လံာ်စီၤၡမူၤအ့လးအခီၣ်ထံးတဘ့ၣ် 5:8 - Sgaw Karen Common Bible

⁸ မၤသးဒ်န့ၣ်ဒီး, အဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဒီး ကိးဖှိၣ်ပှၤဖလ့ၡသးဖိအစီၤပၤယဲၢ်ဂၤလိာ်န့ၣ်ဒီးသံကွၢ်ဝဲ, “မ့ၢ်ပကမၤကီၢ်အံၣ်စရ့လးအကစၢ်ယွၤအတၢ်အၢၣ်လီၤအီလီၤအတလါ စီဆှံန့ၣ်ဒ်လဲၣ်.” အဝဲသ့ၣ်စံးဝဲ, “လဲၤစိာ်အီၤဆူဝ့ၢ်ကၤသးတက့ၢ်.” မၤသးဒ်န့ၣ်ဒီးအဝဲသ့ၣ်လဲၤစိာ်အီၤဆူဝ့ၢ်ကၤသး, လၢအမ့ၢ်ပှၤဖလ့ၡသးဖိအဝ့ၢ်အဂၤတဖျၢၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:8 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 7:21

စီၤစၤဘး, စီၤၡူၤသ့လၤန့ၣ်လီၤ. အါန့ၢ်အန့ၣ်စီၤအ့ဖရဲၣ်အိၣ်ဒီးအဖိခွါအဂၤခံဂၤလၢအမ့ၢ်, စီၤဧ့စ့ၢ်ဒီးစီၤအ့လၤန့ၣ်လီၤ. အဝဲသ့ၣ်ခံဂၤဘၣ်တၢ်မၤသံကွံာ်အီၤဖဲအကျဲးစၢးလၢသါကဟုၣ် န့ၢ်ပှၤကၤသးဖိလၢအအိၣ်ဆိးဖဲထံကီၢ်န့ၣ်အပူၤအဆၣ်ဖိကီၢ်ဖိ အခါန့ၣ်လီၤ.

လံာ်ဧၤမိၣ် 6:2

လဲၤဆူဝ့ၢ်ကၤလန့ၤ, ဒီးကွၢ်တက့ၢ်. ဒီးလဲၤဖဲန့ၣ်ဆူဝ့ၢ်ဖးဒိၣ်ဃမါသး, ဒီးလဲၤလီၤဆူပှၤဖလ့ၡသးဖိအဝ့ၢ်ကၤသးတက့ၢ်. မ့ၢ်အဂ့ၤန့ၢ်ကီၢ်ယူဒၤဒီးကီၢ်အံၣ်စရ့လးအဘီအမုၢ်တခါခါဧါ. မ့ၢ်အကီၢ်ဃၢၤတဖၣ်လဲၢ်န့ၢ်သုကီၢ်တက့ၢ်ဧါ.

လံာ်စကၤရယၤ 12:3

ဘၣ်ဆၣ်ဒီးဖဲအဆၢကတီၢ်အဝဲန့ၣ်တုၤဃီၤဒီး, ယကဒုးကဲထီၣ်ဝ့ၢ်ယရူၤၡလ့ၣ်ဒ်လၢၢ်အဃၢတဖျၢၣ်အသိး, ဒီးကယဲၢ်ပှၤတကလုာ်ဂ့ၤတကလုာ်ဂ့ၤလၢအကျဲးစၢးစိာ်ထီၣ်အီၤန့ၣ် ကဘၣ်ဒိဘၣ်ထံးဝဲဒၣ်လီၤ. ပှၤကလုာ်ခဲလၢာ်လၢဟီၣ်ခိၣ်ချၢကပာ်ဖှိၣ်ထီၣ်အသုးမုၢ်သံၣ်ဘိ တဖၣ်ဒီးကဒုးတၢ်ထီဒါအီၤလီၤ.

လံာ်စီၤယိၤၡူ 13:3

ဃုာ်ဒီးပှၤဧၤဝံဖိအကီၢ်လၢကလံၤထံးန့ၣ်လီၤ. (ကီၢ်လၢထံကျိဖိၡံဃိၢ်လၢကီၢ်အဲၤကူပတူးအမုၢ်ထီၣ်ဆူကလံၤစိး တုၤဆူဧ့ကြိၣ်အကီၢ်ဆၢလၢတၢ် ပာ်လၢပှၤကနၤဧၣ်ဖိအဂီၢ်န့ၣ်လီၤ. ပှၤဖလ့ၡသးဖိအစီၤပၤအိၣ်ဝဲယဲၢ်ဂၤ လၢအမ့ၢ်ဝဲဂါစၤအၤစဒိာ်, အၤၡကလိၣ်, ကၤသး, ဧ့ကြိၣ်အစီၤပၤန့ၣ်လီၤ).

လံာ်စီၤယိၤၡူ 15:11

ကီၢ်ဆၢန့ၣ်လဲၤထီၣ်ဆူကစၢၢ်လၢဝ့ၢ်ဧ့ကြိၣ်အကလံၤစိး, တရံးအသးဆူဝ့ၢ်ၡံကြိၣ်ပူၤကွံာ်ကစၢၢ်ဘဧၤလးဒီးဆူညါဆူ ဝ့ၢ်ယးဘန့လးလီၤ. လဲၤကတၢၢ်ဝဲဖဲပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်

လံာ်စီၤၡမူၤအ့လးအခီၣ်ထံးတဘ့ၣ် 17:4

ပှၤလၢအမံၤမ့ၢ်စီၤကၤလယးလၢဝ့ၢ်ကၤသးတဂၤန့ၣ်ဟဲထီၣ်လၢပှၤ ဖလ့ၡသးဖိတဖၣ်အသူၣ်ဒဲအလီၢ်ပူၤဒ်သိးကတၤပှၤအံၣ်စရ့လးဖိ တဖၣ်န့ၣ်လီၤ. အဝဲအဂီၤအထီအိၣ်ဝဲဃုပျၢ်အဘျဲၣ်,

လံာ်စီၤၡမူၤအ့လးအခီၣ်ထံးတဘ့ၣ် 17:52

ကီၢ်အံၣ်စရ့လးဒီးကီၢ်ယူဒၤအပှၤတဖၣ်ကိးပသူထီၣ်ဒီးလူၤထွဲ အဝဲသ့ၣ်အခံ, ဖီၣ်အီၤမၤဒၢၣ်အီၤလၢကျဲဒီဘိညါဆူဝ့ၢ်ကၤသးဒီး ဆူဝ့ၢ်ဧ့ကြိၣ်အကျဲစၢၤတဖၣ်န့ၣ်လီၤ. ပှၤဖလ့ၡသးဖိတဖၣ်ဘၣ်ဒိဘၣ်ထံးလီၤဃံၤလၢကျဲလဲၤဆူဝ့ၢ်ၡၤရဲၣ်ဒီဘိညါ ဒီးတုၤဒၣ်လဲာ်ဆူဝ့ၢ်ဧ့ကြိၣ်ဒီး ဝ့ၢ်ကၤသးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:6

စီၤအၤကံၣ်ကိးစီၤဒၤဝံးဒီးစံးဘၣ်အီၤ, “ယဆိၣ်တၢ်ခီဖျိကီၢ်အံၣ်စရ့လးအကစၢ်ယွၤလၢအမူဝဲတဂၤအမံၤ လၢနသူၣ်တီသးလိၤတ့ၢ်ဒီးယၤ ဒီးယဘၣ်သူၣ်ဘၣ်သးလၢနကလဲၤဃုာ်ဒီးယၤဒီးဒုးတၢ်လၢတၢ်ဒုးအံၤအပူၤန့ၣ်လီၤ. စးထီၣ်မုၢ်တနံၤလၢနဟဲဆူယအိၣ်န့ၣ်ယတထံၣ်န့ၣ်တ့ၢ်တၢ်ကမၣ်လၢ နပူၤနီတမံၤဘၣ်. ဘၣ်ဆၣ်ဒီးစီၤပၤအဂၤတဖၣ်န့ၣ်တဘၣ်သူၣ်ဘၣ်သးလၢနၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 5:11

မၤကဒီးတစု, အဝဲသ့ၣ်ကိးန့ၢ်ပှၤဖလ့ၡသးဖိအစီၤပၤတဖၣ်ဒီးစံးဝဲ, “ဆှၢက့ၤကီၢ်အံၣ်စရ့လးအတၢ်အၢၣ်လီၤအီလီၤအတလါစီဆှံဆူ အလီၢ်ဒၣ်ဝဲဒ်သိးအသုတမၤသံပှၤဒီးပဟံၣ်ဖိဃီဖိတဖၣ်တဂ့ၤန့ၣ် တက့ၢ်.” တၢ်လီၤပျံၤလီၤဖုးဖးဒိၣ်အိၣ်ဝဲသကုၤလၢဝ့ၢ်ပူၤလၢ ကစၢ်ယွၤစံၣ်ညီၣ်အဝဲသ့ၣ်နးနးကလဲာ်အဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:7

ဖဲအဝဲသ့ၣ်ထံၣ်လၢတၢ်န့ၣ်မၤအသးဒီးအဝဲသ့ၣ်စံးဝဲ, “ကီၢ်အံၣ်စရ့လးအကစၢ်ယွၤစံၣ်ညီၣ်ပှၤဒီးပကစၢ်ဒၤကိၣ်လီၤ. ပပျဲယွၤအတၢ်အၢၣ်လီၤအီလီၤအတလါအိၣ်ဒီးပှၤယံာ်ယံာ်ဖဲအံၤ တသ့လၢၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 6:2

ပှၤဂီၢ်မုၢ်ကိးထီၣ်ပှၤလုၢ်တၢ်အခိၣ်တဖၣ်ဒီးပှၤမၤကဒါမဲာ်တဖၣ် ဒီးသံကွၢ်ဝဲ, “မ့ၢ်ပကဘၣ်မၤယွၤအတၢ်အၢၣ်လီၤအီလီအတလါဒ်လဲၣ်. ပမ့ၢ်ဆှၢကဒါက့ၤအီၤဆူတၢ်ဘၣ်ဃးဒီးအီၤအလီၢ်န့ၣ် ပကဘၣ်ဆှၢအီၤလၢတၢ်မနုၤတမံၤလဲၣ်.”