လီၤအီလီၤအတလါစီဆှံ အဃၢၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:9

တုၤနုၤတစုစီၤဒၤဝံးပျံၤဘၣ်ယွၤဒီးစံးဝဲဒၣ်, “ယက့ၤစိာ်ယွၤအတၢ်အၢၣ်လီၤအီလီၤအတလါစီဆှံဃုာ်ဒီးယၤခဲအံၤကသ့ဒ်လဲၣ်.”

စံးထီၣ်ပတြၢၤ 76:7

မ့မ့ၢ်, နဲဒၣ်ယွၤဧၢ, နဘၣ်တၢ်ပျံၤနၤလၢပှၤခဲလၢာ်လီၤ. တုၤနသးထီၣ်န့ၣ်ဒီး, ပှၤဆၢထၢၣ်လၢနမဲာ်ညါတသ့ဝဲနီတဂၤဘၣ်.

လံာ်တၢ်ဘူၣ်ထီၣ်ဘါထီၣ် 11:44

ယမ့ၢ်ယွၤ, သုကစၢ်, ဒီးသုကဘၣ်ပာ်စီဆှံသုသးလီၤ. အဂ့ၢ်ဒ်အံၤ, ယစီဆှံယဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 11:45

ယမ့ၢ်ယွၤလၢအထုးထီၣ်သုလၢကီၢ်အဲၤကူပတူးအပူၤဒ်သိးယကမ့ၢ်သုကစၢ်ယွၤန့ၣ်လီၤ. သုကဘၣ်စီဆှံဝဲမ့ၢ်လၢယစီဆှံအဃိန့ၣ်လီၤ.

လံာ်မၤလကံ 3:2

ဘၣ်ဆၣ်ဒီး, မုၢ်တနံၤလၢအဝဲဟဲန့ၣ်မ့ၢ်မတၤတူၢ်ကကဲန့ၣ်လဲၣ်. ဒီးတုၤအဝဲအိၣ်ဖျါထီၣ်န့ၣ်မ့ၢ်မတၤကပူၤဖျဲးန့ၣ်လဲၣ်. အဝဲကလီၤဂာ်ဒ်ပှၤဆှုၣ်တၢ်အချါသိမ့ၢ်ဂ့ၤ, ဒ်မ့ၣ်အူလၢအမၤကဆှီ, တိၢ်ဒီးထးတဖၣ်မ့ၢ်ဂ့ၤန့ၣ်လီၤ.

လံာ်လူၤကၣ် 5:8

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

လံာ်လူၤကၣ် 8:37

တုၤနုၤတစုပှၤဂီၢ်မုၢ်လၢအအိၣ်ဖဲကီၢ်ကဒါရၤအခိၣ်အဃၢၤ တဖၣ်ခဲလၢာ်မၢယ့ၣ်ၡူးဟးထီၣ်ကွံာ်, အဂ့ၢ်မ့ၢ်လၢအဝဲသ့ၣ်ပျံၤတၢ်ဖုးတၢ်နးနးကလဲာ်အဃိလီၤ. သတးဒီးယ့ၣ်ၡူးနုာ်လီၤဆူချံပူၤဒီးဟးထီၣ်ကွံာ်ဝဲဒၣ်လီၤ.

လံာ်လီၣ်ဖျါ 6:17

အဝဲသ့ၣ်အတၢ်သးထီၣ်အမုၢ်နံၤလီၤပျံၤလီၤဖုးတနံၤန့ၣ် တုၤအိၣ်ဝဲခဲကနံၣ်အံၤလံ. ဒီးမတၤကွၢ်ဆၢၣ်မဲာ်အီၤကသ့ တဂၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 5:7

ဖဲအဝဲသ့ၣ်ထံၣ်လၢတၢ်န့ၣ်မၤအသးဒီးအဝဲသ့ၣ်စံးဝဲ, “ကီၢ်အံၣ်စရ့လးအကစၢ်ယွၤစံၣ်ညီၣ်ပှၤဒီးပကစၢ်ဒၤကိၣ်လီၤ. ပပျဲယွၤအတၢ်အၢၣ်လီၤအီလီၤအတလါအိၣ်ဒီးပှၤယံာ်ယံာ်ဖဲအံၤ တသ့လၢၤဘၣ်.”