လံာ်စီၤၡမူၤအ့လးအခီၣ်ထံးတဘ့ၣ် 4:5 - Sgaw Karen Common Bible

⁵ ဒီးတုၤယွၤအတၢ်အၢၣ်လီၤအီလီၤအတလါစီဆှံဟဲတုၤဝဲန့ၣ်ပှၤ အံၣ်စရ့လးဖိတဖၣ်ကိးထီၣ်လၢတၢ်သးခုဖးဒိၣ်အကလုၢ်တုၤဟီၣ် ခိၣ်သတြုးထီၣ်ဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:24

ပှၤလုၢ်တၢ်အခိၣ်စီၤစၤဒိးအိၣ်ဝဲဖဲန့ၣ်ဒီးပှၤလ့ၤဝံဖိတဖၣ် အိၣ်စ့ၢ်ကီးဒီးအီၤ, စိာ်ဝဲယွၤအတၢ်အၢၣ်လီၤအီလီၤအတလါစီဆှံန့ၣ်လီၤ. အဝဲသ့ၣ်ပာ်လီၤအီၤဒီးတချုးဒံးဘၣ်လၢပှၤဂီၢ်မုၢ်ခဲလၢာ် ဟးထီၣ်ကွံာ်လၢဝ့ၢ်ပူၤဘၣ်န့ၣ်အဝဲသ့ၣ်တစိာ်ထီၣ်ကဒီးအီၤဘၣ်. ပှၤလုၢ်တၢ်အခိၣ်စီၤအ့ဘယၤသၢ်အိၣ်စ့ၢ်ကီးဖဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:40

အန့ၣ်ဝံၤဒီး, အဝဲသ့ၣ်ခဲလၢာ်ဟဲက့ၤပိာ်အခံ, ကိးထီၣ်လၢတၢ်သူၣ်ခုသးခုဒီးအူပံတဖၣ်တုၤဒၣ်လဲာ်ဟီၣ်ခိၣ် သထြူးဝဲလၢတၢ်သီၣ်တၢ်သဲအဃိန့ၣ်လီၤ.

လံာ်စီၤယိၤဘး 20:5

တၢ်သူၣ်ဖှံသးညီအိၣ်တယံာ်ဘၣ်ဒီးပှၤတတီတလိၤနီတဂၤဘၣ်. အဝဲမ့ၢ်ဒိၣ်ထီၣ်, ထီထီၣ်, ထီဝဲတုၤလၢမူခိၣ်ဒီးထီဝဲတုၤဒၣ်လဲာ် အခိၣ်တုၤဃီၤဆူတၢ်အၢၣ်တဖၣ်

လံာ်ယံးရမံယၤ 7:4

ဆိကတီၢ်သုတၢ်နာ်တၢ်လီတၢ်ဝ့ၤအတၢ်ကတိၤလီၤတၢ်တဖၣ်လၢ အစံးဝဲ, ပပူၤဖျဲးပဝဲလီၤ. အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ် လီၤ,’ န့ၣ်တက့ၢ်.

လံာ်ဧၤမိၣ် 6:3

သုဂ့ၢ်လိာ်လၢသုကတူၢ်လိာ်တၢ်အၢတၢ်သီအမုၢ်တနံၤန့ၣ်ဘၣ်ဆၣ် ဒီး, တၢ်လၢသုမၤန့ၣ်ဟဲစိာ်ဒၣ်မုၢ်တနံၤန့ၣ်အတၢ်ဘူးထီၣ်လီၤ.

လံာ်မံကၤ 2:11

ပှၤဂီၢ်မုၢ်တဖၣ်အံၤအဲၣ်ဒိးဝဲဒၣ်ဝံတကလုာ်လၢအလဲၤဝ့ၤဝီၤတၢ်, အိၣ်ပှဲၤဒီးတၢ်လီတၢ်ဝ့ၤဒီးတၢ်ကဘျံးကဘျၣ်ဒီးစံး, “ယကတိၤဝံအကျိာ်ဒ်သိးစပံးထံဒီးသံးကယွၤလီၤလၢသုဂီၢ် လီၤ”.

လံာ်စီၤယိၤၡူ 6:20

သတးဒီးပှၤလုၢ်တၢ်အခိၣ်တဖၣ်အူထီၣ်အကွဲၤန့ၣ်လီၤ. တုၤပှၤဂီၢ်မုၢ်နၢ်ဟူကွဲၤအသီၣ်ဒီး, အဝဲသ့ၣ်ကိးပသူထီၣ်လၢအကလုၢ်ဖးဒိၣ်ဒီးဝ့ၢ်အခိၣ်ဒူတဖၣ် လီၤပှီၢ်ကွံာ်ဝဲန့ၣ်လီၤ. အန့ၣ်ဒီး, သုးမုၢ်သံၣ်ဘိဒီဖုလဲၤထီၣ်လိၤလိၤဆူဝ့ၢ်ပူၤဒီးမၤန့ၢ်အီၤန့ၣ်လီၤ.

လံာ်စီၤယိၤၡူ 6:5

ဝံၤဒီးအဝဲသ့ၣ်ကအူထီၣ်ဖးထီကွဲၤန့ၣ်လီၤ. တဘျီဃီဖဲသုနၢ်ဟူတၢ်အံၤန့ၣ်, ပှၤပိာ်ခွါခဲလၢာ်ကကိးပသူ ထီၣ်လၢအကလုၢ်ဖးဒိၣ်, အန့ၣ်ဒီးဝ့ၢ်အခိၣ်ဒူတဖၣ်ကလီၤပှီၢ်ကွံာ်ဝဲန့ၣ်လီၤ. ဝံၤဒီး, သုးမုၢ်သံၣ်ဘိဒီဖုကလဲၤနုာ်လီၤဝဲလိၤလိၤဆူဝ့ၢ်ပူၤန့ၣ် လီၤ.”

လံာ်ပှၤစံၣ်ညီၣ်ကွီၢ် 15:14

ဖဲအဝဲတုၤဃီၤဆူဝ့ၢ်လ့ၤဃံန့ၣ်ပှၤဖလ့ၡသးဖိတဖၣ်ဟဲဃ့ၢ်ဆူအအိၣ်, ဒီးကိးပသူထီၣ်ဝဲလီၤ. သတူၢ်ကလာ်ယွၤအစိကမီၤမၤဆူၣ်ထီၣ်အဂံၢ်အဘါ ဒီးအဝဲမၤထီၣ်တဲာ်ကွံာ်ပျံၤတဖၣ်လၢအစၢဃာ်အစုဒုၣ်စုတီၤ, ဒ်လုၣ်ဖျ့လၢမ့ၣ်အူအီၣ်ကွံာ်အီၤအသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:6

ပှၤဖလ့ၡသးဖိတဖၣ်နၢ်ဟူတၢ်ကိးပသူထီၣ်ဒီးစံး, “ကနၣ်ကယဲၢ်တၢ်ကိးပသူထီၣ်အသီၣ်လၢပှၤဧ့ၤဘြံၤဖိတဖၣ် အသူၣ်ဒဲ အလီၢ်အပူၤန့ၣ်တက့ၢ်. အခီပညီမ့ၢ်တၢ်မနုၤလဲၣ်.” ဖဲအဝဲသ့ၣ်, သ့ၣ်ညါဝဲလၢယွၤအတၢ်အၢၣ်လီၤအီလီၤအတလါစီဆှံ ဟဲတုၤဆူပှၤဧ့ၤဘြံၤဖိအသူၣ်ဒဲအလီၢ်န့ၣ်,