လံာ်စီၤၡမူၤအ့လးအခီၣ်ထံးတဘ့ၣ် 6:11 - Sgaw Karen Common Bible

¹¹ အဝဲသ့ၣ်ပာ်ထီၣ်တၢ်အၢၣ်လီၤအီလီၤအတလါစီဆှံလၢလ့ၣ်ကဟၣ်အပူၤ ဃုာ်ဒီးတလါလၢတၢ်ဒၢနုာ်တၢ်ဂီၤသိအသးလၢထူတဖၣ်, ယုၢ်ဖိဒီးတၢ်ချံညိးထီၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:3

အဝဲသ့ၣ်ဟံးထီၣ်အီၤလၢစီၤအဘံနဒၤအဟံၣ်လၢအအိၣ်ဝဲလၢ ကစၢၢ်ဒီခိၣ်န့ၣ်ဒီးပာ်ထီၣ်အီၤလၢလ့ၣ်အသီတဆိအလိၤန့ၣ်လီၤ. စီၤအဘံနဒၤအဖိခွါတဖၣ်လၢအမ့ၢ် စီၤဧူးစၤဒီးစီၤအဃံယိၤ ဆှၢလ့ၣ်န့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 13:7

ဖဲစီၤအဘံနဒးအဟံၣ်န့ၣ်, အဝဲသ့ၣ်စိာ်ထီၣ်ကွံာ်တၢ်အၢၣ်လီၤအီ လီၤအတလါဒီးပာ်ထီၣ်အီၤလၢလ့ၣ်ကဟၣ်အသီတဆိအလိၤလီၤ.

လံာ်သိၣ်လီၤသီလီၤတၢ် 28:27

ယွၤကဒုးလီၤဘၣ်တၢ်ဝ့တဖၣ်လၢသုလိၤ, ဒ်အမၤတ့ၢ်ဝဲလၢပှၤအဲၤကူပတူးဖိတဖၣ်အလိၤအသိးန့ၣ်လီၤ. အဝဲကမၤပှဲၤသုနီၢ်ခိဒီဂၤညါဒီးတၢ်ပူၤလီၢ်တဖၣ်လီၤ. သုကဘၣ်တၢ်လုၣ်ဘၢသုဒီးတၢ်သးဃ့တဖၣ်ဒီးတၢ်ကသးသု, ဘၣ်ဆၣ်တၢ်မၤဘျါက့ၤသုတအိၣ်ဘၣ်နီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 6:10

အဝဲသ့ၣ်မၤဝဲဒ်တၢ်စံးဘၣ်တဲဘၣ်တ့ၢ်အီၤအသိးန့ၣ်လီၤ. အဝဲသ့ၣ်ဟံးန့ၢ်ဂီၤဖံးမိၢ်ခံဒုဒီးစၢထီၣ်အီၤလၢလ့ၣ်ကဟၣ် ဒီးကးတံာ်ဂီၤဖံးသးစၢ်ဖိတဖၣ်လၢဘုဖီပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:12

ဂီၤဖံးမိၢ်တဖၣ်စးထီၣ်လဲၤတၢ်လၢကျဲမုၢ်ခိၣ်ဆူဝ့ၢ်ဘ့ၤသၡ့ မ့ၣ်ဒီးလဲၤလိၤလိၤဆူန့ၣ်လီၤ. ဒီးတလဲၤလီၤဆူကျဲကပၤဘၣ်. ဖဲအလဲၤတၢ်လၢကျဲမုၢ်ခိၣ်အလိၤန့ၣ်အဝဲသ့ၣ်ကိးတၢ်ဒီးလဲၤဝဲလီၤ. ပှၤဖလ့ၡသးဖိအစီၤပၤယဲၢ်ဂၤပိာ်ထွဲလ့ၣ်ကဟၣ်အခံ တုၤလၢဝ့ၢ်ဘ့ၤသၡ့မ့ၣ်အဆၢန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:4

ပှၤဂီၢ်မုၢ်သံကွၢ်ဝဲ, “ပကဘၣ်ဆှၢလီၤတၢ်ဟ့ၣ်ကနၢၤမနုၤလဲၣ်.” ဒီးအဝဲသ့ၣ်စံးဆၢဝဲဒၣ်, “တၢ်အချံထီၣ်ဒီးညိးအဂီၤသိအသး လၢထူယဲၢ်ခါဒီးယုၢ်ဖိသိအသးလၢထူအဂီၤယဲၢ်ဒု, တခါစုာ်စုာ်န့ၣ်လၢပှၤဖလ့ၡသးဖိအစီၤပၤတဂၤစုာ်စုာ်အဂီၢ်လီၤ. တၢ်ဆါသံသတြိာ်တမံၤဃီန့ၣ်ဘၣ်တၢ်ဒုးလီၤဘၣ်အီၤလၢစီၤပၤ ယဲၢ်ဂၤအလိၤလီၤ.