လံာ်စီၤၡမူၤအ့လးအခီၣ်ထံးတဘ့ၣ် 6:17 - Sgaw Karen Common Bible

¹⁷ ပှၤဖလ့ၡသးဖိတဖၣ်ဆှၢလီၤတၢ်အချံထီၣ်ဒီးညိးအဂီၤထူယဲၢ်ခါ ဆူယွၤအအိၣ်ဒ်တၢ်ဟ့ၣ်ကနၢၤအသိး လၢတၢ်လိးက့ၤတၢ်လၢအတၢ်ဒဲးဘးတဖၣ်အဂီၢ်, လၢဝ့ၢ်အၤစဒိး, ဝ့ၢ်ဂါစၤ, ဝ့ၢ်အၤၡကလိၣ်, ဝ့ၢ်ကၤသးဒီးဝ့ၢ်ဧ့ကြိၣ်အဂီၢ်တခါစုာ်စုာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:20

ဘိးဘၣ်သ့ၣ်ညါအီၤလၢဝ့ၢ်ကၤသးအပူၤ မ့တမ့ၢ်လၢဝ့ၢ်အၤၡးကလိၣ်အကျဲဘိတဖၣ်အပူၤ န့ၣ်တဂ့ၤ. ဒုးသးခုပှၤပိာ်မုၣ်တဖၣ်လၢကီၢ်ဖလ့ၡသးတဂ့ၤ. ပျဲပှၤတစူၢ်တနာ်ယွၤအဖိမုၣ်တဖၣ်သူၣ်ဖှံသးညီတဂ့ၤ.

လံာ်စီၤၡမူၤအ့လးခံဘ့ၣ်တဘ့ၣ် 21:22

ပှၤလွံၢ်ဂၤအံၤမ့ၢ်ပှၤဟဲလီၤစၢၤလီၤသွဲၣ်လၢပှၤနီၢ်ဒိၣ်တဖၣ် လၢဝ့ၢ်ကၤသးအပူၤဒီးအဝဲသ့ၣ်ဘၣ်တၢ်မၤသံကွံာ်အီၤလၢ စီၤဒၤဝံးဒီးအပှၤတဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 1:2

ကီၢ်အံၣ်စရ့လးအစီၤပၤအဃၤစယၤလီၤတဲာ်ကွံာ်ဝဲဒၣ်လၢအနီ အဘျီၣ်ခိၣ်ဒုးဖီခိၣ်လၢဝ့ၢ်ၡၤမရံအပူၤဒီးဘၣ်ဒိဘၣ်ထံးနး နးကလဲာ်န့ၣ်လီၤ. လၢတၢ်န့ၣ်အဃိအဝဲမၢလီၤပှၤစိာ်တၢ်ကစီၣ်တနီၤလၢကလဲၤဃ့တၢ် ဟ့ၣ်ကူၣ်ဒီးပှၤဖလ့ၡသးဖိအဝ့ၢ်ဧ့ကြိၣ်အကစၢ်ဘဧၤလးစဘူာ်, လၢကသ့ၣ်ညါဘၣ်ဝဲဘျါက့ၤသ့, တသ့ဘၣ်အဂ့ၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:6

စီၤဧူးစံယါလဲၤထီၣ်ဒုးတၢ်ထီဒါပှၤဖလ့ၡသးဖိတဖၣ်န့ၣ် လီၤ. အဝဲမၤလီၤပှီၢ်ကွံာ်ဝ့ၢ်တဖၣ်လၢအမ့ၢ်ဝဲဝ့ၢ်ကၤသး, ဝ့ၢ်ယၤဘနၤဒီးဝ့ၢ်အၤစဒိာ်အတၢ်ဒူၣ်တဖၣ်ဒီးသူၣ်ထီၣ်ဝ့ၢ်တဖၣ် လၢအအိၣ်ဒီးတိာ်ဧိၤတာ်ဧိၤဘူးဒီးဝ့ၢ်အၤစဒိာ်ဒီးလၢကီၢ်ဖလ့ ၡသးအတၢ်လီၢ်အဂၤတဖၣ်န့ၣ်လီၤ.

လံာ်ယံးရမံယၤ 25:20

ကီၢ်အဲၤကူပတူးအစီၤပၤ, အပဒိၣ်ပပှၢ်တဖၣ်ဒီး အခိၣ်အနၢ်တဖၣ်, ဒီးပှၤအဲၤကူပတူးဖိခဲလၢာ်, ပှၤတခီဘီမုၢ်ဖိတဖၣ်လၢ အအိၣ်လၢ ကီၢ်အဲၤကူပတူးအပူၤ ကီၢ်ဧူးစးအစီၤပၤခဲလၢာ်, စီၤပၤခဲလၢာ်လၢ ကီၢ်ဖလ့ၡသးအဝ့ၢ်တဖၣ်လၢ အမ့ၢ်ဝဲ အၤၡကလိၣ်, ဂါစၤဒီးဧ့ကြိၣ်အပူၤ, ဒီးဝ့ၢ်အၤစဒိးအပှၤအိၣ် လီၤတဲာ်တဖၣ်.

လံာ်တၢ်ဘူၣ်ထီၣ်ဘါထီၣ် 5:7

ဘၣ်ဆၣ်ဒီး, လုၢ်ထီၣ်ဝဲသိဖိမ့တမ့ၢ်မဲာ်တဲးလဲးဖိမ့ၢ်တန့ၢ် န့ၣ်, ကဘၣ်ဟဲစိာ်ထိၣ်လွံၢ်ဘုၣ်ခံဘ့ၣ်မ့တမ့ၢ်ထိၣ်ကးက့ၣ်ဖိခံဘ့ၣ်, တဘ့ၣ်လၢတၢ်လုၢ်တၢ်ပျၢ်တၢ်ဒဲးဘးအဂီၢ်ဒီးအဂၤတဘ့ၣ်လၢတၢ်လုၢ် မ့ၣ်အူအဂီၢ်ဆူယွၤအအိၣ်န့ၣ်လီၤ.

လံာ်ဧၤမိၣ် 1:6

ဒီးယွၤစံးဝဲဒၣ်, “ပှၤဝ့ၢ်ဂါစၤဖိတဖၣ်မၤတ့ၢ်လံတၢ်ဒဲးဘးတဘျီ ဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်စိာ်ကွံာ်ပှၤကီၢ်ဖိဒီတကီၢ်ညါဒီးဆါကွံာ်ဝဲဒ်ကုၢ် တဖၣ်အသိးဆူပှၤကီၢ်အဒိၣ်ဖိတဖၣ်အအိၣ်လီၤ.

လံာ်ဧၤမိၣ် 6:2

လဲၤဆူဝ့ၢ်ကၤလန့ၤ, ဒီးကွၢ်တက့ၢ်. ဒီးလဲၤဖဲန့ၣ်ဆူဝ့ၢ်ဖးဒိၣ်ဃမါသး, ဒီးလဲၤလီၤဆူပှၤဖလ့ၡသးဖိအဝ့ၢ်ကၤသးတက့ၢ်. မ့ၢ်အဂ့ၤန့ၢ်ကီၢ်ယူဒၤဒီးကီၢ်အံၣ်စရ့လးအဘီအမုၢ်တခါခါဧါ. မ့ၢ်အကီၢ်ဃၢၤတဖၣ်လဲၢ်န့ၢ်သုကီၢ်တက့ၢ်ဧါ.

လံာ်သိၣ်လီၤသီလီၤတၢ် 28:27

ယွၤကဒုးလီၤဘၣ်တၢ်ဝ့တဖၣ်လၢသုလိၤ, ဒ်အမၤတ့ၢ်ဝဲလၢပှၤအဲၤကူပတူးဖိတဖၣ်အလိၤအသိးန့ၣ်လီၤ. အဝဲကမၤပှဲၤသုနီၢ်ခိဒီဂၤညါဒီးတၢ်ပူၤလီၢ်တဖၣ်လီၤ. သုကဘၣ်တၢ်လုၣ်ဘၢသုဒီးတၢ်သးဃ့တဖၣ်ဒီးတၢ်ကသးသု, ဘၣ်ဆၣ်တၢ်မၤဘျါက့ၤသုတအိၣ်ဘၣ်နီတမံၤဘၣ်.

လံာ်ပှၤစံၣ်ညီၣ်ကွီၢ် 1:18

ယူဒၤအပှၤဂီၢ်မုၢ်မၤန့ၢ်ဝ့ၢ်ဂါစၤဒီးအလီၢ်ကဝီၤ, ဝ့ၢ်အၤၡကလိၣ်ဒီးအလီၢ်ကဝီၤ, ဝ့ၢ်ဧ့ဘြိၣ်ဒီးအလီၢ်ကဝီၤန့ၣ်လီၤ.

လံာ်ပှၤစံၣ်ညီၣ်ကွီၢ် 14:19

သတူၢ်ကလာ်န့ၣ်ယွၤအစိကမီၤမၤဆူၣ်ထီၣ်အဂံၢ်အဘါဒီးအဝဲဒၣ်လဲၤ လီၤဝဲဆူဝ့ၢ်အၤၡကလိၣ်ဒီးမၤသံကွံာ်ပှၤအဂၤသၢဆံ, ဘ့ၣ်ကွံာ်အကူအသိး, ဒီးဟ့ၣ်လီၤကွံာ်အတၢ်ကူတၢ်သိးတဖၣ်န့ၣ် ဆူပှၤလၢအစံးဆၢတၢ်ပှိၤပှံပှိၤပှီၢ်တဖၣ်အအိၣ်န့ၣ်လီၤ. အန့ၣ်ဝံၤဒီးက့ၤဝဲဒၣ်ဆူအဟံၣ်လၢတၢ်သူၣ်ဒိၣ်သးဖျိးအပူၤလၢ တၢ်မၤတ့ၢ်အသးတဖၣ်အဃိလီၤ.

လံာ်ပှၤစံၣ်ညီၣ်ကွီၢ် 16:1

ဘၣ်တနံၤစီၤၡံၣ်ၡိၣ်လဲၤဆူပှၤဖလ့ၡသးဖိအဝ့ၢ်ဂါစၤဒီးဖဲန့ၣ် ထံၣ်လိာ်ပှၤဃဲသဲမုၣ်တဂၤဒီးမံဃုာ်ဒီးအီၤလီၤ.

လံာ်ပှၤစံၣ်ညီၣ်ကွီၢ် 16:21

ပှၤဖလ့ၡသးဖိတဖၣ်ဖီၣ်န့ၢ်အီၤဒီးထုးထီၣ်ကွံာ်အမဲာ်ချံလီၤ. ဒီးအဝဲသ့ၣ်လဲၤစိာ်အီၤဆူဝ့ၢ်ဂါစၤ, စၢအီၤလၢထးသွဲတိၢ်ဘီတဖၣ်ဒီးမၢအဂူာ်ဆၢၣ်ဂူာ်လၢဃိာ်ပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:1

ပှၤဖလ့ၡသးဖိတဖၣ်မၤန့ၢ်ယွၤအတၢ်အၢၣ်လီၤအီလီၤအတလါစီဆှံ ဝံၤအလီၢ်ခံန့ၣ်အဝဲသ့ၣ်စိာ်ကွံာ်အီၤလၢဝ့ၢ်အ့ဘ့ၣ်န့စၢ်ဆူ ဝ့ၢ်အၤစဒိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:10

မၤသးဒ်န့ၣ်ဒီးအဝဲသ့ၣ်ဆှၢလီၤကီၢ်အံၣ်စရ့လးအကစၢ်ယွၤအတၢ် အၢၣ်လီၤအီလီၤအတလါစီဆှံဆူဝ့ၢ်ဧ့ကြိၣ်လၢအမ့ၢ်ပှၤဖလ့ၡသးဖိအဝ့ၢ်အဂၤတဝ့ၢ်န့ၣ်လီၤ. ဘၣ်ဆၣ်ဒီးဖဲအတုၤဖဲန့ၣ်ဒီးပှၤဂီၢ်မုၢ်ကိးပသူထီၣ်ဝဲ, “အဝဲသ့ၣ်ဟဲစိာ်ကီၢ်အံၣ်စရ့လးအကစၢ်ယွၤအတၢ် အၢၣ်လီၤအီလီၤအတလါစီဆှံဖဲအံၤ, ဒ်သိးအကမၤသံပှၤခဲလၢာ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 5:8

မၤသးဒ်န့ၣ်ဒီး, အဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဒီး ကိးဖှိၣ်ပှၤဖလ့ၡသးဖိအစီၤပၤယဲၢ်ဂၤလိာ်န့ၣ်ဒီးသံကွၢ်ဝဲ, “မ့ၢ်ပကမၤကီၢ်အံၣ်စရ့လးအကစၢ်ယွၤအတၢ်အၢၣ်လီၤအီလီၤအတလါ စီဆှံန့ၣ်ဒ်လဲၣ်.” အဝဲသ့ၣ်စံးဝဲ, “လဲၤစိာ်အီၤဆူဝ့ၢ်ကၤသးတက့ၢ်.” မၤသးဒ်န့ၣ်ဒီးအဝဲသ့ၣ်လဲၤစိာ်အီၤဆူဝ့ၢ်ကၤသး, လၢအမ့ၢ်ပှၤဖလ့ၡသးဖိအဝ့ၢ်အဂၤတဖျၢၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:4

ပှၤဂီၢ်မုၢ်သံကွၢ်ဝဲ, “ပကဘၣ်ဆှၢလီၤတၢ်ဟ့ၣ်ကနၢၤမနုၤလဲၣ်.” ဒီးအဝဲသ့ၣ်စံးဆၢဝဲဒၣ်, “တၢ်အချံထီၣ်ဒီးညိးအဂီၤသိအသး လၢထူယဲၢ်ခါဒီးယုၢ်ဖိသိအသးလၢထူအဂီၤယဲၢ်ဒု, တခါစုာ်စုာ်န့ၣ်လၢပှၤဖလ့ၡသးဖိအစီၤပၤတဂၤစုာ်စုာ်အဂီၢ်လီၤ. တၢ်ဆါသံသတြိာ်တမံၤဃီန့ၣ်ဘၣ်တၢ်ဒုးလီၤဘၣ်အီၤလၢစီၤပၤ ယဲၢ်ဂၤအလိၤလီၤ.