လံာ်စီၤၡမူၤအ့လးအခီၣ်ထံးတဘ့ၣ် 4:3 - Sgaw Karen Common Bible

³ ဖဲပှၤအိၣ်မူတ့ၢ်တဖၣ်ဟဲက့ၤဆူတၢ်သူၣ်ဒဲအလီၢ်န့ၣ်, ကီၢ်အံၣ်စရ့လးအခိၣ်အနၢ်တဖၣ်စံးဝဲ, “ဘၣ်မနုၤယွၤပျဲ ပှၤဖလ့ၡသးဖိတဖၣ်မၤနၢၤပှၤတနံၤအံၤန့ၣ်လဲၣ်. မ်ပလဲၤဒီးဟံးန့ၢ်ယွၤအတၢ်အၢၣ်လီၤအီလီၤအတလါစီဆှံလၢ ဝ့ၢ်ၡံလိၤဒ်သိးကလဲၤဃုာ်ဒီးပှၤဒီးအုၣ်က့ၤခီၣ်က့ၤပှၤလၢ ပဒုၣ်ပဒါအစုပူၤအဂီၢ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 4:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:25

တုၤနုၤတစု, စီၤပၤစံးဘၣ်စီၤစၤဒိး, “က့ၤစိာ်ကဒါက့ၤ ယွၤအတၢ်အၢၣ်လီၤအီလီၤအတလါစီဆှံဆူဝ့ၢ်ပူၤတက့ၢ်. ယွၤမ့ၢ်ဘၣ်သူၣ်ဘၣ်သးလၢယၤဒီး, မုၢ်တနံၤန့ၣ်အဝဲကပျဲ ယဟဲက့ၤကဒါက့ၤလၢယကထံၣ်ဘၣ်အီၤဃုာ်ဒီးတၢ်လီၢ်ဖဲတၢ်ပာ်အီၤ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:1

ခဲအံၤစီၤပၤဒၤဝံးအိၣ်ဝဲဆိးဝဲလၢအနီပူၤန့ၣ်လီၤ. ဘၣ်မုၢ်တနံၤ, အဝဲမၤလိာ်ဝံနၤသၣ်ဒီးစံးဘၣ်အီၤ “ကွၢ်ကွၢ်ယဲ ယအိၣ်ယဆိးဖဲအံၤလၢဟံၣ်လၢတၢ်ဘှီအီၤလၢသ့ၣ်ဆှိအ့ရ့းအပူၤ လီၤ. မ့မ့ၢ်ယွၤအတၢ်အၢၣ်လီၤအီလီၤအတလါစီဆှံန့ၣ်ဘၣ်တၢ်ပာ်အီၤ လၢဒဲတဖျၢၣ်အပူၤန့ၣ်လီၤ.”

စံးထီၣ်ပတြၢၤ 74:1

ကစၢ်ယွၤဧၢ, ဘၣ်မနုၤလၢနညိကွံာ်ပှၤ လီၤထူလီၤယိာ်န့ၣ်လဲၣ်. ဘၣ်မနုၤလၢနတၢ်သးထီၣ်အမ့ၣ်အူခုၣ်ထီၣ်ထီဒါ နတၢ်အီၣ်ဆၣ်အလီၢ်အသိတဖုန့ၣ်လဲၣ်.

စံးထီၣ်ပတြၢၤ 74:11

ဘၣ်မနုၤလၢနထုးက့ၤနစုန့ၣ်လဲၣ်. ဘၣ်မနုၤလၢနပၢၤဃာ်နစုထွဲလၢ လီၢ်ခံန့ၣ်လဲၣ်.

လံာ်ယၡါယၤ 50:1

ယွၤစံးဝဲ, “မ့ၢ်သုဆိကမိၣ်လၢယဆှၢယံၤကွံာ်ယပှၤဂီၢ်မုၢ် ဒ်ပှၤတဂၤလၢအပာ်မၢ်ကွံာ်အမါအသိးန့ၣ်ဧါ. မ့မ့ၢ်ဒ်န့ၣ်ဒီး, လံာ်လီၤဖှၣ်တဖၣ်အိၣ်ဖဲလဲၣ်. မ့ၢ်သုဆိကမိၣ်လၢယဆါလီၤကွံာ်သုဆူ တၢ်မၢကဲကုၢ်အပူၤ ဒ်ပှၤတဂၤလၢအဆါလီၤကွံာ်အဖိတဖၣ် ဒ်ကုၢ်တဖၣ်အသိးန့ၣ်ဧါ. တမ့ၢ်ဘၣ်, တၢ်စိာ်မၢကဲကုၢ်သုမ့ၢ်ဒၣ်လၢသုတၢ်ဒဲးဘးတဖၣ်အဃိလီၤ. တၢ်ဆှၢယံၤကွံာ်သုမ့ၢ်ဒၣ်လၢသုတၢ်မၤကမၣ်တဖၣ်အဃိလီၤ.

လံာ်ယၡါယၤ 58:3

ပှၤဂီၢ်မုၢ်သံကွၢ်တၢ်, “ယွၤမ့ၢ်တထံၣ်သ့ၣ်ညါနီတစုဘၣ်ဒီး, ဘၣ်မနုၤအဃိပဘၣ်ဒုၣ်တၢ်အီၣ်န့ၣ်လဲၣ်. အဝဲမ့ၢ်တကနၣ်ဃုာ်နီ တစဲးဘၣ်ဒီး, ဘၣ်မနုၤအဃိပတဘၣ်အီၣ်တၢ်အီတၢ်န့ၣ်လဲၣ်.” ယွၤစံးဘၣ်အဝဲသ့ၣ်, “နီၢ်နီၢ်တခီ, တကတီၢ်ဃီဖဲသုဒုၣ်တၢ်အီၣ်တၢ်အီန့ၣ်, သုလူၤမၤထွဲသုတၢ်သး စဲဒၣ်ဝဲတဖၣ်ဒီးမၤအၢမၤနးသုပှၤမၤတၢ်ဖိတဖၣ်လီၤ.

လံာ်ယၡါယၤ 59:1

ဆိကမိၣ်ထီၣ်လၢယွၤအံၤအဂံၢ်ဘါစၢ်ကဲၣ်ဆိးလၢကအုၣ် က့ၤခီၣ်က့ၤသုအဂီၢ်မ့ၢ်ဂ့ၤ, အနၢ်တအၢကဲာ်ဆိးတုၤဒၣ်လဲာ် ကနၢ်ဟူသုတၢ်ကိးထီၣ်လၢတၢ်မၤစၢၤအဂီၢ်မ့ၢ်ဂ့ၤန့ၣ်တဂ့ၤ.

လံာ်ယၡါယၤ 59:2

တၢ်အံၤ, မ့ၢ်ဒၣ်လၢသုတၢ်ဒဲးဘးတဖၣ်အဃိဒီးအဝဲ တနၢ်ဟူသုန့ၣ်လီၤ. တၢ်အံၤမ့ၢ်သုတၢ်ဒဲးဘးတဖၣ်လၢ အမၤလီၤဖးသုဒီးကစၢ်ယွၤဖဲသုကျဲးစၢးဘူၣ်ထီၣ်ဘါထီၣ် အီၤအကတီၢ်န့ၣ်လီၤ.

လံာ်ယံးရမံယၤ 3:16

ဒီးတုၤသုအါထီၣ်ဂီၢ်ထီၣ်လၢထံကီၢ်န့ၣ်အပူၤဒီး, ပှၤဂီၢ်မုၢ်တကတိၤလၢၤဘၣ်ဃးယတၢ်အၢၣ်လီၤအီလီၤအတလါအဂ့ၢ် လၢၤဘၣ်. အဝဲသ့ၣ်တဆိကမိၣ်မ့ၢ်ဂ့ၤ, တသ့ၣ်နီၣ်မ့ၢ်ဂ့ၤ, တၢ်အၢၣ်လီၤအီလီၤအတလါန့ၣ်လၢၤဘၣ်. အဝဲသ့ၣ်တလိၣ် ဘၣ်လၢၤဒၣ်လဲာ်အီၤမ့ၢ်ဂ့ၤ, မၤကဒီးဝဲအဂၤတခါမ့ၢ်ဂ့ၤလၢၤဘၣ်.

လံာ်ယံးရမံယၤ 7:4

ဆိကတီၢ်သုတၢ်နာ်တၢ်လီတၢ်ဝ့ၤအတၢ်ကတိၤလီၤတၢ်တဖၣ်လၢ အစံးဝဲ, ပပူၤဖျဲးပဝဲလီၤ. အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ် လီၤ,’ န့ၣ်တက့ၢ်.

လံာ်တၢ်ဂံၢ် 10:33

ဖဲပှၤဂီၢ်မုၢ်ဟးထီၣ်ကွံာ်လၢစံၤနါကစၢၢ်စီဆှံန့ၣ်, အဝဲသ့ၣ်လဲၤတၢ်သၢသီလီၤ. ယွၤအတၢ်အၢၣ်လီၤအီလီၤအတလါစီဆှံလဲၤတၢ်လၢအဝဲသ့ၣ်အမဲာ်ညါ တဘိယူၢ်ဃီဒ်သိးကဃုန့ၢ်တၢ်လီၢ်တတီၤလၢအဝဲသ့ၣ်ကသူၣ်အဒဲအဂီၢ် န့ၣ်လီၤ.

လံာ်တၢ်ဂံၢ် 10:35

ဖဲတၢ်အၢၣ်လီၤအီလီၤအတလါစးထီၣ်လဲၤတၢ်တဘျီလၢ်လၢ်န့ၣ်စီၤ မိၤၡ့ကစံးဝဲဒၣ်, “ယွၤဧၢ, ဂဲၤထၢၣ်, မၤလီၤမုၢ်ပြံ ပြါနဒုၣ်နဒါတဖၣ်, ဒုးတၢ်ထီဒါပှၤလၢအသးဟ့နၤတဖၣ်တက့ၢ်” န့ၣ်လီၤ.

လံာ်တၢ်ဂံၢ် 31:6

စီၤမိၤၡ့ဆှၢလီၤအဝဲသ့ၣ်ဆူတၢ်ဒုးတၢ်ယၤအပူၤလၢပှၤလုၢ်တၢ် အခိၣ်စီၤအလၤဧစၢ်အဖိခွါစီၤဖံၤနဃၣ်အတၢ်ပၢတၢ်ဆှၢအဖီလာ်, ပှၤတဂၤလၢအကွၢ်ထွဲတၢ်စီဆှံအပီးအလီတဖၣ်ဒီးကွဲၤတဖၣ်လၢ ကဟ့ၣ်ထီၣ်တၢ်ပနီၣ်တဖၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 29:24

အန့ၣ်ဒီး, ဟီၣ်ခိၣ်ဒီဘ့ၣ်ကသံကွၢ်ဝဲ, ယွၤမၤတၢ်ဒ်သိးအံၤဆူ အဝဲသ့ၣ်အထံအကီၢ်ဘၣ်မနုၤအဃိလဲၣ်. အဝဲအတၢ်သးဒိၣ်ကဲၤကပျီၤဝဲလၢတၢ်ဂ့ၢ်မနုၤအဃိလဲၣ်.

လံာ်သိၣ်လီၤသီလီၤတၢ် 31:26

“ဟံးန့ၢ်လံာ်အံၤလၢအဘၣ်ထွဲဒီးယူဒၤအတၢ်သိၣ်တၢ်သီ လၢကစၢ်ယွၤဟ့ၣ်လီၤဝဲဒီးပာ်လီၤအီၤလၢယွၤ, သုကစၢ်အတၢ်အၢၣ်လီၤအီလီၤအတလါစီဆှံအကပၤ, ဒ်သိးတၢ်န့ၣ်ကအိၣ်ဒံးဝဲဖဲန့ၣ်ဒ်တၢ်အုၣ်အသးတမံၤထီဒါအဝဲ အပှၤဂီၢ်မုၢ်အဂီၢ်အသိးန့ၣ်တက့ၢ်.

၂ တံၤမသ့း 3:5

အဝဲသ့ၣ်ကဟံးဃာ်ပတၢ်ဘူၣ်တၢ်ဘါအလုၢ်အလၢ်လၢ အဖျါလၢခိ, ဘၣ်ဆၣ်ဒီးတတူၢ်လိာ်ဝဲအတၢ်စိကမီၤနီၢ်နီၢ် န့ၣ်ဘၣ်. ဟးဆှဲးပှၤဒ်န့ၣ်အသိးတဖၣ်တက့ၢ်.

ဧ့ၤဘြံၤ 9:4

လၢဒဲအံၤအပူၤတၢ်လုၢ်လီၢ်လၢအဘၣ်တၢ်မၤအီၤအိၣ်ဝဲလၢထူ ဖဲပှၤဆူးကဲၤတၢ်နၢမူဒီးတၢ်အၢၣ်လီၤအီလီၤအတလါစီဆှံ လၢအကပၤဘၣ်တၢ်ဖှူအီၤလၢထူန့ၣ်လီၤ. လၢတလါစီဆှံအံၤအပူၤတၢ်တ့ၢ်နုာ်ဝဲသပၢၤထူပှဲၤဒီးကိၣ်မၤ နၤ, ဒီးစီၤအၤဟရိၣ်အနီၣ်ထိးဘိလၢအလၣ်ဒိးထီၣ်တဘိ, ဒီးတၢ်မၤလိာ်အလၢၢ်ဘ့ၣ်ဘၣ်ခံဘ့ၣ်န့ၣ်လီၤ.

လံာ်စီၤယိၤၡူ 4:7

သုကစံးဘၣ်အဝဲသ့ၣ်လၢထံကျိယၢ်ဒ့ၣ်အထံ လၢအယွၤလီၤန့ၣ်အိၣ်ပတုာ်ဝဲဖဲယွၤအတၢ်အၢၣ်လီၤအီလီၤအတလါ ခီဂာ်ထံကျိအကတီၢ်န့ၣ်လီၤ. လၢၢ်တဖၣ်အံၤထီဘိကဒုးသ့ၣ်နီၣ်ထီၣ်ပှၤအံၣ်စရ့လးဖိတဖၣ်လၢ တၢ်လၢအမၤတ့ၢ်အသးအံၤန့ၣ်လီၤ.”

လံာ်စီၤယိၤၡူ 6:6

စီၤယိၤၡူကိးဖှိၣ်ပှၤလုၢ်တၢ်အခိၣ်တဖၣ်ဒီးစံးဘၣ်အဝဲသ့ၣ်, “ဟံးထီၣ်တၢ်အၢၣ်လီၤအီလီၤအတလါဒီးပျဲပှၤလုၢ်တၢ်အ ခိၣ်နွံဂၤစိာ်ကွဲၤတဖၣ်ဒီးလဲၤတၢ်လၢတၢ်မဲာ်ညါန့ၣ်တက့ၢ်.”

လံာ်စီၤယိၤၡူ 7:7

ဒီးစီၤယိၤၡူစံးဝဲဒၣ်, “အၣ်လါ, ကစၢ်ယွၤဧၢ, ဘၣ်မနုၤအဃိလၢနဒုးခီဂာ်ပှၤထံကျိ ယၢ်ဒ့ၣ်န့ၣ်လဲၣ်. မ့ၢ်လၢနကဟ့ၣ်လီၤပှၤဆူပှၤအမိၢ်ဖိအစုပူၤ လၢကမၤဟးဂီၤပှၤအဂီၢ်န့ၣ်ဧါ. ဘၣ်မနုၤအဃိလၢပတအိၣ်ဒၣ်လၢထံကျိယၢ်ဒ့ၣ်အမုၢ်ထီၣ်တခီပၤန့ၣ် လဲၣ်.

လံာ်စီၤယိၤၡူ 7:8

ကစၢ်ဧၢ, အခဲအံၤမ့ၢ်လၢအံၣ်စရ့လးဂုၤက့ၤဆူအလီၢ်ခံလၢအဒူၣ် အဒါအမဲာ်ညါလံအဃိဒီး, ယစံးမနုၤကသ့လဲၣ်.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,

ယူဒၤ 1:5

သုသ့ၣ်ညါတၢ်အံၤခဲလၢာ်သနာ်က့, ယသးအိၣ်ဒုးသ့ၣ်နီၣ်ထီၣ် သုလၢတဘျီန့ၣ်, ကစၢ်ဒုးထူၣ်ဖျဲးထီၣ်ပှၤအံၣ်စရ့လးဖိလၢကီၢ် အဲၤကူပတူး, ဘၣ်ဆၣ်လၢခံက့ၤန့ၣ်မၤဟးဂီၤကွံာ်ပှၤလၢ အတနာ်တၢ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:24

ဖဲအဝဲထုးဖှၣ်အနုၢ်လၢအီၤဝံၤန့ၣ်, ပိာ်မုၣ်အံၤလဲၤစိာ်အီၤ ဆူဝ့ၢ်ၡံလိၤ, ဃုာ်ဒီးကျီၢ်ဖါအသးအိၣ်သၢနံၣ်တဒု, ကိၣ်ကမူၣ်သၢသလိးဒီးထၢၣ်တၢ်ဖံးပှဲၤဒီးစပံးထံတဖျၢၣ်န့ၣ်လီၤ. ပိာ်မုၣ်န့ၣ်လဲၤစိာ်စီၤၡမူၤအ့လးဖဲအမ့ၢ်ဒံးဖိသၣ်ဆံးအခါ န့ၣ်ဆူယွၤအဟံၣ်လၢဝ့ၢ်ၡံလိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:18

စီၤစီလူးစံးဘၣ်ပှၤလုၢ်တၢ်အခိၣ်စီၤအဃံယၤ, “ဟဲစိာ်အ့ဖိးဆူအံၤတက့ၢ်.” (လၢမုၢ်နံၤအဝဲန့ၣ်န့ၣ်, စီၤအဃံယၤစိာ်အ့ဖိးန့ၣ်လၢကီၢ်အံၣ်စရ့လးအပှၤဂီၢ်မုၢ်အမဲာ်ညါလီၤ.)

လံာ်စီၤၡမူၤအ့လးအခီၣ်ထံးတဘ့ၣ် 4:2

ပှၤဖလ့ၡသးဖိတဖၣ်ဒုးတၢ်ဒီးတၢ်ဒုးဆူၣ်ဝဲဝံၤအလီၢ်ခံအဝဲ သ့ၣ်မၤနၢၤကွံာ်ပှၤအံၣ်စရ့လးဖိတဖၣ်ဒီးမၤသံကွံာ်ပှၤလွံၢ် ကထိလၢတၢ်ဒုးပျီပူၤန့ၣ်လီၤ.