လံာ်စီၤၡမူၤအ့လးအခီၣ်ထံးတဘ့ၣ် 6:15 - Sgaw Karen Common Bible

¹⁵ ပှၤလ့ၤဝံဖိတဖၣ်စိာ်ထီၣ်ယွၤအတၢ်အၢၣ်လီၤအီလီၤအတလါစီဆှံ ဃုာ်ဒီးတၢ်ဂီၤသိအသးလၢထူတဖၣ်အတလါဒီး ပာ်ထီၣ်အီၤလၢလ့ဖးဒိၣ်န့ၣ်အဖီခိၣ်လီၤ. ဝံၤဒီးဝ့ၢ်ဘ့ၤသၡ့မ့ၣ်အပှၤဂီၢ်မုၢ် လုၢ်ထီၣ်တၢ်လုၢ်မ့ၣ်အူတဖၣ်ဒီး တၢ်လုၢ်တၢ်ပာ်အဂၤတဖၣ်ဆူယွၤ အအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:15 Iomraidhean Croise

လံာ်စီၤယိၤၡူ 15:10

ဒီးဖဲန့ၣ်လဲၤတရံးတၢ်လၢဘဧၤလၤအမုၢ်နုာ် ဆူကီၢ်အဒိၣ်အကစၢၢ်ကလိ, ဒီးလဲၤဆူကစၢၢ်ယဧၤရံၣ်အကလံၤစိး (မ့တမ့ၢ်ကစ့လိၣ်), ဒီးလီၤဆူဝ့ၢ်ဘ့ၤသၡ့မ့ၣ်ဒီးလဲၤပူၤကွံာ်ဝ့ၢ်တံးမနၤလီၤ.

လံာ်စီၤယိၤၡူ 3:3

ဒီးစံးဘၣ်ပှၤဂီၢ်မုၢ်, “ဖဲသုထံၣ်ဘၣ်ပှၤလ့ၤဝံဖိအပှၤလုၢ်တၢ်အခိၣ်တဖၣ်စိာ်ယွၤသု ကစၢ်ယွၤအတၢ်အၢၣ်လီၤအီလီၤအတလါဒီးသုဘၣ်ဟးထီၣ်လၢသုလီၢ် ဒီးလဲၤပိာ်အဝဲသ့ၣ်အခံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:18

အဝဲသ့ၣ်ဆှၢလီၤစ့ၢ်ကီးယုၢ်အဂီၤသိအသးလၢထူလၢဝ့ၢ်တဖၣ်လၢ အဘၣ်တၢ်ပၢအီၤလၢပှၤဖလ့ၡသးဖိအစီၤပၤယဲၢ်ဂၤအဂီၢ်, တဒုစုာ်စုာ်န့ၣ်, လၢဝ့ၢ်အိၣ်ဒီးအခိၣ်ဒူတဖၣ်အဂီၢ်ဒီးဒူသဝီ လၢတအိၣ်ဒီးအခိၣ်ဒူတဖၣ်အဂီၢ်စ့ၢ်ကီးလီၤ. လ့ဖးဒိၣ်လၢအအိၣ်လၢစီၤယိၤၡူအစံာ်ပျီပူၤလၢဝ့ၢ်ဘ့ၤသၡ့မ့ၣ်, လၢတၢ်ပာ်ထီၣ်ယွၤအတၢ်အၢၣ်လီၤအီလီၤအတလါန့ၣ်အိၣ်ဒံးဝဲဖဲန့ၣ် ဒ်တၢ်အုၣ်အသးတမံၤလၢတၢ်မၤတ့ၢ်အသးအဂီၢ်န့ၣ်လီၤ.