လံာ်စီၤၡမူၤအ့လးအခီၣ်ထံးတဘ့ၣ် 4:20 - Sgaw Karen Common Bible

²⁰ ဘူးလၢအကသံန့ၣ်ပိာ်မုၣ်လၢအမၤစၢၤအီၤန့ၣ်စံးဘၣ်အီၤ, “အိၣ်ဒီးတၢ်သးဒူတက့ၢ်. နမၤန့ၢ်ဖိခွါတဂၤလီၤ.” ဘၣ်ဆၣ်ဒီးတကနာ်ဃုာ်ဝဲဘၣ်ဒီးတစံးဆၢအီၤတၢ်နီတမံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 4:20 Iomraidhean Croise

လံာ်တၢ်ကဲထီၣ်အခီၣ်ထံး 35:16

စီၤယၤကိာ်ဒီးအပှၤဟံၣ်ဖိဃီဖိတဖၣ်ဟးထီၣ်ကွံာ်လၢဝ့ၢ်ဘ့ၤ သ့လး, ဒီးဖဲအဝဲသ့ၣ်အိၣ်တယံၤကဲာ်ဆိးဒီးဝ့ၢ်ဖရၤသးဘၣ်အခါန့ၣ်, အဆၢကတီၢ်ဘၣ်ဝဲဒၣ်လၢနီၢ်ရၤဃ့လးကဆံးစၢ်အဖိ, ဒီးအဟုးကီဝဲလီၤ.

စံးထီၣ်ပတြၢၤ 77:2

လၢယတၢ်ကိၢ်တၢ်ဂီၤအမုၢ်နံၤန့ၣ်, ယဃုယွၤ, ယစုယူာ်ထီၣ်အသးလၢမုၢ်နၤ လၢတၢ်တလီၤဘှံးလီၤတီၤဘၣ်အပူၤ, ဘၣ်ဆၣ်တၢ်မၤမုာ်ထီၣ်က့ၤယၤတသ့ဘၣ်.

လံာ်ယိၤဟၣ် 16:21

ဖဲပိာ်မုၣ်တဂၤကဆံးစၢ်အဖိန့ၣ်, အဝဲသူၣ်အုးသးအုးဝဲမ့ၢ်လၢ အနၣ်ရံၣ်လၢကဘၣ်တူၢ်တၢ်ဆူးတၢ်ဆါတုၤဃီၤဝဲလံအဃိ လီၤ. ဘၣ်ဆၣ်ဒီးတုၤဖိသၣ်အိၣ်ဖျဲၣ်ထီၣ်ဝဲဒီး, အဝဲသးပ့ၤနီၣ်ကွံာ်အတၢ်ဆူးတၢ်ဆါခဲလၢာ်မ့ၢ်လၢအဝဲသးခုဝဲလၢ ဖိသၣ်တဂၤအိၣ်ဖျဲၣ်ထီၣ်လံဝဲလၢဟီၣ်ခိၣ်ချၢအံၤအဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:19

စီၤဧ့လံၤအဒဲၣ်မုၣ်, စီၤဖံနဃၣ်အမါအိၣ်ဒီးအဟုးအသးဒီးဘူး ထီၣ်လၢကဆံးစၢ်ထီၣ်အဖိလံ. ဖဲအနၢ်ဟူဝဲလၢကစၢ်ယွၤအတၢ်အၢၣ်လီၤအီလီၤအတလါစီဆှံ ဘၣ်တၢ်မၤန့ၢ်အီၤဒီးအမံၤပှၢ်ဒီးအဝၤသံဝဲဒၣ်အဂ့ၢ်န့ၣ်အဝဲ အဟုးဆါထီၣ်သတူၢ်ကလာ်ဒီးဆံးစၢ်ထီၣ်အဖိလီၤ.