လံာ်စီၤၡမူၤအ့လးအခီၣ်ထံးတဘ့ၣ် 5:2 - Sgaw Karen Common Bible

² လဲၤစိာ်ဝဲဆူအကစၢ်ဒၤကိၣ်အတၢ်လုၢ်လီၢ်အပူၤ ဒီးပာ်အီၤဖဲတၢ်ဂီၤန့ၣ်အကပၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:2 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 10:10

အဝဲသ့ၣ်လဲၤပာ်စီၤစီလူးအစုကဝဲၤတဖၣ်, လၢအကစၢ်တဖၣ်အတၢ်လုၢ်ဟံၣ်အကျါတဖျၢၣ်အပူၤ, ဒီးမ့မ့ၢ်အခိၣ်န့ၣ်, လဲၤဘျးလီၤစဲၤဝဲလၢအကစၢ်ဒၤကိၣ်အတၢ် လုၢ်ဟံၣ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:8

ဖဲတၢ်ဒုးဝံၤအလီၢ်ခံမုၢ်ဆ့ၣ်ထီၣ်န့ၣ်, ပှၤဖလ့ၡသးဖိတဖၣ်လဲၤ ဒ်သိးကဘ့ၣ်ကွံာ်ဒီးဂုာ်န့ၢ်ပှၤသံတဖၣ်အကူအသိးန့ၣ်လီၤ. အဝဲသ့ၣ်ထံၣ်ဘၣ်စီၤစီလူးဒီးအဖိခွါတဖၣ်အစိၣ်အိၣ်ဒါလီၤ အသးလၢကစၢၢ်ကံးလဘိအလိၤန့ၣ်လီၤ.

လံာ်ဒၤနံးယ့လး 5:2

ဒီးဖဲအဝဲသ့ၣ်အီသကိးတၢ်အဖၢမုၢ်န့ၣ်စီၤဘ့ၤလၡါစၢ်မၤလိာ် ဝဲလၢလီခီထူ, လီခီစ့တဖၣ်လၢအပၢ်စီၤနဘူၤကးန့စၢ်ဟံးထီၣ် ကွံာ်ဝဲလၢဝ့ၢ်ယရူၤရှလ့ၣ်အတၢ်လုၢ်ဟံၣ်အပူၤန့ၣ်ကဘၣ်တၢ်ဟဲ စိာ်အီၤဒ်သိးစီၤပၤဒီးအပဒိၣ်ပပှၢ်တဖၣ်, အမါတဖၣ်ဒီးအသံၣ် မါတဖၣ်ကဒၢနုာ်အီဝဲစပံးထံလၢအပူၤအဂီၢ်န့ၣ်လီၤ.

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

လံာ်ဃဘးကူာ် 1:11

တုၤနုၤတစု, ပှၤလၢအပာ်ထီၣ်အတၢ်စိတၢ် ကမီၤဒ်အကစၢ်အသိးတဖၣ်န့ၣ်လဲၤခီဂာ်တၢ်ဒ်ကလံၤ အသိးဒီးဟါမၢ်ကွံာ်ဝဲလီၤ.”

လံာ်ဃဘးကူာ် 1:16

အဝဲသ့ၣ်ဘူၣ်ထီၣ်ဘါထီၣ်ဒၣ်အပှာ်ဧိၤစၤဧိၤတဖၣ်, ဒီးလုၢ်ထီၣ်တၢ်လုၢ်တၢ်ပာ်တဖၣ်ဆူအအိၣ်လီၤ. အဂ့ၢ်ဒ်အံၤ, အပှာ်ဧိၤစၤဧိၤတဖၣ်လုၢ်အီၣ်အဝဲသ့ၣ်ဒီးတၢ် အဂ့ၤကတၢၢ်လၢတၢ်ကိးမံၤဒဲးအကျါန့ၣ်လီၤ.

လံာ်ပှၤစံၣ်ညီၣ်ကွီၢ် 16:23

ဒီးပှၤဖလ့ၡသးဖိအစီၤပၤတဖၣ်ပာ်ဖှိၣ်ထီၣ်အသးဒ်သိးအကလုၢ် ထီၣ်တၢ်လုၢ်ဖးဒိၣ်တမံၤဆူအကစၢ်ဒၤကိၣ်န့ၣ်လီၤ. အဝဲသ့ၣ်သးဝံၣ်ထီၣ်တၢ်စံးဝဲ, “ပကစၢ်ဟ့ၣ်လံပှၤလၢတၢ်မၤနၢၤ ပဒုၣ်ပဒါစီၤၡံၣ်ၡိၣ်လံ.”