လံာ်စီၤၡမူၤအ့လးအခီၣ်ထံးတဘ့ၣ် 6:14 - Sgaw Karen Common Bible

¹⁴ လ့ၣ်ကဟၣ်န့ၣ်ဟဲတုၤဆူပျီတပျီလၢအဘၣ်ဃးဒီးပှၤတဂၤလၢအမံၤ မ့ၢ်စီၤယိၤၡူလၢအအိၣ်လၢဝ့ၢ်ဘ့ၤသၡ့မ့ၣ်န့ၣ်, ဒီးလ့ၣ်န့ၣ်အိၣ်ကတီၢ်ဝဲဖဲလ့ဖးဒိၣ်တဖျၢၣ်အဃၢၤန့ၣ်လီၤ. ပှၤဂီၢ်မုၢ်ကျီလီၤကလဲကွံာ်လ့ၣ်လၢတၢ်ဘှီအီၤဒီးသ့ၣ်ဒီးမၤသံ ဂီၤဖံးမိၢ်တဖၣ်ဒီးဆူးကဲၤထီၣ်အီၤဒ်တၢ်လုၢ်မ့ၣ်အူတမံၤ ဆူယွၤအအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:18

မုၢ်တနံၤဃီန့ၣ်, စီၤကးလဲၤဝဲဆူစီၤဒၤဝံးအအိၣ်ဒီးစံးဘၣ်အီၤ, “လဲၤထီၣ်ဆူစီၤအၤရနၤအကြဲၢ်, ဒီးမၤထီၣ်တၢ်လုၢ်လီၢ်တခါ လၢယွၤအဂီၢ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 24:22

စီၤအၤရနၤစံးဝဲဒၣ်, “ဟံးန့ၢ်အီၤတက့ၢ်, တၢ်ဒိၣ်ကစၢ်စီၤပၤဧၢ. ဒီးဒ်နအဲၣ်ဒိးအသိးန့ၣ်, လုၢ်ထီၣ်တၢ်ဆူယွၤအအိၣ်တက့ၢ်. အအံၤဂီၤဖံးဖါတဖၣ်အိၣ်ဝဲလၢတၢ်ကဆူးကဲၤထီၣ်အီၤ ဒ်တၢ်လုၢ်တမံၤအသိးလၢတၢ်လုၢ်လီၢ်ဖီခိၣ်န့ၣ်လီၤ. အအံၤမ့ၢ်အနီၣ်ယိးဘိတဖၣ်ဒီးအနီၣ်တီၢ်ဘုတဖၣ် လၢတၢ်ကသူအီၤဒ်သ့ၣ်မုၢ်အသိးအဂီၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:25

အန့ၣ်ဝံၤဒီးအဝဲမၤထီၣ်တၢ်လုၢ်ထီၣ်တခါလၢယွၤအဂီၢ် ဒီးလုၢ်ထီၣ်တၢ်လုၢ်မ့ၣ်အူတဖၣ်ဒီး တၢ်လုၢ်မၤဃူမၤဖိးတဖၣ်န့ၣ်လီၤ. ယွၤစံးဆၢအဝဲအတၢ်ထုကဖၣ်ဒီးတၢ်သံသတြိာ် လၢကီၢ်အံၣ်စရ့လးအပူၤန့ၣ်ဆိကတီၢ်ဝဲဒၣ်လီၤ.

လံာ်စီၤပၤအခီၣ်ထံးတဘ့ၣ် 19:21

အန့ၣ်ဝံၤဒီး, စီၤအလံၤၡါလဲၤဆူအဂီၤဖံးဖါတဖုအအိၣ်, မၤသံကွံာ်ဝဲဒီးဖီထီၣ်တၢ်ညၣ်, သူနီၣ်ယိးဘိဒ်သ့ၣ်မုၣ်အသိး လၢမ့ၣ်အူအဂီၢ်န့ၣ်လီၤ. အဝဲဒုးအီၣ်ပှၤဂီၢ်မုၢ်လၢတၢ်ညၣ်ဒီးအဝဲသ့ၣ်အီၣ်ဝဲလီၤ. ဝံၤဒီးအဝဲလဲၤဒီးပိာ်ထီၣ်စီၤအ့ၤလံယၤအခံဒ်အဝဲအပှၤမၤ စၢၤအီၤအသိးန့ၣ်လီၤ.

လံာ်တၢ်ဟးထီၣ်ကွံာ် 20:24

မၤထီၣ်တၢ်လုၢ်လီၢ်တခါလၢဟီၣ်ခိၣ်လၢယဂီၢ်ဒီးလၢအဖီခိၣ်န့ၣ် လုၢ်ထီၣ်ပာ်ထီၣ်သုသိဒီးသုဂီၤဘုၣ်ဂီၤဖံးတဖၣ်ဒ်တၢ်လုၢ်မၤ ဃူမၤဖိးတဖၣ်လၢကဘၣ်တၢ်ဆူးကဲၤအီၤခဲလၢာ်န့ၣ်တက့ၢ်. လၢတၢ်လီၢ်ကိးပူၤဒဲးဖဲယပာ်လီၤဆီအီၤလၢသုဂီၢ်ဒ်သိးသု ကဘူၣ်ထီၣ်ဘါထီၣ်ယၤအလီၢ်န့ၣ်ယကဟဲဆူသုအိၣ်ဒီးဆိၣ်ဂ့ၤသုန့ၣ်လီၤ.

လံာ်ပှၤစံၣ်ညီၣ်ကွီၢ် 21:4

မုၢ်ဆ့ၣ်ထီၣ်တနံၤဂီၤဂီၤန့ၣ်, ပှၤဂီၢ်မုၢ်သူၣ်ထီၣ်တၢ်လုၢ်လီၢ်တခါဖဲန့ၣ်ဒီး လုၢ်တၢ်လုၢ်မၤဃူမၤဖိးဒီးတၢ်လုၢ်မ့ၣ်အူန့ၣ်လီၤ.

လံာ်ပှၤစံၣ်ညီၣ်ကွီၢ် 6:26

ဘှီထီၣ်တၢ်လုၢ်လီၢ်ဂ့ၤဂ့ၤတခါလၢ ယွၤနကစၢ်ယွၤအဂီၢ်လၢတၢ်လီၤပှီၢ်အံၤအဖီခိၣ်တက့ၢ်. အန့ၣ်ဝံၤဒီးဟံးန့ၢ်ကျီၢ်ဖါခံဒုတဒုန့ၣ်ဒီးဆိၣ်ကဲၤထီၣ်အီၤဒီဒု ဒ်တၢ်လုၢ်မၤဘူၣ်တမံၤအသိး, သူကစၢ်မုၣ်အၡ့ရၤအပနီၣ်လၢနကျီတဲာ်ကွံာ်အီၤန့ၣ်ဒ်သ့ၣ်မုၣ်အသိးတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 11:5

ဖဲအကတီၢ်အဝဲန့ၣ်စီၤစီလူးဟဲက့ၤလၢစံာ်ပျီဃုာ်ဒီးအဂီၤ ဖံးဖါတဖၣ်ဒီးအဝဲသံကွၢ်ဝဲ, “တၢ်လဲၤကမၣ်အသးဒ်လဲၣ်. ဘၣ်မနုၤလၢပှၤကိးဂၤဒဲးဟီၣ်ဝဲယၢၤဝဲန့ၣ်လဲၣ်.” အဝဲသ့ၣ်တဲဘၣ်အီၤတၢ်လၢပှၤစိာ်တၢ်ကစီၣ်တဖၣ်လၢဝ့ၢ်ယၤဘ့ၣ်ပာ် ဖျါတ့ၢ်ဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 20:29

အဝဲစံးဝဲ, ဝံသးစူၤပျဲယလဲၤတက့ၢ်. အဂ့ၢ်ဒ်အံၤ, ပဒူၣ်ဖိထၢဖိမၤတၢ်လုၢ်တၢ်ပာ်, ဘူၣ်တၢ်ဘါတၢ်လၢဝ့ၢ်ပူၤဒီးယဝဲၢ်မၤလိာ်ယၤလၢယကဘၣ်အိၣ်ဖဲန့ၣ်လီၤ. လၢတၢ်န့ၣ်အဃိဒီးနမ့မ့ၢ်ယတံၤသကိးဒီးပျဲယလဲၤဒီးထံၣ်ဘၣ် ယဘူးယတံၢ်တဖၣ်တက့ၢ်. မၤသးဒ်န့ၣ်ဒီး, အဝဲတအိၣ်ဘၣ်လၢအလီၢ်လၢနစီၢ်နီၤခိၣ်ဘၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 6:13

ဝ့ၢ်ဘ့ၤသၡ့မ့ၣ်အပှၤဂီၢ်မုၢ်တဖၣ်ကူးက့ၤဘုကၠူၣ်လၢတၢ်တြီၤအပျီပူၤဒီးသတူၢ်ကလာ်ဖဲအကွၢ်ထီၣ်တၢ် ဒီးထံၣ်ဘၣ်ဝဲတၢ်အၢၣ်လီၤအီလီၤအတလါစီဆှံန့ၣ်လီၤ. တုၤအဝဲသ့ၣ်ထံၣ်ဘၣ်ဝဲဒီးအသးခုဒိၣ်ဒိၣ်ကလဲာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:18

အဝဲသ့ၣ်ဆှၢလီၤစ့ၢ်ကီးယုၢ်အဂီၤသိအသးလၢထူလၢဝ့ၢ်တဖၣ်လၢ အဘၣ်တၢ်ပၢအီၤလၢပှၤဖလ့ၡသးဖိအစီၤပၤယဲၢ်ဂၤအဂီၢ်, တဒုစုာ်စုာ်န့ၣ်, လၢဝ့ၢ်အိၣ်ဒီးအခိၣ်ဒူတဖၣ်အဂီၢ်ဒီးဒူသဝီ လၢတအိၣ်ဒီးအခိၣ်ဒူတဖၣ်အဂီၢ်စ့ၢ်ကီးလီၤ. လ့ဖးဒိၣ်လၢအအိၣ်လၢစီၤယိၤၡူအစံာ်ပျီပူၤလၢဝ့ၢ်ဘ့ၤသၡ့မ့ၣ်, လၢတၢ်ပာ်ထီၣ်ယွၤအတၢ်အၢၣ်လီၤအီလီၤအတလါန့ၣ်အိၣ်ဒံးဝဲဖဲန့ၣ် ဒ်တၢ်အုၣ်အသးတမံၤလၢတၢ်မၤတ့ၢ်အသးအဂီၢ်န့ၣ်လီၤ.