လံာ်စီၤၡမူၤအ့လးအခီၣ်ထံးတဘ့ၣ် 5:10 - Sgaw Karen Common Bible

¹⁰ မၤသးဒ်န့ၣ်ဒီးအဝဲသ့ၣ်ဆှၢလီၤကီၢ်အံၣ်စရ့လးအကစၢ်ယွၤအတၢ် အၢၣ်လီၤအီလီၤအတလါစီဆှံဆူဝ့ၢ်ဧ့ကြိၣ်လၢအမ့ၢ်ပှၤဖလ့ၡသးဖိအဝ့ၢ်အဂၤတဝ့ၢ်န့ၣ်လီၤ. ဘၣ်ဆၣ်ဒီးဖဲအတုၤဖဲန့ၣ်ဒီးပှၤဂီၢ်မုၢ်ကိးပသူထီၣ်ဝဲ, “အဝဲသ့ၣ်ဟဲစိာ်ကီၢ်အံၣ်စရ့လးအကစၢ်ယွၤအတၢ် အၢၣ်လီၤအီလီၤအတလါစီဆှံဖဲအံၤ, ဒ်သိးအကမၤသံပှၤခဲလၢာ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 5:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:9

ယအိၣ်တ့ၢ်ဒီးနၤဖဲနလဲၤတၢ်တပူၤလၢ်လၢ်ဒီးယမၤနၢၤတ့ၢ်ကယဲၢ် နဒုၣ်နဒါခဲလၢာ်ဖဲနလဲၤထီၣ်ဒုးတၢ်န့ၣ်လီၤ. ယကဒုးမံၤဟူသၣ်ဖျါနၤထဲသိးခိၣ်နၢ်အဒိၣ်ကတၢၢ်တဖၣ် လၢဟီၣ်ခိၣ်ချၢန့ၣ်လီၤ.

လံာ်စီၤပၤခံဘ့ၣ်တဘ့ၣ် 1:2

ကီၢ်အံၣ်စရ့လးအစီၤပၤအဃၤစယၤလီၤတဲာ်ကွံာ်ဝဲဒၣ်လၢအနီ အဘျီၣ်ခိၣ်ဒုးဖီခိၣ်လၢဝ့ၢ်ၡၤမရံအပူၤဒီးဘၣ်ဒိဘၣ်ထံးနး နးကလဲာ်န့ၣ်လီၤ. လၢတၢ်န့ၣ်အဃိအဝဲမၢလီၤပှၤစိာ်တၢ်ကစီၣ်တနီၤလၢကလဲၤဃ့တၢ် ဟ့ၣ်ကူၣ်ဒီးပှၤဖလ့ၡသးဖိအဝ့ၢ်ဧ့ကြိၣ်အကစၢ်ဘဧၤလးစဘူာ်, လၢကသ့ၣ်ညါဘၣ်ဝဲဘျါက့ၤသ့, တသ့ဘၣ်အဂ့ၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 7:21

စီၤစၤဘး, စီၤၡူၤသ့လၤန့ၣ်လီၤ. အါန့ၢ်အန့ၣ်စီၤအ့ဖရဲၣ်အိၣ်ဒီးအဖိခွါအဂၤခံဂၤလၢအမ့ၢ်, စီၤဧ့စ့ၢ်ဒီးစီၤအ့လၤန့ၣ်လီၤ. အဝဲသ့ၣ်ခံဂၤဘၣ်တၢ်မၤသံကွံာ်အီၤဖဲအကျဲးစၢးလၢသါကဟုၣ် န့ၢ်ပှၤကၤသးဖိလၢအအိၣ်ဆိးဖဲထံကီၢ်န့ၣ်အပူၤအဆၣ်ဖိကီၢ်ဖိ အခါန့ၣ်လီၤ.

လံာ်ဧၤမိၣ် 1:8

ဒီးယကသုးကွံာ်ပှၤပၢၤဝ့ၢ်အၤစဒိာ် ဒီးဝ့ၢ်အၤၡကလိၣ်အပဒိၣ်တဖၣ်န့ၣ်လီၤ. ဒီးယကစံၣ်ညီၣ်ဝ့ၢ်ဧ့ကြိၣ်ဒီးကယဲၢ်ပှၤဖလ့ၡသးဖိတဖၣ်လၢအအိၣ် လီၤတဲာ်န့ၣ်ကသံလီၤ.”

လံာ်ဧၤမိၣ် 6:2

လဲၤဆူဝ့ၢ်ကၤလန့ၤ, ဒီးကွၢ်တက့ၢ်. ဒီးလဲၤဖဲန့ၣ်ဆူဝ့ၢ်ဖးဒိၣ်ဃမါသး, ဒီးလဲၤလီၤဆူပှၤဖလ့ၡသးဖိအဝ့ၢ်ကၤသးတက့ၢ်. မ့ၢ်အဂ့ၤန့ၢ်ကီၢ်ယူဒၤဒီးကီၢ်အံၣ်စရ့လးအဘီအမုၢ်တခါခါဧါ. မ့ၢ်အကီၢ်ဃၢၤတဖၣ်လဲၢ်န့ၢ်သုကီၢ်တက့ၢ်ဧါ.

လံာ်စီၤယိၤၡူ 13:3

ဃုာ်ဒီးပှၤဧၤဝံဖိအကီၢ်လၢကလံၤထံးန့ၣ်လီၤ. (ကီၢ်လၢထံကျိဖိၡံဃိၢ်လၢကီၢ်အဲၤကူပတူးအမုၢ်ထီၣ်ဆူကလံၤစိး တုၤဆူဧ့ကြိၣ်အကီၢ်ဆၢလၢတၢ် ပာ်လၢပှၤကနၤဧၣ်ဖိအဂီၢ်န့ၣ်လီၤ. ပှၤဖလ့ၡသးဖိအစီၤပၤအိၣ်ဝဲယဲၢ်ဂၤ လၢအမ့ၢ်ဝဲဂါစၤအၤစဒိာ်, အၤၡကလိၣ်, ကၤသး, ဧ့ကြိၣ်အစီၤပၤန့ၣ်လီၤ).

လံာ်စီၤယိၤၡူ 15:11

ကီၢ်ဆၢန့ၣ်လဲၤထီၣ်ဆူကစၢၢ်လၢဝ့ၢ်ဧ့ကြိၣ်အကလံၤစိး, တရံးအသးဆူဝ့ၢ်ၡံကြိၣ်ပူၤကွံာ်ကစၢၢ်ဘဧၤလးဒီးဆူညါဆူ ဝ့ၢ်ယးဘန့လးလီၤ. လဲၤကတၢၢ်ဝဲဖဲပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်

လံာ်စီၤယိၤၡူ 15:45

အိၣ်ဒီးဧ့ကြိၣ်ဃုာ်ဒီးအဝ့ၢ်ဖိဒီးအသဝီတဖၣ်, ဒီးဝ့ၢ်ဒီးဝ့ၢ်ဖိအိၣ်ဘူးဒီးအၤစဒိာ် ခဲလၢာ်စးထီၣ်လၢဧ့ကြိၣ်တုၤလီၤလၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:18

ယူဒၤအပှၤဂီၢ်မုၢ်မၤန့ၢ်ဝ့ၢ်ဂါစၤဒီးအလီၢ်ကဝီၤ, ဝ့ၢ်အၤၡကလိၣ်ဒီးအလီၢ်ကဝီၤ, ဝ့ၢ်ဧ့ဘြိၣ်ဒီးအလီၢ်ကဝီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:52

ကီၢ်အံၣ်စရ့လးဒီးကီၢ်ယူဒၤအပှၤတဖၣ်ကိးပသူထီၣ်ဒီးလူၤထွဲ အဝဲသ့ၣ်အခံ, ဖီၣ်အီၤမၤဒၢၣ်အီၤလၢကျဲဒီဘိညါဆူဝ့ၢ်ကၤသးဒီး ဆူဝ့ၢ်ဧ့ကြိၣ်အကျဲစၢၤတဖၣ်န့ၣ်လီၤ. ပှၤဖလ့ၡသးဖိတဖၣ်ဘၣ်ဒိဘၣ်ထံးလီၤဃံၤလၢကျဲလဲၤဆူဝ့ၢ်ၡၤရဲၣ်ဒီဘိညါ ဒီးတုၤဒၣ်လဲာ်ဆူဝ့ၢ်ဧ့ကြိၣ်ဒီး ဝ့ၢ်ကၤသးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:11

မၤကဒီးတစု, အဝဲသ့ၣ်ကိးန့ၢ်ပှၤဖလ့ၡသးဖိအစီၤပၤတဖၣ်ဒီးစံးဝဲ, “ဆှၢက့ၤကီၢ်အံၣ်စရ့လးအတၢ်အၢၣ်လီၤအီလီၤအတလါစီဆှံဆူ အလီၢ်ဒၣ်ဝဲဒ်သိးအသုတမၤသံပှၤဒီးပဟံၣ်ဖိဃီဖိတဖၣ်တဂ့ၤန့ၣ် တက့ၢ်.” တၢ်လီၤပျံၤလီၤဖုးဖးဒိၣ်အိၣ်ဝဲသကုၤလၢဝ့ၢ်ပူၤလၢ ကစၢ်ယွၤစံၣ်ညီၣ်အဝဲသ့ၣ်နးနးကလဲာ်အဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:9

ဘၣ်ဆၣ်ဒီးဖဲအလဲၤတုၤဃီၤဖဲန့ၣ်န့ၣ်, ယွၤစံၣ်ညီၣ်စ့ၢ်ကီး ဝ့ၢ်အဝဲန့ၣ်, ဒီးဒုးအိၣ်ထီၣ်တၢ်ပျံၤတၢ်ဖုးဖးဒိၣ်လီၤ. အဝဲစံၣ်ညီၣ်အဝဲသ့ၣ်လၢတၢ်ဆါအချံထီၣ်ဒီးညိးတဖၣ်လၢအဘၣ်လၢ ကယဲၢ်ပှၤဝ့ၢ်ဖိခဲလၢာ်သးပှၢ်သးစၢ်ကိးဂၤဒဲးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:1

ဖဲယွၤအတၢ်အၢၣ်လီၤအီလီၤအတလါစီဆှံအိၣ်လၢ ကီၢ်ဖလ့ၡသးအပူၤနွံလါဝံၤအလီၢ်ခံန့ၣ်,