လံာ်စီၤၡမူၤအ့လးအခီၣ်ထံးတဘ့ၣ် 5:9 - Sgaw Karen Common Bible

⁹ ဘၣ်ဆၣ်ဒီးဖဲအလဲၤတုၤဃီၤဖဲန့ၣ်န့ၣ်, ယွၤစံၣ်ညီၣ်စ့ၢ်ကီး ဝ့ၢ်အဝဲန့ၣ်, ဒီးဒုးအိၣ်ထီၣ်တၢ်ပျံၤတၢ်ဖုးဖးဒိၣ်လီၤ. အဝဲစံၣ်ညီၣ်အဝဲသ့ၣ်လၢတၢ်ဆါအချံထီၣ်ဒီးညိးတဖၣ်လၢအဘၣ်လၢ ကယဲၢ်ပှၤဝ့ၢ်ဖိခဲလၢာ်သးပှၢ်သးစၢ်ကိးဂၤဒဲးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:9 Iomraidhean Croise

စံးထီၣ်ပတြၢၤ 78:66

အဝဲနီၣ်ကဒါက့ၤအဒုၣ်အဒါတဖၣ် လၢတၢ်မဲာ်ဆှးအတၢ်ဃၣ်ကွံာ်လီၤထူလီၤယိာ်န့ၣ်လီၤ.

လံာ်ဧၤမိၣ် 5:19

ကမၤအသးဒ်ပှၤတဂၤဃ့ၢ်ကွံာ်လၢခ့ယုၢ်တဒုအအိၣ်, ဒီးဘၣ်သဂၢၢ်လိာ်အသးဒီးတၤသူတဒုအသိး, မ့တမ့ၢ်ဘၣ်ဒီးဒ်ပှၤတဂၤက့ၤနုာ်လၢဟံၣ်ပူၤ, ဒီးပာ်ထီၣ်အစုလၢတၢ်ဒူၣ် အလိၤအသိးလၢဂုၢ်တဘိကဖျးအီၤအဂီၢ်ဧိၤန့ၣ်လီၤ.

လံာ်သိၣ်လီၤသီလီၤတၢ် 2:15

ယွၤထီဒါအဝဲသ့ၣ်တဘိယူၢ်ဃီ, တုၤလၢအဝဲမၤဟးဂီၤကွံာ်အဝဲ သ့ၣ်ခဲလၢာ်တစုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:15

ဘၣ်ဆၣ်ဒီးသုမ့ၢ်တဒိကနၣ်ယွၤဒီး, သုမ့ၢ်တစူၢ်ဘၣ်အတၢ်မၤလိာ် တဖၣ်န့ၣ်အဝဲကထီဒါသုဒီးသုစီၤပၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:10

မၤသးဒ်န့ၣ်ဒီးအဝဲသ့ၣ်ဆှၢလီၤကီၢ်အံၣ်စရ့လးအကစၢ်ယွၤအတၢ် အၢၣ်လီၤအီလီၤအတလါစီဆှံဆူဝ့ၢ်ဧ့ကြိၣ်လၢအမ့ၢ်ပှၤဖလ့ၡသးဖိအဝ့ၢ်အဂၤတဝ့ၢ်န့ၣ်လီၤ. ဘၣ်ဆၣ်ဒီးဖဲအတုၤဖဲန့ၣ်ဒီးပှၤဂီၢ်မုၢ်ကိးပသူထီၣ်ဝဲ, “အဝဲသ့ၣ်ဟဲစိာ်ကီၢ်အံၣ်စရ့လးအကစၢ်ယွၤအတၢ် အၢၣ်လီၤအီလီၤအတလါစီဆှံဖဲအံၤ, ဒ်သိးအကမၤသံပှၤခဲလၢာ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 5:11

မၤကဒီးတစု, အဝဲသ့ၣ်ကိးန့ၢ်ပှၤဖလ့ၡသးဖိအစီၤပၤတဖၣ်ဒီးစံးဝဲ, “ဆှၢက့ၤကီၢ်အံၣ်စရ့လးအတၢ်အၢၣ်လီၤအီလီၤအတလါစီဆှံဆူ အလီၢ်ဒၣ်ဝဲဒ်သိးအသုတမၤသံပှၤဒီးပဟံၣ်ဖိဃီဖိတဖၣ်တဂ့ၤန့ၣ် တက့ၢ်.” တၢ်လီၤပျံၤလီၤဖုးဖးဒိၣ်အိၣ်ဝဲသကုၤလၢဝ့ၢ်ပူၤလၢ ကစၢ်ယွၤစံၣ်ညီၣ်အဝဲသ့ၣ်နးနးကလဲာ်အဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:6

ယွၤစံၣ်ညီၣ်ဝ့ၢ်အၤစဒိးအပှၤဂီၢ်မုၢ်တဖၣ်ဆါဆါကလဲာ်ဒီးမၤပျံၤမၤဖုးအီၤလီၤ. ယွၤစံၣ်ညီၣ်အဝဲသ့ၣ်ဒီးကယဲၢ်ပှၤအိၣ်ဝးတရံးဖဲတၢ်လီၢ်န့ၣ် ခီဖျိတၢ်ဒုးလီၤဘၣ်အဝဲသ့ၣ်လၢ ကအိၣ်ဒီးတၢ်ဆါအချံထီၣ်ဒီးညိး တဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:11

အဝဲသ့ၣ်ပာ်ထီၣ်တၢ်အၢၣ်လီၤအီလီၤအတလါစီဆှံလၢလ့ၣ်ကဟၣ်အပူၤ ဃုာ်ဒီးတလါလၢတၢ်ဒၢနုာ်တၢ်ဂီၤသိအသးလၢထူတဖၣ်, ယုၢ်ဖိဒီးတၢ်ချံညိးထီၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:13

မၤသးဒ်န့ၣ်ဒီး, ပှၤဖလ့ၡသးဖိတဖၣ်ဘၣ်တၢ်မၤနၢၤကွံာ်အီၤဒီး ယွၤတြီဃာ်အဝဲသ့ၣ်လၢတၢ်နုာ်လီၤဒုးကီၢ်အံၣ်စရ့လးအလီၢ် ကဝီၤန့ၣ်တစိၤဒၣ်စီၤၡမူအ့လးအိၣ်မူဝဲအဖၢမုၢ်န့ၣ်လီၤ.